جارتي هل ازورها اووووو لالالالالا؟؟؟؟؟

[J44Z]

السلام عليكم ورحمه الله وبركاته
ماعرف اذا المكان المناسب هني او لا

وبعد احترت وبغيت شوركم

خواتي انا سكنت في بيتنا اليديد من فتره
وبعدها بفتره جارتي طرشت لي اغراض من العمره مع اني ماعرفها

طرشتلي مرتين هدايا العمره

وكل ماقول حق ريلي ابا اروح لها واتعرف عليها

يقولي ليش هي ماتزورنا ليش هي ماتبتدي

خبرته مب مشكله انا ببتدي وبشوف نبضها اذا تضايقت منا مابروح لها مره ثانيه ههههه

انا وربيعتي نبا نزور جارتي واخذ معاي هديه
رغم انا طرشت لها حلويات في العيد هالمره يعني قبل شهر تقريبا بعيد الفطر

شو رايكم خواتي اروح لها او لالالالالالالالالالالالا؟؟

هل اغامر واشوف شو يستوي او اكنسل هالفكره ويادار مادخلك شر
مع اني يوم نطلع او هم يطلعون اشوفهم من بعيد ريلها متدين من لحيته الطويله وهي متنقبه

عطوني رايكم؟؟؟؟؟؟؟؟؟؟؟؟

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[J44Z]

56 وحده دشت عنبو يعني ماعندكم خبره الجارات والزيارات

او شكلكم تكرهووووووووووووووووني وايد

حتى مواضيعي ماتردون عليه
عفانا الله شو جي

المنتتديات وايد اشوف منتدى يحترمني بدل هالطنيش وعدم الاحترام واللا مبالاه

بصراحه هالمنتدى قبل سمعته اوك الحين من هب ودب مايحترمون حد

فمان الله
اروح منتدى يحترمونا فيه بااااااااااااااااااااااااي

بخل فيكم في الاجوبه

حسبي الله ونعم الوكيل في كل وحدة ادش وماترد وماردت

[مسك وعوود]

زوريها على ما قلتي راعيت دين اكيد مبتتظايق

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[أم المزيونه33]

زوريهها اختي وتعرفي عليها

حلو يكون عندج جيران تهتمين فيهم وتزورينهم
ويمكن هيه تحب تتعرف عليج بس تخاف تتضايقين من رياراتها هشان جي طرشت هدايا اول

تبغي تشوف رده فعلج
واكيد دام انج جديده بتستفيدين منها

اذا بغيتي رغم كهربجي قريب او نجار او بقاله وبتدليج علئ الاماكن القريب اللي تحتاجها كل اسره

[ناروتا]

الرسول صلى الله عليه وسلم وصانا بالجار خيرا , بادري اختي بالزياره ولك الأجر والثواب ان شا الله , ولو حسيتيها تضايقت او ما جت على هواكي لا ترجعي مره ثانيه, وممكن بعدها ترسليلها شي مع احد من الأولاد

[الجنة طموحي]

فكرة حلوة تزوريها و الرسول صلى الله عليه و سلم وصانا على الجار

[Ward-uae]

ليش تضايقين يمكن البنات الصبح يفتحوا النت عالسريع وماشي وقت يردوا
على الاقل تريي يوم
بالنسبالي استحي ازور جيراني مرة زرت وحده ومن شافتني قالتلي وين امج ليش ما يات معاج؟
اما انها طرشت لج هدايا عادي زوريها بالعكس شي طيب منج

[ارجوانيه]

والله ما اعرف شو انصحك

المفروض هيه تجي اول..بس شكلها
تبي تاخذ فيكم الاجر من بعيد لبعيد

اهلي كذا ..يطرشون لجيرانهم والعكس ..بس زيارات لا

اشوفك انتي تحبين التعارف... نفسي
بس يمكن هيه ما تحب.. جارتك..

لو مكانك بطرش شغالتي او ولدي او بدق عليها
اخبرها بدون ما ادخل.. ان بكره بتجي عندي
ربيعتي فحياج عندي لو تحبين..ان جات خيره
وان اعتذرت باي عذر..
المفروض في اول فرصه لها تزورك
بحكم إنك عزمتيها ..لكن ان ما يت . ..خلاص افهميها..

وقولي الحمدالله ..بالنسبه لي جارة تجبرني من بعيد
أخير من وحده تزورني وتؤذيني..

انا قبل سكنت بالايجار .وبعد اسبوع جت عندي جارتي ..تخيلي متى
الساعه 12.30 في الظهر...وتمت لين الساعه وحده ..عقب تمت
تقوول وينه ريلج لسه ما جاء !!! عاد انا قلت لها ايش عرفك ان الحينه موعده قالت اشوفه يوم يجي ..

المهم جاء ريلي ودخل داخل ..عقب تقول ..وينه ما يجي نتغدى كلنا ....!!!!!! قلت لها ريلي يستحي ....


وراحت وهي معصبه ومن يومها تدق ما افتح لها الباب خير ..شر..لين فهمت انها غير مرحب بها......
في الاول شكيت بها..بس عقب عرفت انها مسكينه وما تقصد شي وان هااي عاداتهم وتقاليدهم هي من المهره وهم عندهم الاختلاط عادي ..
...وبس....

[ام زايد21]

سيرى زوريها فديتج ما فيها شى وعلى حسب الزياره تحددين اذا هى من النوع اللى يرحب ويحب التعارف والزيارات ولا من النوع اللى ما يحب الاختلاط ولا تزعلين الغاليه وتعصبين وتتحسبنين على بنات المنتدى كل واحده ولها ظروفها منهم اللى ما عندها خبره بالسالفه ومنهم اللى بالدوام ولا تقرا من الفون ولا مشغوله بشى وقرت موضوعج عالسريع واجلت الرد لين تفضى شوى طولى بالج الغاليه كلنا هنى خوات وما دخل المنتدى ولا سمعته بالاحترام ولا بردود البنات لموضوعج

[غربة1987]

حسبي الله ونعم الوكيل

[أم زمرده]

أستغفر الله العظيم وأتوب إليه

[السمو9]

الله اكبر

[غنه]

مافيها شي اذا انتي بديتي بالعكس .. الرسول اوصى بسابع جار

[Jawharah]

عادي أختي زوريها بس خبريها قبل أنج حابة تزوريها وحدديلها وقت عسب تكون فاضية