أبوه مش موافق!

**أم حمدوهند** · 2007-09-17, 15:17

السلام عليكم:

حبيت اخذ رايكم ف موضوع

اذا في ريال يبا يتزوج وحده وابوه مش موافق؟شو يسوي؟؟والبنت تباه بعد؟شوالحل يتزوجون بالسر؟يعني بس اهلها يعرفوون؟؟

المزيد من آخر المواضيع من نفس القسم:

**عيون السهارى** · 2007-09-17, 15:23

لا طبعا ما يتزوجون بالسر
لازم الابو يوافق .. وعلى ولده انه يحن علييه ويحااول اكثر

لانه رضى الوالديين وااجب واذا مارضى اهله مابيتوفق في حيااته

**أمووون** · 2007-09-17, 15:25

اكيد مب موافق لسبب... خله يشوف السبب... ويحاول يحله...

وذا ما نفع هو اللي يقرر اذا يعرس بدون هله والا معاهم.... لأنه هو الوحيد اللي يعرف هله ومحد يقدر يقرر عنه...

**بنوته راك** · 2007-09-17, 15:25

لا حبيبتي مايصير لازم الابو يوافق افرضي باجر درا ويقول حق ولدها طلقها شو بسوي البنت

**silkywater** · 2007-09-17, 15:26

السلام عليكم

ما خاب من استخار و الخيرة في ما اختاره الله...... عسى ان تكرهوا شيئا وهو خير لكم....

الوالد ليش رافض الزواج هدا؟؟؟؟
الرجل ليش ما يكلم ابوه و يتفاهم مع و يشوف ليش ابوة رافض؟؟؟؟
لازم اهله يكونوا موافقين عشان البركة..... بعدين هي اشلون تتزوج بالسر ...في نوع من الاهانه لها اهل زوج ما يبونها

الله يوفق الجميع و يرزقهم الزوج الصالح و الدرية الصالحة و ان شاء الله ما يكون كلامي فيه تجريح لاحد

سلام و الله يوفق الجميع

**نسيم_البر** · 2007-09-17, 15:27

بسمالله الرحمان الرحيم

طاعة الوالدين وااااااااااااااااااااااااااااااااااااااااااااااااا اااااجبه ؟؟ الا في شي يغضب الله فقط؟؟؟

والابو يعرف مصلحة عياله اكثر من عياله لانهم صغار وابوهم شايف في الدنيا و عارف كل صغيره و كبيره وما كان سبب رفضه الا لانه يدري هالبنت ما تناسبه ؟؟؟

وللعلم ... حتى لو تزوجو بالسر لا يتحسبون الله رب العالمين بيوفقهم لعدة اسباب
1 غضب ابوه (ما يسوى عليه يبيع ابوه اللي كبره و رباه عشان بنت ما تخاف ربها و تقول تعال نعرس بالسر)
2 النعبه (لا يفكر الساعده جدامه ..لكن التعاسه بتكون يالسه معاه ليل ونهار لانه الحرمه اللي ما قدرت ابوه قبل العرس ما بيقدرونها عيالها ولا عياله بيسوبهم بنفس ما سوى بابوه)
3 نظرة الناس اله انه ولد عاق و ما يستاهل حد يوزه بعدين
4 غضب الله ؟؟؟ يعني لا جنه ولا شي

وبخبرج قصه بعد في واحد عرس من دون شورابوه و طب امه بعد ... لا توفق في عرس ولا في عيال كل واحد فيهم عاصين و مات عليه واحد و حرمته صارت شرشبيل من قساوتها في معاملته و معاملت عياله

اللهم اني بلغت اللهم فاشهد

اختج في الله

**فتفوته2005** · 2007-09-17, 15:30

صح مافي احسن من الاستخارة استخيري عزيزتي إذا في هذا الشاب خير لج الله بيخلي ابوه يوافق وإذا مافيه خير لج بتستوي عراقيل مثل اصرار الاب على الرفض والرزق عند الله

**فتاة راك** · 2007-09-17, 15:31

مب سالة طاعة الوالدين السالفة فيها شرع..
لازواج بدون موافقة ولي الامر والزواج باطل الا بمواقة ولي الامر.........اذا السبب عادي خل يروحون لشيخ مدينتهم لانهالشيخ يعتبر ولي مثلا نحن في راك اذا صار هالشي نلجأ للشيخ صقر لانه يعتبر ولي علينا ويتم الزواااج حتى سئلوا المحكمة وصااااااااااااااارت عندنا كم مرة

**فتاة راك** · 2007-09-17, 15:32

المشاركة الأصلية كتبت بواسطة فتاة راك

مب سالفة طاعة الوالدين السالفة فيها شرع..
لازواج بدون موافقة ولي الامر والزواج باطل الا بموافقة ولي الامر.........اذا السبب عادي خل يروحون لشيخ مدينتهم لانه الشيخ يعتبر ولي مثلا نحن في راك اذا صار هالشي نلجأ للشيخ صقر لانه يعتبر ولي علينا ويتم الزواااج حتى سئلوا المحكمة وصااااااااااااااارت عندنا كم مرة

**وردة راك** · 2007-09-17, 15:48

لا طبعا ما يتزوجون بالسر

**صغيرة** · 2007-09-17, 16:18

اذا البنت اخلاق ودين قبيلية ليش يرفضها من حق ولده انه ياخذها يمكن الابو عند نظرة غير عن نظرة ولده ...والابو مايحب الا الخير ....واكيد اذا كانت زينة البنت جان مارفضها

**العذوب** · 2007-09-17, 16:27

انا اقول الصبر زين .. وخذي الموضوع بعدة طرق الدعاء والاستخارة وإنه يوسط ناس لهم كلمة عند الأبو بحيث الابو يفكر مرات ومرات ويمكن يوافق

**خواطر©** · 2007-09-17, 16:33

اممم عزيزتي..........

خلي الريال يستخير والبنت تستخير بعد.. لايعتمدون على الحب والخرابيط.. والقصص الخياليه..
وغصبن عن اهله واهلها بيتزوجون .. والا البنت بتنتحر والولد بيكتأب.. لا لا لا..

الزواج عشرة عمر............

خليهم يستخيرون.. والاهل اب مايرفضون من فراغ.. اكيد الموضوع فيه شي..
خلي والد يتناقش مع ابوه.. وهم ماشاء الله رياييل.........

اذا ماصار نصيب .. ترا الله مب كاتبنهم لبعض..
وماراح يموتون....... بالعكس.. الخيرة في مااختاره الله..

وقوليلها لا تنسى قوله تعالى..

"عسى ان تكرهوا شيئا وهو خير لكم"

**pumpkin** · 2007-09-17, 18:12

المشاركة الأصلية كتبت بواسطة silkywater

السلام عليكم

ما خاب من استخار و الخيرة في ما اختاره الله...... عسى ان تكرهوا شيئا وهو خير لكم....

الوالد ليش رافض الزواج هدا؟؟؟؟
الرجل ليش ما يكلم ابوه و يتفاهم مع و يشوف ليش ابوة رافض؟؟؟؟
لازم اهله يكونوا موافقين عشان البركة..... بعدين هي اشلون تتزوج بالسر ...في نوع من الاهانه لها اهل زوج ما يبونها

الله يوفق الجميع و يرزقهم الزوج الصالح و الدرية الصالحة و ان شاء الله ما يكون كلامي فيه تجريح لاحد

سلام و الله يوفق الجميع

100%

**بنت دجله** · 2007-09-17, 20:27

المشاركة الأصلية كتبت بواسطة أمووون

اكيد مب موافق لسبب... خله يشوف السبب... ويحاول يحله...

وذا ما نفع هو اللي يقرر اذا يعرس بدون هله والا معاهم.... لأنه هو الوحيد اللي يعرف هله ومحد يقدر يقرر عنه...

وانا معاج اختي

مره شفت حلقه للشيخ عمر عبد الكافي يقول لايجوز ان الاهل يمنعون زواج ابنهم او بنتهم لاسباب غير الدين

لانه يسبب فساد فالارض والله تعالى اعلم

الموضوع: أبوه مش موافق!

أدوات الموضوع

عرض

أبوه مش موافق!

المزيد من آخر المواضيع من نفس القسم:

المواضيع المتشابهه

بغتصب زوجتك موافق

(موافق) (غير موافق) منو حد من عيالها سوالها نفس الشي

موافق حــــــــــــلوه................... (للمتزوجات فقط)

منو موافق على القرار ؟؟؟

هل ريلج موافق على دخول المنتدى والمشاركة فيه؟؟