امنية مستحيلة

[غرووب 22]

لا اله الا انت سبحانك اني كنت من الظالمين

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[رسايل غلا]

مشكورات حبيباتي عالتواجد والردود والدعوات
اختي ام مغاوي
انا معاج ان البنت حساسة وشاعرية وتفكيرها رومانسي وعاطفي, اللي يطالعون كل يوم يمكن لو عشرة واحد منهم بس معجب والبقية عادي يكونون يبون شي من وراج ولو عطيتيهم الفرصة لو صغيرة بييون ويفرون عليج الرقم ويلا نسولف انا هذا كل افهمه واعرف والاحظه ويستوي في شغلي فوق ما تتصورين, البنات الحين ما يستحن يقولن انا معجبة بفلان ويدورن الفرصة حق السوالف لو في اشياء سخيفة عشان يونسن عمارهن وشي رياييل غافلين

بس بعد بقولج شي: الحين لو لاحظتي انه فيه شخص مهتم فيج, يراقب كل حركة تسوينها يهتم بمعرفة انتي تسولفين ويا منو ومنو ربيعاتج, يوم يسمع صوتج يدورج انتي وين؟!
ياكل نفس اللي تاكلينه, يشرب نفس اللي تشربينه ييلس في نفس المكان اللي تيلسين فيه, اذا وقفتي مع موظف تتكلمين حتى في الشغل ينجلب ويهه ويعصب, هذا كله شو تسمينه؟ هل هو وهم مثل ما يقولن لي اني عايشة في وهم؟! معقولة هالتصرفات كلها وهم وانا عايشة الجو ورومانسية وايد واتخيل؟
ويقولن اني انا اراقب هالتصرفات! يعني اي وحدة مكاني حتى لو تجاهلت هالشخص ما تقدر ما تعرف وتحس بتصرفاته واهتمامه لازم بتنتبه وتفكر شو السالفة او ليش يستوي هذا كله؟!
كلهن يعيدن علي نفس الجملة, ثلاث سنين وما تقدم او فكر يتقدم, انا قلت السبب ليش؟!
لو هالشي ممكن يصير جان غيره تقدم وجان عرست انا من زمان وما تميت في بيت اهلي وعمري 29 سنة! وفي الاخير هي ارادة رب العالمين قبل كل شي, بس الواحد يتوقع او لو ممكن نقول يتأمل بغض النظر عن اللي بيستوي عقب, ويفكر ويحلل ويتوقع نتايج يا حلوة يا شينة.

[حلوه وقموره]

اختي انتي كيف اجزمتي وعرفتي انه عندج سحر مانع الزواج

والسحر مب السبب لانه لو الله ارد شي ولج نصيب بتاخذينه

المهم كل هالكلام وهالحركات ما ادل انه ميت فيج ولا انه بيتزوجج

حركات عاديه وممكن اي واحد يسويها ممكن اعجاب وخلاص

بس انه يتزوجج مستحيل هالشيء لانه لو يبا ع الاقل حاول بكلام

لانه حتى الي فيها سحر يتقدمون الها بس الامور بعدها تتعرقل

مب انه ما ايي ولا يقدر يتقدم حتى بس هذا ماتحرك ولا بين اي ردة فعل بالحلال

غير حركات يهال ومراهقين ومالها اي صله بالزواج والحب الصادق

اتمنى تنسين وتفكيرين بعقلج واطنشيته هو وحركاته ونظرات المراهقين هاي

وخلج اكبر واعقل عن هالاشكال

[sa7el]

ما شي فايدة

على أساس عمرج 29 مب 19،، أنا و البنات كلمناج على أساس إنج عاقل و بتفهمين،، للأسف انتي معلقة،، شكلج انسانة عنيدة
أنتي تتحسبين أنج الوحيدة اللي ياسلة تمرين في هالظروف
كيف تخططين للمستقبل و أنت مب ضامنة الحاضر،، هي سالفة لعب بالنفسيات و مضيعة وقت و للا شو

انسي كل الكلام،، نفترض أنه صددددق يحبج و يباج بالقو بعد،، بيموت لو ما خذاج،،،، ليش يالس يضيع 3 سنوات؟؟!! أحيد اللي يحب صدق مستعد يسوي المستحيل عشان يبدا يعيش حياته مع حبيبته حتى لو يخطبها عالأقل،، صح وللا لا

حبيبتي لو أنتي مب مقتنعة في كلامنا و يالسين تحاربينا نحن كلنا عيل ما في داعي أساسا تنزلين الموضوع،،،، لأنه الصراحة ماله معنى من عقب ردودج
انسان لعاااب واااضح،، ترى الشباب يلعبون درجااااات،،،، و أنتي للأسف وايد متأثرة بقصص و افلام الحب،،، هذا حبيبتي واااايد بعيد عن الواقع اللي نحن عايشينه
و كلامج و دفاعج عنه معناته أنتي اللي تحبينه و شكلج معجبة فيه أكثر عنج

شو تبينا نقولج يعني،، سيري بادري ،، كلميه،، خذي رقمه مثلا،،، ليش وين عايشين،، 29 يعني الوحدة تبيع عمرها،، هذا نصيبج يا أختي و قولي الحمدلله،، و بعدج و إن شاء الله بييج نصيبج،، شي بنات عدوا 35 و ما يفكرون نفس تفكيرج،، أنتي تتحسبين أنج بتكونين أفلح عنهم و بتضبطين مستقبلج،، حبيبتي هذا قضاء و قدر ،، لو الله كاتب لج بتعرسين هالشهر و لو الله رايد عقب سنتين بتعرسين عقب سنتين لو يقولج الريال نفسه أنا ياي اليوم أخطبج،، لان في النهاية رب العالمين هو اللي يكتب لنا من بنعرس و متى بنحمل و متى بنموت و كل شي بيده سبحانه

كلمناج على أساس وحدة فينا طلبت نصيحة و ما قصرنامعاج،، نعامل البعض في المنتدى رغم أن ما نعرف بعض كأخوات،،،،، ما نباج تعيشين أوهام،، ترى الحب هذا بعد ما يروح و ينتهي بيسبب لج نفسية تعبانة و احباااط،، و نحن ما نباج توصلين هالمرحلة،، كل شي واضح،، نحن المعرساب عندنا خبرة عن شخصية الريال،،، قبل ما أي وحدة تعرس تكون مثلج،، تنخدع،،، ما تفهم صح،، تتوهم و تتخيله واقع،، و بالأصح تتمنى،،، و آخر شي يختفي من حياتها و لا كانه كان فيها،، ليش تبين توصلين لهاي المرحلة!!

عيشي حياتج،،، لو طلعت لج وظيفة مكان ثاني،، توكلي،،، سيري احضري عزايم و يلسات الحريم مع خواتج أو الأهل أو الوالدة وربيعاتها،،، خليج رزينة جدامهم،، جامليهم،، وجبيهم،،، و الله بيجدم لج الخير يا رب

بس اللي يالسة تسوينه الحين رغم انتي تشوفين ولا شي،،، أنتي يالسة تكتمين في قلبج،، و لا تتحسبين بيروح بالساهل

الله يعلم كم كتبت،، و الله يعلم كم أنتي بتفهمي،، و الله يعلم كم بتقتنعين
في النهاية،، اقتنعتي كان بها، ما اقتنعني هاي حياتج و أنتي اللي بتتحملين نتيجة قراراتج

الله يوفقج و يسعدج و ينور بصيرتج

[زينب الطيبة]

الله يكتبلج الي فيه الخير

اختي لا تزعلي مني

بس

مبين هالريال فالبيت مع حرمته وعياله عاقل و رزين و عايش على ارض الواقع

بس فالدوام ( و قدامج بالأخص ) يكون مرااااااااااااهق وعايش حياة المراهقين

والله ذكرتيني بعمري يوم كنت صغيرة ، كنا يوم نطلع مع أبوي ( الله يحفظه ) كنت احب ابينله حبي له فكان يوم يوقف في نص الدرب عند المرطبات يقول اطلبوا الي تبوه انا ما كنت أطيع اطلب كنت أقوله ابا نفسك يقولي يا بنت الحلال ما بيعيبج بطلب شاي احمر أقوله ما عليه واشربه وأنا ما احبه عشان خاطرة ،، والله اني اضحك بس كان عمري يمكن 9 سنوات



مب ريال معرس وأداوم واسوي هالحركات



يا ليت تفتحين عقلج وتفكري عدل

الله يرزقج بالزوج الصالح

[~شوق~]

3 سنين , متى بيتقدم يعني!
واضح انه يتسلى او انه مشاعرك تصورلك انه الموضوع اكثر من اعجاب
حتى انتي ما اظنك حبيتيه تعرفين ليش! كل انسان يحب يكون محل اهتمام ويحب يشعر انه جميل في نظر الآخرين, هالريال اعطاكي هالشعور فحسيتي انك تحبيه! يعني لو اي ريال ثاني مكانه تصرف بنفس الطريقة هتحبيه بعد
انا رأيي تنسي السالفه ولا تعطيه وجه , ولو هو فعلا معجب وناوي يتقدم خله يتقدم وبعدها لكل حادث حديث
والله يرزقك شاب حلو عازابي على دين وخلق , قولي آمين

[حلوة واموره]

تعرفين في رياييل يبون ينعشون قلوبهم علي حساب غيرهم.يمكن بس يسوي حركات منه يونس نفسه ويلاقي حد يهتم فيه.3سنين مب يوم ولا يومين واذا كان يباج سهله ترا يدل بيتكم.الغيه من تفكيرج انه لو اتقدملج خد انتي اللي بتتعبين مب هو.

[قلبي بزي]

ما شي فايدة

على أساس عمرج 29 مب 19،، أنا و البنات كلمناج على أساس إنج عاقل و بتفهمين،، للأسف انتي معلقة،، شكلج انسانة عنيدة
أنتي تتحسبين أنج الوحيدة اللي ياسلة تمرين في هالظروف
كيف تخططين للمستقبل و أنت مب ضامنة الحاضر،، هي سالفة لعب بالنفسيات و مضيعة وقت و للا شو

انسي كل الكلام،، نفترض أنه صددددق يحبج و يباج بالقو بعد،، بيموت لو ما خذاج،،،، ليش يالس يضيع 3 سنوات؟؟!! أحيد اللي يحب صدق مستعد يسوي المستحيل عشان يبدا يعيش حياته مع حبيبته حتى لو يخطبها عالأقل،، صح وللا لا

حبيبتي لو أنتي مب مقتنعة في كلامنا و يالسين تحاربينا نحن كلنا عيل ما في داعي أساسا تنزلين الموضوع،،،، لأنه الصراحة ماله معنى من عقب ردودج
انسان لعاااب واااضح،، ترى الشباب يلعبون درجااااات،،،، و أنتي للأسف وايد متأثرة بقصص و افلام الحب،،، هذا حبيبتي واااايد بعيد عن الواقع اللي نحن عايشينه
و كلامج و دفاعج عنه معناته أنتي اللي تحبينه و شكلج معجبة فيه أكثر عنج

شو تبينا نقولج يعني،، سيري بادري ،، كلميه،، خذي رقمه مثلا،،، ليش وين عايشين،، 29 يعني الوحدة تبيع عمرها،، هذا نصيبج يا أختي و قولي الحمدلله،، و بعدج و إن شاء الله بييج نصيبج،، شي بنات عدوا 35 و ما يفكرون نفس تفكيرج،، أنتي تتحسبين أنج بتكونين أفلح عنهم و بتضبطين مستقبلج،، حبيبتي هذا قضاء و قدر ،، لو الله كاتب لج بتعرسين هالشهر و لو الله رايد عقب سنتين بتعرسين عقب سنتين لو يقولج الريال نفسه أنا ياي اليوم أخطبج،، لان في النهاية رب العالمين هو اللي يكتب لنا من بنعرس و متى بنحمل و متى بنموت و كل شي بيده سبحانه

كلمناج على أساس وحدة فينا طلبت نصيحة و ما قصرنامعاج،، نعامل البعض في المنتدى رغم أن ما نعرف بعض كأخوات،،،،، ما نباج تعيشين أوهام،، ترى الحب هذا بعد ما يروح و ينتهي بيسبب لج نفسية تعبانة و احباااط،، و نحن ما نباج توصلين هالمرحلة،، كل شي واضح،، نحن المعرساب عندنا خبرة عن شخصية الريال،،، قبل ما أي وحدة تعرس تكون مثلج،، تنخدع،،، ما تفهم صح،، تتوهم و تتخيله واقع،، و بالأصح تتمنى،،، و آخر شي يختفي من حياتها و لا كانه كان فيها،، ليش تبين توصلين لهاي المرحلة!!

عيشي حياتج،،، لو طلعت لج وظيفة مكان ثاني،، توكلي،،، سيري احضري عزايم و يلسات الحريم مع خواتج أو الأهل أو الوالدة وربيعاتها،،، خليج رزينة جدامهم،، جامليهم،، وجبيهم،،، و الله بيجدم لج الخير يا رب

بس اللي يالسة تسوينه الحين رغم انتي تشوفين ولا شي،،، أنتي يالسة تكتمين في قلبج،، و لا تتحسبين بيروح بالساهل

الله يعلم كم كتبت،، و الله يعلم كم أنتي بتفهمي،، و الله يعلم كم بتقتنعين
في النهاية،، اقتنعتي كان بها، ما اقتنعني هاي حياتج و أنتي اللي بتتحملين نتيجة قراراتج

الله يوفقج و يسعدج و ينور بصيرتج

أتفق وياج ^^

[غلآ نفسي]

خواتي العزيزات
كلامكم جميل وما فيه شي ونصايحكم حلوة واكيد حابة اطبقها بس بقول لكم شي يمكن يغير وجهة نظركم
اول شي هذا الريال انا اعرف عنه بعض الأشياء مثل سوالفه عالفون مع بعض البنات وابتسامته لأي وحدة تعطيه الفرصة انه يغازل
لكن بسألكم سؤال: واحد مثل هذا فترة طويلة وهو على نفس حاله كل يوم حاط عينه في عيني وكل يوم يثبت لي انه في مشاعر يحس بها تجاهي حتى بدون ما يتكلم
وانا كنت احاول اتجاهل
سؤالي: اذا هو لعاب هالكثر ويتسلى وياي عشان هو متزوج شو اللي مانعنه ايي ويطلب رقمي مثلا او يسولف وياي مثل اللي يعرفهن؟
بنات والله انا نفسي مستغربة من حالتي وفكرت وقلت يمكن انا اتوهم ويمكن ويمكن...الخ
انا مابا اتعب نفسي او افكر زوجة ثانية ولا زوجة اولى بس والله انا انسانة اكثر من ريال يشوفني اول مرة يخطف عادي ثاني مرة يتم بس سرحان في ويهي لدرجة اني مرات اسأل نفسي هل انا فيني شي غلط او شي ملفت او او بس ما الاقي شي
انا وحدة متحجبة كل اللي ينحط في ويهي بودرة وبلاشر وبس الصبح اول ما اداوم وان حطيت روج الصبح وانمسح ما ارد احط مرة ثانية او اعدله, يا بنات الريال وياي مب لعاب ولا شي ولا سوى اي حركة غلط بالعكس حتى كلمة ما يتكلم وياي الا ناااادر جدا انا الحين عمري 29 سنة مب صغيرة عشان واحد بيلعب في مشاعري او يتسلى وياي وصح اني افكر فالزواج والارتباط
لكن فيه شي مانعني عن الزواج الوحدة اللي نفس حالتي يوم تنخطب والمعرس ما يوصل لين البيت حتى ولا تشوفه ويختفي شو يكون رايكم في موضوعها؟!
صدقوني لو هو يتسلى عمري ما بلتفت له او افكر فيه ولا حتى في اي شخص نفسه بس مشكلتي ما اعرف شو اسوي, انا عندي امل فالزواج حتى من اي شخص ثاني بس لو انفجت العقدة وتقدم لي هالشخص شو بسوي هذا اللي بغيت اعرفه!
والسموحة منكم

لانج تداومين وياه عشان جي للحين ما تجرأ وعطاج رقمه بلاج انتي ما تتعرفين هالرياييل

[نبضة حنونة]

هاذي اهي نتيجة الاختلاط ماحرم ديننا الاختلاط عبث حرمة لحكمة وفايدة وهي صون النفس والحافظ على الدين
ياليت يتم تخصص اقسام نسائية بعيدا عن الاختلاط والله يسترنا جميع
اختي لا توهميين اختي اكثر عن جية انت واضح انج مقتنعة وتبغينا نقولج صح يحبج لا يا ختية الحب مب جية الحب تضحية وهاي الانسان
ثلاث سنوات قبالج شو من تضحية قدم
لا تضيعين عمرج باجر بيصحى وبيرد لزوجتة وعيالة هاذا اذا كان يحبج
وشو يعني 29 حسستيني انج 59 شو بعدج صغيرة والعرس مب كل الحياة اشغلي وقتج بعد الدوام في برج مع اهلج والدينج في دار تحفيظ للقران في جم طلعي روحي شيلي هالريال من فكرج وتفكيرج وتوكلي على رب العزة والجلال واعلمي ان نصيبج بتاخذينة كامل من هالدنياء في كل شيئ
وماشاء الله كان وماشاء الله سيكون ولا حول ولا قوة الا بالله العلي العظيم والله المستعان..

[الدرةالمصونة]

يا حبيبتي

يعني باين من العنوان ان انت الي تتمني هالريال قبل ماهو يتمناج
لانج كاتبة امنية مستحيلة ..

يعني الريال المتزوج حتى لو كان خايف الله وما يطالع الحريم عشان بيته وزوجته هن الحريم هداهن الله بيشجعن الريال على النظر والعلاقات

طبعا اعذريني انا ما قصدتج بهالشي بس شوفي كلام ربيعاتج وشلون اينبهوج على ان الريال مهتم فيج ..


الله الي يستر ياربي ..


انا زوجي حاليا يدرس ويبا يكمل دكتوراه ويقول يمكن اصير استاذ جامعي وانا احترك من داخلي

ما ابي يصير استاذ ولا شي رغم ان احنا محتاجين لراتب الاستاذ

بس لانه اعرف راح يدرس بنات في الجامعة مو بس بنين

وهو يقول انا يوم اصير استاذ اكبر واستوي عود

بس انا ما اخاف من زوجي اخاف من البنات