ادخلو ضروري

[مالتيزرس]

مرحبا خواتي
أنا أعاني من نقص فيتامين دال ..والدكتورة كتبت لي اخذ حبوب 1000 وحدة دولية لمدة ثمان شهور كل يوم حبة ..
خواتي المشكلة أعاني من الم فالذراع والايد اليمين كامل وأحس فحرقان داخلها ماأقدر أسوي شي فايدي ولين الجتف بعد يعورني ..أنا صارلي اخذ الحبوب من أسبوع ونص وماحسيت بتحسن فايدي ..
وبعد ظهري كان يعورني خف شوي بس ايدي تحرقني حتى الثدي قمت أحس فنغزات داخلة وخفت سويت أشعة الحمدلله مافيه شي بس ايدي احسها ثجيلة ماروم اشيلها ..
وعقب ما اقوم من الغدا أحس فدوخة لازم أطيح فوق الشبرية
سويت تحاليل شاملة كلها اوكيه للفيتانات والدم بس هالوحيد الدال اللي ملعوز بي ومكسرنني
منو استوالها شراتي ووين سارت ..لاني سويت أشعة وقوالو مافيه شي ...
لاتبخلون عليه فديتكم ولاتنطشني ..ياريت ترفعن الموضوع
أدري كلامي ملخبط عذا اللي قدرت أكتبه والسموحة


استغفرالله وأتوب اليه

المزيد من آخر المواضيع من نفس القسم:

• اهم اسباب حساسية الطعام وطرق علاجها
• اهم اعراض قصور عضلة القلب وطرق علاجه
• اهم أسباب واعراض التهاب المفاصل وطرق علاجها
• اهم الأعراض وطرق الوقاية من الجلطات
• شو علاج عرق النسا نهائيا بدون عمليات في حد...
• اهم الفوائد الصحية للشوكولاتة الداكنة
• اهم لقاحات كورونا المنتظرة خلال الفترة...
• تطبيق جديد على الهاتف سيكشف إصابتك بفيروس...
• اهم أعراض الانزلاق الغضروفي والأسباب...
• طرق علاج غازات البطن وطرق الوقاية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مالتيزرس]

ليش ما أجوف مشاركات فهالقسم بس مشاهدات ..احس ماشي تفاعل فها القسم ..

[أم مغاوي]

الله يشفيج يارب ماعندي اي خلفيه

والله هذا الفيتامين صار مشكله كل الحريم تقريبا يعانون منه

انا خايفه ايني الدور اللي يجيرنا بس

[warda jouri]

ماعندي فكرة غاليتي بس حبيت ادعيلك الله يكسيك ثوب العافيه وماتشوفين شر

[وجدان الفجر]

يشفيج ويعافيج أختي . أولاً : بالنسبة لجرعة 1000 وحدة دولية يومياً هذه جرعة قليلة ,المفروض يكتب لج عشرة آلف وحدة دولية خمسة أيام في الأسبوع أو خمسين ألف وحدة دولية مرة بالأسبوع , على حسب نسبة النقص عندج .ثانياً : التحسن بالأعراض بيكون تدرجي وبياخذ وقت , لأنه النقص في هذا الفيتامين يأثر على كل أعضاء الجسم تقريباً . أنا عانيت من نقص فيتامين د لمدة 3 سنوات قريباً وما وصل للمعدل الطبيعي إلا من شهرين بس . كانت نسبته في البداية 5 ,وأخذت الخمسين ألف وحدة دولية , كبسولة في الأسبوع لمدة 3 شهور , مع التحليل كل شهر , ويوم وصلت لنسبة 15 , الدكتور نزل لي الجرعة ل 1000وحدة في اليوم , ومع إني أكل سمك ثلاث مرات بالأسبوع بس النسبة في الدم ما رتفعت أبداً عن 17 , وستمرت هذه النسبة تقريباً سنتين , لين رحت لدكتورة ثانية وغيرت الجرعة لعشرة آلاف وحدة خمسة أيام في الأسبوع لمدة 3 شهور وبعدها 1000 وحدة مرتين في اليوم ( يعني 2000 وحدة دولية في اليومين )والحمدلله كانت النسبة ترتفع تدريجياً والحين وصلت لنسبة 33 وهي نسبة طبيعية ومستمرة على جرعة 1000 وحدة دولية مرة في اليوم .
ثالثاً : مهم تتأكدي من نسبة الكالسيوم عندج في الدم , والمفروض تاخذي مع فيتامين د حبوب الكالسيوم .

[مالتيزرس]

يعطيكم العافية خواتي ماقصرتو ..
هيه اختي وجدان كلامج صحيح قليلة هالنسبة الألف ..ترا سرت مركز صحي ثاتي عسب اتأكد فتلها أخذ الف جان تقولي ماتسوي شي الالف أحسن تاخذي خمسين الف أسبوعيا حبة وحدة ..لانه الالف بس تحسن بطيء بس بيكون ..

[مالتيزرس]

ياليت كل وحدة تخبرنا فمعاناتها وكيف واجهت المشكلة

[nor3ini]

اللهم رب الناس أذهب الباس واشفي أنت الشافي ﻻ شفاء إلا شفائك شفاء ﻻ يغادر سقما
اختي انا كنت اكثر عنج والحمدلله والشكر تحسنت .انا ايدي كانت اتعن وريولي بعد ما اروم اتحرك وشد عضلي .والالام في ظهري مرات ما اروم اتحرك من الالم .سرت مستشفی برجيل قالتلي الدكتوره جسمي مايستجيب ل 1000وصفتلي ابر فيتامين دال وكالسيوم ويا فيتامين دال بعد .كنت اخذ فيتامين دال بعد الغذا .والكالسيوم 3 مرات فاليوم بعد الاكل وطبعا منعتني من شرب الشاي والقهوه لانهم يمتصون الفيتانين ولا كاني خذيت دوا .استمريت عليهم يمكن شهرين وتحسنت والحمدلله والشكر الحين اموري زينه لا اخذ فيتامين دال ولا كالسيوم .حتی من سرت لدكتوره قاتلي خذي الكالسيوم ويا فيتامين دال حبه فاليوم قلت لها لا ماله داعي اموري زينه ولله الحمد .
ونصيحه لج اختي تقعدين فالشمس .شمس الشروق والغروب وااااايد مفيذه وتاكلين اكل صحي .ربي يشفيج ويعافيج حبيبتي انتي وكل المرضی يارب
اي استفسار انا حاظره اختي

[مالتيزرس]

اللهم رب الناس أذهب الباس واشفي أنت الشافي ﻻ شفاء إلا شفائك شفاء ﻻ يغادر سقما
اختي انا كنت اكثر عنج والحمدلله والشكر تحسنت .انا ايدي كانت اتعن وريولي بعد ما اروم اتحرك وشد عضلي .والالام في ظهري مرات ما اروم اتحرك من الالم .سرت مستشفي برجيل قالتلي الدكتوره جسمي مايستجيب ل 1000وصفتلي ابر فيتامين دال وكالسيوم ويا فيتامين دال بعد .كنت اخذ فيتامين دال بعد الغذا .والكالسيوم 3 مرات فاليوم بعد الاكل وطبعا منعتني من شرب الشاي والقهوه لانهم يمتصون الفيتانين ولا كاني خذيت دوا .استمريت عليهم يمكن شهرين وتحسنت والحمدلله والشكر الحين اموري زينه لا اخذ فيتامين دال ولا كالسيوم .حتي من سرت لدكتوره قاتلي خذي الكالسيوم ويا فيتامين دال حبه فاليوم قلت لها لا ماله داعي اموري زينه ولله الحمد .
ونصيحه لج اختي تقعدين فالشمس .شمس الشروق والغروب وااااايد مفيذه وتاكلين اكل صحي .ربي يشفيج ويعافيج حبيبتي انتي وكل المرضي يارب
اي استفسار انا حاظره اختي

يزاج الله خير غناتي ماقصرتي فديتج
بس اللي أعرفه البعض يوم يودرون الحبوب ترد لهم الآلام ..يعني يوم تخلص فترة علاجهم فالحبوب ..
انزين اختي فبارجيل اي عيادة تتعالجين وياهم ؟؟ طب الاسرة .??
ومنو الدكتورة

[كتكوتة حبيبي]

ماعندي فكره
ربي يشفيج

[أم عيالها]

انا كان عندي نازل بعد سرت عند دكتورة عظام في مركز الامير الطبي وعطتني ابره فيتامين د والحمدالله ارتفع