التجمع الاول لاحلى امهات اكتوبر ونوفمبر وديسمبر

**نعيم الجنة** · 2014-10-07, 00:12

الف مبروك للمواليد الجدد واهني نفسي واهنيكم بالبيبيات...وربنا يرزقنا برهم على التعب ...ويأجرنا على تعب الولاده ...يارب

حبيت اجمعكم فتجمع الامهات ...وانا منهم ...بنتكلم عن اهتمامنا فانفسنا فالنفاس والرضاعه والبيبيات ....

في انتظار مشاركتكم

المزيد من آخر المواضيع من نفس القسم:

**نعيم الجنة** · 2014-10-07, 13:24

نبدا بسم الله

اولا انا ربيت فاهر يوم من الثامن وعقبها استوالها بوصفار ويوم ورا يوم سايره العياده اجيك كم النسبه واعرضها مفصخه مع بامبرز للشمس من 6 ونص الفجر لين 7 ص ...وكانت وايد ترثد ووكنت اصيح لدرجه ما ارقد والله من ولدها لين خاز بوصفار بس ها اليومين كبما غفلت اغفل وياها ...من خوفي عليها ولازم اجباري الدكاتره قالولي وعيها كل ساعتين وهي مول ماتنش من بوصفار ..احرك اذنها ابدل ثيابها اميح ويهها مول ماتنش وماكانت تسوي كاكا الا فالمستفى العقى الاسود مال 3 ايام ولين الحين كل 5 ايام تسويها ...فسرت مستشفى للوصل عشان يجيكون على كل شي وفنفس الوقت البنت نن انولدت تعاطس وتكح من البرد من المستشفى مول ما يسكرون المكيفات ...المهم ...الحمدلله تطمنت هلى كل شي وعطوني قطور ملح وماي جق الخشم لان هو اساس كل شي ومنعوني عن الددخون والعطور ...انا اوردي ما احط عشانها ...والله تعب بس الله يقوينا ويربيها وتكبر ..حتى ملابس مب لاقتلها كله تايني وبعد وساع وبرد احاول ادفيها بقحافي وقماط ..وغن الحليب قالي دمتور الاطفال 8 رضعات عطيها نان اسمه خفيف عالمعده..وعن الامساك لازم ما اكل نشويات ولا حلاوه ولا خبز ولا عيش ولا موز ولا تفاح ولاجزر بس سلطات وخضره وشوربا و سواءل وبرتقال وعصير برتقال لان كل شي يبس بطني وبسوي غازات ينتقل لها

**كركر** · 2014-10-07, 19:44

مرحباً نعيم الجنة فديتها البنوتة الله يحفظها لج وادعيلي الله يسر لي الولادة خايفة حاليا 36 اسبوع و3ايام ما ادري دخلت التاسع ولا
ياليت تفيدينا شو أشياء احتجتيها للمستشفى وشو برنامج للنفاس ممكن احضرها انا وايد احاتي لأني بكون بروحي بعيدة عن اهلي وشغالتي ما تعرف شي
ممكن تعطوني برنامج للريوق والغدا والعشا وبين الوجبات ماي واشيا دافيه ممكن مثل شو الحريروه متا الصبح بحاول اطلبها من بيت الشاي هل كستر بالحبة الحمرا زين ولا بطلب منهم وشو أشياء بعد يعني الصبح ممكن اسخن حليب مع الحلبة او الحبة الحمرا العصر أحط ينسون بالدلة مع ماي حار وطحينية مع الفول ممكن اكلها الصبح وبيض مسلوق اعرف انه الشوربات مفيدة بس مثل شو خضار مسلوقة او دياي وشو أشياء ما تنفخ. او تسبب غازات للبيبي بنات وشو اسوي بالنسبة للبطن شو احسن مشد ياليت تفيدوني الشورت وشو أحط علا بطني انا خذت من موستيلا كريم وبعد من بالمرزكريم بعد الولادة
وهل بنات بعد الولادة نسبح ولا ونغسل شعرنا عادي وكيف نهتم بالمنطقة تحت ماي وملح ومتا نستخدمه علا طول وبالنسبة للمشد والحصاة او المطارة عندي بالكهرباء افكر أخذها المستشفا

**الدرةالمصونة** · 2014-10-08, 16:41

مبرووك التجمع
وعقبالنا يارب ونلحق فيكم بالتجمع ونفيد ونستفيد

**الحياة الحره** · 2014-10-09, 00:46

مشكوره نعيم الجنه يوم فتحتي التجمع الحمدالله أنا ربيت في اول التاسع ما توقعت أني بربي في هاليوم والحمدالله افتكيت جلست بيت أهلي اسبوع أمي ما قصرت كانت اتسوي لي عصيده وايد حاره بالفلفل الاسود او حبه الحمراء او خبز مدقوق مع السمن والفلفل الاسود وحاليا بيت أهلي ريلي ما مقصرين كله اكلات صحيه ممنوع عليه العيش كل شي متوفر من ريوق وغداء وعشاء حتى مستحيه منهم كل شي جاهز الصبح يسون لي حلبه او خبز مع دبس والغداء دياي طازج عمتي بروحها تذبحه يسونه مع السمن وفلفل والخضراء مرات سمج طازج وأكله مع خبز رقاق وحط عليه سمن عربي والعشاء مرات خبز مع الدبس او يسون لي قروص فيه ثوم والحمدالله

عندي مشكله مع بنتي اللي عمرها سنتين ما اعرف ليش تضرب أختها الصغيره مره جالسه معاي اتبوسها اللي اشوفها ضاربتنها على الجبه قدامي اتحبها والا اشوفها ساحبتنها من ايدها او من اريولها او ايدها وتقعد اتبوسها الا قارصتنها في راسها او تمسكها بالقوه من ايدها او تفرها بشي مرتين دايستنها ما اعرف كيف أتعامل معاها كم مره إضربها احسها عدوانيه ما تخليني أرضع أختها تبي هي على ارجولي ما ينفع مع الضرب تعاند اكثر ما تخاف وتضرب عيال عمها قبل ما كانت جيً أحاول قدر المستطاع أكلمها بهدوء تعبت بصراحه ماا في فايده منو تقدر تساعدني

**طموح دبا** · 2014-10-09, 09:38

بسم الله,, ان شاء الله انا موعد ولادتي فنوفمبر,,
بعدي مل خلصت تجهيزات البيبي,, وحتى لعمري ما جهزت اي شي,, وما عندي خدامة ومضغوطة فالشغل
مشكلتي ما اروم اتلفلف اتعب,, والوقت يمر بسرعة,, حتى مراجعاتي للمستشفى قليلة,,
ونفسيتي زفت وشهيتي ضعيفة ما ابي اكل وايد عسب ما اصير دبة,,
فاخر زيارة كنت فالاسبوع 32 ووزن البيبي 1900 ,, اما عن وزني ما زاد وايد لكن انا اصلا حملت وانا وزني زايد,,
وسلامتكم

**misspretty** · 2014-10-09, 15:29

الله يوفقكم جميعا خواتي

**ام شعرغجري** · 2014-10-11, 06:05

مبروك علينا التجمع ماميز .. شخباركم انتوا وبيبيهاتكم .. انا لين الحين تعبانه اليوم كملت 11 يوم والحمدالله بس بعدني احس بالدوخه وحرقان ف العيون من غير الاشيا الثانيه ...

**ام شعرغجري** · 2014-10-11, 06:06

مشكوره نعيم فتحتيلنا التجمع ..

**بسمه سحاب** · 2014-10-11, 13:37

مرحبا ماميز اشحالكم وأشحال ببيهاتكم ربي يخليهم لنا ويحفظهم ....يعطيج العافيه نعيم الجنه على افتتاح تجمع الأمهات ان شاء الله نستفيد من بعض ....أنا باقي لي كمن يوم واخلص الأربعين بدايتها عانيت مع ولدي من الرضاعة الطبيعية من لآلام الحلمه كنت قبل الرضاعة أحط الكريم عشان يخف وما كنت اشفط له لانه يزيد يتشقق بس الحمدالله مع استمرار الرضاعة خُف ...ودايما كانت تييه الغازات والمغص كنت أعطيه ماي وسكر او يانسون والحمدالله يطّلع منه غازات ورتاح منه ....الحياه الحرة أنا وانتي نفس الشي بنتي وااايد تغار من اخوها تعبتني يوم اتشوفني اشيله اتصيح تبغى اشيلها وهي عمرها سنتين ...

**UAE prestige** · 2014-10-11, 19:19

مشكورة نعيم الجنة ع التجمع
ومبرووك ع المامييز التجمع
طبعا الحين دخولنا للتجمع مابيكون مثل تجمع الحوامل
انا اعاني من ترتيب الوقت
وقتي يضيع وانا طول اليوم مثل النحلة
وما اشبع رقااد
انش الصبح اسبح بنتي وولديه
عقب اتسبح مايواحي الوقت الا قريب الظهر
اتريق وشوي الا والغدا يا وقته
اقيل الظهر من انش تبدا الزيارات
لين فليل اكون منهدة

بالنسبة لي تميت اسبوعين عند اهليه
وخواتي وحريم خواني ماقصرن
والوالدة قبل لاتسير الحج علمت شغالتيه الحريروة والقرص
ويوميا مع ريحتيه صارت حلبة
والحياة الحرة انا عيل اكل عيش بلا قياس ><

وانا بعد اخوها يغار منها
بس غيرته انه لازم يبوسها ويلعب بشعرها وويهها
بس الحمدلله لا يضربها ولا يعضها
وعمريه ما جد منعته اتم اتسرط لا يعورها
بس مرة باسها بالقو لين صيحها

امس رديت بيت اهل ريلي
بيتهم هادي ومافيه حياة
وطول الوقت الا يالسة فحجرتيه مع بنتي

**الدرةالمصونة** · 2014-10-11, 20:27

الله يعينكم الامهات الجدد على النونو الجديد

كل بداية فيها صعوبة
بس ان شا الله يكبر النونو يتعدل النوم عنده وترتاحون

كل شي بأجره ..

**نور الايام** · 2014-10-12, 00:29

هلا ماميز مبروك االتجمع اليديد وانشاء الله نلتحق فيكم قريب يارب انا بكرى داخله التاسع انشاء الله ادعولي ربي يحفظ بيبيهاتكم يارب

**كركر** · 2014-10-13, 10:12

مرحبا بنات برستيح ممكن تعلميني طريقة الحريروه واي نوع مشد استخدمتم بليز ردوا علي وهل استخدمتوا الحصاة ومتا بديتوا تمارين وشو اشيا حسيتوها ضرورية لازم نحضرها للنفاس قبل و للمستشفى يا ليت تفيدونا ودعواتكم بتسهيل الولادة

**ام شعرغجري** · 2014-10-13, 12:11

هلا ماميز اشحالكم ... والله صدق معاناه فترة الاربعين اباها تخلص والرقاد ابد مانعرفه غير كم ساعه بس ..

الموضوع: التجمع الاول لاحلى امهات اكتوبر ونوفمبر وديسمبر

أدوات الموضوع

عرض