زادت قصص (زوجة الحمي) !!

[فتاة حالمة]

اشوف زادت قصص وسوالف بعض زوجات الاخوان اللي تسلم على ريل الثانية واللي تغازل واللي تحب غيره وغيره
شووووو هاااااااااا !!وين تبون ؟؟ ليكون متاثرة بالمسلسلات وهالخرابيط!
السبب قلة الوازع الديني ..خافوا الله.. وراكم قبر ويوم القيامة ولا نسيتوا ؟!!!

يا بنات حرااااااااااااااام حرررررررااااااااام هو مب محرمج حاله حال اي ريال بالشارع ..
اذا بتسلمين سلمي من بعيد بس بحدود الحشمة والادب تكونين متغطية مب متزينه .. ولا متعطرة ..
وترا مب لازم تسلمين عليهم !! ما بتاخذين اثم اذا ماسلمتي ولا هو بقول افا ليش سلمت علي حرمة اخوي !!
اذا صار واضطريتي واحتجتي انه يوديج مشوار ضروري ومؤقت مب على طول !
تقعدين ورا محترمة ومتغطية وبدون عطر وزينه ولازم حد يكون وياج اذا المشوار طويل اكثر من نص ساعة في السيارة ..
عجبي .. ناقصين مشاكل العيال وتربيتهم ولا مشاكل الريل والنفقات .. تطلع لج وحدة من هالاشكال بعد ! هاللي ناقص !

والله انقهرت كل ما افتح موضوع بالمنتدى مشكلة زوجية تكون طرفها زوجة حميها
.. الحمدالله ماعندي هالنوع من المشاكل ..

للاسف من ناحية الاحتشام .. نادر ماتشوفين وحدة طالعة من البيت وهي متغشيه
واذا بدون غشوة نادر ماتشوفين وحدة بدون كحل وروج ... صار الميكب شي اساسي وكانه البنت انخلقت معاه ..
مب جنه نوع من انواع الزينه اللي المفروض ماتظهره الا عالمحارم
الله يهدينا ويهدي الجميع يارب .
كتبت الموضوع بدون ترتيب اتمنى يكون واضح ومفهوم .. الله يهدي الجميع

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ضايعه ف دنيتي]

موضوعج واقعي صدق كثرت هالسوالف والله يهديهن يارب
انا عايشه ويا اهل ريلي بس السلام عليكم وخلاص حتى لو سولف وياي ارد ع قد السوال واتوكل

[Cobon]

اختي صدقج
الحمو مووووووت مب زين مب زين


يعني انا شخصيا يمكن تفكيري متقدم و متحررة و لكن الحرام حرام و الحلال حلال
المصيبة الحين في بعض العوائل المتزوجة تسلم باليد ع اخوان ريلها و رياييل خالتها و عماتها و ......الخ
و عندهم الوحدة لازم تتغشى ولا تتنقب و عيب الوحدة تسوق او تدرس او تشتغل او تطلع او حتى تسوي ليزر و تشيل شنبها .....الخ

الواحد يقول الله يعيننا ع عقليات البشر يحلون الحرام و يتركون الحلال

[Cute-12]

شو نقول إذا هم متربين جي !
بيقولون عادي نحن أهل ما نفكر بـ هالطريقة ! > عساس أنهم open minded family
الحمدلله نحن عدنا الرياييل ما ايوون عند الحريم
.. الحريم في صالة والرياييل في صالة وبس

ولو حميها كان في الصالة وهي مضطرة تدخل وحتى لو حاطة مكياج تروم تتغشى مال كمن دقيقة وتلقي السلام وتروح وبس !
ولو الريال اضطر يدخل من الصالة وحرمة اخوه موجودة ينزل راسه ويمشي > بإختصار غض البصر
هالحشمة الي تعودنا عليها الحمدلله

[ماسه حساسه]

اظني هالشي متوقف عال رياييل يعني اخوان ويعيشون بنفس البيت مع حريمهم والحريم ما يقدرون يقولون شي لان لو قالت شي بينفهم بطريقة ثانية ...

[منال العالم]

والله معرفت شوه اسوي اول معرست كان اخوان ريلي كانت عمارهو 10 سنوات وتحت والحين عماهو في الثلاثين بس متغشي عنهو وقعد اسولف معهو اسلم من بعيد متبرج عندهو انا الحين احاول قدر المستطاع البس البرقع 😷😷😷😷

[munamoor]

اول ما ييت بيت اهل ريلي عيال اخته كانوا صغار في الابتدائية و اللحين بلغوا و الي خلص ثانوية و الي عدى العشرين
اخوان ريلي كل واحد فيهم مستقل في بيته بس انا و ريلي مع انه و أخواته و عيال اخته
و الباقيين كل خميس و جمعة عندنا
الله اللمة حلو بين الحريم في صالة للحريم خاصة عندنا و صالة خاصة لل رياييل
يعني ما نطل على بعض ،،،

[مقلط فوآدي]

كل سنة نتقدمها تزيد الفتن بعدج ما شفتي ... العجب ياي و ب فضاعه ...
في حديث بما معناه " اللي متمسك بدينه كالقابض جمره " الله يعين و يقدرنا على عبادته

[غلآ نفسي]

بلاوي قاعده تصير

علاقات وغراميات وحركات يتصرفون ك اثنين متزوجين

وفيهم اللي يحب حب من طرف واحد

خلاص الدنيا خربانه

[M.I.R.A.C.L.E]

أستغفر الله.

اشيا تخوف والله.
الله يقينا ويقي الأزواج شر الفتن ما ظهر منها وما بطن

[ماحد شراتي]

بلاوي قاعده تصير

علاقات وغراميات وحركات يتصرفون ك اثنين متزوجين

وفيهم اللي يحب حب من طرف واحد

خلاص الدنيا خربانه

هيه والله
اسمع هالاشياء واستغرب والمصيبه الزوج عنده عادي !!!!! يقولج اخوي وواثق من حرمتي وتعالي شوفي الثقه

[jameela200]

مادري ما عندنا هالشي الحمدالله ابد ...
والله يبعدنا بعد .. ويحمينا

[وثيـــــر]

انا مالي علاقة فيهم ابد...

من ناحيتهم هم... اصلا يوم يشوفوني يالسة او دخلت هم يطلعون...

ماشي لا سلام ولا كلام مابينا...

[غرووب 22]

عليكم بالاستغفار: {اسْتَغْفِرُوا رَبَّكُمْ إِنَّهُ كَانَ غَفَّاراً * يُرْسِلِ السَّمَاءَ عَلَيْكُمْ مِدْرَاراً * وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً}

[غلآ نفسي]

هيه والله
اسمع هالاشياء واستغرب والمصيبه الزوج عنده عادي !!!!! يقولج اخوي وواثق من حرمتي وتعالي شوفي الثقه

بالضبط