قَص معده

[آحلى وجود]

هلا خواتي انا تعبانه نفسيا من المتن وقررت خلاص اسوي قَص معده وين تنصحوني أسير عند اي دكتور وأي مستشفى << بس يكون في العين

للمعلومة وزني 70 وطولي 150 , سمعت لو وزني 100 بتغطيها ثقه وانا وزني 70 كم تقريبا بتكلفني العمليه وفي مكان بيسولي ببلاش ؟!

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[آحلى وجود]

علما ماخليت شي ماسويته ولاتقولون رجيم لاني فشلت بسرعه أمل واشتركت فنيوترشن نفس الشي

[عذوج]

ماطنتي اختي بيوافق الدكتور علا قص المعدة لج لازم وزنج وايد اووفر
حطي بالون اسهللج من القص وتابعي ويا الدكتور بدون جراحة البالون و بتنقصين وايد
او تدبيس المعدة في مستشفى سليمان في دبي اسالي عن اشياء اسهل من القص

[آحلى وجود]

ماطنتي اختي بيوافق الدكتور علا قص المعدة لج لازم وزنج وايد اووفر
حطي بالون اسهللج من القص وتابعي ويا الدكتور بدون جراحة البالون و بتنقصين وايد
او تدبيس المعدة في مستشفى سليمان في دبي اسالي عن اشياء اسهل من القص

مشكوره حبيبتي ع الرد ، ممكن تقوليلي شو هو البالون ؟ اول مره اسمع فيه

[sa7el]

أيوا ،، على أساس البالون،،، قبل لا تفكرين تسوين بالون اقري عنه،، عملية فاااشلة
و البالون ما يخليج تاكلين ،فهمنا،، المشكلة حتى ما ترومين ترقدين،، تحسين في البلونة و أنتي نايمة و ما ترومين تمددين عمرج عالفراش سيدة و لا ترقدين لا على بطنج و لا ظهرج
و عقب المعاناة،، يالله تنقصين من 5 لين 8 كيلو فقط/// حراااااام

[sa7el]

مب لازم الدكتور ما يوافق،، المفروض أنتي بروحج ما توافقين لو حد اقترح عليج
تعرفين شي بنات قصوا المعدة عشان يوصلون لوزنج الحالي اللي مب عايبنج!!

لأن طولج 150 عشان جي انتي حاسة عمرج متينة،،،، يعني من 15 لـ20 كيلو بتوصلين للبيرفكت وايت،،،، و ليش ما نقول لج سوي ريجيم؟
لا حبيبتي سوي ريجيم و الأفضل لج تاكلين نفس أكلج بس خففي الكمية،،، و سيري جم أو عالأقل جري نص ساعة،، إذا خلال شهر ما عقيتي 8 أو 10 كيلو عقب تكلمي
قص المعدة ينصحونه حق الناس اللي حتى الرياضة صعبة عليهم،، ركبهم ما تتحمل الرياضة،،و محتاجين ينقصون نص الوزن يعني عالأقل 40 كيلو،،، أنتي مش أوفر،، يالله بداية السمنة،،، شدي حليج بلا كسل ،،،ارفعي معنوياتج و قولي لعمرج أنا قدها و براوي الكل أني قدها،،، اضعفي،، عطي عمرج تحدي ،، مهلة شهر أو شهرين و حددي الهدف،، لو شهر مثلا 10 كيلو، شهرين 15 كيلو جي يعني،،، و ابدي،، إذا فعلا مارستي الرياضة قصدي الجري و خففتي الأكل (أنا ماعرف كم تاكلين،، بس حاولي تقللين النشويات مرتين في الأسبوع و كثري السلطة و الفواكه)و ما نزلتي،، سيري قصي المعدة و أنا بقصها وياج (بسم الله علي)
و الأفضل أنج ما تخبرين حد عن جدولج،، احتفظي فيها لعمرج لان نحن متعودين اللي حوالينا سواء اختج و للا ربيعتج على طول يحبطونج،، أساسا لا تخبرينهم و ابدي بروحج و فجأة راوي الكل وين كنتي و وين وصلتي

طمنينا عليج عقب شهرين

[حور 123]

مابتوافق ثقه لازم وزنج يكون اكثر من طولج بفارق كبير
وثقه تاخذ 130 كيلو و وفوق ...
جربي البالون او حبوب البالون بس هذي متوفره ف الكويت مادري اذا موجوده ف الامارات!!

[munamoor]

20 كيلو ترومين تنزلينهن خلال أشهر ،،، جم بالاضافة الى رجيم
المشويات و السلطة و العصائر بدون سكر ،، شاي اخضر بدون
سكر ،،، ما يبغى لج شي ثاني
العملية تكلف مابين الثلاثين و الأربعين و ثقة ما تغطي
الا فوق المية ،،، و انتي ترومين بالعزيمة و الإصرار
تنزلين هال عشرين كيلو بالرجيم و الرياضة في الجم ،،،

[Jawharah]

أختي إذا ريجيم ما ينفع سوي فحص هرمون للغدة

[آحلى وجود]

أختي إذا ريجيم ما ينفع سوي فحص هرمون للغدة

اختي بسألج شو بيفيدني الفحص ؟!! أحيد قبل مسوتنه

[m3andah]

اختي بسألج شو بيفيدني الفحص ؟!! أحيد قبل مسوتنه

خمول الغدة احيانا يزيد الوزن ... ف الاحسن انج تسوين هالفحص

[آحلى وجود]

شكرًا لكل الي ردو شجعتوني ع الرجيم اكثر من العمليه

[m3andah]

حرام تسوين عملية عشان 20 كيلو .. يعني جد جد حرام

انتي قصيرة ف يبين فيج الوزن ... بس لا تسوين ريجيم

غيري نظام حياتج .. ولا تقولين ما اقدر

الحين الشتا ياي تقدرين تطلعين وتتمشين .. وغير بعد ممكن تشتركين بجم
وثانيا اعتمدي عالاكل الصحي والحركة فالبيت .. يعني مب تتمين طايحة عالفراش بالساعات .. حتى لو كل نص ساعه تمشين دقيقتين ..

وحاولي تشربين سوائل وعصاير وايد

وطبعا ابعدي عن الدهون وخففي حلويات كثر ما تقدرين .. بس لا تقطعينها عالاخر

انسي موضوع العملية .. بلييييز