مالجة ومايبي يطلقها

[Feminine Me]

بنات بنت خالتي مالجة وبعد الملجة طلعت مععاه وجربته وماعيبها موليه
مب قادرة تشوفه مرة ثانية ولا ترمسه بالفون خير شر ماعيبها ماشي توافق هي غير عنه من كل النواحي وتبي تطلق منه بس هو رافض يطلقها قالت له بردلك فلوسك بعده رافض يطلق اصلا هو كان يحبها بس ماكانت تسويله سالفةعشان جي تزوجها عشان يوصل لها.. الحينه شو تسؤي؟ راسه يابس ماصدق ملج عليها!
الحينه الجلسات مال توجيه اسري اطول ؟؟. هيه خايفة الجلسات عشان دوامها تعرفون يباله وقت وجهد والا عادي ؟. وكم ياخذ لين يطلع حكم الطلاق؟ سنة؟ شهور؟
هي مافيها كل اسبوع تطلع من دوامها للجلسات والا الجلسات كل 3 اسابيع؟

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماسه حساسه]

هي ليش تسرعت دامها ماتدانيه؟ عالعموم الزواج مب بالغصب

[حياتي انجاز]

ليش وافقت عليه دام أنها ما تباه و سبحان الله كيف حكمت عليه من مقابلة واحدة على العموم الله يكتبلهم اللي فيه الخير و المثل يقول خدي اللي يحبج و لا تأخدين اللي تحبينه

[Fa.R]

ليش متسرعة هالكثر !! ترى الريال ما إيي على هواها وكل شيء قسمة ونصيب
لو الريال فيه عيب بسيط يتعدل بس دامنها مالجة ليش متسرعة انها تبا تطلق ؟
ما بقوللها اصبري بس خلها تكلم أهلها لأن ما تقدر تسوي كل هذا من ورا أهلها
و قبل هذا كله تستخير ربها

[مالتيزرس]

يحليله هو ميت عليها وهيه ماتباه غريبة والله الدنيا! ..
اختي قوليلها دامه شارنها خلها تاخذ اللي يحبها وشارنها وهيه ممكن تغير فيه والحب مب شرط الحين الحب ايي مع العشرة..
خلعا تستخير والله يجدم اللي فيه خير

[بنت الشوامخ]

انزين اختي ممكن تذكرين لنا شو هو عدم التوافق اللي بينهم وتشرحين كيف هم غير من كل النواحي

انا مابظلم ربيعتج واقول ماعندها سالفه لانه ماقدر احكم الا اذا عرفت هي ليش ماتباه

مثلا اذا من الناحية الدينيه ماعيبها مافي توافق
مايصلي ويسمع اغاني وعاصي لربه وهي العكس
هني معاها حق

واذا ماشي توافق من الناحية الدراسيه والثقافيه
بنقول لاي مستوى
في مستويات للاختلاف تؤدي للمشاكل
اذا هو تفكيره جاهلي وهي العكس

اما من ناحية التوافق بالبيئه اللي عايشين فيها كيف ؟
مثلا هو يقول لها ماتطلعين ولازم ٢٤ ساعه بالبيت وتجابلين امي وماشي بيت بروحج ولا خدامه مثلا ؟؟؟؟



لو تشرحين لنا اكثر نقدر نساعدها
اما جي ماقدر انصحها بالطلاق

ترى بهالزمن نادر تحصلين شاب يبا يتزوج وااذا كان زين خل تتمسك فيه

نحن كلنا ما اخذنا الريال اللي نباه ١٠٠٪ لازم في عيب او نقص هذه طبيعة البشر

[cute uae]

ليش متسرعة هالكثر !! ترى الريال ما إيي على هواها وكل شيء قسمة ونصيب
لو الريال فيه عيب بسيط يتعدل بس دامنها مالجة ليش متسرعة انها تبا تطلق ؟
ما بقوللها اصبري بس خلها تكلم أهلها لأن ما تقدر تسوي كل هذا من ورا أهلها
و قبل هذا كله تستخير ربها

[كسوله وادلع]

بنات بنت خالتي مالجة وبعد الملجة طلعت مععاه وجربته وماعيبها موليه

الله يعينها
هذا نصيبها والله دنيا صارت الحرمه هي الحين اللي تتشرط وتقول ما عيبها
الله يوفقها ويهديها وريال شاريها

[Ward-uae]

كيف جربته سيارة هو تجربة
ما تباه كان رمست قبل
كان قالت يا اهلي سألوا عن الريال ابي اعرف عن كذا وكذا لا هو عيب ولا حرام لكن من ملجه وطلعه وحده
هي اذا ما تباه تتكلم بصراحه لامها وابوها وتقولهم السبب الحقيقي للرفض وهم اولى انه تشورهم في هذا الموضوع وتستخير وتتوكل على الله حتى ما تندم بعدين

[ضايعه ف دنيتي]

مب من اوا مره تتفقون يبالكم وقت كل واحد يفهم الثاني كل المتزوجين بداية حياتهم مشاكل لان بعدكم تدرسون بعض عقب فتره خلاص كل واحد منكم بيعرف شو الي يحب وشو الي يكره مب من اول مره نحكم ع الشخص
اذكري الله يالغاليه واستخيري ترى الريال ما يعيبه شي فمجتمعنا الحرمه هي الي تشل العيب هذا تفكير مجتمعنا
بعطيج مثل الحرمه والريال فبداية زواجهم مثل نهرين جارين يوم يتزوجون يخطلط هالمجرى ويا بعض ويتعكر وتكون هاي فتره فهمكم لبعض بعد اختلاط المجرين يطلع بعدها بركة ماي صافيه بتكون فهمتوا بعض وعايشين بتفاهم
الله يسعدج ويوفقج ويكتب لج الخير

[munamoor]

شو ؟!
هي جربته وما عيبها من اول طلعة ?!
هي سيارة ماخذتنها من وكالة الفطيم و جربتها و ماعيبتها
سوال لو سمحتي
ليش ما قعدت وياه في البيت ليش تطلع عسب تجربه
سوري بس احس هالبنت اصلا مب مال زواج
كل واحد مثلا بيي يخطبها بتطلع وياه و بتجربه و خلاف بتتطلق
شو عيبه ,.ما يصلى ،،، يشرب لا سمح الله و الا شو بالضبط ،،،،
هي شافته من قبل ،،،، فليش وافقت عليه من البداية دام ما تريده

[ماسه حساسه]

خل البنت ترد واحكموا دامكم مصرين تعرفون السبب

[Lady Reem]

اذا مافي قبول احسن تتطلق ولا تغصب نفسها تعيش ويا شخص ماتدانيه

[game over77]

ليش تسرعت ؟؟

هيه من اول طلعه حكمت عليه وصدقهآ الاخت اللي قالت لو تذكرين الاشيا اللي ماتوافقو فيهآ لان حرآم هو يحبهآ وهيه بهالسهوله تبى تطلق ترى صدق نادر تلاقي حد يحبها من خاطر وشارنها ومافي حد كامل الكمال لله سبحانه

[فتاة حالمة]

غريبه والله عشنا وشفنا ..من اول طلعة اونه ماباه..
الله يهديها ..
مابا اشرشحها واظلمها قبل ما نعرف التفاصيل الكاملة. مع انه قلبي يقول لي هي غلطانه بقرارها ..