وزن البيبي طبيعي ؟ طمنوني الله يخليكم

[ميرانة]

أنا ولدت و وزن البيبي كان كيلوين و 460 جرام ،
كلهم يقولولي انه وااايد صغير ، خلوني أوسوس ليش البيبي وزنه قليل ،،

امنو يابت بيبي بنفس الحجم تقريبا ؟ و شو تجربتها وياه ؟ الحين بعد ما كبر بعده صغير بالحجم و الا حجمه طبيعي ؟

المزيد من آخر المواضيع من نفس القسم:

• اجمل اسماء مواليد جديدة بحرف الراء ومعانيها
• افضل الطرق البسيطة التي تساعد على تنويم...
• متى يسمع الطفل وطرق التعامل معه خلال هذه...
• اهم فوائد الحفاضات القماش وانواعها
• هل يمكن ان ينتقل فيروس كورونا خلال الرضاعة...
• افضل طرق علاج نزلات البرد عند الاطفال
• وصفة التوت والشوفان والكوسة للاطفال الرضع...
• وصفة التفاح المهروس والذرة وقرع الجوز...
• وصفة الجزر والذرة واليقطين للاطفال الرضع حصري
• افضل طرق التعامل مع المولود الجديد

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[khakhou68]

حبيبتي عادي انا ربيت وكان وزني البيبي 2.700 وبعد ساعه من الولاده صار 2.500 ههههه لا تتوسوسين ، طبيعي

[بنت العين7]

عادي طبيعي اختي ربت وزن ولدها اقل عن 2.400 والحين ماشاء الله عليه كبر و وزنه طبيعي والحمدلله بخير وصحه
ونفس الشي بنت عمتي كان اقل عن 2.400 وماشاء الله بعد مايكملون ثلاث او اربع شهور تتغير طبيعت جسمهم لا توسوسين عادي ، اختي كانوا يقولون شويه ومادري كيف بس يوم الدكتوره قالت ماعليج البيبي يطلع ع طبيعة امه وابوه مب شرط الكل يكونون شرات بعض

لا تحاتين ولا شي
مبرووووك ماخرا ويتربى/ تتتربى ف عزج ان شاء الله

[ناروتا]

اختي العبره مش بالوزن ابدا
العبرة بنوعية التغذية الي تلقاها الطفل اثناء فترة الحمل, وبالرضاعة الطبيعية بعد الولاده , هالأمرين هم الي يؤثرون على مناعة الطفل وصحة جسمه يوم يكبر

[ميرانة]

مشكورين حبايبي ، يزاكم الله خير ، طمنتوني عالنونو ، و الله دوم يوم أجوفه جي و اسمعهم يقولون انه وااايد صغير يخوّف قلبي يعورني عليه ، أباه يكون طبيعي

[شما الهاجري]

انا ولدي يبته 2.745 كيلو
وبنتي كانت 2800 وبعد الولادة صارة 2500
والله يحفظهم بعد 3 شهور كبرو وتغيروا

[غرووب 22]

وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ

[مس.مريوم]

عيل شتقولين ولدي ربيته 1500 كيلو والحمدالله كل شي طبيعي ..

[Cobon]

حياتي انا يبت ولدي كان وزنه 2.00 كيلو
ع الاقل نونوتج امتن عن ولدي


يبت النونو كل يوم حد يخرعني من الناس ضعيف ضعيف
و جيكو ع قلبه و سوو فحص و عطوني موعد ثاني اراجعهم
عقب الدكتور قال لي هاي "اجراءات روتينية" لليهال اللي حجمهم صغير

و كبر الولد و كل يوم الناس
ضعيف قصير مب طويل
ما يمشي بسرعه ما يحبي ما يتكلم بسرعه
بس ع حسب ما اجوف يحبي شوي شوي و يدرك الامور و يحرك جسمه
و جسمه زين

وما شاء الله تبارك الله مثل الغزال فديته استوى ريال و متختخ و كمل سنة
عقب مع الحليب الصناعي و الاكل و الفواكه بيتغير وايد
وما شاء الله حركي ربي يحفظه و يفتح الادراج و يخرب كل شي

صدقيني عقب بتقولين ليش كنت اخاف و احاتي؟؟؟
حياتي ربي يحفظ لج نونوتج لا تحاتين ^..^

[الكشيــخهـ]

وحده من بناتي كان وزنها 2.600 كيلو

والثانيه 2.300 كيلو


الاولى ماشاءالله عليها طبيعيه


بس الثانيه كملت سنه ووزنها الحين 7 كيلو بس الدكاتره يقولون عادي وزنها طبيعي اونه لانها انولدت صغيره


حتى حجمها الحين لو تشوفينها تقولين عمرها 6 شهور

[ميرانة]

عيل شتقولين ولدي ربيته 1500 كيلو والحمدالله كل شي طبيعي ..

و كيف كان شكله و حجمه ؟؟ حجمه تقريبا كبر شو ؟

[ميرانة]

انا ولدي يبته 2.745 كيلو
وبنتي كانت 2800 وبعد الولادة صارة 2500
والله يحفظهم بعد 3 شهور كبرو وتغيروا

ان شاء الله ولدي يتغير بعد 3 شهور
مشكورة اختي

[ميرانة]

حياتي انا يبت ولدي كان وزنه 2.00 كيلو
ع الاقل نونوتج امتن عن ولدي


يبت النونو كل يوم حد يخرعني من الناس ضعيف ضعيف
و جيكو ع قلبه و سوو فحص و عطوني موعد ثاني اراجعهم
عقب الدكتور قال لي هاي "اجراءات روتينية" لليهال اللي حجمهم صغير

و كبر الولد و كل يوم الناس
ضعيف قصير مب طويل
ما يمشي بسرعه ما يحبي ما يتكلم بسرعه
بس ع حسب ما اجوف يحبي شوي شوي و يدرك الامور و يحرك جسمه
و جسمه زين

وما شاء الله تبارك الله مثل الغزال فديته استوى ريال و متختخ و كمل سنة
عقب مع الحليب الصناعي و الاكل و الفواكه بيتغير وايد
وما شاء الله حركي ربي يحفظه و يفتح الادراج و يخرب كل شي

صدقيني عقب بتقولين ليش كنت اخاف و احاتي؟؟؟
حياتي ربي يحفظ لج نونوتج لا تحاتين ^..^

لازم بحاتي ، تراه قطعة مني ،،
أحاتيه و أخاف عليه و أفكر ف مستقبله ،
الله يحفظه لي و يحفظلج عيالج ياارب

[ميرانة]

وحده من بناتي كان وزنها 2.600 كيلو

والثانيه 2.300 كيلو


الاولى ماشاءالله عليها طبيعيه


بس الثانيه كملت سنه ووزنها الحين 7 كيلو بس الدكاتره يقولون عادي وزنها طبيعي اونه لانها انولدت صغيره


حتى حجمها الحين لو تشوفينها تقولين عمرها 6 شهور

اختي انتي الحينه ما تطمنيني ، بالعكس ، ياسة تخوفيني ،،!!!

ان شاء الله بنتج تكبر ،، و ولدي يتعدّل وزنه و حجمه و يستوون طبيعيين ،،

[ام عمورر]

اهتمي برضاعته رضاعه طبيعيه وبعدين ان شاءالله بتضحكون على صوره وهو بيبي ماشاءالله بيكبر لاتخافين طبيعي دام صحته زينه الله يخليه لكم