زوجي والنفاس

**دوا جروحه** · 2014-10-06, 00:23

مرحبا خواتي شحالكن؟ حابة آخذ رأيكم ،، انا توني والدة من يومين وزوجي قال لي تبين اتروحين بيت اهلج اتريحين هناك قلتله انا ما اصبر عنك بس انت شو اتشور قال مادري بس المشكلة انا بيكون عندي دوام فحسيته يبيني اروح هناك شو تنصحوني أخاف اروح ويتعود على فراقي
مترددة ساعدوني فحل ويزاكم الله الف خير

المزيد من آخر المواضيع من نفس القسم:

**افناان** · 2014-10-06, 02:13

بالعكس اذا رحتي بيشتاق لج اكثر و الحياة بيصير فيها كسر للروتين و هالشي يجدد المشاعر بينكم ..

روحي بيت اهلج و مبروك ما ياج ربي يجعله ذرية صالحة

**أحلام علي** · 2014-10-06, 02:56

هو يخاف عليج

بس رأيي شخصيا افضل فبيتج عنده

**دوا جروحه** · 2014-10-06, 04:56

مشكوورة الغالية على تجاوبج معاي ويزاج الله كل خير

**9sudfa** · 2014-10-06, 05:13

روحي بتحصلين اهتمام اكثر وهو بيزور الطفل عاد ما بيقطعج ولا تطولين اكثر عن اسبوعين اذا خايفه يتعود الفرقى...

نحن والله تسويله اكبر طاف الين تتعافى وتلتئم الجروح ويرد الرحم مكانه وتحتاجين تغذيه وراحه للظهر و في ها الفتره الاهل يساعدونج ف الياهل وانتي تحطين كريمات وخلطات وتنظفين عمرج عدل وتهتمين بشعرج وكل شي وتردين بيتج عروس متحنيه نحن جيه نسوي خخخ

**ناروتا** · 2014-10-06, 07:58

عادي اختي روحي لكن خلكم على تواصل , وخليه يزوركم دايما , يعني سوو عشا غدا واتصلو عليه كل كم يوم يتم يزورك ويشوف البيبي ويشتاقلك اكثر , وانتي من حقك فتره ترتاحين فيها

**مالتيزرس** · 2014-10-06, 11:52

جوفي حبيبتي الحرمة تعرف طبيعة الريال ..فاذا حسيتي انه مجتاينج ومايصبر عنج نصيحة تمي وياه ع الاقل تحت عينه ...أما اذا حسيتيه عادي سيري ولاتطولي المدة ولاتقطعيه وتحسسيه انه في البيبي ماخذ وقتج ..اتصلي به وطرشي له مسجات وهيك يعني ...والله يوفجكم

**الوردة الجورية** · 2014-10-06, 16:05

اذا بجر روحي بين اهلج وخليج على تواصل معاه
وخليه يتغدى و يتعشى عندكم واذا حب يبات يبات

في بيت اهلج المفروض تحصلين اللي يهتم فيج و في البيبي وكل شي جاهز لج من الاكل والملابس و النظافة
وفرصة لج تعتنين عناية مكثفة خاصة بالنفاس وتتفرغين بعد للبيبي لين تنتظم رضعاته وتتعودين على روتينه

**بنت$الشيخ** · 2014-10-07, 00:07

ما أنصحج تروحين لو كنتي تشكين في ريلج
لانه بعض الرياييل يعتبرون نفاس الحرمة اجازة
سنوية يسوي فيها البلاوي ، ترومين تفرشين غرفة
ثانية داخل بيتكم تباتين فيها انتي والبيبي لين ما
تخلصين النفاس عشان الريل يكون تحت عيونج
والله يسعدكم

**مس تاتوتة** · 2014-10-07, 00:40

انا عشت في اكتئاب يوم كنت نفاس في بيت اهلي هههههه معنه الكل وياي بس حسيتني اباه كنت أحسب الايام ههههه كملت شهر و رجعت

**sa7el** · 2014-10-07, 08:52

سيري عالأقل أسبوع،، أكل و نوم و بيساعدونج مع البيبي،، جربي ريلج هالاسبوع و شوفي ، ،إذا مرتاحة،، يلسي أكثر،، حسيتي مطنش و ما يشتاق و جي ارجعي بيتج،،

**أم حور26** · 2014-10-07, 09:12

حبيبتي نصيحتي روحي في بيت امج لان هو بيشتاقلج وايد

وبيزورج أكيد

توكلي على الله حبيبتي

**احلى بعفويتي** · 2014-10-07, 09:55

ياربي عليكم يالمربيات ..

انتي وين راحتج معاه و الا في بيت امج

جوفي اذا في بيت امج في حد بيساعدج و بترتاحين برايي تروحين عندهم اسبوعين و عقب تردين بيتج

بس اذا بيت امج مافي حد يساعدج و بيتهم صغيروني و ماعندج غرفه او مكان تمي في بيتج اريح لج

و الريل اسبوعين ما بيستويله شي و لا بينخطف قصدي ما بينساج خخخخخخ

**Cobon** · 2014-10-08, 07:39

حياتي
لا تسمعين نصيحة حد ابدا
ترى مب فرض كل وحدة تبات ف بيت اهلها وقت النفاس
كل حرمة تعرف طبيعة ريلها

و ع حسب قدرتج لو تبغين حد يساعدج او لا و قادرة تشيلين عمرج
هل ف بيت امج يساعدونج و يريحونج ؟ و هل عندج غرفة و مكان تباتين فيه ؟

انا بالنسبة لي اروح بيت اهلي و عندي ملحق صغير و مرتبة اموري
و ريلي يبات وياي مستحيل ابات بدونه و عادي ارجع البيت بسرعه ما اطول
لو ريلي ما يبغي يبات خلاص ابات ف بيتي و كفاية علي يساعدني ف النونو

الموضوع: زوجي والنفاس

أدوات الموضوع

عرض