مب مستانسة بحملي

[MisS.Katkota]

السلام عليكم ورحممه

ضايق خلقي مع ان المفروض استانس بس لحد الحينه مب مستوعبه اني حامل وفي الشهور الاولى .. هالشهر كنت بسافر وبسبه الحمل يمكن يتكنسل وخططي اني اخف وزني واللي بديت فيه من كم شهر كلها راحت هباء منثورا .. وما دري كيف اعتني بنفسي بغيت اسوي فيشيل اقول يمكن يضر البيبي ولا اروم احط لوشنات بجسمي من كثر ما اقرا ممنوع العطروالبخور والصوابين العطريه ..غير عن اني بودرالمكياج اللي متعوده احطه 24 ساعه مب عارفه كيف اجابل في الدوام بدون مكياج وانا في استقبال ...ودوامي طويل ومكانه وبعيد ما دري كيف بتحمل السيره والرده بهالدرب الطويل ...

كله في صوب وريلي في صوب ثاني ..صح هو كان مستانس بس لما شاف نفسيتي احس في شي بخاطره يقولي بس ما يقول ..وغير عن الجماع ساعات هو يكون في خاطره بس ما انا ما ابي ...اخاف في هالفتره من هالشي..

انا وقتي فري حاليا بس احاتي المستقبل لما بربي ما عندي اروح السينما ويا ريلي ولا فنادق اللي دوم طايحه فيها ولا السفرات مثل الازواج مع اني اموت في السفر ولا بروم البس شغلات ع راحتي

الله يعيني .. وهذا اول حمل لي من جي خايفه وافكروايد الله يعينه ريلي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[عشق طاهر]

اتعوذي من ابليس حبيبتي

ليش تتحرين كل شي ممنوع لا فديتج

حطي كريمات ولوشنات عادي

ومكياج عادي بعد فديتج
سوي فيشل سوي بدكير منكير
تدلعي بلبس الحمل
و عن الجماع فهمي ريلج انج تعبانه من الحمل و بيقدر هالشي

و بعد الولاده بإذن الله بتقدرين تروحين السينمات وتسافرين بس مسؤوليه بتزيد شوي
لكن حياتج مابتوقف بالعكس بتحلو وايد بإذن الله
انتي الهرمونات لاعبه بنفسيتج حبيبتي هونيها وتهون
بالعكس روحي طالعي لبس اليهال فكري بنفسج وجسمج
استخدمي كريمات مرطبه
زبده الشيا و بايو اويل عن خطوط الحمل
سوي رياضه خفيفه اذا حملج ثابت وسليم و بعد ال٣ شهور الاولى
اكلي اكل صحي مفيد عشان صحتج وصحه البيبي


الله يتمم عليج يارب

[حياتي انجاز]

اختي الله عطاج نعمة وايد محرومون منها قولي الحمدلله بتسوين أم و الشهور تمر بسرعة ما بتحسين إلا أنت مربية المكياج و العطورات و اللوشنات عادي الله يسهل عليج

[future dreams]

ليش احس انه انتي شخصيتج ما يعجبها شي ...
ومب قنوعه بالي عندج من زوج وحمل وحياه زوجيه ...
والانسان يرتب اموره اول بآول وبيعيش صح ...
الاجانب الحمل ما يضرهن يرابعن ويتسبحن في البحر ويوقا وشوبنق ولا جنه حامل بكرشتها وبعد الولادة بسبوع تطلع وتحوط ويا البيبي عادي ...

[أم برلنتي]

ليش احس انه انتي شخصيتج ما يعجبها شي ...
ومب قنوعه بالي عندج من زوج وحمل وحياه زوجيه ...
والانسان يرتب اموره اول بآول وبيعيش صح ...
الاجانب الحمل ما يضرهن يرابعن ويتسبحن في البحر ويوقا وشوبنق ولا جنه حامل بكرشتها وبعد الولادة بسبوع تطلع وتحوط ويا البيبي عادي ...

[راقية بطبعها]

دخيلج لا تحطين عمرج في هالدوامة
ترى انا كنت نفس حالتج خوف وقلق وتوقعات قبل الولادة
وعقب ما ربيت ياني اكتآب بعد الولادة حاد
و رحت حق دكاترة نفسيين دمروني بالحبوب ووصلت مرحلة صعبه الحين احس حياتي انتهت ميته من داخل وأحاول أصلح كل شي وارجع نفس قبل بس مب قادره
دمرت نفسي وضيعت ريلي وبنتي وخسرت كل شي
اتفائلي حبيبتي سوي الأشياء اللي تحبينهاا وكوني مستعدة نفسيا حق المرحلة اليايه لأن شي طبيعي حياتج بتتغير بس انا ما استوعبت هالشي وضخمت الأمور وحطيت توقعات سلبية لين ما دخلت هالدوامة و مب قادره اطلع منها

[حلوة واموره]

الشي اللي انتي مب مستانسه فيه في غيرج يتريون شهر ورا شهر وسنة ورا سنة عشان يسمعون خبر انهم حامل.سبحان الله والله سمعت عن حريم سافرت بلاد برا عسب تتعالج وتحمل ولا بعد مجبروين يتمون طول فترة الحمل بعيد عن اهلهم.احمدي ربج علی النعمة.انتي لا اول ولا اخر وحده تحمل.الاجانب طول فترة حملهم كل شهر مسوين حفله شكل مستانسين علی سالفة الحمل.وانتي جلبتيها نكد.

[عيناويه طر]

قولي الحمد الله هاذي نعمه غيرج محروم منها ، اطردي الشيطان و الزمي الاستغفار
المكياج عادي مب ممنوع
العطور عادي تتعطرين وتتدخنين عادي
السفر اذا حملج مستقر عادي
الجماع اذا حملج مستقر مايضرج
الاطباء يشجعون الحامل تتريض رياضة غير عنيفه أو حتى تتسبح
الفيشل عادي
انا مب فاهمه من حط بعقلج هاي الأفكار
الامومه شعور جداً رائع وحلو
خلج ايجابيه
صدقيني بعد الولاده بتحنين للحمل و أيامه

[افناان]

قولي الحمد الله هاذي نعمه غيرج محروم منها ، اطردي الشيطان و الزمي الاستغفار
المكياج عادي مب ممنوع
العطور عادي تتعطرين وتتدخنين عادي
السفر اذا حملج مستقر عادي
الجماع اذا حملج مستقر مايضرج
الاطباء يشجعون الحامل تتريض رياضة غير عنيفه أو حتى تتسبح
الفيشل عادي
انا مب فاهمه من حط بعقلج هاي الأفكار
الامومه شعور جداً رائع وحلو
خلج ايجابيه
صدقيني بعد الولاده بتحنين للحمل و أيامه

[ناروتا]

الله يهديكي
الناس تفررررررح بالحمل خاصة يوم يكون الحمل الأول
اختي عادي تحطين كريمات ولوشنات ومكياج وعطور داخل البيت , وعادي الفيشل بس انتبهي لا تشدين المنطقه بعنف , لاتشيلين اشياء ثقيله واتغذي زين وانتظمي على مراجعاتك مع الطبيبه ,وسيري السوق اشتري ملابس حمل وملابس للنونو لون محايد , وفكري انتي وريلك شو بتسمون لو بنت او ولد بتحسين النفسيه صارت احلى , ليش هالنكد الله يهديكي
الأبناء نعمةةةة من الله احمدي الله عليها احسن ما تنحرمين منها
ولو على الطلعات والسفر والسنما وغيره تقدرين بعدين ترتبين حياتك , وتفائلو بالخير تجدوه , خلك ايجابيه , زوجك كان مبسوط وانتي بخوفك عكستي الصوره

[غلآ نفسي]

الحياه عندج مكياج وسينما وطلعات ودوام وسفرات وفنادق وبس ؟؟؟؟؟؟؟؟؟؟؟؟؟

بالتوفيق

[ام ناني]

احمدي ربك الى النعمه
كل شي لاحقه عليه وتقدرين تسوينه عقب الولاده

[mao]

حبيبتي منو قالج انه هالاشيا ممنوعه .. لو صدق جان ماشفتي الحريم يحملن ... ليش متوقعه الاسوء لنفسج ؟؟؟ امرج غريب صراحه .. الاشيا الي تقولين عنها نحن كلنا سويناها والحمدلله مافيناشي .. انتي قصدج اذا كان وحامج خايس ومابتقدرين تتحملين العطور والمكياج ومالج بارض للطلعه والكشخه .. انزين انتي اسألي نفسج سؤال شو الاهم والاحللى بالنسبه لج ..فكرة الحمل وانج بتستوين ام وبتفرحين ريلج وبيكون عندكم نونو ادلعونه ..ولا شوية طلعات وكشخه الي لاحقه عليهم وتقدرين تسوينهم بعدين ؟؟؟...

[jameela200]

والله احلى مافي الدنيا طفل سليم في أحشائي .. ويطلع سليم للدنيا .. اسمع ضحكته واحس بلمساته ..
انا كل يوم اتريا الموعد اللي في المستشفى عسب بس اشوف الجنين .. وهو يلعب في بطني
واتذكر كم كنت اعاني عسب احمل ..
وفي العيد شفت 6 من بنات عمي سنوات يتريون يحملون .. واعمارهم في العشرين .. وما يحملون بدون سبب..
المهم افرحي باللي عندج واستمتعي مع الوقت بحركاته في البطن . . واستانسي ويا ريلج ولا اضيعيين حياتج بهالتفكير ...

كل شي اسوينه عاااااادي جدا ... عطور مكياج اهتمام ..
بالعكس انا هالمرة زاااد عندي وفرحانه بهتمامي في نفسي ...

[sa7el]

ليش أحس مسوية لعمرج مشكلة من ولا شي!!

بالعكس،، هاي أحلى أيامج،، تحسين بضناج داخلج و احساس انه يكبر معاج

كل اللي قلتي عنه غلط،، بالعكس،، تقدرين تسوين كل اللي تبينه،، فيشل و لوشنز و كل شي

بس الجماع اتريي عليه شوي مثلا شهرين و شاوري الدكتورة عن يضر حملج بسم الله عليج

بالنسبة للسفر،، سافري لو حابة،،، و الماكياج و غيره براحتج

سوي لج شوبنغ ملابس الحمل مع الشوز و جي،،، و بعد الولادة بعد من تترتب أمورج سيري سينما و أي مكان تبين،،، شرط أنج و الصغيروني مرتاحين
و أكيد أهلج و أهله بيساعدونج أحيانا،،، اتفاءلي
بالنسبة للوزن حافظي على وزنج حالياً،، كلي بمعقول،،، حتى لو وزنج ما نقص معناته الحمل يكبر مب أنتي تمتنين،، و من تربين بتشوفين عمرج فجأة ضعفتي،،، المهم تحافظين على صحتج و صحة البيبي

لا تدمرين سعادتج بايدج، ،اسألي المحرومة شو مستعدة تسوي عشان تكون مكانج،، و أنتي تتبطرين على نعمة الله!!!!

فكري بمنطق ،،و استانسي،، و الله يهون عليج