مرت حماي تحاول لفت نظر زوجي

[ميمو]

السﻻم عليكم
شحالكم بناتات
انا عندي مشكله وحبيت تساعدوني، طبعا صار لي متزوجه من اقل من سنه و المشكله اني اسكن ف بيت ريلي وتفاجات انه ف البيت مرت حمي اطلع شعرها و ماتتحجب عدل يادوب حاطه الوقايه ع راسها . بالبدايه اضايقت بس مشيت و هي تكلم ريلي عادي . مع الايام قمت اﻻحظ تطالعه وتحاول انه هو يلتفت لها .مرات اشوفه يطالعه وقعدت اصارحه وينكر يقول ما اطالع و طبعا الحرامي مابيقول عن عمره حرامي؛ بعد فتره هم ﻻحظو وحسو ان ريلي صار مايسولف ويحاول يغض البصر وصارت تتحجب فتره ؛ بس يوم يكون عند اهله بروحه انا ما امن من حرمت حمي ﻻني ﻻحظت في حركات حتى ماتتحجب ، وقبل كم يوم صرت اشوفها مره ثانيه ردت لعادتها شعر وعطر ، قمت اشك ان ريلي عطاها سالفه ﻻنه رمسها بالعيد ، وردت حليمه لعادتهل القديمه ، كم مره جكيت ريلي يطالعها و يخوز عينه بس ينكر جدامي
انا اغار عليه .هي طبعا وافده و فيها مواصفات ريلي يحبها ف االبنت ، انا جميله بس مواصفاتها هي الي ريلي يحبها ، ومن حركاتها هي تشده ، وانا اخاف ان ريلي معجب فيها ، ودايم اضايق ﻻن مابتم دوم حارس ، ﻻزم بيقعد عند اهله وانا انشغل ، الله يخليكم ساعدوني ، هدي مشكلتي مقتطفات و مختصره وﻻ تقولو لي اكلمها مافي يقولون غيرانه او ااكد الي مﻻحظينه
والي خﻻني اكتب اليوم انه هالكم اسبوع فمت اشوفها تبا تلفته .كل ماتكلم واي شي تطالع صوبه وكانه تقول انا هني طالعني .شو النار بقلبي..اتريا مساعدتكم

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميمي4]

شهالوقاحه اللي فيهم اثنيناتهم !

يعني ريلج المفروض يغض بصره عنها تمااااماااا لأنها مرت اخوه ! يرضى اخوه يطالعج بهالنظرات ! طبعا لا

و هي نفس الشي كيف تسمح لنفسها تخون ريلها حتى لو بالنظرات !

نصيحتي لج

اذا شفتيها مرة ثانيه تحاول تلفت انتباه ريلج ، ما عليج غير انج تخزينها و تطالعينها بنظرات قويه

يعني خير ؟ نعم ؟ اشفيج تطالعينه ؟


او

انج تكلمين ريلج و تشوفين صرفه للموضوع


و ان شاء الله يا رب تكون مجرد ظنون و بس

[حلم انسانه]

الله يعينج اختي ..

مافي حل الا انكم تطلعون بيت روحكم لأن السكن حق من حقوقج . .
ويا دار ما دخلج شر ^^

[munamoor]

لا تعليق ،،، عنبو ،،، حنا عندنا الرياييل في صوب و الحريم
بصوب ،،، اخوان ريلي اللهم السلام عليكم وعليكم السلام
ويوم يدشون لازم نتغطى كلنا لان ماشاء الله كبروا و عروسوا ،،،
يوم انها موجودة ازقريه ،،، كلميه بينج و بينه قولي له يا بو فلان
هاي حرمة اخوك يعني ما تحل لك ،،، او كلمي زوجها ،،، و خبريه
عن حرمته ،،، و ذكري ريلج بما حكم من ينظر الى زوجة أخيه

[ميمو]

كلمته وينكر يقول انا اتوهم .ويقول هدي مثل اخته ومستحيل يغدر ف اخوه
اقوله النظره حرام والشيطان مامات يزينها ف عيونه. وانا ما ابا ابين لها .ليش ﻻنها بتزيد ويمكن تتخيل عمرها شي اكثر من الازم

[ناروتا]

اختي حاولي تطلعي بيت لحالك انسب حل
ولو تقدرين تكلمين ام زوجك ان تجلسون الحريم في صوب والرجال في صوب يكون ابرك,ولا يكلمها ولا يناظرها
وحاولي كلمي زوجة حميك ان حرام تتعطر وتطلع شعرها ,كلميها بالنصح واللين والله يهديها ولك الاجر

[مالتيزرس]

وهاي ان شاء الله وين ريلها يوم ماخذة وايد راحتها ؟؟ شو دوره من هالنظرات ..اختي يمكن هي ماتتحجب فبلادها يمكن ريلها فرض لها الشيلة تلبسها فييتكم ماتعرفين ..استودعي ريلج دوم قبل لايظهر وحاولي بغرفتج تكشخي اخر كشخة واخر دلع من عطر ودخون لاتخلي ع عمرج قاصر ولاتخلي عينه تزيغ فمرة حميج ..دلعيه اتدلعي .لاتعطيه فرصة وايد يظهر من الغرفة

[أنثـى]

الإنتقال لبيت الزوجية الخاص ما هو حل ابدآآآ...! لانه المشكلة في المحيطين فيج وايضآ فيج ..! اخذيها نصيحه صادقه صدوقه وبكل آمانه من اخت لأخت والله بيحاسبني في هذا الامر وغيره..! اولآ وقبل آي شي ضروري تكون عندج ثقه في نفسج حتى لو كنتي ذميمه ..! فــ والله ثم والله إن الثقه هي اللي تخلي الزوج خاتم في صبع زوجته وإن كانت ذميمه ..! لآن حواء الذكيه وكيدها الأنثوي الطاغي يسلب عقل الرجل ..! وترا الرجل طفل مهما كان عمره ومهما كانت شخصيته او مكانته بين المجتمع..! ونصيحــتـي لج شيختي انج اطنشين مرت حميج ولـــكن بالحسنى ..! كيييييف ..؟ انج تكونين عادي تسولفين ويا الجميع وخلج مبتسمه وقلبج سليم من اي غل لانج بالأول والأخير يا انج تنجحين بالنصيحه يا انج تكونين لقمه سهله لأي شخص يحاول يكيد لج..! وابيج احيان تتكلمين بمواضيع عن الستر وان الرجل يحب المرأه المحتشمه اللي تحترم اخوان زوجها وخواتها ،، يعني خلي كلامج عام ولكن بدون تجريح لانه هالكلام راح يكون صدقه منج ... وكوني مع زوجج من أحلا مايكون لانه الرجل وأي رجل من النوع للي ينفر وإن مابين لج ..! تلاحقي على نفسج وخلج قويه الاراده وبجذيه راح تقوى شخصيتج والرجل يموت بحب المرأه القويه بمعنى اوضح (ما تلقي بال للأمور التافهه يعني تبين لزوجها انه هو ولدها الدلوع اللي تعرف تييبه بدهائها وبحكمتها ) دايمآ خلج شغوفه له حتى لو كان قلبج شايل منه ..! انتبهي ..! وانتبهي ..! ثم أنتبهي..! لاتعيدين طريقه المحقق مع زوجج ..! لأنه والأكيد انه يحاول يهرب ..! لأنه نكر ..! ف معنى نكران الحقيقه يعني الهروب ..! والحل انج تشدين انتباهه بس بدون زياده او بدون طريقه مفاجئه خليه هوووو اللي يقول لج انا احمد الله انج زوجتي وأخاف الناس تحسدني عليج..! نعم حبيبتي وبيقول اكثر من جيه لو توكلتي على الله حق توكل وظنيتي الخير كله من الله..! والله لتشوفين العجب بس بحــكمه وصبــر وطــولة بال وتجاهل الأمور اللي تنكد عليج ..! جمله دايمآ كرريها حبيبتي لزوجج ،، انته صديقي الوفي اللي مابلقى شراته وانته الأب الحنون والابن اللي يغلط علي وبحبي له اسامحه بدون تدخل حد.. انا لو انجرح من الناس بتلقاني في حظنك لكن لو انجرحت ف يوم منك اروح في حظن منو ..؟! وبعدين لاتنسى انه احـب شي لأبليس هو التفرقه بين المرء وزوجه..!!! ف راح يفكر وصدقيني بيدور كلامج في راسه لو يبي يحافظ عليج ..احبج وأحب كل وحده تحاول تحافظ على اسرتها والله يهدي كل وحده او واحد يستمع لوسوسة ابليس في النظر للمحارم استغفرك ربي وأتوب إليك والسموحه ادري جريده ههههه ولكن قلبي عورني عليج والله يقوينا لما يحبه ويرضاه.

[مدسات ام مهرة]

حبيبتي خلج قويه عند ريلج اسكتي عندها هي ويوم تكونين بروحج معاها لعني خيرها قوليلها استري عمرج من تشوفين ريلي اذا مب تارس عينج ريلج مشكلتج احترمي عمرج واحترميني اذا ماتقدرين تسترين عمرج سيري حجرتج وخذي راحتج عندي انا حدج واذا زودتها معي ريلج من اليلسه مع بعض وقليل مب راضيه

[العنود20]

الله يعينج اختي ..

مافي حل الا انكم تطلعون بيت روحكم لأن السكن حق من حقوقج . .
ويا دار ما دخلج شر ^^

[Ward-uae]

خلج واثقة من نفسج اذا على البيت طلعوا بيت رواحكم
لكن حطي في بالج انه يقدر يشوف هالسوالف برع بعد بتسكري عينه هو لو خاطره بوحده من نفس الجنسية كان ما خذاج
حاولي ما تييبين سوالفها عند ريلج واذا على القعده كلمي عمتج قوليلها عموه استحي اسولف واضحك جدام حمياني اشرايج هالمكان نخليه قعده لنا

[شعاع امل]

هي المشكله اختي الحين من الزوج!!!!!! يعني هو لو شاف حرمة اخوه يطالعها!!!!!! مايقدر يقول لها تغطي ياحرمه

يعني هذا طبع فيه يمكن انه يحب يطالع للاسف يعني مب مشكلتك ولا مشكلتها


ولكن اذا في مجال اختي خبري امه لو هي عايشه في البيت عشان هي يمكن تقدر تكلمها يعني تقول لها تغطي وتخليها تستحي شوي

او انتي كلميها تتغطى واحرجيها!!!! يوم تكونون قاعدين وزوجها موجود

او خبري زوجك قدامهم ان ليش مايخليكي تفكين شعرك مثلها!!!! يعني وحده بوحده عشان يصير احراج

او خبريها انتي ليش ماتحطين مثلنا الحجاب!!!!!! غلط او حطي شريط ديني في البيت عن الموضوع!!! بتلاقين وايد محاضرات في النت


او طالبي بيت لوحدك عشان ترتاحين

بس زوجك هذا عنده حب انه يطالع فنتبهي عليه وعيب يطالع حرمته اخوه

يعني يحتاج وازع ديني حاولي تزرعيه فيه

وخليها

[زوجي حبيبي 1]

لا حول ولا قوة الا بالله الله يفرج همك حبيبتي ويسر امورك ويبعد عكم شر
احسن شيء اطلبي بيتك لوحدك

[اهاات ليل]

أصلا من الأساس ما يصير ريلج ييليس مع حريم اخوانه ولا اخوان ريليج ييلسون معاج

المفروض الريايل بصوب و الحريم بصوب أما أنكم كلكم مجتمعين بمكان واحد ها أكبر غلط

يعني جنج حاطة الغاز يمب الحطب و تقولين لنا عطوني طريقة عشان ما تولع النار بينهم

لج أكثر من حل يا تطلعين بيت بروحج أو نبهي ريلج إنه ما ييلس مع حريم اخونه لما يكون بالبيت

أو كلمي ام ريلج وخليها تكلم مرت ولدها و تخليها تستر نفسها قدام اخوان ريلها

[شهد الظاهري]

الغلطة من ريلج .. !! اذا كل وحده بطالعة بيفتح المجـآال ويـآاهـآا وكيف يعني فيهـآا مواصفـآات تعيبة المفروض الريـآال يوم يـآاخذ وحدة خلـآاص مـآايشوف غيرهـآا .
الله المستعـآان ..