بروح أنام عند أهلي ...

[ميانه بوظبي]

هالمشكله أو الظاهره أنتشرت وااايد بالفترة الأخيره


زمان أول أمهاتنا شي نادر تنام عن امها الا أذا بفترة النفاس ولا تكمل الأربعين الا ريلها ردها بيتها
وكانت زياراتها لبيت اهلها بالحسرة


بس هالايام البنت يوميا تسير على أمها والويك أند تنام عندهم والأجازات ما تقصر بعد
سواء ريلها موجود ولا مب موجود

بعض الرجال يشكون وبعض الرجال هو يوديها ويروح بيت أهله وهي تشكي انها مب حاسه بالأستقرار ..


شو رايكم ..تشوفون الوضع طبيعي ؟
وسؤال للمتزوجات : عادي عندج اتمين في بيت اهلج حتى لو كمن يوم وريلج موجود ؟
وماتحسين انه هالشي ممكن يفتح للزوج مجال للخيانه او لا ؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلآ نفسي]

عن نفسي ما أأيد الحرمه تبات عند قوم امها حتى لو ريلها مب وجود

ما ارضى ارقد عند امي سواء ريلي موجود والا مب موجود

واذا عودتي الريال ترقدين بعيد عنه ف بيصير هالشي عادي عنده

واذا ع الخيانه لو لاصقه فيه 24 ساعه اذا بيخون بيخون محد ايوده الا ايمانه وربه

[مونتاج]

كلام غلا صحيح مئه بالمئه

[اسيرت شوق]

بتكلم عن نفسي انا قبل كنت اسكن ببيت اهل زوجي فكان عادي اروح انام عند اهلي اسبوع وهو موجود ببيت اهله
ولان اصلن ما اروح غيرعلى الشهر والشهرين ومرات توصل ل3 شهور لان اهلي بأمارة وانا بأمارة ثانية
وبعد الواحد يمل يبا يجدد يعني لمة الاهل لها طعم ثاني
والزوج عاش قبلي مثلا فوق ال 20 سنة ما وقفت على اسبوع بقضيه. مع اهلي
والانسان الي مايخاف ربه لو بلصق فيه 24 ساعة ما بيفيد فيه
الخربان خربان ما يبا فرض
والي يخاف ربه ما يحتاج الصق فيه

[mrs.abk]

أنا يمكن الوحيدة اللي تروح بيت أهلها مجبرة .. أنا أحب بيتي وعادي أقعد فيه مع البشاكير بس .. لكن زوجي يرفض هالشيء وبحكم إنه يسافر وايد ومشغول وايد يضغط علي أسير بيت أمي أقعد أسبوع واسبوعين .. والله أحيانا أتم أصيح ما أبا أسير .. بس مجبر أخاك لا بطل

[[..دانــة..]]

عادي التنويع ما فيها شي، أهي شي الاثنين متفقين
بعدين اللي يبا يخون حتى لو مخشوش في مندوس!

[رومنسية 84]

اهم شيء الزوج يكون راضي و على علم و الزوجة تحاول دوم تزور اهلها امها و الوالد ( صلة الرحم و برهما بس بعد استشارة الزوج و رضاه الفعلي مب يجاملج )

[اغلى مواليفي]

انا مول ما اشجع الوحده تبات في بيت اهلها الا للضروره القصوى مثل مايقولون

لان الريال على كيف ماتعودينه

مب خوفا من الخيانه لان الي يبا يخون بيخون والي ايمانه ضعيف بيخون حرمته حتى لو هي حذاله

[حلوة واموره]

كل حد وعنده ظروفه.اللي ريلها يسافر ولا يرد في الويكند طبيعي الوحده بتزور اهلها ولا بتبات.
واللي ريلها موافق انها تبات تبات يوم يومين بالكثير

[Cobon]

اصلا الريال يتعود ع ريحة الحرمة و حضنها وقت النوم
و يوم يتعود خلاص مستحيل يبات برى بدونها ..
استعجب من معاريس توهم شهرين و هي ف بيت اهلها و الريال ف عزبة
شو من قلب عليكم انا قلبي يحترق

ترى رياييل اول غير من رجع من البحر رد بيته و لقى حرمته ف البيت وما يروم ع فراق العيوز
و ينام ع ريحة البرقع و المخورة خخخخخخخخخخخخخخ

الريل من تعودينه ع شي يسويه
عودتيه تصرفين عليه بيتعود ولا بيدفع شي
عودتيه يطلعج كل خميس او جمعة بيطلعج
عودتيه تباتين بيت اهلج بيتعود و بيقول الله يا ايام العزوبية
عودتيه عيالج 24 ساعه بيت اهلج لا بيعرف المسؤولية ولا بيقدر التعب اللي تتعبينه
ولا يدري انج تركضين وراهم مثل الخبلة ادرسينهم و تبدلينهم
كفاية عليج يوم يفرفرون الاغراض و يكسرون

فاللي عليكم ف الاربعين اسحبونهم سحب
خلى يجوفون معاناتكم يا حريم يوم الياهل كل ساعتين يصيح يبغي حليب و انتي
لا ليلج ليل ولا نهارج نهار و السواد تحت عينج من التعب و تعب الخياطة ف صوب ثاني
و مشية البطة اللي نمشيها ف صوب ثالث


انا وحدة راحتي ف مملكتي بيتي مطبخي ثلاجتي عيالي خدامتي كاكاوي شبسي
دام ريلي موجود ما ابات بيت اهلي
دامه مسافر و ف الدوام يعتمد مرات ابات و مرات لا ( بس اهلي وايد يحرجوني و يدقدقون علي و يحاتون يمكن ايى ها اليني اللي ما عنده سالفة و يخطفني )
و دامي ف الاربعين اهلي يعرفون شغلهم .. يزهبون الحجرة ولا الميلس و يرتبونه لبنتهم و النونو و ابو النونو
و اللي يعزني لازم يعز بو عيالي

و نقطة

[شوشو_24]

اهلي بأمارة وانا بأمارة ثانية
وبعد الواحد يمل يبا يجدد يعني لمة الاهل لها طعم ثاني

[احلى بعفويتي]

حلو الوحده بعد تكون متصله بامها و بعايلتها

بس احينا كل شوي بيت امها ..

انا قبل لا يكون عندي خدامه يوم ما اكنت اروح الويك اند مع ريلي بيت ابوه كنت ابات بيتنا .. بس بابا كان يتضايق وموب عايبنه .. وانا بعدين ما احس براحه اغراض مني ومناك شي يلعوز

انا الصبح قبل لا اروح الدوام امر بيتنا اخلي البيبيز و يوم ارد تم مال 10 دقايق بس اخذ الاخبار و العلوم وع طووول اطير ..
احس اني ثقيله يوم اتم في بيتنا و ياي الصغاريه و الخدامه ..

حتى ال40 ماكملته بس 20 يوم واروح ..

احس الي 24 ساعه بيت امها ما تستقر و صعبه بعدين تمسك بيت و مسؤوليات

حلو الوحده تزاور بس مره كل شهر تقيل عند اهلها بس حزت الروحه تروح بيتها الا اذا هي من اماره و اهلها في اماره ثانيه

بس احينا هالسالفه زياده .. كل شوي البنات نقزو بيت امهاتهم

في وحده اعرفها .. طول الاسبوع ريلها في بوظبي هي تم بيت امها ييوم الخميس يمر ياخذها من بيت امها و تم اهناكي و الجمعه من الصبح بعد يون يقيلون بيت امها لين المغرب و ويروحون و السبت ترجع بيت امها .. لو انا مكان ريلها بعطيها ع راسها لان هاي موب حاله .. هو مسكين ساكن بوظبي بروحه وعنده سكن وحاله و هي يالسه بيت امها .. مرض الهيازه شي ثاني

[احلى بعفويتي]

معاج كوبون ..

الي تعود ريلها انها كله بيت امها و العيال واياها .. الريال موووووووووووووووووووووول ما بيتعود على المسؤوليه


حتى الحرمه الي تخلي عيالها بيت امها و تطلع ويا ريلها بروحها دوووم ركزوا على كلمه دووووم ريلها موووول ما بيروم بيستحمل الاطفال


سلبيه من البدايه خخخخ

[ورقة ناعمة]

مب عيب ان الوحده تروح بيت اهلها وخاصة لو بمنطقة بعيدة وتبات

[أم الخليفي]

أنا بعد ضد انه الوحده تنام في بيت اهلها اذا زوجها موجود أو غير موجود ..مدام عندها بيت ومستقره فيه ..