ريلي بيعرس

[سنفورهه]

خواتي بخبركم بسالفتي وعطوني رايكم
انا متزوجه من 4 سنين وعندي بنت والحين حاامل والحمدلله ..حياتنا انا وريلي ماشيه ع احسن حاال والحمدلله ما مقصر وياي ف شي من جميع النواحي والا انا مقصره وياه ف شي.. من فتره راجع من تايلند وصدمني بخبر انه يبغي يتزوج تايلنديه مسلمه وانه يبا يسكنها معاي ف نفس البيت ..طبعا انا للحين احس اني مب مصدقه وع بالي انه يسولف وياي هو دايما يقولي انه بيعرس ويضحك بس هالمره قالي اتكلم جد ..وقالي شو رايج.. انا ما عرفت شو اقول يعني فوق انه بيتزوج بيسكنها وياي ف بيت واحد ..وانا قلت ليه اذا بتزوجها ما عندي مشكله بس انها تسكن وياي ف نفس البيت هذي مستحيل ..وقلت ليه اذا دخلت انا اطلع وقالي اونه انا اباج مب مستغني عنج بس ما اقدر اسكنها بروحها وهي ف بلاد غريبه ومن هالكلام انا طبعا ما اقتنعت ابد والفكره مب راضيه تدخل راسي ..اخر شي قالي سوي اللي يريحج واذا بتسيري بيت اهلج انا ما عندي مشكله.. مب عارفه شو اسووي والله ايلس والا اسير بيت اهلي وما حابه اكلم حد من اهلي الحين ..شور عليي. .والسموحه طولت عليكم

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حـ uae ـلا]

الله ييسر امورج اختي

ان شاء الله البنات يفيدوج

ما حبيت اطلع بدون ما ادعيلج ^^

[ناروتا]

احس نفسي منصدمه من هالكلام , ليش الرجال يسون هالشي دام ما في تقصير ودام في اسرة واولاد !!!
كان الله بعونك اختي , ونصيحتي لا تخربين بيتك عندك اولاد ولك حياة فيها الزين وفيها الشين , حاولي معاه بالسياسة يسكنها بيت بروحها
والله يهديه لك

[امراه]

الله يسر امورج اختي مااعرف شو اجولج

[سنفورهه]

مشكورات خواتي ع الردود.. ما اظن انه يقتنع يسكنها بروحها لانه اليوم قالي كلمه ما عرفت شو اقول من بعدها.. قالي البيت بيتي واقدر ايبها واسكنها بدون ما اخذ رايج

[استغفر الله..]

اختي سيري بيت اهلج لين تهدا النفوس
ويمكن يحس بقيمتج وغلاتج وقدرج
وحاولي تدعين ربج فالليل وتناجينه


وان شالله يارب مايعرس عليج

[smsala]

ياختي دام ريلج قالج انه بيعرس فتطمني ان شاء الله انه يحبج بس شكله اعجب فيها او يمكن لانج مقصرة معاه في شي.. واصلا المفروض ما تخلينه يسافر بروحه اللا اذا كان ظروف العمل تمنعج. لانه يمكن تعرف عليها قريب وانتي اذا كنتي وياه ما بيقدر يتعرف عليها. قوليله انج مو مقصرة معاه ليش تبى تعرسها انت تعرفها ولا شفتها واعجبت فيها؟ حاولي بذكائج وبهدوء تعرفين القصة وبعدين اقنعيه انج مو موافقة. ولا ترضين تسكنينها وياج ابد كيف بتقدرين تتحملين تشوفينه قلبج بيعورج اذا شفتيه يسك الباب وياها!!
حاولي تقربين منه بس مو بعصبية طبعا اللي بتنفره منج وقوليله انج تحبينه وما تبين احد يخطفه منج. ولا تفكرين تسيرين بيت اهلج لانه انتي بهالحالة تعطينه مجال لان البيت بيتكم انتو الاثنين و انتي ما ترضين احد يدخل ويخرب بيتكم. خليج صريحة وهادية والله يهديه لج ويكون لج بروحج .. وان شاء الله باجي الاخوات يفيدونج اكثر .. والله يسعدج ويخليه لج دوم

[Diana Sy]

حاولي تدعين ربج فالليل ان شالله يارب مايعرس عليج
أعرف المفروض مرافق السكن تكون منفصلة يعني الحمام وو وإذا لا يسكنها برضاتك مو غصب عنك هذا شرعاً
خليكي قوية أختي ولاتتنازلي عن حقوقك ربي يعينك

[افناان]

اتصلي في شيخ دين ثقة و سوي سبيكر و ريلج يكون قاعد : و اساليه هل يجوز انه الريال يسكن زوجته الثانية في بيت الاولى بدون رضاها ؟؟ خل زوجج يسمع الفتوى بنفسه و عقبها ما بيكون عنده رد !!
بصراحة ماله حق يخليها تعتب باب بيتج لا شرعا ولا عرفا ولا خلقا و لا عقلا !! كيف زوجتين في منزل واحد و بدون رضا الاولى !!! لا تسكتين عن حقج ابدا و حتى لو كانت المرأة مش من حقها تمنع زوجها من التعدد لكن حقها شرعا انه ما يجيب ضرتها في منزلها ، و للاسف الكثير يجهل هذا الشيء
والله هي تحس بالغربة خووش عذر و الاولى عادي تحتر مو مشكله اهم شي العروس ما تحس بالغربة !!!!!
حسبي الله و نعم الوكييل

[الوردة الجورية]

مشكورات خواتي ع الردود.. ما اظن انه يقتنع يسكنها بروحها لانه اليوم قالي كلمه ما عرفت شو اقول من بعدها.. قالي البيت بيتي واقدر ايبها واسكنها بدون ما اخذ رايج

اختي حافظي على بيتج ولا تطلعين منه
شكلج شخصيتج ضعيفة عشان جذي تجرأ يكلمج بهذي الطريقة
قولي له بتزوّج كيفك هذا حقك
و من حقي أنا عليك توفر لي سكن ولعيالي ومن حقي يكون لي سكن بروحي

ترى قانونياً حقج سكن ما يقل عن ثلاث غرف و مطبخ وحمام وماحد يشاركج فيه ابد لا أمه ولا زوجته الثانية
خلج قوية حافظي على زوجج و "بيتج" ولا تطلعين ابد عنه حتى لو ولدتي خلي امج او وحدة من خواتج تقعد معاج فترة النفاس

[سنفورهه]

ياختي دام ريلج قالج انه بيعرس فتطمني ان شاء الله انه يحبج بس شكله اعجب فيها او يمكن لانج مقصرة معاه في شي.. واصلا المفروض ما تخلينه يسافر بروحه اللا اذا كان ظروف العمل تمنعج. لانه يمكن تعرف عليها قريب وانتي اذا كنتي وياه ما بيقدر يتعرف عليها. قوليله انج مو مقصرة معاه ليش تبى تعرسها انت تعرفها ولا شفتها واعجبت فيها؟ حاولي بذكائج وبهدوء تعرفين القصة وبعدين اقنعيه انج مو موافقة. ولا ترضين تسكنينها وياج ابد كيف بتقدرين تتحملين تشوفينه قلبج بيعورج اذا شفتيه يسك الباب وياها!!
حاولي تقربين منه بس مو بعصبية طبعا اللي بتنفره منج وقوليله انج تحبينه وما تبين احد يخطفه منج. ولا تفكرين تسيرين بيت اهلج لانه انتي بهالحالة تعطينه مجال لان البيت بيتكم انتو الاثنين و انتي ما ترضين احد يدخل ويخرب بيتكم. خليج صريحة وهادية والله يهديه لج ويكون لج بروحج .. وان شاء الله باجي الاخوات يفيدونج اكثر .. والله يسعدج ويخليه لج دوم

هو مب اول مره يسافر كل سنه يسير بحجه انه يغير جو وانه مضغوط من الدوام والبيت ويبغي فتره نقاهه وما يرضى يشلني وياه وسئلته عن السبب ليش تبا تتزوج قالي انا مب مسوي شي غلط والا حرام والشرع حلل لي اربع وانتي ما منج قصور بس خاطري اتزوج وقالي انتي بتمي راعيه البيت وما بقصر ويااج بشي ..بس والله مب قادره اقتنع واحس نفسي تعباانه ومخنوقه.. وغير هاذا حامل بعد الحمدلله ع كل حال

[أم برلنتي]

مع احترامي لك ،، ولكن زوجك وقح

[smsala]

الله يعينج اختي لا توافقين تسكن معاج والشرع معاج ان البيت بيتج ما يحق له يسكن احد وياج لا زوجة ثانية ولا اي احد غيرج.. واللي يحب ما يضايق حبيبه وهالشي يضايقج ..
يا ليت تسألين حد عنده خبرة مثل الدكتورة فوزية عشان تفيدج كيف تتصرفين في هالموقف

[أم لاكشمي]

حسبي الله ونعم الوكيل...كرهت الرياييل...لاتطلعين من بيتج وخلج قويه طالبي بحقج ...غلطانه لو سرتي بيت اهلج...عاد خلصن البنات هه

[سنفورهه]

يزاكم الله الف خير.. هو الحين عاطني مهله اوني افكر وارد عليه بس خواتي بغيت اقولكم شي.. ترا زوجي مواطن بس انا من دوله خليجيه مب مواطنه وللحين ما اخذت الجواز ..اللي بغيت اعرفه ف حال هو اصر ع رايه انها تسكن وياي ف بيت واحد شو اللي اقدر اسويه انا اني اطالب ف بيت مثلا والا مالي حقوق ف هالاشياء لاني ما اعرف للقانون ف هالحاله..