بشووتنصحوني !

[عذآلي كثآر]

السلام عليكم خواتي

انا صارلي متزوجة من شهرين والحمدلله ريلي وعمتي وحمياتي زينين ويااي الحمدلله ع النعمة .
بس دايما الحلو ما يكمل .. عندي حرمة حمي راعيه مشاكل ووايد تغار مني وتحش فيني والكلام يوصلني ..
وكل اللي في البيت يعرفون انها تغار من ملابسي واسلوبي وشكلي وحتى وضيفتي ّّ!!

لدرجة انها صارت تقلدني في اشياء والكل ملاحظ التقليد ..

مع انه ما ياني يوم وتشاديت معها بالكلام او صار موقف بيني وبينها ..
انا مرات اقول بطنشها ولا بهتم باللي تقوله مابي اهل ريلي ياخذون عني فكرة مب حلوة
ونفس الوقت الشيطان يركب راسي وابى اوقفها عند حدها ..


كيف تنصحوني اتعامل معها !...

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[ام حمده 77]

اوﻻ مبرووك على زواجك والله يسعدك

ثاني شي اختي تجنبي الكلام والشخص اللي ينقل الكلام

وبإمكانك انك تكسبين محبتها بالكلمة الطيبة بدل المشاحنات

وحتى لو الغيرة موجودة جربي وما راح تندمي

والله يجمعكم على الخير

[حلوة واموره]

ركزي في حياتج.ولا تسمحين لحد يمسك عليج زله.

[احلى بعفويتي]

لا تسويلها سالفه ... اعتبريها مو موجوده

[سامية22]

العقل زينه

[زوجي حبيبي 1]

اولا مبروك زواجك اختي
لا تساوي لها سالفة خليها تقلدك وتساوي الي تبين المهم خلي مكانتك زينة قدام اهل ريلك وبس

[عذآلي كثآر]

من سالفه الكندورة حبيت اوضح لكم كيف هي عيونها طايرة الله يستر علينا دنيا واخرة ..
وبعد قبل العرس اخو ريلي اتصل عليه يشلها الدوام وتصدقون وين ركبت سكند سيت والخبر وصلني هذا قبل الملجه والعرس وفي رمضان نفس الشي اتصل له قاله وصل حرمتي الدوام قلتله بروح معك قال تمام تعالي وربي قمت الصبح كنت نعسانه فول لاني سهرانه للفجر بس مستحيل اخليها تروح معه بروحه والا تيلس سكند سيت ورحت وياهم لباب الدوام حتئ هي فجت حلجها شو مقومني من غبشه .. انا ما اشكك ف اخلاق ريلي الحمدلله واثقة فيه وما شفت عليه شي بس هذي المخلوقه تحطه ف مواقف وانا ريلي يستحي يرمس او يحرج حد ..

[شعاع امل]

والله ياختي طنشيها ولكن لو حسيتي في شي جدا خطير يعني ردي عليها!

[ساحره العين]

هالاشكال ما ينفع معاهم الا العين الحمرا
اذا وصتلج رمسه منها تفاهمي معاها ومع اللي قالتلج الكلام عسب اذا نكرت او شي ذيج الساعه بتتادب
من البدايه خليج واضحه معاهم لا تقولين بطنش وماعرف شوو بتتمادى اكثر

[بسمة فجر]

هلا اختي
مبروك يا عروسة حبيبتي الحياة تعلمنا وايد و فيها الحلو و المر
و الحياة الزوجية نشوف و نتعلم اكثر و اكثر
نصيحتي انج تعاملينها بحسن الخلق بدون ما تغلطين عليها و لا تغلط عليج
احسني النية و ادعي ان الله يجمع بينكم على حير و تكون مثل اختج
بالتوفيق

[Ward-uae]

اللي يغار اطمنج النار ما تاكل غير نفسها
اما انها تحش فيج وتوصلج الرمسة ما اوصيج ديري بالج من اللي ينقل الكلام فإذا كانت صادقة هي نمامه واذا كذبت تطلع منافقه
واذا في يوم صار موقف معاها ردي عليها لكن باحترام

[عذآلي كثآر]

يا ليت ترمس جدامي عسب اعرف ارد عليها…

الافضل اني اتجنب الثنتين اللي ترمس من وراي واللي تنقل الرمسه ..

[احتاجك..]

اشتري راحتج
دام تقلدج يعني انتي ستايل خلها تقلدج

وعن الرمية ترا ربج فوق

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ناروتا]

انا اقول طنشيها , وترى الشجرة المثمره هي فقط الي يرموها الناس بالطوب
واشتري راحة بالك ولا تسمعي الكلام الي ينقال عليك اصلا, يعني قصي الطريق على الشيطان ولا تخربين حياتك , والي ينقلك الكلام قولي له ما بسمع وغيري السالفه
والله يوفقك في حياتك