حياتي الجحيممممم

[ماحد شراتي]

لا حول ولا قوة الا بالله

ما اقدر اقولج طنشي وعيشي حياتج مثل بعض الخوات

لان النار ما تحرق الا ريل واطيها

نصيحيتي لج بس انج تتخذين قرار وما ترجعين فيه واكيد هالقرار مصيري وانتي ادرى بريلج واذا اصلا تقدرين تكملين وياه لانه نوعيته مريض بشي اسمه حريم الله يعينج على ما ابتلاج

الله يسخره لج ويهديه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Al-3sal]

سوي الشي اللي يناسبج .. لانج انتي اللي عايشه هالوضع مب اي حد ثاني ..


ربي يوفقكم..

[حرم الحوسني]

الله يسعدج ويشرح صدرج ويهدي ريلج ان شاء الله...

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[M.T]

ـ الله يعييج ..شي مش سهل ابدا" انج تعيشين مع واحد يحب هالنوع من العلاقات الطايشة .وبعدين قلتي اخوه بعد عنده نفس السواالف يعني هذيل سبحان الله امبونهم جي مب عشانج مقصرة .
ـ فالحل مدامه موفرلج احتياجاتج و مب مقصر في الاشياء المادية و امعنوية و الطلعات خلالاص عليج بالدعااء الله يهدي قلبه و خففي من الاسئلة ..كل الريايل مايدانون التحقييق لو القصد شرييف هههه

[نفل]

خذيها مزوح تيي وتروح وخلها بساط احمدي لين الله يهدي باله ادعي له بالهدايه

ترى في مرض اسمه المغازل الكلامي يعني بس بالكلام يمكن يكون من هالنوع

المهم ادعيله ويبقى الخوف من رب العالمين هو سعادة الزوجين وسر استمرارها

[سامحني خنتك]

انا أنصحج انج اطنشين حركاته ولا تحطين بالجً بخياناته ... اهتمي بروحج وغيري نفسيتج اطلعي مع خواتج ولا تبينين له انج مضايقه وهو بروحه بيحس ان في شي متغير فيج وما صرتي تسألين وتفتشين من ورآه

الله يوفقج ويهدي بالجً يارب مع ريلج

[عيون القطوه]

الله يعينج

[ميثة بنتي]

دوم قولي حسبي الله ونعم الوكيل والله سبحانه مب غافل عن عباده

[الساحرة]

مالي علاقه بهالمواضيع

لكن اذا يينا ع الشرع فمالج حق تتجسيين عليه . تتآثمين على هالموضوع ،

اذا هو ساتر على نفسه و ما يجاهر بمعصيته مالج حق ابدا تفتحين معاه هالموضوع

هذا شيء بينه و بين ربه فقط لاغييير

ما يحق لج تسئليه عن ذنوبه

اذا بتمشين على المباديء الشرعيه مش على امراض و خبال الحريم ، بتعيشين حياتج صح

ابدي من يديد و قوليله هالكلام . عشان يعرف انج انسان عاقل

كل الحريم مخلين رياييلهم محور الحياه ، ومهمشين انفسهم و يمكن حتى مقصرين في عبادتهم لأن ماعندهم وقت الا التفكير في شي اسمه رجل !

العيشه مع شخص يفتش في كل تفاصيل حياتي هذي قمة الممل يا اختي مش بس ملل الا حياه لا تطاق حتى لو كنت انا مخطئه ، فكيف الريال الي اساسا بطبعه ماله بارض لصدعة الحريم

[ماسه حساسه]

مشكلتج انج تحبينه علشان جي اي شي يسوي عادي عندج
بس الحركة الي سويتيها في انستقرام خطيرة خخخ خانج معاج لوول يبالي كف عالتشبيه
اصبري عليه لانه مو متربي مب علشان انتي تحبينه علشان مانكون حجة تخليج كل ما تذكرينها تضعفين
وانتي بعد بنت ناس مب يايه من الشارع ولا تخافين وايد
مع الوقت كل شي بيتحسن

[ماسه حساسه]

اقري

[حرم الحميري]

الصراحه انتي طمه مب لانج قاعده معاه لا طمه لانه ياكل بعقلج حلاوه ع قولتهم ماشي شخصيه وتتحرين يوم تزخينه ويرد يراضيج انه يحبج ومايروم يستغني عنج لا فديتج الريال شبعان من الحريم وان بغا بتيلفون واحد ايمع البنات بس مخلنج عشان يصك حلج هله يوم بيودرج وانتي حامل ولا عنده عيال الرياييل يفكرون عدل في هالامور عيالهم قبل حريمهم يخلون الحرمه تربي العيال وهو يلعب ما يقصر فالبيت بس بيقصر فالحرمه .

[هيفاءء]

بصراحة !!!

الكل يلوم الرجل وكأن الرجل ناسك ومتعبد ولا يخطئ ...
انسيتم اننا في مجتمع شرقي , هذا المجتمع جعل للرجل ريشة على رأسه
واعطاه تصريح ان يفعل مايريد من باب ( الرجل ما يعيبه شي )

- فقط البنت لو غلطت .. فان المجتمع يُـــجرمها وتصبح خائنة ووووو

- لهذا !!!
لديكِ حل واحد وقوي جدا ...

1- الرجل عندما يتزوج فانه يتعتبر الزوجة من املاكه ( يعني ضمن عدم خيانتها ) وبالتالي يستطيع يلعب ع كيفه
ولكن أهم شي انه يقص على زوجته بكلمتين ( فهو صانع كلمات تلعب بالقلوب )

2- من خصائص الرجل العربي أنه : يموت في الزوجة او البنت اللي يلاحقها اذا كانت عنيدة , وهنا يحاول أن يثبت رجولته
ويتم يلاحقها الين ترضى , وهنا يحبها ويخلص لها , لان هذه العنيدة ستبقى محتفظة ببعض ٍ من عندها ( يعني مب تسامح على كل شي )
ويبقى لها دلال عليه

3- الرجل العربي يمل ويزهق من الحرمة اللي تعطيه حنان وايد ( يعني ما تحبينه وايد لانه يتشبع - اعطيه حنان ع مراحل لكن لا تظهري له
انك ميتة عليه - لان هذه خاصية في الرجل ... ملووول من ستايل واحد للحب )

4- لا تهتمي لاموره كثيرا .. يعني ما تسألينه ويح رايح او ليش تأخرت ...عشان يعرف انج مب مهتمة له وهشي راح يجذبه
ويتم يفكر فيج ( هاي شو عندها - معقول انا ماجذبتها لي وخليتها تحبني ) وهنا تبدأ قصص توم & جيري
يحاول التلصق بها ويرمي الحنان بطريقة غبية وواضحة - لهذا حاولي التمنع والابتسام كنجمة
يعني مب تستهبلي ويشوفج ( رخيصة ) عفوا ع الكلمة ولكن هذه هي الحقيقة

5- السؤال المهم :
متى يخون الرجل ؟
هل زوجي كان يعرف بنات ؟
هل مازال زوجي يلاحق البنات ؟

الجواب :

زوجك مش نبي ولا زوجك منزه عن الغلط , كل الرجال يركضون خلف النساء الا من رحم ربي
لهذا لا تزعلي وتصيحين وتشغلين جواسيسج أو تستجوبيه وكأنك الشاويش عيسى

لا عزيزتي !!
وألف لااااا

* اليك الحل :

- جميع الرجال يحبون ال ( ج ن س ) لهذا ابتعدي عن الخجل واحتفظي بزوجك .. ولا تلبسي عباة الخجل اللي الكل يقول اخجل
اذا انتي تخجلين .. فيه وحدة راح تاخذ ريلج وخلي الخجل ينفعج
انتي ليش متزوجة ؟ تبين زوج .. وما تبين زوج يطالب بحقوقه ؟؟
صحيح انه يطلب وايد ولكن ! يجب ان نكون قد الحرب اللي راح نخوضها من اجل الاحتفاظ بالزوج

- حاولي تجذبينح باهتمامج بنفسج .. يعني ترتبي وعدلي نفسج وغيري ستايلج لكن ما تقولين له ( شو رايك )
نهائي لا تقولين له ( خليه هو اللي يربع وراج )

الريال ما يحب الحرمة اللي تعرض نفسها

- يعني يوم تتعدلين في الليل ... لا تقولين له .. بترقد او لا ... خليه يتفاجأ فيج وانتي راقدة بملابس حلوة
وريحتها تفوح بالعطر والعود , عسب يعرف انج تهتمين لنفسج مب له

* صدقني الرجل مايحب المراة اللي تركض وراه وخاصة حرمته , لانه اخذ منها كل شي
يحب حرمته انها تكون ( هاي كلاس ) وهو اللي يرقى لها ويطلع لها فوق


- اي نصيحة انا في الخدمة
اتمنى الكل يجرب عسب ما اقرأ مشاكل من هذا القبيل


هيفاءء

[songbird]

فديت ام زايد كلامها صح طنشي ولا تهتمي في شي وشوفي النتيجة هذا هو الصح عن تجربة