بليز ساعدوني تعبت من سواد المنطقة الحساسه

**همس المشاعر19** · 2014-07-25, 01:41

هلا خواتي

فديتكم انا اعاني من سواد الشفرات والمنطقه الحساسه بشكل عام..
حتى عندي سواد ف الابط والركبتين
وجربت معظم الخلطات ولا فادنيhttp://forum.uaewomen.net/images/smilies/bb/3.png
وما عرفت شو اسوي عاد
http://forum.uaewomen.net/images/smilies/bb/28.png
وسمعت عن زبدة الشيا.و زبدة الكاكاو
وين منهم يخوز سواد المنطقه الحساسه وبشكل اسرع؟؟
للعلم اني مو متزوجه
(فيدني يالمجربات)
بليزززز.الله يسعدكن

المزيد من آخر المواضيع من نفس القسم:

**الوردة الجورية** · 2014-07-25, 10:53

اسرع طريقة وافضلها
أول شي اشتري من محلات تجهيزات الصالونات مشقر مثلاً من عند نزيه او غيره خذي علبه مشقر البودرة الكبيرة والاوكسجين عيار 10 واشتري صابون مغربي وليفة
ومن السوبر ماركت تشترين كريمين واحد لوشن للجسم مبرد "soothing lotion" من الصبار او الخيار أنا استخدم لوشن الصبار من جرجنز، وكريم ثاني للجسم مبيض من نيفيا أو اي شركة ثانية
ومن محلات الاعشاب أو من اللولو خذي خزامى و ورد وقرنفل وماء ورد بتحصلينهم قسم البهارات
ومن الصيدلية كريم ساوث بيتش للمنطقة الحساسة "south beach"
الحين الخطوات:
1- جهزي خلطة الأعشاب وحطيهم في علبة، بتخلطين كيسة الورد الجاف مع كيسة الخزامى و ملعقة صغيرة قرنفل اللي هو المسمار وتطحنينهم مع بعض في مطحنة القهوة او حتى المولينكس وحطيهم في علبة
2- خذي حوالي ملعقتين كبار من خلطة الاعشاب واخلطيهم مع ماي الورد واتركيهم في الحمام في ملة بلاستيك او زجاج "مب معدن"
3- خلطي الاكسجين باللي يكفي جسمج و ويهج وحطي اول شي على جسمج وبعدين ويهج وآخر شي المناطق الحساسة الآباط وبين الفخذين و ورا وتمي واقفة مكانج في الحمام كمن دقيقة ما يتجاوزن الخمس دقايق وغسلي بماي بارد
4- وجسمج بعده مبلول حطي نتفة فازلين على الوجه بيتوزع عدل لأن بشرتج رطبة أما الرقبة والجسم حطي الصابون المغربي وخليه ربع ساعة وخلي الماي الحار يصب في الحمام عشان يسوي بخار
5- غسلي بماي دافي عدل كل ويهج وجسمج وابتدي ليفي جسمج بس كامل بدون ماتضغطين قو عشان ماتخدشين جلدج بالليفة بس ضغط يادوب يشل الجلد الميت والوسخ وعقب غسلي بماي بارد
6- وزعي على ويهج وجسمج خلطة الاعشاب وفركي مثل السكرب بالخفيف وخليه خمس دقايق او اقل طبعاً كل الاماكن حتى الحساسة وعادي لو حرق بالخفيف لا تخافين غسلي بماي بارد ونشفي
7- الحين وزعي لوشن المبرد او "soothing lotin" على كامل جسمج والحساسة

بتسوين هذا الحمام كل اسبوع وقت المساء ويفضل قبل النوم

باقي الأيام تستخدمين لوشن او كريم التبييض للجسم وأما المناطق الحساسة اللي داخل و ورا بساوث بيتش
دعواتكم لي بأن الله ينولني كل خير فيه رضا الرحمن وصلاح لي

**همس المشاعر19** · 2014-07-25, 22:10

مشكووره الغاليه

**همس المشاعر19** · 2014-07-27, 05:32

كلهالمشاهدات ولا شي منكن ردود

**الجمال المسمى** · 2014-08-01, 03:53

عن تجربه شخصيه وانا اساسا ما كنت متوقعه تبيض جي
وملاحظه اختي سواد شفرات صغيره تكون مرات طبيعي

كنت استخدم صابون بالعكر الفاسي والقهوى واحك المنطقه باليفه اللي تثج قفاز
وبعد ما تخلصي تفريك استخدمي غسول uriage
كلمة روعه شوي عليه المهم بعد ما تخلصي مم الغسول نشفيها زين وحطي كريم ترافوكورت
وتري شوي وحطي فودر مال اليهالو
والله العظيم انا ما خليت شي ما جربته ما شي نفع وياها غير هالشي
مع انه كنت محطيه في بالي مستحيل يخوز هالسواد فحم فحم بس سبحان الله
استخدميها لمدة شهر وبشوفي نتيجه باذن الله
حق اي استفسار انا جاهزه

**أم مغاوي** · 2014-08-02, 00:42

اختي ماعندي فكره عن المناطق الحساسه والابط

بس بخصوص الركب والاكواع يباله ترطيب وكريمات تبيض انا عندي مشكله بشرتي تتحسس بين فتره وفتره عند الاكواع والركب

ومرات يكون بسبب الليفه تكون خشنه والجلد يلتهب وعقب يسود هالشي وايد عانيت منه او يوم انسدح ع بطني واجابل الكمبيوتر
والزوليه تحرق كوعي وتسودها وركبي في رمضان مستويات خشنات من الصلاه
ومن انتبهت ع طول بديت اكثف ترطيبهن بعد كل وضوء احط كريم مرطب اي كريم متوفر عندي

بالاضافه الى

كريم الكوم ليلا قبل النوم للاكواع والركب لمدة ثلاث اسابيع بديت اشوف النتيجه على كوعي اللون صار فااااتح وخاز السواد
قبل كوعي كانت سوده وخشنه وريلي بعد في مناطق بسبب الجواتي مستولي سواد وفتحهن

والحين ماشاءالله ناعمه المنطقه يعني قولي يبالي شهر ونص الى شهرين وخلاص بيختفيى السواد

عجيب هالكريم وساعات استخدمه مرتين باليوم اما ركبي بعدني ما شفت نتيجه لاني عقب ماشفت النتيجه ع كوعي بديت فيه عقب ما اكمل شهر بحكم

بس مع هذا استخدم الاسكينول الصبح يوم انش من الرقاد وادخل الحمام امسح المنطقه بقطنه عقب اتسبح

وقبل النوم نفس الشي واستخدم صابون البابايا يبيض ومقشر استيفيز للتفتيح كل يومين او يوم وترك

استخدمي المقشر على المنطقه بدون ماي يعني قبل لاترشين جسمج ماي حطي من المقشر وابدي افركي ركبج واكواعج
بايدج وبحركات دائريه

هذه الخطوات اللي اتبعتها ويابت نتيجه معاي كريم الكوم ممتاز للتبيض بس يباله وقت اقل شي شهر
وحسب المنطقه اللي بتنحط عليها في مناطق تاخذ خمس شهور

**loulou10** · 2014-08-03, 03:44

اذهني المنطقة قبل النوم بزيت الزيتون أو زيت اللوز أو زيت الأرغان وثاني يوم قبل النوم اهني بعصير الحامض أو خل التفاح الطبيعي استخدمي ماسك عبارة عن عصير طماط وعصير حامض اذهني أي منطقة فيها سواد و رشيد عليه نشأ و يوم يبدا ينشف سوي سكراب

و انصحج بالحمام المغربي واعشاب التبيض مرة كل أسبوع و الترطيب

**Cobon** · 2014-08-05, 09:12

1- انسي الموس و الحلاوة و سوي ليزر سواء ف العيادة او اشتري لج ليزر منزلي
2- عقب الليزر حطي كريم للحساسية مثل فيسودين
3- استخدمي كريم للتفتيح اسمه ساوث بيج للمناطق الحساسة

**ماحد شراتي** · 2014-08-05, 13:42

السنفره فالبيت والحمام المغربي وجفاف المنطقة

**Cute-12** · 2014-08-11, 20:28

المشاركة الأصلية كتبت بواسطة Cobon

1- انسي الموس و الحلاوة و سوي ليزر سواء ف العيادة او اشتري لج ليزر منزلي
2- عقب الليزر حطي كريم للحساسية مثل فيسودين
3- استخدمي كريم للتفتيح اسمه ساوث بيج للمناطق الحساسة

وين بحصل هالكريم ساوث بيج ؟

**الوردة الجورية** · 2014-08-14, 14:21

South Beach بتلاقينه في الصيدليات

**نجديه وبس** · 2014-08-19, 11:44

ممكن تكون على جلدك ترسبات منعتها تستجيب لاي كريم
استخدمي اول شي تقشير الفواكة كلمة واااو قليله بحقه
واستخدمي كريم سودو حطيه على المنطقه وخليه لمدة خمس
ساعات وبعدها استخدمي بيبي فيس وامسحي المنطقه بقطن
والترطيب الترررطيب جداً مهم ما فيه بشره بيضا وناعمه وحلوة
بدون ترطيب
وترا والله البياااض سهل جداً جداً جداً في كريمات وصيدليات
ومستشفيات يعني لا تشيل هم وتقولين مستحيل يبيض
لا بيبيض بس اصبري .

**نجديه وبس** · 2014-08-19, 11:49

وترا ذي خلطه السودو وبيبي فيس جداً فتاكة احنا عندنا بالسعوديه يستخدمونها
الحريم بعد الولادة لان بالعادة بعد الولادة المؤخرة والمنطقه الحساسه تسسمر جداً
فهذي تبيض المنطقه كثير حتى فيه حريم يقولون استخدمنا هالخلطه
وصارت المنطقه ابيض من قبل واكثر .

**العووق** · 2014-08-19, 13:26

شوه بيبي فيس كريم ولا مقشر ولا تونر ؟؟؟؟

والاخت نجدية : شوه الطريقة ؟؟

**بنت راك 99** · 2014-08-22, 12:03

هالمكان عند كل حريم العالم اسووود لا تحاتين هههههههه

الريال مايهمه ابدااااااااا ..

الموضوع: بليز ساعدوني تعبت من سواد المنطقة الحساسه

أدوات الموضوع

عرض