اهل ريلي

[الميزعه]

السلام عليكم ورحمة الله 
شخباركن خواتي 

انا موضوعي ويا عمتي وحمياتي وعمي، ماعرف شو اللي بينهم من يوم هم صغار ولا ابا اعرف القصه كلها وماضيهم بس اللي أعرفه أنه ماكان يصرف عليهم وكل شيء عنده حق الغرب، المهم أن عمتي صح واااااااايد طيبه الله يخليها بس الله يهديها زرعت ف عيالها أن مايحبون ابوهم، حتى يزقرونه باسم، ومرات يغمضني يوم يصرخون عليه مهما سوا يتم ابوهم، ومرات يكون يبا عشا ومايطلبون له أقوله عمي شو اسوي لك عشا أو شو اطلب لك يقولون لي لأا تسوين جي أمنا بتزعل ويتم قلبي يعورني عليه. وصح أن عمي عليه أطباع مو زينه بس يتم ابوهم.  

شو الحل وياهم. مرات اخترع قصص من عندي عن الوالدين عشان يمكن يحسون بس مافي فايده 

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أغلى من ذاتي]

الله يهدييهم حرام والله هذا الاب عمود البيت لو شو ماسوا

مابيحسون بقيمته الا بعد مايفقدونها

والله قطعتي قلبي ..انتي انصحيهم وحاولي وكثري من الدعاء الله يحنن قلوبهم عليه مهما كان ولو شو صار هذا ابوهم وين بر الوالدين

[الميزعه]

مشكوره ع الرد اختي( أغلى من ذاتي) بس هم مايحبون النصيحة كل حد يشوف نفسه هو الصح، وما امدح نفسي وايد لدرجة أن عمي اللي يأخذه حق نفسه يأخذ حقي حتى لو غرشة ماي لا ويغارون بعد ويسالونه ليش تأخذ لها هي بس يقولهم هاي بنتي وتعاملني مثل أبوها، وأنا ربي يشهد عليه اني من دخلت بيتهم اشوفهم هذا ابويه وهذي اميه،بس دوم ادعيلهم بالهداية وللأامانه هم ناس وايد طيبين ومحترمين وفي حالهم بس هالعيب الوحيد فيهم 

[mao]

حرام عورني قلبي عليه الله يحنن قلبهم عليه يارب .. ع الاقل خاولي بريلج ..

[عاشقة السعادة]

الله يهديه ويهديهم اعتقد صار شي خطييير !!! الله اعلم

[ظبيانيه ستايل]

مهما صار هذا ابوهم لاتيأسين من نصحهم ومحاولة تقريب زوجك لابوه وربي بيجازيج اضعاف ذالك وفي عيالج فالمستقبل كثر الله من امثالج

[غلآ نفسي]

دمعت عيني

الغلط من الام مخربه صوره الابو تماما .. صحيح هو كان غلطان بس غلط جي يعاملونه

وحليله حبي راسه عني

انتي حاولي مع ريلج ان يحترم ابوه ويقدره ويعطيه مقامه ك ابو

والباقي الله يهديهم

بالتوفيق

[hato2]

سلام عليكم


ااااخ وأيد قويه. حرااام عليهم هذا أبوهم و الام تتحمل مسوليه عيالها وربي بيحاسبها حرام تسوي كذيه تعلمهم يعقون بابوهم. اهم شيء تكلمين عمتج او بنات لأنهم اكثر تأثير من الأولاد ع الام و الأب مهما صار موقف بينها وبين زوجها لازم مادخل العيال في مشاكلهم و قولي لها ان الله يحاسب يعالج عن تقصير هم مع أبوهم

و في كل صلاه ادعي لهم و ربي يهديهم

[الدرةالمصونة]

جزاج الله خير على موقفج

والله الاب ما يتعوض مهما كان

من يفقدوه يعرفون قيمته ويتندمون

الله يهديهم

[نوودي ~]

السلام عليّكم ،

صيحتيني
حرام هذا ابُوهم لو شو ماسوا يتم ابوهم عقوق]الوالدين من الكبائر حرام عليهم الدنيا دوااره غمضنيي يؤم قلتي يصارخون عليه ومايسوله عشا والله مب لهدرجه وصلت القساوه فقلوبهم لو كان شخص غريب بيني وبينه اشد عداوه والله العظيم مابيهون عليه اسويله جذه فما بالج بالاب
وانتي بارك الله فيج ماتدرين يمكن المياه ترد لمجاريها والسبب انتي

اسأل الله ان يليّن ويحنن قلوبهم عليّه
آمين يا رب

[الميزعه]

مشكورين ع ردودكم خواتي. ريلي دوم أقوله حرام هذا ابوكم ولاتقوله شيء عندي بنت وبيرزقنا الله بعيال مابيهم يعاملونك مثل ماتعامله.

أنا وايد أنصح وأقول وقصص واتعمد احط صور عن الوالدين ف قروب بيتهم بس لأاحياه ل من تنادي اذا بصور بنتي وياه وببحط الصوره فالقروب يسوون لي محاضره عشان صورته. والله مرات أصيح عليه ومايخليني أحب رأسه يقولي عن يشوفونج ويزعلون

[الــــدبـــــه]

الله يهديهم الغاليه
مب زييين جي

[أم مغاوي]

الله يهديهم هالاباء بعض الرجال عليهم تصرفات تخليهم يندمون في المستقبل يوم يشيبون

الدنيا دواره ياناس

حتى انا مرت عليه عائله تشبه اللي ذكرتيها بعض الشي

يعني يوم العيال محتاجين في صغرهم ماسأل عنهم ولا ياب لهم واييييييد قصر بحقهم وحق حرمته

بس تعالي شوفيه مع الغرب بيقدم لهم عيونه في صحن جان يبون

الحين العيال كبرو واشتغلو وساندو امهم وخلوا الاب بصوب بروحه

يمكن مايعاملونه مثل اهل ريلج بقسوه بس بعد مايسون له سالفه ذاك الزود شور الام وكلامها هو المسموع سمعا وطاعه لها

يزاج الله خير انتي حاولي خصوصا مع ريلج ترومين تأثرين عليه واتكري الباقي على الله

[الميزعه]

الله يهديهم كلهم يارب ويردهم حق بعض

[munamoor]

عزيزتي عليج المحاولة مع زوجج اولا ،،، غلط إن الاب يهد العيال في عز حاجتهم له ،،،
و يوم يكبر يتذكر إن عنده عيال ،،، بس بعد العيال لو شو ما سوى الأب المفروض انهم يسامحونه
حليله ،،، و الله ثم و الله أتمنى ان ابوي يرجع لي مرة ثانية ،،، ما راح يحسون غير
لما يفقدونه بعيد الشر ،،، صدقيني ،،، بس لو فات الفوت ما ينفع الصوت ،،
، باجر الصياح عليه ما راح ينفعهم ،،، إنتي عليج بزوجج ليني راسه و حاولي معاه