الطلق الصناعي ضروري جدا

**شووواقي** · 2014-10-25, 23:18

السلام وعليكم ورحمه الله وبركاته
خواتي انا اليوم سرت المستشفى طبعا موعد عادي لأن مافيني اعراض ولاده ولا الم وخلاص ورى بأجر تاريخ 27 بكمل 40 أسبوع الدكتورة قالتلي تعالي تاريخ 27 الي هو آخر يوم من التاسع بنسويلج طلق صناعي وبيني وبينكم انا خايفه وسئلتها ادا النفس مسكره قالت نعطيج تحاميل مدري ليش أحس عمري هب مرتاحه وخايفه وفيني قلق بليز الي جربت وحالتها نفس حالتي تفيدني وانا ماروم اتريا عشان عادي الاسبوع إلا 40 لأن عندي سكر الحمل والبيبي زايد وزنه شوي واليوم أحس حركته بطيئة هب نفس كل يوم بليز بنات طمنوني والي حالتها نفسي تفيدني

المزيد من آخر المواضيع من نفس القسم:

**البدوااوية** · 2014-10-25, 23:22

اختي استخيري وتوكلي ع الله
المشيمه لها عمر و بعد التاسع صعب توصل الغذاء للجنين
تبدا تنهري خلاص
والله يسهل علليج ان شاء الله

**صرصوره** · 2014-10-25, 23:33

ما عندي فكره ...الله يسهل عليج وتربين بدون طلق

**(ورد)** · 2014-10-26, 00:08

غريبة عندج سكر وانتي في الاسبوع الاربعين؟؟؟؟!!!!
يبوي تلاحقي بعمرج ،، اللي فيها سكر لازم تولد في الاسبوع ٣٨ بالطلق الصناعي طبعا
سيري توكلي،، ترى السكر مب زين للياهل،، ينفخه، ويلخبط ظربات القلب

**الوردة الجورية** · 2014-10-26, 06:00

و عليكم السلام و رحمة الله و بركاته

أولاً طبيعي حركة البيبي تكون اقل لأن المكان صار ضيق عليه

ثانياً روحي عيادة ثانية يحددون لج وزن البيبي بالسونار طبعاً مب أكيد لكن تقريبي

اذا وزن في العيادتين قالوا لج البيبي اكثر من اربعة كيلو لا تغامرين ولادة طبيعية طلبي قيصري

اذا اقل من اربعة امشي على الرمل او على العشب عشان يتحفز الطلق طبيعي وكثري شرب الماء وشاي اليانسون

الله ييسر ويسهل عليج الولادة ويقر عينج بضناج

**أم حور26** · 2014-10-26, 07:39

الله يسهل عليج حبيبتي

**عيون الغلا 26** · 2014-10-26, 07:52

الله يسهل عليج الغاليه توكلي ع الله وامشي ع كلام الدكتوره هي ادرى بحالتج

**شما الهاجري** · 2014-10-26, 08:15

الله يسهل عليج يارب العالمين

**Cobon** · 2014-10-26, 10:42

انا خذت الطلق و بالعكس اوكي
يعني بتعطيج طلق مرة كل 6 ساعات

انا خذت الطلق الساعه 12 الظهر و عقب ما حسيت بأي شي و خذت لي لفة في المستشفى لفة خفيفة مب اتعبين عمرج
و عقب ربيت الساعه 6 المساء
ياني االطلق الساعه 5:45 المساء يعني ربع ساعة حسيت فيهم بتعب طبعا و مع المسكنات بترتاحين

**ماما سلطان** · 2014-10-26, 11:12

عادي ترا الطلق الصناعي ما يخوف وأنا جربت التحاميل وجربت في الوريد ... يعني لازم بتتويعين ويمكن بيكون الالم قوي وسريع بس الحمدلله الامور عدت على خير.... مدام فيج السكري لا تمين خايفة وتوسوسين اتوكلي على الله واسمعي كلام الطبيبه.... وإذا إنتي من بوظبي سيري صالون اللوتس في الخالديه خلف المحلات الكبري نفس بناية كوستا يسوون مساج القدم حق اللي جريب تربي وها المساج وايد زين اييب الطلق ويفتح النفس ... روحي قبل موعد ولادتج بيوم أو يومين ويمكن ان شاءالله ما بتحتاجين للطلق الصناعي...

ربي يسهل عليج وتولدين بالسلامه يارب...

**Like Star** · 2014-10-26, 12:04

اختي انصحج ما تهملين نفسج
امسات اسمع وحده ماطاعت تاخذ الطلق و لا العملية
عقب البيبي سوى كاكا وتوفى ف بطنها لانها كملت التاسع
الدكاتره ادرى بمصلحتج ولاتخافين وتتوكلي واهم شي صحتج والبيبي

**شووواقي** · 2014-10-26, 12:32

خلاص بتوكل على الله وبروح باجر ادعولي دخيلكن

**عيون الغلا 26** · 2014-10-26, 12:48

الله يسهل عليج يارب وطمنينا عليج

**أم حمامه** · 2014-10-26, 12:58

الله بسهل عليج
التحاميل خذتها في 35 اسبوع والحمد الله ربيت وفتح عندي الرحم بسرعه الحمد الله بس اختي استغفري وايد

**ظبي العدامه** · 2014-10-26, 15:42

سوي تحريض الله يسهل عليج وامشي

الموضوع: الطلق الصناعي ضروري جدا

أدوات الموضوع

عرض

العرض المتطور

الطلق الصناعي ضروري جدا

المزيد من آخر المواضيع من نفس القسم:

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

رد: الطلق الصناعي ضروري جدا

المواضيع المتشابهه

الطلق الصناعي؟

خواتي عندي استفسار ضروري عن الطلق الصناعي ؟؟؟ضروري ؟؟ربي يوفقكن

الطلق الصناعي

الطلق الصناعي

الطلق الصناعي..