بنات بوظبي وراك

**مالتيزرس** · 2014-09-13, 22:12

شو من العيادات اللي فراك او بوظبي تكشف للثدي وتكون عيادات ثقة ..وشو من الاجهزة غير الموجات الصوتية لاني سويت موجات صوتية وطلع الحمدلله سليم بس احس فحارج داخل الثدي يمتد للذراع
بانتظاركن

المزيد من آخر المواضيع من نفس القسم:

**أم حمامه** · 2014-09-13, 23:02

النور وايد اوكي
وبعدين يمكن هالالم تكون عصبه
سويت قي النور كان عندي الم قوي في الصدر والحمد الله طلع كل شي زين ومافيني ولا شي
ربي يطمن قلبج وماتشوفين شر

**مالتيزرس** · 2014-09-14, 01:25

أم حمامة شو سويتي كشف للثدي وللا للاعصاب وكيف كان الفحص شو استخدمت الدكتورة الله يرضى عليج

**أحلام مؤجله** · 2014-09-14, 07:17

انا سرت عيادة الدولي للأشعة اللي في راك قبل سنة ونص .. شفتي بناية VLLC في معيريض نفس البناية
واااايد اوكي صراحة ... كشفت علي الدكتورة وحطتلي مادة على الصدر وتمت اتجيييك والحمدالله ماكان في شي،،
اللهم لك الحمد والشكر ...
هذا فحص أولي اذا كانت الدكتورة شاكه في شي لا سمح الله تخبرج اذا تبين اشعة كاملة علشان اتشوف بشكل ادق وأوضح
انا في حالتي الحمدالله الدكتورة ماشكت بشي،، بس النيرس قالتلي اذا تبين قلتلها مابا

**مالتيزرس** · 2014-09-15, 00:18

يعطيج ااعافية الغالية احلام ماقصرتي ..
أنا قالولي مافي شي سويت اشعة أمواج فوق صوتية مافيه شي بس للحين أحس فحارج خايفة من هالشي

**أحلام مؤجله** · 2014-09-15, 07:47

إنزين جان سويتي الفحص الكامل ماعرف شو يسمونه عسب انتي تتطمنين اكثر وان شاء الله
مافي شي يارب ...
انا يوم سويت هالفحص كنت احس ان شي كتله داخل الصدر كل ماتكون الدورة جريبة وكان يعورني

اخر شي طلع اصلا هاي سببها الدورة ويوم تروح عني الدورة راح عني الألم وكل شي ..
واختي دكتورة قالتلي لاتحاتين هالاشياء مااتيي اللي عمرها في العشرينات بس انا كنت أوسوس
فسويت الفحص والحمدالله مافي شي والأهم من كل هذا اني طمنت نفسي

عسب جي اقولج لو شي مجال سويي الفحص الكامل وهالفحص موجود في العيادة اللي قلتلج عنها
على الأقل انتي تتطمنين وماتمييين توسوسين وان شاء الله مايكون في شي يارب

الله يسر أمورج حبيبتي ...

**مالتيزرس** · 2014-09-16, 03:57

والله ماكنت اعرف هالشي ..مشكورة فديتج ماتقصرين ..والله يبعد عنا وعنكم الأمراض

الموضوع: بنات بوظبي وراك

أدوات الموضوع

عرض

العرض المتطور