هدية مبلغ نقدي؟

[دبي]

السلام عليكم ورحمة الله وبركاته

إذا بتهدون حرمه هدية للبيبي المولود كم مبلغ نقدي يكون مناسب ، أنا خواتي يدفعون ألف درهم كهدية انتوا شو رايكم ، كفاية وإلا الأفضل أكثر .

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

[جوري ملون]

كفاية حبيبتي وكلن يدفع على استطاعته انا الف تكفي

[sunylight]

مثل ماقالت الاخت كلن على استطاعته وبعد مدى علاقتج مع المربي
وانا من رايي الالف زين والكل تقريبا يعطي جذيه الحين
ولاتزيدون في المبلغ علشان مايكون بعد ألالف عقب فترة مايكفي

[شووواقي]

حبيبتي لاتنسين أن هاي مردوده يمكن الي انتي بتعطيها الف بس هي ظروفها ماتساعدها أنها تردلج الف يوم بتربين نحنا عندنا أي شي نعطي من 200 لين 1000 حسب الضروف

[كتكوتة حبيبي]

انا اعطي حسب علاقتي بالمربي
200-1000

[شعاع امل]

!!!!!!!!!! ماعرف اختي ليش ماتشتري له شي يخص البيبي انا بالعاده اسوي جي

يعني بطانه لبس هذه الامور

[روزه]

هي وايد زين وع حسب استطاعتج الماديه ومدى العلاقه بينج وبينها

والبيزات افضل لان بتاخذ فيهن اللي تباه وحطي البيزات بطريقه انيقه وبسيطه

[um 3weesh]

انا اعطي 500 او 1000
اقل من 500 استحي
ازيد عن 1000 اوفر

500 او 1000 مناسب جدا

[هجير الشمس]

اذ كان من صوب اختي او اخوي
هديه للام
وللبيبي هدايا وبيزات بحدود 3000
اما باجي الاهل والاصدقاء اخذ معاي صينية شوكليت وبس واحيانا ما اروح
باجي اخر فئه وهي من اللي اعرفهم من الجنسيات العربيه والاسويه
هذيل اعطيهم 1000 للبيبي وهدية بسيطه للام ولااااااازم اروح
تفصيل ممل صح خخخخ
وبالنهايه وانتي وميزانيتج وعلاقتج فيهم

[أم زمرده]

أختي الكريمه إذا إنتي محتارة ، إهديها هدية مميزه ، وراسليني إذا حابة واتمنى لج التوفيق

[حـ uae ـلا]

احنا نعطي من 200 ل 1000 درهم بعد ^^

و الفلوس افضل لان المربي بتكون شارية اغراض للبيبي و كجهزة له كل شي من ملابس و صابون و سرير و شنط فلا تزيدي عليها الاغراض و اخر شي ما بتستعملهم لان الاطفال بسرعه يكبروا ما شاء الله ^^

و المبلغ حسب علاقتج بالمربي و حسب ميزانيتج

يعني مثلا ربيعاتنا نعطيهم بحدود ال200 لل 500 اما خواتنا فوق ال 500 و طبعا كله يعتمد ع الميزانية

اللي تربي اول الشهر غير عن اللي تربي نص او اخر الشهر خخخخخ

و اللي تقول تراها مردودة ذكرتني بناس زطوط اعرفهم خخخخخخ يعطوا الحرمة بقياس اللي تهديه لهم و ها فضيحه اصلا ><

الواحد يعطي باللي يروم عليه^^

[أم زمرده]

لا إله إلا أنت سبحانك إني كنت من الظالمين

[munamoor]

المبالغ الي تبلغ لصديقة غير مقربة 300/500/1000
اخت أنا ادفع فوق من 5 الى 10 هذا لا ختي ،، و ربيعتي المقربة ،،،

[ميرانة]

كل وحدة حسب ظروفها ، و حسب قرب الشخص منج

يعني اذا ظروفج تسمح و المربية جريبة منج وايد عطيها من 500 لين 2000

لكن اذا وحدة مب وايد وياها عطيها من 200 لين 500 فقط لا تزيدين