أنا والعذاب نعيش سويا - ناقشوني

[jameela200]

ربي يفرج عليج قريبا

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[صنوبر]

راس الخيمة فيها ايجار رخيص

[هيفاءء]

ودي اساعدج .. هذا اللي قالج الايجار ب 6000 بالشهر مايخاف الله !!
الغربية ماشي فرص وظيفية اصلا وفعلا هناك الواسطة اخس من اهني
وما انصحج تنتقلين لامارة ابوظبي غااااااااااااالية الا اذا حصلتي وظيفة براتب محترم
الله يعينج اختي الوضع في البيت يخوووف .. الله ايسر لج يارب
استغفري وقومي الليل ادعي اخر ساعة من الليل قبل الفجر ابكي وانكسري لله وربي بفرجها ثقي ثقة عمياء بربج .
هو الامل هو الكبير القدير هو اللي كاتب الاقدار وقادر انه يغير قدرج بالدعاء .
هذي نصيحتي لج اختاه ..

ماقدر اقول عنه مايخاف الله , الله أعلم بعباده
على فكرة هو طالب 7000 درهم ونزل السعر لين 6 الالاف ع باله انا وزيرة

هو لو يفكر في غيره كان ماطلب وهو اصلا يعرف ظروفي ويشوف بيتي ويقرف يوم يمشي صوبه
ولا يكلف نفسه انه يطالع البيت
اصلا هناك ناس تشوفنا مثل الحشرات اللي حلال انهم يدوسونها... هذه الحقيقة اللي انا اراها بعيني


- تصوري !!!
ادرس دروس خصوصي واخر الشهر يقولون لي : اسفين ابلة احنا مزنوقين هالشهر خليها لين الله يفكها معنا
وشهر ورا شهر , وانا الله اعلم اذا عيالي ياكلون او حتى ياكلون تبن

والله انها تمر علينا ايام ما نتغدا ولا حتى نتعشي , نشرب ماء عشان ننسى

- محد أصلا يحس بالمحتاج

- محد يحب يشوف الفقير او حتى يسأل عنه ... لان الناس مع القوي

اما احنا فلنا الله والبكاء بصمت


يارب تساعدني وتسخر لي عبادك الطيبين اللي يساعدوني
يارب يااارب

[Cute-12]

مش لهدرجة ما حصلتي يا أختي !!

أنزين عالأقل إستيديو !!

قدمي على هلال الأحمر روحي تحركي
المنتدى مش حل عزيزتي

دوري وظايف من الجرايد من النت
قدمي على شركات خاصة !!

والله يكون في عونج

[munamoor]

مش لهدرجة ما حصلتي يا أختي !!
أنزين عالأقل إستيديو !!
قدمي على هلال الأحمر روحي تحركي
المنتدى مش حل عزيزتي
دوري وظايف من الجرايد من النت
قدمي على شركات خاصة !!
والله يكون في عونج

حبوبة هي حطت مشكلتها الي حاب يساعدها
و يحصل لها شغل يزاه ربي كل خير
الهلال الاحمر انا قدمت حق أختين من خمس شهور
وللحين بترياهم ،،،

[صنوبر]

مش لهدرجة ما حصلتي يا أختي !!

أنزين عالأقل إستيديو !!

قدمي على هلال الأحمر روحي تحركي
المنتدى مش حل عزيزتي

دوري وظايف من الجرايد من النت
قدمي على شركات خاصة !!

والله يكون في عونج

لو هي حصلت بتكتب فالمنتدى كانت الحين مرتاحة فبيتها
وبشغلها
لو بيدي واالله اساعدك بس لا املك لك

الا الدعاء الله يفرجها عليك
ويسر امورك

[Cute-12]

حبوبة هي حطت مشكلتها الي حاب يساعدها
و يحصل لها شغل يزاه ربي كل خير
الهلال الاحمر انا قدمت حق أختين من خمس شهور
وللحين بترياهم ،،،

أعرف هالشيء بس بعد يا أختي الواحد يدور ويتحرك عل وعسى
.. وأنا اتمنالها كل خير وربي يفرج عليها

[Cute-12]

لو هي حصلت بتكتب فالمنتدى كانت الحين مرتاحة فبيتها
وبشغلها
لو بيدي واالله اساعدك بس لا املك لك

الا الدعاء الله يفرجها عليك
ويسر امورك

ونفس الشيء ما نملك إلا الدعاء لها ولو قدرت أسوي شي كان ساعدتها
وربي يفرج همومنا والجميع

[game over77]

كان الله في عونج خيتي ..وضعج محتاج ان الشيوخ يدرون به ربي يفرج عليج عاجلا غير آجل

[هيفاءء]

كان الله في عونج خيتي ..وضعج محتاج ان الشيوخ يدرون به ربي يفرج عليج عاجلا غير آجل

ياليت يدرون بي ياااليت

لكن كيف ؟!!!!

حد يخبرني كيف أوصل للشيوخ ربي يحفظهم ويبارك فيهم
أو أوصل لأمنا أم الامارات الشيخة فاطمة ربي يطول بعمرها ويخلها تاج على روسنا

[اهاات ليل]

جربي تتواصلين مع مؤسسة خليفة بن زايد آل نهيان للأعمال الإنسانية

إن شاء الله يحلون مشكلتج

[Mall.08]

ربي يفرج عليكم الهم وايسر امركم
الله المستعان

[هيفاءء]

لو هي حصلت بتكتب فالمنتدى كانت الحين مرتاحة فبيتها
وبشغلها
لو بيدي واالله اساعدك بس لا املك لك

الا الدعاء الله يفرجها عليك
ويسر امورك

دورت لين حفت ريولي

اكيد دورت لانه مش من المعقول انتظر الناس تعطيني آكل
انا مستحيل اشحت اللقمة حتى لو متنا من الجوع

- انا لجأت للمنتدى لعل وعسى وحدة تكون موظفة مسؤولة تتعاطف معي
وتنشلني من الهموم اللي قضت على اي لمحة أمل كنت أحلم فيها

- ترى شمعة الامل صعب اتم شاعلة سنوات
اتمنى اني احصل قلب طيب يساعدني بوظيفة

ياااارب أنت أعلم بالحال من عبيدك
اللهم ارسلي من عبادك الطيبين من يساعدني لأدعو له بقية عمري

[مالتيزرس]

انتي يبالج تحطين تقرير فعلوم الدار اللي يطلع فقناة بوظبي ان شاءالله حد يساعدج من اهل الخير اوقناة دبي ..بس ماعرف شقايل توصلي لهم

[هيفاءء]

انتي يبالج تحطين تقرير فعلوم الدار اللي يطلع فقناة بوظبي ان شاءالله حد يساعدج من اهل الخير اوقناة دبي ..بس ماعرف شقايل توصلي لهم

هيه والله
يبالي احط فيديو في علوم الدار

- والله فكرت في هالشي ولكن هونت ... تدرين ليش؟؟؟
لان محد راح يصدق اني في الامارات وان محد ساعدني لين الحين

ااااخ بس وين اللي يساعد
الناس بس جي مناظر لكن عند الجد ماتحصلين حد