بروح أنام عند أهلي ...

[هيبة الريح]

انا اجوف اذا ريلها اسافر او غيره
اتروح بيت اهلها واتبات دام عيالها صغار
بس لو كبار اتروح بس اباتون بيتهم احسن
بس ها ما يمنع اتبات يوم او يومين بالشهر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[um YaSs]

حلو الوحده تروح عند اهلها تشوفهم مهما يكون الواحد ما يصبر عن امه وابوه واهله

بس مب تمصخها عاد فيه حريم تروح عند هلها شهر ومخليه الريل بروحه فالبيت عنبو ليش معرسه انتي

روحي يومين ثلاث وردي جابلي ريلج .. وبعدين تتشكى ريلي مايتحمل الحشره وريلي كله يطلع وريلي ما يسولف ويايه

تراج عودتيه يكون بروحه والرياييل معروفين يحبون الهدووء وما يحبون المسؤوليه ..

انا عن نفسي لو ريلي موجود مستحيل اروح ابات بروح ابات عندهم اذا بيروح العين

وانا عندي مثلا عرس والا شي في بوظبي .. والاغلب اروح معاه .. حتى الاربعين

في بنتي الثانيه يلست عندهم اسبوعين بس حتى ماما تقول ليش بتروحين نحن مقصرين او شي قولي

خخخخخخ قلتلها لا خلاص بيتي اريح لي ومسكين الريل بروحه ماروم اخليه زياده خخخخ

[Ward-uae]

الله يحفظها وهي ادرى بظروفها وشو اللي يريحها
واللي بتحاتي خيانة ريلها فالله يعينها

[munamoor]

الخاين خاين لو مرته عنده و لاصقة فيه ،
،و الي يخاف ربه عمره ما راح يخون ،،
عن نفسي في الشهر مرة لازم أسير أبات عند امي أبات خميس.
و جمعة و ارد البيت السبت ،،، ربوني هالسنين كلها
ما اعتقد يومين بالشهر وايد في حقهم ،،، الوالدين ما يتعوضون ،،،

[المغتربة]

الريال على ما تعودينه
لو تعود ع فراق حرمته يوم يومين اسبوع بيتعود ع فراقها عادي
لا تخلون الزيت عند النار عسب ما يشب عليكم

الريل ع ما تعودينه

[حبيبة كلود]

مب شرط حلو الواحد يغير عاد 24 ساعه اجابل ريل بيمل مني وامل منه عادي باتي 3 او 4 ايام وردي تاخذ راحتها وثاني شي الريال لو بيخون بيخون ماعليه من حد حتى لو حرمته عداله بعد بيخون ...

الله يهديهم

[ميميه88]

انا مب ضد الحرمه تبات فبيت اهله
بعد مرات حلو انها تغير وتروح تغير جو
عنيه انا اول وايد اسير بيت اهلييه وابات هناك وغالبا يوم يكون عليه دوام
بس من فتره طويل ماسرت ابات اسير اقيل لين الليل وارد
واحس لو سرت وبت مابيعرف بدوني وبدون العيال فالبيت

[صـــمت ,,]

عن نفسي أنا مب ضد فكرة الحرمة تبات عند اهلها ..
بالعكس حلو ! تغير نفسيتها و تتذكر أيامها مع أهلها وهيك

انا أبات عند اهلي يوم ريلي يسافر و أرجع يا قبل ردته بيوم أو نفس اليوم من وقت
بس أبدا مابيتت عند اهلي وهو موجود ـ ماحب أخليه بروحه فالبيت ـ

وبالأخير كلن و ظروفه = )

[M-Alshehhi]

اذا ريلي موجود فالبيت ما أبات عندهم نقيل ونرد
لكن اذا مداوم هو بنفسه يوصلني لن ما
يرضى أبات بروحي فالبيت الله يحفظه

[بنت الشوامخ]

كل شي باعتدال وبحدود المعقول حلو

مثلا انا ارقد بيت اهلي لما ريلي يروح يزور اهله وربعه براك وهناك ينشغل عني بجدوله ومرات اروح وياه

والحين مع الحمل لما زاد علي الوحام او لما اتعب صدق اخبر ريلي انه يسمح لي ارقد اريح عندهم والحمدلله يخليني

بس اني ارقد عندهم بس جي بيوم عادي بدون مناسبه او بالويك اند لا ماسويتها
لان مب حلوه اخليه بروحه بدون عذر يستاهل خاصتا ان نحن ساكنين بروحنا مب في بيت اهله

وباجر مع العيال والمسئوليه تكبر احتمال روحتي لبيت ابوي تقل بسبب ثقل الحركه وياهم وارتباطي بالبيت اكثر

بس اذا الوحده اغلب وقتها بروحها في البيت تحس بالوحشه صدق و ريلها اغلب اليوم برع مشغول بالدوام وغيره ومابيرجع الا بالليل
ليش ماتروح الحرمه بيت اهلها و ترجع البيت قبل ريلها !!! مافيها اي مشكله وانا جي اسوي


اما اذا ريلها بيتوتي اغلب يومه بالبيت
ف اكيد الاحسن انها تقلل زيارات بيت اهلها وتجابل ريلها لانه اولى
وبعد اذا عندها عيال عالاقل يسلوونها بغياب ريلها وتنشغل فيهم

اما اذا بعدها ماعندها عيال ولا خدامه ولا حد مول في البيت و ريلها يتأخر

وبالاخير لاتنسون فرحه الام والابو لما يشوفون عيالهم يزورونهم

والله امي حبيبتي وااايد تفرح لما ايي وانا احط في بالي انه هالشي فيه بر الوالدين وصلة الرحم وخصوصا ان الزوج اللهم لك الحمد راضي ويشجع بعد على هالشي

[أم مغاوي]

غالبا الحرمه من اتيب عيال وعيالها يبدون يسيرون المدارس تقر في بيتها يادوب بتحصل وقت لزيارة الاهل

بس في حريم صح يوميا في بيت اهلها وحتى يوم تخلف تشلهم وياها بيت اهلها من يردون من المدارس

غياب المرأه عن المنزل له اثار سلبيه وممكن تكون حجه للخيانه وتفتح مجال لضعاف النفوس

فـ اذا الزوج مايرجع البيت الا في الليل او وقت متاخر هني ممكن تروح الحرمه وعيالها عند اهلها

بس ترجع قبل مايوصل افضل شي منها تعرف شو ناقص البيت وشو يباله وشو خربان ومنها لمه عائليه الاب والزوجه والاطفال

كم تسوى هاللمه عند الابناء

اما اذا يرجع للغدا فـ الافضل انها تكون بالبيت

واللي ماتزور اهلها يوميا مافيها شي تزورهم مره بالويكند او تبات عندهم مره بالشهر يوم يومين

عيبني كلام كبونه صدقها بعد هالسنوات والتجارب اكتشفنا هالاشياء

عن نفسي ما اسير بيت اهلي وايد يمكن ويكند او ساعه ساعتين خطافي امرهم حسب الظروف
وابات عندهم بس قلييييييييييييييييييييييييل
افضل اتم في بيتي حتى لو سافر ريلي خلاص هذا بيتي ما اصبر عنه احس بالراحه فيه الا اذا دق براسي
ولا حنوا عليه خواتي تعالي وجي بسير

[جداً جميلة]

حبيبتي الريال اللي بيخون .. بيخون بأي طريقة وبأي وقت ..
ما يبالها الخيانة شي ترى .. في حريم يجابلن بيوتهن 24 ساعة وبعد الريل يخون ..
لو اخلاقه ومحبته لزوجته ما بتمنعه من الخيانة ولا شي بيمنعه ..
ولا تنسين وبالوالدين احسانا .. والام الجنة تحت ريولها ولازم البنية ما تنسى اهلها مجرد انها عرست !!
يعني لو عرست خلاص تسوي X ع حياتها الاولية وعلى اهلها اللي ربوها وتعبوا عليها سنين ..
لا طبعاً .. مردها بترجع لهم والانسان بطبيعته يحن لاهله .. ف شو يعني لو سارت

[المغتربة]

مشكلة البنات يا شرق يا غرب ولا يدرون شو السالفة و وين الله حاطهم
نحن ما نرمس عن زيارة الاهل و صلة الرحم هذا واجب و غصبن عني و عنكم سواء الزيارة او مساعدتهم ماديا
سواء الزوج موجود او مب موجود لازم تزورهم


نحن نرمس عن اللي ترقد و تشخر بيت اهلها سواء في وجود الزوج او عدمه


دام الريل مب موجود و ف الدوام ...
اجوفه عادي بشكل عام دام اريح للحرمة او عندها يهال صغار تخليهم هناك


لو موجود و يحليله يالس ف بيته ليش الزوجة تشيل بعمرها و تبات .. و يبغون الريال يتوله.. حياتي ها الرياييل ما بيتولهون .. بيشخرون ع طول و لين الظهر و بيرتاح من الصدعة و القرقرة



تصدقون مرة يدي يقول لي يوم يدتج كانت ف الاربعين ما كملت اسبوعين
إلا و ابغي ارجعها لاني مب متعود بدونها
جان امها تطردني برى البيت ههههههههههههههههههه
ضحكني يحليله
ترى ايام اول عيب الريال يبات عند حرمته المربية ؟؟
لين ما تتعدل و تستوي عروس و ترد سمبتيكه

[mazyo0na]

والله ماشوف فيها شي الوحده تبات عند اهلها خاصتا اللي ريلها ما ايي الا ويكند يعني هو محد طول الاسبوع بعد انا بحرم نفسي من اهلي واوردي الويكند انا مجابلته وهو بعد مايخلي هاليومين كله بالبيت يخلص اشغاله يروح لاهله .. وفي النهايه كل حرمه وظروفها وكل ريال وطبيعته مايخص الخيانه والتعود ... هذي وجهة نظري

[ساندرا اليكيس]

خلوني اتزوج الأول بعدين بشوف هالسالفة ههههههههههههههههههههههههه