المواطنين وموضه البرغر .. بليز ناس فاضيه ..

[احلى بعفويتي]

السلام عليكم

اهلين بنات

ماتلاحظون موضه البرغر الي كل يوم طالع لنا برغر و الكل هاب فيه و يطلبه جنهم مينن ...
وهالبرغر يكون شغل مواطنات يعني مشاريع وطنيه

مشاريعنا الوطنيه كلها اكل او عبي ودرسات ... بس مافي مشاريع وطنيه صدق فيها فايده للمجتمع مو بس اكل

هالايومين طالعه موضه اوردرات البرغر.. و طبعا الاسعار حدث و لا حرج
غير عن ان مذللللله لين ما تحصلين برغر خاصه لو حد من الشيوخ الله يحفظهم طلب من حد او جرب هالبرغر عاد خلاص راعيته ما ترومين تحصلين عندها اوردر لين شهر و بالاخير برغر ... !!!!!!

متى بنستوي ناس فاهمين و نعرف نصرف الفلس صح الله ناعم علينا لدرجه ان نحنا فاضين نطلب اوردزس كللللله اكل او ديزاين
متى البنات بيطلعون افكار راقيه تنفع المجتمع ...
ماقول مافيه بنات او شباب سو مشروع متميز بس كم من 1000 الي فاتحين مشاريع وطنيه ..
افكار مستهلكه وناس تفاضيه تجرب برغرات ...
الله يزيدهم من فضله بس لين متى مشاريع وطنيه سطحيه ..
مثلا ليش ما يسون مشروع خدمات منزليه متكامله يعني تخلصين اموووور وايد من بيتج بمندوب رسمي من جهه مختصه مقابل مبلغ جيد .. في مثله بس يكون مشروع وطني متاكمل و مرتب موب مكتب خدمات ..
مثلا مشروع مثل وحده اجنبيه الملابس المستعمله تروح تفجهم و ترد مره ثانيه تخيطهم فساتين ملونه حق بنات افريقيا .. تكسيهم .. منها اعاده تدوير ومنها تكافل ...


ليش البرغر ماشي واستوى ماركه و المشاريع القيمه مافي حد يفكر فيها غير نادر
اكيد في بس موب منتشره مثل العبي و البرغر ومني كيك بالنوتيلا ..


ع فكره ما طلبت ولا برغر لان برغري لا يعلى عليه خخخخخخخ

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

فعلا مشاريع غريبة وما منها فايدة وكل ما وحدة فكرت في مشروع سوت اكل لانه اسهل شي
واللي تسير تعنقش وتخيط لج ستين الف رقعه عالعباة وتقولج تصميم وخامة وتكلفة ومن حد يقلدها سوته مشروع
وفصلت لج بألف وألفين عساس اللي يالس يخيط يايبتنه من فرنسا مب الهند! ومن غير الفلسفة في خامة العباة من كثر الرقع
اللي حاطتنهن تحاول اتضيعج وجنج ما بتعرفين شي.

انا بعد خاطري نوقف عمل مشاريع سطحية وغريبة مثل هذي خاطري في شي ممكن نستفيد منه ويكون سعره معقول لين متى بنخلي الناس يقصون علينا
ونقول تشجيع المواطنين؟!
نبا شي مميز عشان يوم نشجعه يكون ضميرنا مرتاح مب نشجع برغر وعباة !

[حـ uae ـلا]

هالمشاريع الوطنية السطحية عقولتج باب رزق لغيرج ^^

كل واحد يسوله شغله هو ناجح فيها و الدولة مفتخرة فيهم ^^

و كل واحد يسوي مشروع ع قد راس ماله و الا تبي الناس تغرق عمرها بالديون عشان تسوي مشروع يسكت الناس !!!

كل واحد حر بنفسه و بالمشاريع اللي بسويها و بعدين الحريم اللي يسوو اكل فالبيت و يبيعوه وايد نافعينا الصراحه

الحرمه يوم تكون عندها عزيمة و الا مناسبه ما تقدر تسوي الاكل بروحها و بتحتاي انها تطلب من عند تاجرة ^^

و خاصه انهم بنات البلاد و انا ادعم المشاريع الوطنية ^^

و اذا يت ع سالفة ان الواحد لازم يسوي مشروع يدعم المجتمع و يساعد الدول الفقيرة ترى شيوخنا يزاهم الله خير ما مقصرين ^^

خيرهم عم العالم كله و لا تنسي الهلال الاحمر و دوره فمساعدة اللاجئين السوريين

يت ع المواطنين اللي يبيعوا برغر مثلا خخخخخخخ

ها كله رزق من الله سواء الواحد سواله مشروع يبيع برغر و الا مشروع اكبر من البرغر ^^

و الله يزيدهم من فضله و يبارك لهم فتجارتهم

[Fa.R]

أحلى عفويتي وياج في كل كلمة قلتيها والله

بعض تاجرات الحينة مباااالغات فالأسعار غييييير الاسلوووووب والنننننصببب
، أكبر دليل تاجرة كانت عندنا فالمنتدى سارقة فلوس البنات !! *بدون ذكر أسامي*


غير شيء وحدة كنت أبا أعلن عندها عدد المتابعين 99K وفجأة عقت عليه كلام
واسلووبها خاااايس و سووتلي بلوك واسلوبي كان ماشيء ارقى عنه و لا أول ما كلمتها
أني أبا اشترك عندها ردت عليه وأنا أنشغلت ف تأخرت فالرد عليها جان تقولي انتي شو مشكلتج تتشردين
أنتي مش بنت أنت ريااال والله انصعقققت ، كرهههت شيء اسمه مشاريع وطنية لأن الأسلوب عندي أولى
عن هالبرغر الي تسويه وغير ها الناس تسألها ما ترد لأن عدد متابعينها وااايد وخقي يعني !!


عفانا الله بس

[Fa.R]

وفوق هذا مصممات العبي الي رافعات السعر
مرة سألت وحدة ليش اسعاركم غالية معنى عبيكم بسيطة
ردت عليه والله اسعارنا مدروسة !!!!

انجلطت من ردها

،

واللي يضحكني البنات الي يلبسن عبي المصممات وأهم شيء اللوقو ورا عالظهر عسب الناس تشوف
أني لابسة من مصممة اسعارها نار

،

[شعاع امل]

هههههههه اول ماقريت برغر اتذكرت ماكدونالدز .......اقول صح والله البرغر مضر بالصحه وسبب سمنة الامريكان!! انصدمت يوم قريت مشاريعه برغر امارتيه

بس انا اعرف ان في محل للبرغر اسمه هرفي سعودي ومنتشر وفي ناس تحب تشتري منه عشان مب امريكي وعربي

فالبرغر العربي فإنتشار مستمر .............

هي تجاره اختي التاجر يسوي اي شي عشان يكسب .........في محل عندنا في كارفور صاحبتها اماراتيه شرت العلامه التجاريه والحين له كم سنه في الكارفور او الجيمي مول وشكله رابح

هو كوفي شوب اسمه اتصور باباروتي او شي من هذا القبيل بس صاحبته اماراتيه

يمكن حبت فكرت المحل في بلاد برع وشرت حقوقه هني

يعني التجاره شطاره!

[شعاع امل]

وفوق هذا مصممات العبي الي رافعات السعر
مرة سألت وحدة ليش اسعاركم غالية معنى عبيكم بسيطة
ردت عليه والله اسعارنا مدروسة !!!!

انجلطت من ردها

،

واللي يضحكني البنات الي يلبسن عبي المصممات وأهم شيء اللوقو ورا عالظهر عسب الناس تشوف
أني لابسة من مصممة اسعارها نار

،

بخصوص العبي صح كلامها الاسعار صايره مب طبيعيه حتى للساده في حال مافيه تطريز وحده!!!!!!! لش؟ شو الاسباب مب العباه مسوايه للستر والحشمه ليش السعر جي!!!!

وموضوع الاسعار مدروسه هاي تاجره تحتاج مدرسه ههههههههههههههه ماحد يقول جي

الواحد يتكلم بصوره عفويه واكثر دراسه!!!!!!!!مدروسه قال.........كان مفروض تقولين لها اعطيني اعيد دراستها

[صرصوره]

صح كلامكم الاسعار نار بس الصراحه الناس حره وين تبا تاخذ اغراضها تبا البرغر من عندها او من الهندي كل شي باختيار مب بالاجبار وبعدين سالفة العبي النار اذا انتي ما تبين من المصصممات عندج محلات الهنود اسعار العبي بدزاين ٢٨٠ درهم فكل انسان مخير ....

[احلى بعفويتي]

حلا يو اي ائي انا ما اتكلم عن الي تسوي عزيمه ومن وين تطلب ترا الدنيا مترووووووسه مطاعم من زمان ..
مشاريع يعني شي مفيد و له منفعه ع المجتمع مو بس ربح للتاجر ..
هالي اقصده ان مشاريع الوطنيه مالتنا تفشل كللللله اكل وعبي في شي مفيد .. في شي مميز ... في شي له مردود ع المجتمع .. ها دليل ان حياتنا فاضيه بس نفكر شو نلبس و شو ناكل ...
انا مع ان الواحد يكون له باب رزق جمييييل .. والله يعطيهم من فضله .. بس كللله طايحين فالاكل .. طيب في اشيا ثانيه ....
وعن موضوع الملابس المعاد تدويرها عطيت مثال ع افكار ماقلت نسويها .. لان ادري الدوله موب مقصره بس انتي قارني بفن التميز ناس تسوي من قطع مستهلكه لبس يديد و فيه ابداع و ناس بس تفكر بهم الاكل و ورق العنب ...
و لا راعيات الكيك الي بالانستقرام .. ترا كل البوكس ما يكلفها 30 درهم .. تبيعه بمبلغ وقدره انزين انتي عندج مشروع .. راعي بالسعر بعد..
بس بعد فكر الناس هاليومين ان كل ما زاد السعر كل ما كنت اكشخ و اخق .. موب الجوده ..


و طبعا ها نوع من التساؤلات نطرحها ونجوف رد المستهلكين و كلنا مستهلكين ..

[شعاع امل]

صح كلامكم الاسعار نار بس الصراحه الناس حره وين تبا تاخذ اغراضها تبا البرغر من عندها او من الهندي كل شي باختيار مب بالاجبار وبعدين سالفة العبي النار اذا انتي ما تبين من المصصممات عندج محلات الهنود اسعار العبي بدزاين ٢٨٠ درهم فكل انسان مخير ....

وين ياختي .........زمانك تحول

صح محلات الهنود زينه فيها اقمشه ومرات ديزاينات حلوه بس الحين صار الديزان الواحد 500 درهم لوووووووول

[Ward-uae]

هذا رزقها يمكن الافكار عاديه لكن فكرت بشي تترزق منه
بالنسبة لي من تخرجت وبديت مشروع مكتب استشارات هندسيه وعمري كان 22 وكنت محدده فئة حريم وعوايل والحمدالله
من عرست سكرت الاستشارات ما قدرت بين البيت والمكتب وفتحت مكتب عقارات اشتري بيوت ومحلات واجرها
فيعتمد على الحرمه ناس تبدي في تجارة الطبخ لكن محد يشتري منها وناس ما كانت متوقعه عندها اقبال والله رزقها
سالفة العبي شريت مرة من مصممه في معرض العروس لعرس لكن القطعه تقطعت اما الانستقرام ما شريت من المصصمات غير من كم محل اشوف واتصفح لو يكتبوا السعر والمكان بسير له لكن ضيفيني وبخبرج ما احب كم بضيف وكم بتعامل
اتعامل مع حناين من سنين حتى الرقم محفوظ عنده والقطعه لما تتقطع عليها ضمان اردها يعوضني يا بعباه ثانيه او يعدلها
اشوف المنتدى اريح اسعار ثابته واي شي بالرسايل الخاصه اذا خلاص عزمت اشتري منها بطرش رقم الاهل يتواصل مع المندوب

[شعاع امل]

هذا رزقها يمكن الافكار عاديه لكن فكرت بشي تترزق منه
بالنسبة لي من تخرجت وبديت مشروع مكتب استشارات هندسيه وعمري كان 22 وكنت محدده فئة حريم وعوايل والحمدالله
من عرست سكرت الاستشارات ما قدرت بين البيت والمكتب وفتحت مكتب عقارات اشتري بيوت ومحلات واجرها
فيعتمد على الحرمه ناس تبدي في تجارة الطبخ لكن محد يشتري منها وناس ما كانت متوقعه عندها اقبال والله رزقها
سالفة العبي شريت مرة من مصممه في معرض العروس لعرس لكن القطعه تقطعت اما الانستقرام ما شريت من المصصمات غير من كم محل اشوف واتصفح لو يكتبوا السعر والمكان بسير له لكن ضيفيني وبخبرج ما احب كم بضيف وكم بتعامل
اتعامل مع حناين من سنين حتى الرقم محفوظ عنده والقطعه لما تتقطع عليها ضمان اردها يعوضني يا بعباه ثانيه او يعدلها
اشوف المنتدى اريح اسعار ثابته واي شي بالرسايل الخاصه اذا خلاص عزمت اشتري منها بطرش رقم الاهل يتواصل مع المندوب

هههه اختي كنت فاتحه مكتب استشارات هندسيه يااااااسلام انا اشتغلت في واحد....قصتي المشهوره في المنتدى......لو خبرتيني كنت اشتغلت عندك خخخخ امزح

صح والله ارزاق..............

[امراه]

لاحول ولاقوه الإبالله اسميكن طايحات علينا مره رافعين الأسعار ومره البياعه هههههههه ومره خادمات ومره عبي المهم عبايه تسترني وبس مابسير أعق الف درهم على عبايه عنقاش ولوقو اوونه برايهن عبي البنقاليه غاويات

[Ward-uae]

هههه اختي كنت فاتحه مكتب استشارات هندسيه يااااااسلام انا اشتغلت في واحد....قصتي المشهوره في المنتدى......لو خبرتيني كنت اشتغلت عندك خخخخ امزح

صح والله ارزاق..............

قريت قصتج واصابع ايدج مب سوى
انا وايدات حاولوا وياي اني ما اسكره وحتى عادي ييبون الشغل لبيتي لكن صعب
شعاع لو احتجت ليوم موظفة ما بنساج

[Fa.R]

صح كلامكم الاسعار نار بس الصراحه الناس حره وين تبا تاخذ اغراضها تبا البرغر من عندها او من الهندي كل شي باختيار مب بالاجبار وبعدين سالفة العبي النار اذا انتي ما تبين من المصصممات عندج محلات الهنود اسعار العبي بدزاين 280 درهم فكل انسان مخير ....

بعض مصممات الي عندنا والله هدفن الأول هو الربح !
وغير الي تكون مصممة وشوي شوي تبدأ أطلع الشعر وعقب القصة وعقب نص الشعر
ترا لازم المصممة تكون Open Mind شوي . .
[ هذا مبدأ عند بعض المصممات الي أشوفهن فالإنستقرام ]

شيء مصممات ما يراعن الناس وتبين الصراحة أشفق على حالنا عباة سادة ناخذها بـ 1000
وهالشيء يشجع المصمم أنه يزيد في أسعاره ، مرة فصلت عند مصممة وسعر العباة 2000
ونددددمت ورررربي مع الأيام طلعت خيوط وغير لون العباة أستوى باهت وكنت دوم أشرف عالبشكارة
كيف تغسل العباة وتكويها بطريقة صحيحة بحيث ما تخرب شغل وقطعة العباة !!
بس مع ذلك خيوط طلعت و عقب كمن يوم أشوف المصممة منزلة صورتها اليديدة
وهي ضاربة فيلر ع خدودها وشفايفها !! قلللللت خسي أطلب مرة ثانية من هالمصممات ومستحيل
أدعم تجارتها الي أخرتها فيلر !!

الحمدلله من عقبها أنا بروحي قمت أفصل عبية واتعامل مع خياط شاطر
والله ما يمر يوم فالجامعة إلا ربيعاتي يسألني فطوم وين مسوية عباتج أقوللهن أنا
مفصلتنه والحمدلله عبية دوم عالموضة بحشمة

بس لو رحت عند مواطنة بتقعد ادفعني بالآلاف
طبعاً فالنهاية كل وحدة وفلوسها تصرفه وين ما تبا
بس لا تنسى أن رب العالمين بيحاسبها ع هالمبالغ الي تفرهن و ع مصممة نهايتها فيلر وسوارة كارتير

عندج ماركة TOMS

أقري عن هالشركة ، فكرتهم رووعة وطريقة إهتمامهم بالمجتمع يحفزج تكونين شراتهم
، نعال واحد تشترينه منهم يتبرعون ب نعال للفقارى في دول الأفريقية ، حد منا سوو هالفكرة ؟
لا والله محد . .