اتخذت قرار سريع بعد طول انتظار،،، اخيرا ربطت المعده

[miia]

بعد نقاش طويل عريض وريلي ابد ما كان راضي اتصلت على مستشفى الامارات اخذ موعد عند الدكتور روجيه واكتشفت انه صارله شهر يسوي عمليات ربط في بوظبي خصوصا انه دكتور مستشفى الامارات في دبي، ما تتخيلون فرحتى قلت سبحان الله كل مالها الامور تتيسر، خصوصا انه المستشفى اللي يسوي فيه العمليات في بوظبي ابد مو بعيد من بيتي، قالوا كل ثلاثاء يكون موجود خذت موعد وكان اليوم الثاني،،،

سرتله الموعد متحمسه شرحلي الوضع وطمني وقالي اذا كنتي ماشيه على كلامي وارشاداتي بتكون امورج في السليم، طبعا رجعت البيت وبعد نقاش طويل عريض رضى زوجي بس اني اسويها في اجازه الاولاد شهر 12.

سافرت وتونست في شاليه وتزحلقت وتعورت كثير، مع ان الطيحه كانت خفيفه، وقبل العمليه باسبوع اتزحلقت في الدوام وطحت وكان يوم عصيب ملئ بالالام النفسيه والجسديه وحسيت ان زياده الوزن لها تأثير، ومعاناتي مع المتن من بعد ما يبت بنتي الاولى وانا عندي 5 الحين، في اخر ياهل نزل وزني كثير مع الحمل صح مش في صالح ولدي لكن كنت مستانسه اني برجع رشيقه، وبالفعل نزل وزني كثير خصوصا يتني حمة الرضاعه اسبوعين ووصل وزني 69، بعدها قررت اغير نظامي الصحي لمده 6 اشهور بعدها ما قدرت اتحمل خصوصا اني بالرغم من اني مسويه الدايت لكن طلع وزني 4 كيلو، الموهيم بعد ست اشهر ما قدرت عالدايت حاولت كثير وابد ما قدرت وزدت يوم ولدي كمل سنه 15 كيلو، ما تتخيلون كيف، حينها عرفت ان لازم اسوي شي قبل لا يفوت الفوت،،، في مواقف كثيره تعرضت فيها فحياتي من بينها اني كنت سايره ازور بنت عمي في المستشفى نفس اليوم الكل تفاجأ كيف متنت مره واحده، طبعا انا خلاص تعودت على الكلام وما صار اييب فيني شي، بعدها رجعت البيت قلت لزوجي بسويها قبل عيد الاضحى طبعا تفاجأ، وقبل عيد الاضحى يعني بعد اقل من اسبوع، وبعد نقاش طويل عريض رضى وما صدقت مسكت الفون وحددت الموعد وتوكلت على الله، قالولي تعالي ثاني يوم علشان يشوفج دكتور التخدير وناخذ فحوصات،،، قلتلهم فااااااالكم طيب.

ثاني يوم صبحت عليهم وسويت فحوصات كثيرة، تخطيط قلب، الترا ساوند، دم الخخخ تميت ساعتين وخلصت قالولي تعالي يوم العمليه الصبح


اذا شفت في تفاعل بكمل قصتي،،،

المزيد من آخر المواضيع من نفس القسم:

• اهم أسباب تراكم الدهون في الظهر وطرق التخلص...
• بغيت خلطة تسمين
• حيل ذكية لخسارة الوزن بفعالية وفي وقت قصير
• اسرع طريقة للحصول على بطن مسطح
• اهم أسباب ثبات الوزن أثناء الرجيم وطرق...
• احذري هذه الانظمة فهي تخسس لكن تدمر
• رجيم قاس جدًا سريع المفعول لنسف الدهون بالجسم
• تعرفي على رجيم الكورن فليكس
• تعرفي على جدول في السعرات الحرارية للخضروات
• افضل حمية غذائيّة لإنقاص الوزن بسرعة

[بنت العين7]

ههههههههههه قرييييت وقريييييت واخر شي ماشي تكملللله

مااايخصني ف ربط المعده بس حبيت اقرا الحمدلله وزني اوكي

اختي تريد تسويييها بس انااا كنت اول المعارضييين لانها صغيره

[miia]

ههههههههههه قرييييت وقريييييت واخر شي ماشي تكملللله

مااايخصني ف ربط المعده بس حبيت اقرا الحمدلله وزني اوكي

اختي تريد تسويييها بس انااا كنت اول المعارضييين لانها صغيره

ان شاءالله بتيي التكمله،،،
ةوبعدين اذا اختج صحتها زينه بس متينه ليش واقفه ضدها، والله المتن تعب نفسي واحراج ما تتخيلينه،. ريلي كان معارض وزعلان لكن يوم شافني اليوم تحسر انه كان معترض كل هالفتره

اذا تحبين اختج وتهمج مصلحتها خليها تستخير وتتوكل على الله وترا ضمان تغطيها الحينه

[MAJIDA]

السلام عليكم
لا انصح بهذه العمليه بعد تجربه احدى قريباتي
في البدايه نزل وزنها وفرحت
بس والله العظيم بعد فتره رجع
وغير هيك صحتها تعبانه
نقص حديد ومعدتها حساسه ترجع على طول
هذه نصيحتي لا تسويها

[miia]

السلام عليكم
لا انصح بهذه العمليه بعد تجربه احدى قريباتي
في البدايه نزل وزنها وفرحت
بس والله العظيم بعد فتره رجع
وغير هيك صحتها تعبانه
نقص حديد ومعدتها حساسه ترجع على طول
هذه نصيحتي لا تسويها

هو في النهايه يعتمد على وزن وطول المريضه، يعني انا وزني وصل لل٨٦ يوم العملية وغير اني قصيرة والكتله الدهنيه متجمعه في الكرش اللي يشوفني يتحراني حامل، وهالوزن صارله سنين اذا نزل يرجع دبل،،، اما بخصوص اللي تعرفينها ورجع وزنها مثل قبل يعتمد على حسب اتباعها لارشادات الطبيب وتضويقها للحلقه، انتي اتقولين انها اترجع دوم معناته تحمل نفسها اكثر من طاقتها

[ضايعه ف دنيتي]

وين التكملة بانتظار القصه

[miia]

وين التكملة بانتظار القصه

في تكمله بس ابي اشوف تفاعل على موضوعي

[miia]

نعود نكمل،،،

ثاني يوم صبحت عليهم وسويت فحوصات كثيرة، تخطيط قلب، الترا ساوند، دم الخخخ تميت ساعتين وخلصت قالولي تعالي يوم العمليه الصبح


قبل يوم العمليه اتصلت فيني الريسبشن وطلبت امرها علشان تعطيني حبه المرئ، لازم اخذها قبل لا انام واصبح عليهم صايمه الساعه ٨ لان عمليتي بتكون ٩

يوم العمليه
قمت من الصبح خلصت امور الببت والعيال وكنت مرتبه شنطتي قبل بيوم صليت واستخرت واستودعت عيالي لرب العالمين وتوكلت على الله
دخلت المستشفى دفعت باقي المبلغ وطلعت طابق العمليات، ويلست في غرفه الافاق اللي بتكون الغرفه اللي بدخلها بعد العمليه حسب كلامهم، طبعا سألوني الاسئله العاديه حساسيه عمليات الخ،، النيرسرات كانن حبوبات الصراحه وبزياده حسيت انهم يعطون معنويات للمريض، خذوا مني كرمكم الله بول. وعطوني ملابس العمليه ويلست اتريا

ين امي واختي وتمينا سوالف وضحك ساعتين، مرني الدكتور وعطاني جهاز بلاستيك فيه ثلاث كور وطلب مني اشفط عليه بقوه ثلاث مرات عسب يقيس قدرتي عالتنفس، وقالي بعد العملية بيكون اصعب بس علشان نتاكد من وضع الرئه.

بعدها ين السيسترات ولبسوني ستوكنقس للريل الين الركبه نفس الدلاغات بس اصابع الرجل مفتوحه علشان يحافظون على الدم ولازم يتم فيني ٣ ايام، بس عادي افصخهن لكن لازم ارد البسهن،،، وسلمت على امي وشلوني بالكرسي المتحرك الى غرفة العمليات

دخلت غرفه العمليات كانه خلية نحل، الكل يشتغل على شي وكان مساعد الدكتور موجود وتم يكلمني ويطمن على وانا ادعي واشرتله اني ادعي وبعد حتى هو تم يعطيني بعض الادعيه، وفجاة وبدون سابق انذار ما شفت نفسي الا قدني في غرفتي اتوجع واسمع صوت امي تناديني. اتاريهم بنجوني هاييج الساعه وسوولي العمليه.

[MAJIDA]

صدقيني هي تتبع الإرشادات ومتابعه مع الدكتور
وما تعطي حالها اكثر من اللازم لانها ما تقدر تاكل كثير لان معدتها صغرت
وبما انك عملتي العملين أتمنى لكي الصحه والعافيه يا رب
وان شاء الله تكوني باحسن حال 

[miia]

صدقيني هي تتبع الإرشادات ومتابعه مع الدكتور
وما تعطي حالها اكثر من اللازم لانها ما تقدر تاكل كثير لان معدتها صغرت
وبما انك عملتي العملين أتمنى لكي الصحه والعافيه يا رب
وان شاء الله تكوني باحسن حال 

الله يقوم ربيعتج بالسلامه ويسهل عليها ترا اذا ما قدرت تتحمل الربط تقدر تروح ويشلونه لها،

[sa7el]

حبيبتي ميا
الحمدلله عالسلامة،، و الصراحة احيي جرأتج،،، ما اتخيل الصراحة بس اللي تاخذ قرار جي أو قص أو تغيير مسار هاي جازفت بحياتها ،،، و عيالها و ريلها و بيتها،، عشان جي استغرب من اللي يسونها،، وعشان جي أنا دايما مع الريجيم و الرياضة،، بالذات الرياضة لأنها تصغر الجسم بمقاسات و تشد الجسم و هالشي مستحيل تستوي لج بالعملية،، يعني الرياضة شي لا بد

المهم فديتج،، على كم سويتي العملية،، و كم خسرتي للحين،،، و شو شعورج،،هل ندمتي و للا لا،، أتمنى إنج ما تكونين ندمانة لأن هالأمور خطوة مافيها رجعة و انتي مسوية ربط ،، يعني الندوب مكان حلقة التضويق بتكون موجودة،،، انا واايد قريت و شفت فيدوهات عشان جي عندي هالمعلومات،، ما أرضى وحدة تشخط بطنها و تشوه المنظر،، مادري أنا جي عقليتي،، أتمنى إنج تحافظين على عمرج و صحتج و ما تتهاونين بالندوب،،،، يلا يا رشيقة ممكن تكملين لنا القصة

[miia]

حبيبتي ميا
الحمدلله عالسلامة،، و الصراحة احيي جرأتج،،، ما اتخيل الصراحة بس اللي تاخذ قرار جي أو قص أو تغيير مسار هاي جازفت بحياتها ،،، و عيالها و ريلها و بيتها،، عشان جي استغرب من اللي يسونها،، وعشان جي أنا دايما مع الريجيم و الرياضة،، بالذات الرياضة لأنها تصغر الجسم بمقاسات و تشد الجسم و هالشي مستحيل تستوي لج بالعملية،، يعني الرياضة شي لا بد

المهم فديتج،، على كم سويتي العملية،، و كم خسرتي للحين،،، و شو شعورج،،هل ندمتي و للا لا،، أتمنى إنج ما تكونين ندمانة لأن هالأمور خطوة مافيها رجعة و انتي مسوية ربط ،، يعني الندوب مكان حلقة التضويق بتكون موجودة،،، انا واايد قريت و شفت فيدوهات عشان جي عندي هالمعلومات،، ما أرضى وحدة تشخط بطنها و تشوه المنظر،، مادري أنا جي عقليتي،، أتمنى إنج تحافظين على عمرج و صحتج و ما تتهاونين بالندوب،،،، يلا يا رشيقة ممكن تكملين لنا القصة

هلا حبيبتي يعطيج العافيه عالرد،، انا ما اتخذت هذي الخطوه الابعد 13 سنه معاناه مع جسمي تخيلي ليله عرسي كنت 46 اول ما ولدت 64، ومن عقبها ما قدرت اتحكم في جسمي لان عامل الوراثه ويوم شلت المراره خلاص خربوا كل شي، غير اني حرمه رياضيه جم وسباحه وشغلات بس اذا نزلت بالكثير مال كيلو كيلوين، وبعد ما يبت ولدي الاخير زدت في ست اشهر 15 كيلو وانا في عمر الثلاثين يعني ما فيني قوه اكثر من اللي اهدرتها في حياتي علشا اضعف، وبعدين كل واحده وطبيعة جسمها انا جسمي محلك سر على جدام ببساطه،،،


عالعموم انا سويت العمليه من يومين واليوم اليوم الثالث وما وزنت ولا بوزن لين اكمل اسبوع عند الدكتور، وبخبركم باذن الله

[miia]

نرجع انكمل،،،

اول ما ثرت من النوم كان في الم وضغط مكان العملية، وفي قصطره في اخرها كوره سيليكون مربوط بمكان العمليه عسب تطلع السوائل والدم، خبرتهم اني عطشانه ما رضوا يعطوني شي الي ثاني يوم، وكنت دايخه كل شوي اتالم واتوجع بس وجع ينطاق ويعطوني مسكنات وارجع انام

قبل صلاة العشا كنت احسن، دشيت الحمام روحي وشيك علي الدكتور قبل لا يروح وخبرته اني عطشانه قالي النيرسرات بييبون لج كسرات ثلج اامن من الماي وطمني باني بطلع ثاني يوم

وتميت الليل كله اتقلب طبعا الجنب اللي مافيه العمليه اريحلي وقضيت وقتي بين الحمام والنوم.

اليوم الثاني
الصبح سبحان الله دب النوم فيني، دشت علي دكتورة التغذيه الفجر واحليلها شكلها كانت سهرانه، عطتني ملاحظات كثيره لازم التزم فيها عسب ما اتالم واضعف عدل،،، وبعدها ما خلوني في حالي دش الدكتور تطمن على صحتي وطلعوا مني البايبات والمغذي وعطوني ابره عسب يحافظ على الدوره الدمويه وحطولي مسكن وقالولي اترومين اتسيرين البيت،،،


خلصولي اوراقي والحمدلله كنت امشي وانش في الم بسيط بس مقدور عليه، وقبل لا اطلع عطوني شاي اعشاب شربت شوي شوي منه بس ما كملته،،، وطلعت من المستشفى الحمدلله واموري تمام حتى اني رجعت لحالي وسقت بسيارتي لين البيت الحمدلله، وتوته توته خلصت حدوته الربط،،،


قبل لا اسوي العمليه وزنت وكان وزني 86.2 وان شاءلله نهايه كل اسبوع بوزن


واي استفسار انا حاضره

[miia]

امس كان اول يوم لي في البيت، ارتحت الظهر وخذت مسكن علشان انام بدون ما تاذيني الالام، ونشيت العصر سرت بيت امي اسلم عليها والحمدلله يمكن ويهي مصفر لان مسويه العمليه قبل بيوم بس الامور طيبه، شربت شاي احمر عند ماماتي وصليت وانا يالسه عالشبريه لان مكان المناظير شوي مشدود وتميت عندهم شوي وظهرت

رجعت البيت شربت عصير تفاح شوي وماي، وكملت شربت المسكن ونمت

البليل لعوزتني الغازات بسبب العمليه، لان اصل المنظار ضغط هواء ورذاذ ماي فتميت يايه رايحه الحمام، الصبح اليوم خذتلي مسكن ووعيت اليهال للمدارس والامور تمام التمام ان شاءالله


وعن نفسي لين الحين ما ندمت لكن ندمانه اني الوقت كله كنت خايفة من العمليه، ناسيه ان الالام بتكون فتره بس وبتهون مقابل النتايج،،

والله ييسر لكل واحده تبي اتسويها تستخير وتدعي وتتوكل عالله

[أم المزيونه33]

الله ايسر لج امورج

المتن غير النفسيه كله امراض

زين يوم اتخذتي هالقرار المتن كله سكر وضغط وبلا وي