ساعدوني بالتفكير في حل ( زوجي يبا يتزوج )

[زينب الطيبة]

السلام عليكم

اختصار الموضوع

زوجي يبا يتزوج علية مع العلم اني انا الي أصرف عليه و على البيت و على عيالي
يقولي تمي جي و انا بتزوج
انا من النوع الي مستحيييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييل اقبل بضرة
لاني ولله الحمد مب ناقصني شي بالعكس أنا واااااايد احسن عنه في كل شي
العلم
الدين
العقل
الراتب
الكفائه
الجمال
الادب
كل شي كل شي
شو اسوي و مع كل هذا يمد ايده
أنا إشتكيت عليه فالشرطة لان إخواني و عيال عمي كانوا يضربوه مثل ما ظربني فما حبيت انه هم يدخلوا الشرطة وتكبر المشكلة ويدخل اللي ما يخصه في الموضوع السجن
جي ريلي الي بينسجن لانه مد يده علية بضرب مبرح
شو الحل

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مخترعه]

دام يبا يتزوج خلي برايه شو تبين فيه يضربج الله يعينج. افتكي منه

[تناهيد جرح]

وعليكم السلام والرحمه
عفوا أختي منو الريال في البيت ؟أنتي ولا ريلج ؟!!! وين المسؤليه ؟
هو شو وظيفته اذا انتي اللي تصرفين عليه وعلي البيت ؟هو مزهريه
وليش تصرفين علي عيالج وهو ليش ما يصرف عليهم ؟ ولا
عيالج بس مب عياله ؟ اكبر غلط هاللي يستوي المفروض الريال هو اللي
يصرف ع البيت وعلي العيال وعليج حتي لو كنت تشتغلين لازم يحس بالمسؤليه
بعدين اشوف عنده فلوس ويقولج بيتزوج ؟ ليش هالفلوس ما يصرفهن عليكم
ليش اختي جي ؟؟؟؟ ماعرف شقولج انتي ما شاء الله مب قاصرج شي
بس قهرني انه انتي اللي تصرفين ومتحمله المسؤليه !!

وبعد فوق هذا يضربج لا اله الا الله .. الله يهديه

سوري اذا كان كلام جارح واذا اسلوبي ماعيبج

الله يهديه ويسخركم لبعض

[مالتيزرس]

وعليكم السلام والرحمه
عفوا أختي منو الريال في البيت ؟أنتي ولا ريلج ؟!!! وين المسؤليه ؟
هو شو وظيفته اذا انتي اللي تصرفين عليه وعلي البيت ؟هو مزهريه
وليش تصرفين علي عيالج وهو ليش ما يصرف عليهم ؟ ولا
عيالج بس مب عياله ؟ اكبر غلط هاللي يستوي المفروض الريال هو اللي
يصرف ع البيت وعلي العيال وعليج حتي لو كنت تشتغلين لازم يحس بالمسؤليه
بعدين اشوف عنده فلوس ويقولج بيتزوج ؟ ليش هالفلوس ما يصرفهن عليكم
ليش اختي جي ؟؟؟؟ ماعرف شقولج انتي ما شاء الله مب قاصرج شي
بس قهرني انه انتي اللي تصرفين ومتحمله المسؤليه !!

وبعد فوق هذا يضربج لا اله الا الله .. الله يهديه

سوري اذا كان كلام جارح واذا اسلوبي ماعيبج

الله يهديه ويسخركم لبعض

مع كلامةالأخت تناهيد جرح ..
فوق كل هذا ويمد ايده بعد ...
شكلج دلعتيه واايد وعطيتيه ويه زيادة ..أنا انقهرت عليى موضوع

[ساندرا اليكيس]

أحيانا نحن نسمح للآخرين بجرحنا، وهذا بالضبط ما فعلتيه... كان من البداية لازم تزبطي رجلك، بكرة بتشوفي الحرمة الجديدة هو اللي بيصرف عليها ... لانها قامت بدورها كحرمة بس,,, انتي ما كان لاوم تحملي نفسك دورين/// دور الرجل ودور المرأة ,,, وهو طمع فيكي لم فلوس واول ما صار معه قال بياخذ وحدة عليكي,, اللي لا يوفقه بالزواج من الثانية ان شاء الله تخرب عليه حياته من الاول ويرجعلك بسرعة.. اتمنى الزواجة تفشل ما عرف شو اقول.. بصراحة رجال اخر زمن يبالهم اولويز ما فيهم مرجلة

[ناروتا]

ما دام عنده فلوس يتزوج ويدفع مهر عروس جديده , معناها الخلل منك اختي
سامحيني من البداية المفروض ما قبلتي بهالوضع انك تتحملين المسؤلية وهو مزهريه في البيت
النتيجة انه صار معاه مبلغ وبيتزوج الحين
شو الحل ؟ الحل حاليا انك ترفعين ايدك من مصروف البيت تماما وتبلغيه بهالشي وهو ملزوم يصرف على الاولاد والبيت ولو ما طاع كلمي ابوه او حتى اشتكيه
ولو خلاص بيتزوج وانتي ما تقبلين بضره ابدا معناها افتكي منه ولااااااااازم هو يصرف على الاولاد , المحكمه تحكم لهم بمصروف شهري

[زينب الطيبة]

شكرا خواتي لكل الي ردوا علية

اعرف اني غلطانه لاني خذيت مكاني و مكان غيري فالبيت الرجل والمراة

وللعلم هو ما عنده فلوس عشان يقدر يتزوج بس للأسف هو أصلة من اليمن
وعندهم في اليمن الزواج واااااااااااااااايد رخيص يعني يا دوب ما بيكلفة الموضوع كلة 5 آلاف

وهو لانه مافي عقل بالمرة ما يفكر هاي الي بتزوجها و بييبها من هناك بدون شهادة ولا وضيفة و كل سنة بتييبلي ياهل يوم يستوي عنده 6 ولا 7 منو بيصرف عليهم
هو الي بدون شهادة كبيرة و بدون راتب كبير و بدون عقل
ولا هي الي بدون شهادة بالمرة و لا وظيفة

هو من كثر ما كنت زينة معاه و اسمع كلامة في كل شي
اتحرى اني برضى اكمل العيلة و اصرف عليه و على الي بيتزوجها و عيالهم

اه يالقهر

يوم فكرت انه ريلي بيضيع مني وبيتي بخترب لان طول ما انا عندي فلوس هو ما بيصرف عالبيت
فكرت أطلع من الدوام ( طبعا رفض وقالي لو طلعتي ما بقدر اصرف عالبيت لاني داخل جمعية عشان اسوي مشروع ) الريال يفكر يستوي غني عشان يفتح بيت ثاني و انا أتم اصرف على بيتي
وبعد الي موتني قهر اني كنت واااااااايد زينه معاه بكل مشاعري و هو عمرة ما قالي كلمة طيبة ( ناكر للجميل )
حتى ديونه سددتهم , اقوله ردلي فلوسي يقولي ( انا ما أخذتهم على سبيل الدين , انتي دفعتي بكيفج ما ضربتج على ايدج )
هذا جزاتي
هذا جزاء المعروووووووف

[زينب الطيبة]

في شي واااااااااايد مهم

والله اني استحي اقوله

بس لازم اقوله عشان تحسو فيه

ريلي ضعيف جنســــــــــ .......


تخيلوا القهر


و ماسكلي الشرع حلل أربع
وناسي
من استطاع منكم البـــــــــــــــــــــــــــــــــــــــــــــــ ـــــــــــــــــــــاء فاليتزوج

الباء ( مصاريف الزواج و القدرة الجسدية والعقلية و التدبيرية )


من انسان بهالطريقة

استغفر الله بس

[غلآ نفسي]

والله في هالزمن ما نعرف نأمن ع منو

اللي متعبه عمرها برعايه وتنظيف وبيت وعيال ريلها يتزوج عليها واللي وحليلها ماخذه دورين الرجل والمراه هم الريال مب عايبنه يبا يتزوج ع حرمته واللي دوم كاشخه ومهتمه بعمرها هم ما يشبع هالريال يبا يتزوج واللي طاقتها محدوده هم يبا يتزوج عليها .. شو هالرياييل ؟؟؟؟؟؟؟؟

الله المستعان

الله يعينج اختي

سبحان الله وبحمده .. سبحان الله العظيم

[ساندرا اليكيس]

من الاخر .... لا تخليه يطول قرششششششششششششششششششششششششش واحد منك من اليوم ورايح وخله ينقلع برا البيت، شتبين بريال مثل هذا.. عسى الله يكون كاتب هالشي عشان يعطيكي رجال ثاني يعزك.... اسمحيلي زوجك هذا مب ريال، وتاني شي كيف تقولين فلوسك هي فلوس رجلك
هذااااااااااااااا أكبررررررررررررررررررررررررررررررررررررررررررررررر ر غلط... نبي الله ابراهيم زوجته سارة كان عندها املاك وما كان يمس منهم شيء لان ذمة المرأة المالية منفصلة عن ذمة الرجل وهو مجبر ينفق عليها....
الشي الأخير شفتي شو قال لك، قال انتي عملتي هالشي بروحك وهو ما ضربك على يدك... قمة الجحود ما عرف اوصفها الا بها الكلمة، قمة الجحود،،، خلاكي تسكري ديونه وعقب يشوف غيرك!!!

والله لو زوج اختي بسوي كنت انا اللي بتصرف معه، وبجيب له الجلطة بتصرفاتي لين يطق عقله...

[الوردة الجورية]

قطعي عنه المصروف
عندج التوجيه الاسري طالبي بحقوقج وحقوق عيالج

اللي صرفتيه راح لا تسألين عنه
طالبي صرف شهري لج ولعيالج الحين بشكل رسمي يدفع عن طريق المحكمة لاتقبلين انج تستلمين منه مباشر

[افناان]

الله المستعان
واضح انج تربيتي في بيئة تقدس الحياة الزوجية و الزوج حتى لو على حساب نفسج و اعصابج ، ريلج عرف طبعج و طبيعتج من البداية و عرف يستغلج عدل ، فيه جشع و انانية و انتي طيبة و فيج سذاجة و تستحين تردين احد و تقولين لا ...

هذا تحليلي للمشكله ، اما بالنسبة للحل فلا يصلح العطار ما افسده الزمن ؛ ما اظن انه بيتغير جذريا و بيكون نعم الزوج و الاب لكن اللي بايدج الحين انج تقطعين عنه اي امداد مالي و تلزمينه يصرف على العيال بكل قوة مش بكيفه ، و ما راح يمشي معاج الا بالقوة و ستذكرون ما اقول لكم !!!

[زينب الطيبة]

هالانسان فعلا عندة جحود مب طبيعي


المشكلة الحين يبا يقص عليا يقولي ردي البيت واتنازلي عن قضية الضرب وأنا ما بتزوج


يبا يسكتني و ينيمني و يتزوج

[أحلام علي]

طلعي من الدوام اجازة سنوية ولا اجازة بدون راتب

وقوليله إنج ودرتي الدوام وفعلا بتودرينه شهرين مثلا ولا ثلاث

ماعرف شغلي كيد الحريم

[m.a.Q]

الله يعينج عليه
ادعيله و ان شاء الله بيتغير
و الي فيه خير بيصير