بنات الي فيها القولون العصبي تدخل

[عايشة18]

يابنات ردوا علينا وين عيادة دكتور مرتضى
ريلي عنده القولون ومتعبنه حيييييييييييييييييييل ربي يشفيه ويشفي جميع المسلمين

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم عايشة]

خوفتوني شو ها القولون أنا رديت من ماليزيا بتاريخ 24/8 وقبلها بتاريخ 22 و 23 كان بطني يعورني ويوم وصلت البيت تم بطني يعورني وايد فسرت عند دكتورة نساء قالتلي مغص يمكن من تعب السفر وعطتني دوا بس ما فادني تم بطني يعورني فسرت مستشفى الزهراء اللي بالشارجة عشان فيه دكتوره باطنية قالت يمكن عضلات القفص الصدري وعطتني مضاد ومن كلت المضاد عورني خصري اليمين نفس آلام الولاده ما أقدر أكح ولا أضحك ولا أعطس يعورني وايد بس من آكل بندول يخف الويع شوي تم خصري اليمين يعورني كم يوم عقب انتقل الألم لخصري اليسار نفس الحالة تميت آكل بندول ورديت للدكتوره مره ثانية وسوولي أشعه وسونار وماطلع شيئ وحتى تحليل الدم كل شيئ أوكيه الحمدالله بس لين الحين ما اعرف شو سالفة الألم يمكن من يلسة الطيارة الله أعلم المهم من أسبوع وشوية اختفى الألم الحمدالله الحمدالله الحمدالله والله صدق عذاب الحين إنتوا خوفتوني قلت من قريت عن القولون شكيت إني بعد كان عندي القولون لأنه نفس الأعراض......طمنوني

[دانة الصحراء]

عيادة الدكتور مرتضى براس الخيمه بالنخيا مع فندق النخيل اتمنى اكون افدتكم والله يشقيكم ويشفيني

[soul]

اخوي عنده قلون ومن ياكل اشي حار او شي في زيوت يتعب
وهو يدرس طب ماشاء الله و سال دكتورته في الجامعه وقالت له اكل اللبان المحروق اللي يحطونه ساعات في البخور
يقولي واايد يرتاح ياكله بعد الاكل وقالت له اتبع حمية غذائيه خضروات فواكه مشاوي دون زيوت وفلفل
والحمدالله ..

الله يشفيه ويشفي كل مسلم ويعافي كل مبتلي يارب

[mooni]

انا اتعالج عن القولون ومنعت عني الطبيبه كل الاكل من وجبات دسمه للجبن ومشتقاته^_^
بس اكل الخضروات والفواكه والحمدلله على كل حاااال^_^

[شمووع الحب]

السلام عليكم بنات انا بقولكم عن طريقه لعلاج القولون واللى اباه دعوه صادقه في ظهر الغيب انا جربت هالشي مع خالوه وقالت انها رتاحت وايد الطريقه وايد سهله ...

1-كمثري +مجروس حبه البركه ملعقه +ملعقه عرق سوس +وملعقه عسل وشوي ماء تحطين الكمثري بقشرها وحبوبها مع الباقي من المقادير وفي الخلاط واشربيه لمده يومين ولا 3 ايام كوب كل يوم ووقفي وشوفي اذا مارتحتي من القولون باذن الله .

[ام مهيره]

السلام عليكم بنات انا بقولكم عن طريقه لعلاج القولون واللى اباه دعوه صادقه في ظهر الغيب انا جربت هالشي مع خالوه وقالت انها رتاحت وايد الطريقه وايد سهله ...

1-كمثري +مجروس حبه البركه ملعقه +ملعقه عرق سوس +وملعقه عسل وشوي ماء تحطين الكمثري بقشرها وحبوبها مع الباقي من المقادير وفي الخلاط واشربيه لمده يومين ولا 3 ايام كوب كل يوم ووقفي وشوفي اذا مارتحتي من القولون باذن الله .

يارب تفيد نا ان عندي القولون من انا فالاعداديه كنت أموت يوم يتهيج يذبحني ووالله صابني مثل الذبول وتميت أتعالج فمستشفى التوام لين ألحين وأتبع أكل معين والحمدلله وكل يوم أحاول يكون النعناع شي أساسي فأكلي والله يشفينا وجميع المسلمين

[ღالثرياღ]

الله يشفينا ان شاء الله بصراااااحه متعبني

[جوجيتّ]

انا ابتعدت عن الاكل الحار و الغازات
والحمد لله حالتي اوكي الحين
بس من ارد اكل اكل حار ايني العوار

[مفتاح السعادة]

السلام عليكم ورحمة الله وبركاته ....

أنا صار لي ثلاث سنوات أعاني بسبب القولون هي المسألة مو بس عوار في البطن لكن له أعراض كثيرة منها الصداع والغثيان والغازات وضيق النفس وتسارع دقات القلب واحساس مستمر بالثقل خاصة بعد الأكل وتخيلوا صار لي مع هالحالة ثلاث سنوات أنام وأصحى مع هالأعراض كلها في أيام تشتد وأيام تخف والحمدلله على كل حال ..... بس لما أشرب الأعشاب والنعناع وآكل كمثرى فعلا الأعراض تخف بس للأسف ما تختفي واللي فهمته من خلال القراءة إن القولون ما له علاج .

[جوليت]

عيادة امواج طبية دكتور محمد عراقي الجنسية يسوي تنظيف سعرة 1200

[mooni]

السلام عليكم ورحمة الله وبركاته ....

أنا صار لي ثلاث سنوات أعاني بسبب القولون هي المسألة مو بس عوار في البطن لكن له أعراض كثيرة منها الصداع والغثيان والغازات وضيق النفس وتسارع دقات القلب واحساس مستمر بالثقل خاصة بعد الأكل وتخيلوا صار لي مع هالحالة ثلاث سنوات أنام وأصحى مع هالأعراض كلها في أيام تشتد وأيام تخف والحمدلله على كل حال ..... بس لما أشرب الأعشاب والنعناع وآكل كمثرى فعلا الأعراض تخف بس للأسف ما تختفي واللي فهمته من خلال القراءة إن القولون ما له علاج .

نفس حالتي بالضبط والحمدلله على كل حال
بس حبيت اعرف القولون يسبب انتفاخ في البطن ولا لا؟؟

[Dreamer]

اذا في بوظبي دكتور حكمت مطر



وعليج بالعسل والماي الدافي عالريق وقبل ما تنامين شرط انج تداومين عليه

اختي وين هالدكتور ؟؟ بالضبط؟ انا من بوظبي...


اريد دكتور زين للقولون في بوظبي .. والله قاعدة اكتب الحين و هو يعورني عذبني هالألم والله ..من سنة فيني ولا خليت مكان ماسرتله ... خير

[عجيد اليوازي]

الله يعينها

[al-talee]

انا انصحج بعيادة الدكتور محمد قياسه عند شارع الضيافه

امايه وختيه تعالجوا عنده ولكهن فيهن القولون والحمدلله بفضل الله احين احسن بوااايد من قبل وماشالله عليه شاطر
ويتابع حالتج مره بمره وع اتصال بج في حال احتيتي شي
ويقولج كم مدة علاجج اي كم كورس تحتايين عشان يخف عنج ومواعيده منتظمه

وربي يعافيج