أبرة الظهر ...؟؟

[أم حمامه]

عن نفسي ما أطيع اخذها لانها ربيعتي نصحتني اني ما اخذها تسبب الم الظهر
والصراحه ما احب شي يعورني اخاف

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Cobon]

مشكلة الابرة اللي يضربونه ف عضلة الريل وانا خذتها و بصراحة حسيت عمري جد جد تعبت منها : ادوخج و يخليج ما ترومين تضغطين ع نفسج حسيت خلاص ما فيني حيل
اسوي بوش

بس ابرة الظهر تكونين واعية 100 % و عادي تقدرين تدفعين و تسوين أقوى ما عندج
في ناس يقولج تراج ما تحسين ابدا ، صح انا وياج بس فيج طاقة انتي مب تعبانة و ترومين تسوين بوش

انا قايلة المرة الياية بربي في موزنبيق بدون ريل و ام و ام ريل
عاد يتمون يقرقرون فوق راسج عسب سالفة الابرة هههههههههه
و اخر شي ما خذتها

لا جد الحين من ايني الطلق بشرد روحي للمستشفى و بربي بالابرة
و عقب بتصل فيهم هههههههههههههههههههه ما ينفع لهم الا جي

[Strawberry3]

عادي اخذتها حميتي من أسبوع وأيد مدحتها و رتاحت عليها وترى الم الظهر مب من الابرة بس طبيعة جسم الحرمة أنا ربيت بقيصرية وسويت بنج كامل كنت خايفه من النصفي وتميت ظهري يعورني واايد تقريبا ٦ شهور او اكثر

[الــــدبـــــه]

سبحان الله اصلا كل وحده تربي يتم ظهرها يعورها ربت طبيعي ولا قيصريه
والله يسهل على كل حامل ان شاء الله

[ماما سلطان]

أنا عن نفسي كنت أصيح وقت الولاده وأقول حق الدكتورة عطيني إبرة الظهر.... قالتلي مب زين ع الاخير لأن احتمال يسوي إلتهاب في صدر الطفل.... قالت لازم من البداية .... واستسلمت للأمر الواقع وربي سهل الحمدلله....

وفعلا ربيعيتي في كل عيالها ما ضربت إبره الظهر إلا في ولدها الأخير ضربتها وولدها عانى من حساسية الصدر ودوووم صدره ملتهب وهي استغربت لان ما عندهم بالوراثة ها الشي ولا حد من عيالها صابه.... لين ما وسوموه الفقير واتحسنت حالته الحمدلله ....

أنا من رايي إن الابره تاخذينها عن القيصريه فقط يعني مجبورة بس اذا ولاده طبيعيه لا اتغامرين ....

وبعد مره في أخبار الام بي سي تكلموا عنها وقالوا إنها تقلل حليب الام....

[فرفووشة]

اولا ابرة الظهر نعمه من الله والي مب مجربه
ماله داعي تخوف الحريم
انا الحمدلله جربتها ربيت طبيعي و رضعت بنتي طبيعي لين
ماكملت سنه و شهرين ماخف الحليب ولا شي
فالنهايه الوحده توكل امرها لرب العالمين

[Cobon]

اولا ابرة الظهر نعمه من الله والي مب مجربه
ماله داعي تخوف الحريم
انا الحمدلله جربتها ربيت طبيعي و رضعت بنتي طبيعي لين
ماكملت سنه و شهرين ماخف الحليب ولا شي
فالنهايه الوحده توكل امرها لرب العالمين

فعلا هي نعمة
بس ما ادري ليش مجتمعاتنا يخوفونا
كل زميلاتي الاجنبيات اصلا يربون قيصري عسب البنج وما يحسون بشي ؟؟
ولو الوحدة تكون متفيجة متفيجة ما وراها شغل -------> يربون طبيعي و ياخذون الابرة

و يوم سرت المستشفى تقريبا معظم خواتنا المقيمات و الوافدات ياخذون الابرة
دامهم يقدرون يتحملون تكلفتها لان سعرها 2500 اقل او اكثر ع حسب المكان


بس نحن اهني ذابحين نفسنا و نخوف بعض لين ما نتعقد نفسيا من الحمل و الولادة
انا بصراحة متعقدة وما أفكر أربي إلا بإبرة ظهر
و المستشفيات الحكومية ما يقصرون الابرة مجانا للمواطنات
بعد شو تبغون اكثر ؟

لو كانت ضارة ؟ ما بيوفرونها اصلا
لو كانت ضارة ما بيخلونها مجانية لكم عسب ترتاحون حزة الولادة
لو كانت ضارة ما بتكون معترف فيها رسميا كمخدر موضعي للجسم من هيئة الصحة العالمية

جني معصبة ههههههههههههه

[نرجس12]

هي تسسبب الم ف الظهر اول شهر كنت امشي ربع ساعه خلاص ماقدر عقب اكمل

وعقب ﻻ قدرت امشي بس لوكنت ابدلل للبيبي وانحني للحين ماقدر اقوم مره ثانيه من الم مكان الابره

وعلى اقل شي احس الم فيها يوم انش من الرقاد احس الم مكانهمؤ الحين 5 شهور

[.Noura.]

اعرف وايد خذوها الحمدلله هم والخير رباعه
بس عن نفسي مافكر .. لانها في الظهر ماداني حد يزخ ظهري

[قصايد الهاملي]

انا عن نفسي ما اييييد مول صراحه

[بسكوت محروق]

جربتها...ونصيحة لا تجربها اللي اول حمل لها....

[بسكوت محروق]

جربتها...ونصيحة لا تجربها اللي اول حمل لها....

[مهرووووووه]

اانا خذتها ف ولادتي الثانيه.. بالعكس حلوووه ومريحه
وانا انصح بها
ف ولادتي الاخيره بولدي طلقي كاااااااااان حار قالوا لي مايحتاي بتربين

[الــــدبـــــه]

والله الحريم حركات ههههههههه
اصلا اللي تربي لاااااااااازم ظهرها بيعورها
بالابره ولا بدون الابره هههههه

انا جربتها فالقيصريه والله في ثواني ماحسيت بنصي اللي من بطني لين ريولي
وللعلم ولادتيه كانت متعسسسسسسره الله لا يكتبلكن ولاده جي
وكانوا اصلا بيعطوني ابرة الظهر لأنهم يتحروني بربي طبيعي
لكن الحمدلله يت الجراحه وقالت اصلا هاي ولاده قيصريه مب طبيعيه
يعني فالحالتين خذتها هههههههههه
المهم هي نعمه والله نعمه والحمدلله على وجودها
وانا ما افكر اربي ان شااااااء الله الا وانا ماخذتنها
واصلا ماتاخذونها الا يوم يوصل الرحم 6 سانتي غير جي مايعطون

حرمة اخويه جربتها وهي مربيه طبيعي ولله الحمد
قالت كانت احلى لحظات عمري اني ربيت وانا اظحك ولله الحمد
مب اتويع واصيح وحالتيه لله وألم ماقدر أتحمله


واللي تقول الاجر والاجر
حبيبتي لاتفتين من مخج هههههههه


واللي تقول اخاف على راحتج الغاليه
محد يغصبكن تاخذن هالابره


واللللللللللله يسهل على كل حااااااامل ان شااااااااء الله
والسمووووووووحه