معاناتي

**مالتيزرس** · 2014-10-28, 18:16

خواتي منو عندها آلام رقبة وألم وحرقان فالايد ...
لاني سويت تحاليل وكلها سليمة الحمدلله لكن تحليل فيتامين دال حصلوه 16...والحين سويت رنين مغناطيسي واشعة والحمدلله سليمة ..الحين أخذ حبوب50000 وابر ثلاث لندة ثلاث شهور
لكن معاناة أحس ايدي وجتفي وذراعب ثجيل ما اقدر اشيل شي منه وحارج ومن غير ظهري ورقبتي ..

منو مر بنفس الحالة طمنوني الله يرضى عليكم

المزيد من آخر المواضيع من نفس القسم:

**مالتيزرس** · 2014-10-28, 20:16

59 مشاهدة والرد 0
الله يبارك فيكم ع الاقل رفع

**الــــدبـــــه** · 2014-10-29, 02:22

فديتج كيف حرقان في ايدج؟؟؟

من ناحية االام الرقبه انا اعاني منها من سنييييييييييين
ونصحوني بالسباحه لأن تكون عضلات الرقبه مشدود بزياده وبالرياضه تساعدها عالتمدد بدون شد وألم
وتميت فتره عالسباحه والحمدلله حتى الم ظهري واااااايد خف بس من عرست وقفت ورجعت لي الالام كلها

الله يكون في عونج عزيزتي وربي يشفيج
والسموحه

ملاحظه : انا عندي فيتامين د 83 واخذ حبوب وخذت ابره قبل شهرين ونص وحبوب كالسيوم لكن االام ريولي ماطاعت تخوز
الله المستعان

**مالتيزرس** · 2014-10-29, 11:47

تسلمين ختية ع التفاعل لاهنتي ...
الحرقان من داخل الايد أحس فيه نفس الحرورة داخل ايدي ماعرف شو هذا ..
وكل ما أرقد ع الغنفة شوي أو أحطي راسي ع المخدة وأغفل شوي وأقوم أحس اعصابي رقبتية مشدودة ...
أحس عمري عيوز كلشي يعورني حتى ظهري من تحت ..
ما اقول غير الله يعافينا ويعافي كل عبد مسلم

**ماما سلطان** · 2014-10-29, 11:52

انا كانت عندي انزلاق غضروفي بسيط في الرقبه بسبب طيحه ... والغضروف كان ضاغط ع العصب .... ولما سوولي الاشعه تبين إن عضلان رقبتي اللي شاله راسي ضعيفة بسبب قلة التمارين.... سويت علاج طبيعي والحمدلله الانزلاق أعتقد خاز عني ... بس انا ها الشي كان مسببلي صداع .... وفي دوا عطوني اياه لتقويه العضلات بس أخذ من 6 حباب أعتقد لأنه خطر أعتقد يرفع الضغط....

احس لازم تراجعين دكتور أعصاب يكون أفضل...

انا كانت عندي اعصبه بعد في جتفي اليمين ومأثره على إيدي اليمين وتعورني إيدي يوم أحركها... وعقب بالصدفة كنت سايره صالون أسوي مساج والفلبينيه ذكيه قلتلها جتفي يعورني فعرفت مكان الاعصبه وفجتها الحمدلله بالمساج....

**مالتيزرس** · 2014-10-29, 14:23

تسلمين ماما سلطان ع التفاعل ...
أنا ماخليت دكتور اعصاب ولا خليت دكتور عظام وسويت تحاليل ورنين للظهر والرقبة واشعة سينية وكل شي سليم هذا اللي محيرني ...
ماعرف وين أسير..
ويوم سرت الصالون الفلبينية يت بتسوي لي مساج وأحس جلعت لي اعصاب الرقبة كلها حتى مارمت اتصدد يمين ويسار ..فنصيحتيي لاتسوون مساج عند حي الله ناس مايعرفون ..
ومن غير الصداع يوم رقبتي تعورني اييني..
وانا احيانا يوم ابذل مجهود احس فعصبة اتيني ورا المشطة فالظهر ..
الله كرييم

**بسكوت محروق** · 2014-11-04, 13:25

اختي الأغلب فيج التهاب في الأعصاب. علاج بالمضاد الحيوي

**الدرةالمصونة** · 2014-11-04, 18:03

انا بعد عندي صداع مزمن ومليت منه كل فترة تييني الحالة واموت من الم الرقبة من جهة اليسار

رحت سويت رنين وطلع عندي ديسك بالعصب السابع

وعندي نقص حاد بفيتامين دال

وسرت عند طبيب عراقي وقال حالتي الا عملية ونسبة نجاحها قليل جدا

والانسب هو جهاز ينحط على الرقبة

واشتريته منه شوي غالي 2000 درهم تقريبا

بس مشكلتي ما اواظب خصوصا من حملت احس الصداع خف عني

بس صديقتي خبرتني ان امها استخدمت هالجهاز وما شا الله الغضروف بنى من جديد

**مالتيزرس** · 2014-11-08, 13:34

ربي يعافيج حبيبتي الدرة

الموضوع: معاناتي

أدوات الموضوع

عرض

معاناتي

المزيد من آخر المواضيع من نفس القسم:

رد: معاناتي

رد: معاناتي

رد: معاناتي

رد: معاناتي

رد: معاناتي

رد: معاناتي

رد: معاناتي

رد: معاناتي

المواضيع المتشابهه

معاناتي مع هلي

قصه معاناتي ....

معاناتي

معاناتي

معاناتي