اريييييد حل ضروري

[ورد البنفسج 1]

السلام عليكم ، ، ، ،

شحالكم بنات حبيت أقولكم سالفتي

. . . بـاختصار

وحابة منكم تساعدوني

،

،

السالفة صارت قبل ستة شهور تقريبا ً

عرفت شخص بالصدفة وهالشخص ما شفته ولا شي
بتقولون كيف ، عن طريق منتدى طبعا ً ، بتقولون لعاب
أو من هالكلام لا هو كان يبا يتقدملي وكان أصغر مني بثلاث سنين وهو (عيمي)
بس هو يدرس يعني بعد ثلاث سنين بيتقدملي
وهو كلم اخته عساس انه يبا يتزوج وأخته ماكانت موافقة
عساس يمكن تجوف الولد بعده مب مكون نفسه أو
أنه يمكن البنت ( أنا يعني ) تلعب عليه
المهم طبعا لمحت لأمي وأبوي انه في حد بييني وجي
وانه اصغر عني ، جفت انه كانوا عادي دام انا مقتنعة بس نحن مانوافق على عيم واخاف أهلي مايرضون
هو بعد قال ما بيأس وبرد أكلم اهلي لين يوافقون
استخار وبعد فترة حلم ، وفسر الحلم طلع انه خير الحمدلله
انا ما اسويله سالفة لاني اخاف ع نفسي بس يوم قال اني ابا اتزوج
لكن تعرفون الانسان الصادق ونيته صادقة لو لعاب فترة وبيبان ع حقيقته
بنات انا مترددة انتظر ثلاث سنين وانا ماعرف شو مصيري
اتم استخير أو يكلم اهله وهو يخاف يكلم اهله بسبة انه عرفني
من النت ويحس عمره مب جاهز انه يفتح لهم الموضوع هذا ، ، ،

شو تنصحوني

( بليز بنات إذا في ردود مب حلوة لو سمحتوا لا تكتبونها ، ،
كل وحدة عندها مشكلة وتبا مساعدة مب ياية تسمع كلام مب حلو )

ويزاكم الله كل خير

المزيد من آخر المواضيع من نفس القسم:

• حساااب لبيع الانتيك الاشيا الاثريه القديمه
• ساعدوني .. محتاجة لدكتور قلب اطفال في دبي
• السلام عليكم
• المانيكير الاسلامي
• ترتيب ادوات المنزل
• أبا هالبرقر
• عجبني هالفستان من موقع فلوري داي
• عجبني هالفستان من موقع فلوري داي
• علاج ادمان المخدرات
• ديجي فاضل في أبوظبي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Leona]

ماعندج سالفه تخبرين اهلج

ترا كله خرط بتكتشفين عقب

[college girl]

هههههههه نفس سالفة ربيعتي كله سوالف جذب اللي يبا يخطب ويتزوج ليش يتردد خله يخبر اهله وخله يون يخطبونج ع اقل تنخطبين وعقب 3 سنوات الزواج مابتعرفين انه جذاب ولا الا اذا قلتيله هالشي ويه يخطبج

[college girl]

ولا تخبرين اهلج باي شي خله اهله بعد مايخبرهم لو وافقو يتصلون على اهلج ويطلبون منهم انه يون يخطبونج وعقب يصير خير

[الأحلام الملونة]

كلمة الزواج هي الكلمة السحرية لقلوب البنات

اولا تقولي أهلي ما بيوفقوا علي عيم يبقي السالفة منتهي قبل ما تبدأ حتي لو الشاب صادق وتقدم

ثانيا ما نريد نسيء الظن لكن مسأله شاب بعدة يدرس وقدامة مشوار وسنوات ما أعتقد مناسب تعلقي روحك فيه

ثالثا نصيحتي عيشي حياتك بدون قيود وأرتباطات عاطفية لحد ما يأتي نصيبك معه او مع غيرة الآهم لا تعيشي بلأحلام ----

[ماحد شراتي]

شكلج صغيره صح ؟

منو يصدق هالامور؟ رغم القصص الواقعيه اللي تمر علينا ونسمعها ونقراها والبنات مستحيل يتعلمن

اذا هو صادق لازم يخطبج من اهلج وانتي شو اللي خلاج تتاكدين انه صادق ؟ بس بالشات ؟ ولا بينكم فون ؟

تحملي على عمرج ولا تضيعين نفسج بالاوهام

[ماسه حساسه]

ما انصح بصراحة لان السالفة واضح انها لعب يهال واهتمي باولوياتج مو معقولة تترين 3 سنين انسان ممكن يتغير او يتراجع في اي لحظة ، الله يهديج لطريق الصواب

[until you]

اقطعي كل شئ يربطج فيه من الحين

كل مازاد وقتج معاه كل ماجنيتي على عمرج اكثر

صدقيني من الحيين الحيين قبل لا تبكين دم بعدين

لو انه جاد وياج ماقالج خايف من كلام اهلي واني تعرفت ع النت

لاتدخلين نفسج في دوامه ماتعرفين شو نهايتها بعدين ، ولا توثقين فاي شخص يقولج بتزوج وبتزوج ومن هالخرابيط

[فتاه صابره]

كلمة الزواج هي الكلمة السحرية لقلوب البنات

اولا تقولي أهلي ما بيوفقوا علي عيم يبقي السالفة منتهي قبل ما تبدأ حتي لو الشاب صادق وتقدم

ثانيا ما نريد نسيء الظن لكن مسأله شاب بعدة يدرس وقدامة مشوار وسنوات ما أعتقد مناسب تعلقي روحك فيه

ثالثا نصيحتي عيشي حياتك بدون قيود وأرتباطات عاطفية لحد ما يأتي نصيبك معه او مع غيرة الآهم لا تعيشي بلأحلام ----

مع الاخت

[نور 2006]

قلتي انه عيمي طيب شو مذهبه انتبهي لا يكون شيعي و يلعب عليش

[Cobon]

بعيد عن القصص و الخرابيط و عيم و عرب و باخذ بنت عمي و اهلي ما يبغونج و انا بعدني ادرس و صغير .........الخ


المهم الزبدة ف النهاية لو هو يبغيج بيرمس اهله و بيون يخطبونج
ما يبغيج بتحجج بألف حجة

و نقطة

[رنج 2013]

ههههه شو ثلاث سنين , يعني انتي مصدقة وبتتريين ثلاث سنين ؟! .. مثل ما قلتي هو " صغير " .. يعني توه طالع عالدنيا و لقاج انتي في ويهه لازم بيقول اي رمسة اتعلقج فيه , انتي اتعرفين شو ثلاث سنين يعني الدقيقة فيها 60 ثانية والساعة فيها 60 دقيقة واليوم فيه 24 ساعة و الشهر فيه اربع اسابيع والسنة فيها 12 شهر , ادبلي 12 شهر 3 مرات = 36 شهر بتتريين ؟! .. بتضيعين سنين من عمرج على ياهل باجر بيكبر وبيتغير رايه ولاااا بعد عيمي , انتي ماتفكرين الا بنفسج ماتفكرين بنسب عيالج باجر شو بيكون ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!


ترا اللي تقولينه كلام جرايد .. صحصحي شوي ولاتخلين ياهل يلعب فييج فكري بعقلج مب قلبج

[um 3weesh]

كله جذب وبيقص عليج وبعدين يوم هلج مايطيعون ايوزووون عيم ليش تبين تاخذين عيمي؟؟
و3 سنيييييين بتترين ليش؟؟؟؟ يعني لو ياج نصيبج مابطيعين عشان خاطرررر واحد متعرفه عليه من النت؟

صراحه اختي ماعرف شو اقولج لكن الله يهديج

[غرووب 22]

وَذَا النُّونِ إِذْ ذَهَبَ مُغَاضِباً فَظَنَّ أَنْ لَنْ نَقْدِرَ عَلَيْهِ فَنَادَى فِي الظُّلُمَاتِ أَنْ لَا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ
فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ

[احلى بعفويتي]

راي واحد مو مكون عمره كيف بيي بيخطب ؟؟؟
يعني اهله بيعطونه وجي .. ماعرف ع الاقل لو يداوم بارت تايم يمكن بيقولج انه بيبين انه شاريج بس تترين ع الفاضي نصيحتي لا ..