مشكلة ولدي ابي حل لها

[ارجوانيه]

السلام عليكم..



بنات انا ولدي عمره خمس سنوات ونصف. .وبيدخل الحينه
صف الاول الابتدائى. ..

المشكله انه كثير الحركه وضعيف التركيز والانتباه

الغريبه انه ذكي في مجال اللعب .الالكترونيات..فقط
و مستواه ضعيف جدااا بالدراسه ..وللاسف
في الكي جي ون .والتو...المدرسات كانوا
يضربونه ..لانه ما ينتبه لهم ..ومشاغب..
وأثر عليه وصار يكره المدرسه والدراسه...

ابني ذكي ..بس يبيله اسلوب .تحبيب..اهتمام.وصبر
علشان يرضى ينتبه...قدرت اعلمه الارقام للعشرين قراءة
فقط وبصعوبه كبيره ..والالوان للحين يتلخبط فيها..




اعتقد انه عنده فرط في الحركه وضعف في الانتباه

فيا بنات ابي اعرف كيف اتاكد واعرف مشكلته
بالضبط...

في دكتور ..مركز ..اي مكان ممكن يساعدني

لان ابني مستوى اخته الصغيره افضل منه بكثييير...واخوه
اللي اكبر منه بسنه واحده بمتفوق ..ماشاءالله يقرأ ويكتب
عربي وانجليزي بطلاقه...

الي تعرف تساعدني...

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غرووب 22]

سبحان الله وبحمده سبحان الله العظيم

[شمعه امل]

ان شاء الله يفيدونج الاخوات .. انا ما عندي فكره

[الجنة طموحي]

ان شاء الله الاخوات الي عندهم فكرة يردون عليك

[ضايعه ف دنيتي]

ان شاء الله يفيدونج

[الوردة الجورية]

وعليكم السلام اختي
نفس ولدي
أولاً:
امنعي عنه " العسل، جميع المعلبات والعصاير المعلبة، الجبس"
كثري له البروتينات مثل اللحم والبيض مرة يومياً وطبعاً الخضراوات والماي جداً ضروري

ثانياً:
فرّغي طاقته.. يومياً لازم يكون عنده نشاط بدني يا انج تشركينه في جمباز او كاراتيه و سباحة مثلاً و تطلعينه الحدايق العامة للألعاب الحركية مثل التسلق والنط و الدراجة "السيكل"
اليوم اللي ماتقدرين تطلّعينه ترسي حوض البانيو ماي وحطي العابه و" راقبيه " وهو يلعب في الماي

عقب عطيه وجبة صحية خفيفة و شربيه ماي "مب عصير" وبعدين درسيه،، يكون جسمه هدى وعقلياً اكثر تقبل للدراسة
ولا تضغطين ابد عليه ولا تعصبين ولا تخلينه يقعد للدراسة اكثر من عشرين دقيقة في اليوم
و نبهي عليهم في المدرسة ما يضربونه ولا يضغطون عليه
ان شاء الله بتلاحظينه اندمج السنة اكثر مع اليهال وسار يقلدهم في التعلم
اذا حسيتيه ماستفاد السنة من الدراسة عادي يعيد الأول يكون أفضل له عشان يتأسس صح تراه بعده صغير وضروري التأسيس
بس انتي حطي في بالج انه ياااااهل مب ثانوي

[السنقباسية]

السلام عليكم .. اختي لازم تشوفين سبب نفور طفلج من الدراسة و السبب الرئيس دايما يكون من المدرسة
اذا الطفل كره المدرسة صدقيني ما راح يتقبل انه يدرس ابدا مثل حالة ولدي .. مستواه ضعيف في الكتابة
بس بخيرج شي ركزي على الاشياء اللي هو ذكي فيها .. يعني الحفظ طريقة حلوة في الوصول لتفكيره
حميتي اخت ريلي كانت تقول ولدج ذكي بس يحب الاختلاف في توصيل الفكرة ما يحب الروتين .. ولدج اعتقد نفس الطريقة
يبي ابداع في جذبه و تحبيبه للدراسة .. ولدي في G1 و الحين رايح 2 و تخيلي ما يعرف الحروف .. يتكلم اللغة العربية بطلاقة
و يتكلم الانجليزية بعد بطلاقة و يحفظ السور و سريع ما شاء الله في الحفظ بس عوقه الكتابة.. الضرب مب حل ابدا.. و انا اقول السبب الاول و الاخير من الدرسة
و افضل دامه في كيجي الحقي و طلعيه لان عقب ما بتقدرين تنقلينه اذا مستواه اقل من امتحانات المدارس الثانية اسالي مجرب..
و اي شي بغيتي تستفسرين عنه فالج طيب... و الله يرزقنا برهم يا رب

[ارجوانيه]

وعليكم السلام اختي
نفس ولدي
أولاً:
امنعي عنه " العسل، جميع المعلبات والعصاير المعلبة، الجبس"
كثري له البروتينات مثل اللحم والبيض مرة يومياً وطبعاً الخضراوات والماي جداً ضروري

ثانياً:
فرّغي طاقته.. يومياً لازم يكون عنده نشاط بدني يا انج تشركينه في جمباز او كاراتيه و سباحة مثلاً و تطلعينه الحدايق العامة للألعاب الحركية مثل التسلق والنط و الدراجة "السيكل"
اليوم اللي ماتقدرين تطلّعينه ترسي حوض البانيو ماي وحطي العابه و" راقبيه " وهو يلعب في الماي

عقب عطيه وجبة صحية خفيفة و شربيه ماي "مب عصير" وبعدين درسيه،، يكون جسمه هدى وعقلياً اكثر تقبل للدراسة
ولا تضغطين ابد عليه ولا تعصبين ولا تخلينه يقعد للدراسة اكثر من عشرين دقيقة في اليوم
و نبهي عليهم في المدرسة ما يضربونه ولا يضغطون عليه
ان شاء الله بتلاحظينه اندمج السنة اكثر مع اليهال وسار يقلدهم في التعلم
اذا حسيتيه ماستفاد السنة من الدراسة عادي يعيد الأول يكون أفضل له عشان يتأسس صح تراه بعده صغير وضروري التأسيس
بس انتي حطي في بالج انه ياااااهل مب ثانوي

مشكورة حبيبتي. ..بحاول امنع عنه العصاير والشبوس مع
اني عارفه اني بلاقي صعوبه لان لازم امنع عن اخوانه كلهم
توني قريت خبيره تقول القهوة زينه اعطوهم نسكافيه قبل لا يروحون المدرسه وقبل التدريس .....

اما انه يعيد السنه مستحيييييل ريلي يوافق...بحاول اعطيه
اهتمام اكثر ...
مشكورة

[ارجوانيه]

السلام عليكم .. اختي لازم تشوفين سبب نفور طفلج من الدراسة و السبب الرئيس دايما يكون من المدرسة
اذا الطفل كره المدرسة صدقيني ما راح يتقبل انه يدرس ابدا مثل حالة ولدي .. مستواه ضعيف في الكتابة
بس بخيرج شي ركزي على الاشياء اللي هو ذكي فيها .. يعني الحفظ طريقة حلوة في الوصول لتفكيره
حميتي اخت ريلي كانت تقول ولدج ذكي بس يحب الاختلاف في توصيل الفكرة ما يحب الروتين .. ولدج اعتقد نفس الطريقة
يبي ابداع في جذبه و تحبيبه للدراسة .. ولدي في G1 و الحين رايح 2 و تخيلي ما يعرف الحروف .. يتكلم اللغة العربية بطلاقة
و يتكلم الانجليزية بعد بطلاقة و يحفظ السور و سريع ما شاء الله في الحفظ بس عوقه الكتابة.. الضرب مب حل ابدا.. و انا اقول السبب الاول و الاخير من الدرسة
و افضل دامه في كيجي الحقي و طلعيه لان عقب ما بتقدرين تنقلينه اذا مستواه اقل من امتحانات المدارس الثانية اسالي مجرب..
و اي شي بغيتي تستفسرين عنه فالج طيب... و الله يرزقنا برهم يا رب

مشكورة على تعاونج...


انا أفهمه وما اضربه ابداااا بس مشكلته ما يحب يركز
ويدور على اللعب طوول الوقت....

كثرة حركته وعدم تركيزة يخليه حتى دايماً يؤذي الاطفال اللي
حوله بدون قصد. ....

انا قدرت اعلمه بعض الالوان عن طريق برامج الالعاب بالنت..
احس هذا يجذبه اكثر شي....

بس مايركز ابدااا ...لدرجه اني لما اناديه ويكون جنبي ما يعطيني
وجه ..اعرف هو ما يقصد ..بس منو يفهم المعلمات بهذا الشي...وماحب اطلع عيوب ابني لها ..علشان ما تقول خلااص هالولد اهله قدهم عارفينه وما تعطيه اهتمام...


بس ساعات اشك انه في شي مرضي فيه...لان حركته مو طبيعيه ....وتطنيشه لي ولغيري فيه مبالغه خاصه لما يكون عارف انا شو ابي منه...

شكلي لازم اوديه دكتورة اطفال وهي بتحوله على الطبيب المناسب..وان شاءالله يكون سليم ...

الحينه هو بالاستراليه g1 والله يستر ....
اخوه اكبر منه بسنه واحده لكنه ماشاءالله بيدخل g3 ..يوم كنت
اشوف ايش يحفظ ويدرس اشفق على اخوه ...اقول وحليله شو بيسوي ..اذا الالوان مو حافظنها كلها...

مشكورة مرة ثانيه ...وان شاءالله هالسنه بدلعه وبهتم فيه بزياده
لانها تأسيسيه...

[كتكوتة حبيبي]

ابعديه عن الحلويات و اشغلي يوم بالانشطة الحركية بس ماعندي فكرة عن الاطباء الاوكيه لعلاج مثل هاي الحالات؟؟

[الوردة الجورية]

مشكورة حبيبتي. ..بحاول امنع عنه العصاير والشبوس مع
اني عارفه اني بلاقي صعوبه لان لازم امنع عن اخوانه كلهم
توني قريت خبيره تقول القهوة زينه اعطوهم نسكافيه قبل لا يروحون المدرسه وقبل التدريس .....

اما انه يعيد السنه مستحيييييل ريلي يوافق...بحاول اعطيه
اهتمام اكثر ...
مشكورة

اختي القهوة ماتناسب اللي عندهم فرط نشاط
بعدين القهوة تخلي الواحد عصبي اذا ما شربها
خبيرة التغذية يمكن قصدها للي عندهم بلادة وكسل القهوة تنشطهم دماغياً

[اردنيه وافتخر]

في ادويه اذا تحسين حركته مو طبيعيه مثل ستراتيرا بس انا اقول دام ابنك ذكي فالغلط من المدرسه ما في تحميس لطالب انه يحل واجباته ويدرس

[حور 123]

اختي انا كنت اقرا عن هالموضوع من فتره

فرط الحركة وتشتت الانتباه ADHD Children

اقري عنه بيفيدج عشان تعرفين الحلول

[ارجوانيه]

الورده الجوريه
اردنيه وافتخر
حور 123


مشكورات ع الرد والنصايح المهمه..

بحطها كلها بالاعتبار...

[حلوة واموره]

اعرضيه علي دكتور.في دوا لفرط الحركة