قانون القصاص

[بنت الجهرة]

السلام عليكم ورحمة الله وبركاته




في الفترة الاخيرة زادت جرايم القتل بشكل غير طبيعي والصحافة احيانا تغطي على بعض الجرائم حفاظا على الصورة العامة للبلاد

طبعا اللي يشجع البعض في ارتكاب جرائم القتل
عدم وجود قانون الاعدام

يعني لو اي شخص يعتدي على آخر ويقتله ويسوي اللي يباه هو ضامن انه ما بينعدم


انزين ليش
المفروض هذا القانون يبق على القتلة الاوغاد عشان غيرهم من كلاب الشوارع ما يتجرؤن انه يقتلون اي شخص

طبعا هذا خبر من جريدة الامارات اليوم

شاب اماراتي تم قتله على يد اربعة حمير
اثنين منهم من جزر القمر والثالث من دولة عربية والرابع من الإمارات

انزين بخصوص صاحب الجنسية العربية

بدل ما يحترم نفسه
يعتدي على عيال الدولة اللي ضمته بعد ما ذاق الويل في بلاده
حسبي الله عليهم ونعم الوكيل


وعسى ايامهم سودة وما يشوفون الفرح في حياتهم
آميـــــــــــــــن

حرقتوا قلب امه عليه الله يحرق قلب امهاتكم عليكم


http://www.************.com/local-se...08-28-1.704525

المزيد من آخر المواضيع من نفس القسم:

• السلام عليكم
• فرق و اختلاف محتوى Netflix الامريكي و العربي
• عيدنا ليس هنا ................لعبدالحليم...
• مطلوب توظيف مندوبة تسويق في عجمان
• مطلوب توظيف سكرتيرة في العين
• مطلوب توظيف سكرتيرة في ابوظبي
• مقومات الدول الإسلامية في حالة ما إذا إتحدت
• حجامة
• الرقابة من الأهالي ضرورية قبل خوض مواقع...
• مجرمون بثياب كثيرة،،،،لعبدالحليم الطيطي

[بنت الجهرة]

إذا امريكا اللي هي امريكا
الدولة المتحضرة على قولة البعض فيها قانون اعدام

ليش نحن ما عندنا


ليش نسمح لعيال الشوارع انهم يعتدون على عيالنا واخواننا


بس ابغي اعرف ليش

[اسيرت شوق]

لا حول ولا قوة الا بالله
على حسب ضني ان في اعدام
بس تكون فترة السجن طويلة يعني مب بسرعة يعدمونه
لكن القانون موجود اعتقد
الله يرحم القتيل ويغفر له ويسكنه فسيح جناته
ويصبر امه ويلهم اهله الصبر
الروح غالية بس في ناس ترخصها
الله يهدي الجميع

[ساحره العين]

اعتقد موجود هالقانون بس يمكن يعتمد على حسب حكم القاضي
انا ودي يطبقون شي اسمه اعدام العين بالعين والسن بالسن يعني مثل ما سوا في الشخص يسوونه فيه عشان يتعذب صحححح
ويااريت يطبقونه عالخدم عشان تكون عظه لغيرها

[بنت الجهرة]

اعتقد موجود هالقانون بس يمكن يعتمد على حسب حكم القاضي
انا ودي يطبقون شي اسمه اعدام العين بالعين والسن بالسن يعني مثل ما سوا في الشخص يسوونه فيه عشان يتعذب صحححح
ويااريت يطبقونه عالخدم عشان تكون عظه لغيرها

سالفة الخدم محلولة

لا تيبون خدم وخلاص
اما ان المجرم يكون من البلاد سواء وااافد او مواطن ويقتل عيال الناس ع كيفه

فهذا الشي ما يرضي حد

صح ولا انا غلطانة
لازم يكون في رادع لهم
هم متأكدين ان ما في اعدام انما يرقد في السجن كمن سنة ويطلع واقصى شي يمكن مؤبد
ومريح راسه في السجن

شو يبغي بعد

على فكرة ترا اللي قتلوه كان ربيعهم
وطعنوه في قلبه
وعقوه جدام الطواري بسيارته المجني عليه

انزين هذا كان ربيعهم بس وين الاحساس

ولكن اي احساس يكون عند الحمير والكلاب

[ساحره العين]

صحح كلامج
حسبي الله عليهم والله يرحم الميت ويصبر اهله

[بنت الجهرة]

[IMG]   [/IMG]

[مخترعه]

ربي ماوضع القصاص والأحكام الا لحكمه

[مراسيل الوفاآ]

لا حول ولا قوه الا بالله

[Unkonwn]

جرايم القتل شبه يومية .. بعضها ينشر و بعضها لا ..

احكام الاعدام موجوده اختي .. بس مب عشوائية .. و احكام الاعدام مب بين يوم و ليلة .. لان في محاكم ابتدائية و استئنافات و حالة و لازم الحاكم يوقع على حكم الاعدام .. في ناس انحكم عليهم اعدام من ٦ و ٧ سنيين و مانعدمو لان محاكماتهم مانتهت ..

وموضوع جنسية تحترم جنسية شليها من بالج .. لان بتكون عنصرية نهانا عنها الاسلام .. ماتبين في الدول الثانية يعلون صوتهم عليج و تسكتين بس لانج مب من بلدهم .. ولو رديتي لعاداتنا بتشوفين ان احنا المعروفين باكرام الضيف و تحمل اذاه .. وهذا مب موضوعنا احين ..

كل جريمة قتل تستوي لها اسباب و دوافع و ظروف .. بناء على هذه الظروف يطلع الحكم .. مثل في جريمة كتبت عنها من سنة عن كينية تحرشو فيها في دبي من مجموعة شباب .. وقام واحد منهم و طاح فيها ضرب و ترفيس ع رايها لين دست غيبوبة و ماتت .. بس حكمو عليه ٤ سنوات سجن .. ليش؟ لان التهمة ( اعتداء افضى للموت ) و مب جريمة قتل عمد .. يعني اعتدى عليها بس مب بنية قتلها .. و في جريمة قتل تصير بسبب خلاف حاد و تهديد و غيرة .. وهني صح قتل متعمد بس مرات يشوفون الظروف و يحصل حكم اخف .. و في مرات واحد يدش بيت بهدف السرقة و يقتل و يشرد .. هني تشوفين الحكم مشدد اكثر ويوصل للاعدام لان الضحية مالها ذنب بشي وماكانت تشكل تهديد او اي شي .. و مرات تتاخر الاحكام على امل يصير في تنازل او تصالح ويقبلون اهل الضحية بالديه ..

ومرات يطلع حكم اعدام و تصير استئنافات و يخف الحكم فيوصل للمؤبد او ١٠ سنوات او ٥ ..

بس القانون موجود و تقدرين تقرين عنه في الدستور او وايد مواقع تخص احكام القانون الاماراتي و بتشوفين ان حتى المخدرات لها احكام من سنيين و توصل للاعدام حسب الحالة

[مخترعه]

جرايم القتل شبه يومية .. بعضها ينشر و بعضها لا ..

احكام الاعدام موجوده اختي .. بس مب عشوائية .. و احكام الاعدام مب بين يوم و ليلة .. لان في محاكم ابتدائية و استئنافات و حالة و لازم الحاكم يوقع على حكم الاعدام .. في ناس انحكم عليهم اعدام من ٦ و ٧ سنيين و مانعدمو لان محاكماتهم مانتهت ..

وموضوع جنسية تحترم جنسية شليها من بالج .. لان بتكون عنصرية نهانا عنها الاسلام .. ماتبين في الدول الثانية يعلون صوتهم عليج و تسكتين بس لانج مب من بلدهم .. ولو رديتي لعاداتنا بتشوفين ان احنا المعروفين باكرام الضيف و تحمل اذاه .. وهذا مب موضوعنا احين ..

كل جريمة قتل تستوي لها اسباب و دوافع و ظروف .. بناء على هذه الظروف يطلع الحكم .. مثل في جريمة كتبت عنها من سنة عن كينية تحرشو فيها في دبي من مجموعة شباب .. وقام واحد منهم و طاح فيها ضرب و ترفيس ع رايها لين دست غيبوبة و ماتت .. بس حكمو عليه ٤ سنوات سجن .. ليش؟ لان التهمة ( اعتداء افضى للموت ) و مب جريمة قتل عمد .. يعني اعتدى عليها بس مب بنية قتلها .. و في جريمة قتل تصير بسبب خلاف حاد و تهديد و غيرة .. وهني صح قتل متعمد بس مرات يشوفون الظروف و يحصل حكم اخف .. و في مرات واحد يدش بيت بهدف السرقة و يقتل و يشرد .. هني تشوفين الحكم مشدد اكثر ويوصل للاعدام لان الضحية مالها ذنب بشي وماكانت تشكل تهديد او اي شي .. و مرات تتاخر الاحكام على امل يصير في تنازل او تصالح ويقبلون اهل الضحية بالديه ..

ومرات يطلع حكم اعدام و تصير استئنافات و يخف الحكم فيوصل للمؤبد او ١٠ سنوات او ٥ ..

بس القانون موجود و تقدرين تقرين عنه في الدستور او وايد مواقع تخص احكام القانون الاماراتي و بتشوفين ان حتى المخدرات لها احكام من سنيين و توصل للاعدام حسب الحالة

بس للاسف محد ينعدم.

[مخترعه]

لو كان يطبق القصاص حياتنا بتكون وايد صح بس للاسف كالعاده اميريكا تتدخل في شؤون الكل وتصدر اوامر. حتى السعوديه بدأت تخفف سالفه القصاص.

[Unkonwn]

لو كان يطبق القصاص حياتنا بتكون وايد صح بس للاسف كالعاده اميريكا تتدخل في شؤون الكل وتصدر اوامر. حتى السعوديه بدأت تخفف سالفه القصاص.

احكام الاعدام موجوده لو كنتي ةاتابعين الاخبار اختي .. بتشوفين ان في وايد احكام اعدام تنفذت .. من بينها قضية طفل العيد الى غطوها وايد و غيرها الكثير
ومايخص امريكا ولا غيرها في الاحكام عدنا الا لو الشي يخص رعاياها ممكن تدخل و هالشي في حالات نادرة .. لان حتى امريكا حالات الاعدام كثيرة جدا و السعودية كذلك ( الصين و ايران احيد هم الاعلى بس في كثير من احكام الاعدام سياسية و غيرها ) اما في السعودية لان طبيعة قوانينهم واحكامهم مختلفة عنا ففي احكام مشدده و غريبة تطلع بس هناك تشدد في جرايم القتل و المخدرات و لان نسبة الجرايم الخطيرة عندهم اكثر بكثير عنا.

[مخترعه]

احكام الاعدام موجوده لو كنتي ةاتابعين الاخبار اختي .. بتشوفين ان في وايد احكام اعدام تنفذت .. من بينها قضية طفل العيد الى غطوها وايد و غيرها الكثير
ومايخص امريكا ولا غيرها في الاحكام عدنا الا لو الشي يخص رعاياها ممكن تدخل و هالشي في حالات نادرة .. لان حتى امريكا حالات الاعدام كثيرة جدا و السعودية كذلك ( الصين و ايران احيد هم الاعلى بس في كثير من احكام الاعدام سياسية و غيرها ) اما في السعودية لان طبيعة قوانينهم واحكامهم مختلفة عنا ففي احكام مشدده و غريبة تطلع بس هناك تشدد في جرايم القتل و المخدرات و لان نسبة الجرايم الخطيرة عندهم اكثر بكثير عنا.

والله اتابع بس موب من برع انا من المتابعين بتعمق حالات الاعدام موجوده لكن لما تطلع القصص برا وتنتشر يطلعون الحكم جدام الناس ع طارئ المخدرات والقتل هني قتالين قتله ف السجووون محد لمسهم لكن خلي تطلع قصه واحد سوا جي ف حد من هله والا عياله يوم تنتشر القصه قامو طبقو الحكم. والصرقات اللي تستوي قصاصها قص اليد. يا كثر هالخادمات تصرق وعادي يسفرونها. طب والحكم راح فين مين يؤلي. والا ها ظنج تشديد مثل ماتقولين السعوديه اتشدد. لحظه طيب والزاني والزانيه يا كثرهم اللي انمسكو حد رماهم لحد الموت. وين التطبيق دخيلج بيبلج قصص بتقوليين هي ماشي تطبيق

[Unkonwn]

والله اتابع بس موب من برع انا من المتابعين بتعمق حالات الاعدام موجوده لكن لما تطلع القصص برا وتنتشر يطلعون الحكم جدام الناس ع طارئ المخدرات والقتل هني قتالين قتله ف السجووون محد لمسهم لكن خلي تطلع قصه واحد سوا جي ف حد من هله والا عياله يوم تنتشر القصه قامو طبقو الحكم. والصرقات اللي تستوي قصاصها قص اليد. يا كثر هالخادمات تصرق وعادي يسفرونها. طب والحكم راح فين مين يؤلي. والا ها ظنج تشديد مثل ماتقولين السعوديه اتشدد. لحظه طيب والزاني والزانيه يا كثرهم اللي انمسكو حد رماهم لحد الموت. وين التطبيق دخيلج بيبلج قصص بتقوليين هي ماشي تطبيق

بشكل عام مابتشوفين كل الحوادث الى تصير في الجرايد العربية لو كنتي من متابعينها ولكن بتشوفين تفاصيل اكثر في الجرايد الانجليزية ( تصدر من داخل الدولة ) وهي تتعمق اكثر و تعطي معلومات حتى عن سير المحاكمة.

عن سالفة ان لازم الموضوع يطلع عسب يطلع الحكم، فاعتقد قصدج ان القضية تصبح قضية رأي عام او يكون فيها تفاعل كبير ( قضية الطفلة نوف، وديمة، طفل العيد ) وهالشي طبيعي و معروف ان القضايا الى تنتشر و تهز المجتمع الحكم فيها يكون مشدد.

حكم قطع اليد مب موجود عدنا و البديل السجن و الترحيل اذا كان المتهم مب اماراتي وحسب علمي وياليت حد يصحح ان حكم قطع اليد اوقفه عمر بن الخطاب بسبب عام المجاعة و يجوز للحاكم درء بعض الاحكام اذا ماناسبت الزمن او الظروف.

الزاني و الزانية عقابهم الجلد ( ١٠٠ جلد و فيها شروط مثل عدم الشده و لازم يكون لابس ثياب ومايكون السوط مؤلم ) لان في ناس عبالهم الجلد نفس الافلام او التعذيب .. و طبعا هالحكم ماينطبق الا بشروط كذلك و المحصن عقبوبته الرجم اذا توافرت جميع الشروط و الادله و هالحكم صار عليه خلاف و ماعتقد هو مطبق عدنا مع انه ينذكر، بس ماحيد اطبق.

ومثل ماقلت قبل، لو قريتي القانون بتشوفين ان في وااااااااايد احكام تتفاوت في الجريمة الوحده حسب الظروف فالسرقة ممكن تكون من ٣ شهور الى سنيين و القتل ممكن يكون من كمن سنة لين الاعدام.