ليش انا غير عن كل الناس؟؟؟؟؟؟؟؟؟؟

[worood22]

مرحبا خواتي
شلونكم ؟؟؟
مبارك عليكم الشهر جميعا

عندي مشكله قصدي مشاكل وايد متجمعه كلها

المشكله انا بنت عمري 36 سنه وبدون زواج

مشكلتي اني حاسه نفسي غير عن كل هالبنات
انا اشتغل مدرسه صج يعني راتبي علي قده بس امشيني
ورغم هذا مهمله في نفسي يعني لا لبس عدل ما اهتم في نفسي
ساعات اشوف خواتي شلون يلبسون وانا غير عنهم كله جلابيات
شعري كله مرفوع ولا اغير فيه

ومشكلتي الثانيه شراهتي في الاكل وايد آكل حتي لو آنا شبعانه هم بعد أكل تصورو ان نص راتبي رايح علي الشوكلت والفاست فيه صايره كاني فيله وسوري علي التشبيه بس هذا الا احس فيه حاولت اني اسوي دايت بس في كل مره افشل لحد ما وصل وزني 112

مشكلتي الثالثه تأخري في الزواج يعني وصلت لسن كبيره ولحد الحين محد طق بابي لييييييييش ؟؟؟؟
ما ادري ؟؟
احيانا اقول يمكن سمنتي واحيانا اقول عدم اهتمامي بنفسي


بليييييز بنات ساعدوني
وسوري علي اسلوبي بس حبيبت افضفض ببعض ما فيني

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[مخترعه]

الله يهديج. اول النصيب من الله ثاني شي الشكل يلعب دور منو ما يدور الزين ما شا الله الشباب اطووروو وايد قامو يعرفون مقايس الجمال وكل واحد يتشرط وانتي تعرفين الجسم وايد وايد مهم يعني لازم كان تهتمين بجسمج لان الانوثه كلها بالجسم. حبيبتي الله يسخر لج ولد الحلال. انتبهي وفكري ف نفسج. ادري 36 مو صغيره بس لاتفكرين وايد بالموضوع لان يوم الله يكتبلج بتعرسين بتعرسي ان شا الله اهم شي احينا تهتمين وتبدين ريجيم وتتعدلين والفاست فود استبدليه بالفواكه والخضااار احسن. واتبعي حميه وبالتوفيق اختي

[^الدماني^]

مسألة الأكل اللي عندج حالة نفسية

في ناس يهربون من مشاكلهم بالنوم
وناس بالأكل
وناس باللامبالاة !

يمكن احساسج بعدم الأمان وخوفج من تأخر الزواج هو اللي فاقم مشكلة وزنج

حبيبتي الحياة حلوة اذا احنا سويناها حلوة
اذا بتتعدلين فلنفسج أولا
ومسألة الزواج نصيب

لا تضيعين أحلى سنوات عمرج في انتظار الزواج لاعتقادج انه تجسيد للسعادة

السعادة نصنعها بإيدنا ومسألة الزواج بأمر الله

والحين احنا في عصر يسمح لنا بسهولة معرفة كيف نلبس ونكشخ
استفيدي من وسائل التواصل الاجتماعي من هالناحية

الله يسعدج حبيبتي

[نبضي استغفاري]

ليش حبيبتي هالياس

اولا على موضوع الاكل خخخخخخخ حالج من حالي نص يومي بالاكل بس مب زعلانه انتي تقدرين توازنين نفسج بالرياضه والرجيم وبيعتدل جسمج ان شاء الله

وعن موضوع الاهتمام المنتدى فيه موضوع روعه ومفيد اللي بالازياء هو اعرضي جديدك استفيدي منه وشوفي شو الموضه والبسي لنفسج مب لغيرج

والاستاا على قولتهم مترووووووووووووووووووووووووووووووووووووووووووووووو س كولكشنات يديده دشي وشوفي واختاري اللي يناسبج


وعن موضوع الزواج شخصيا اعرف بنات اكبر عنج وماعرسن وماشاء الله عايشات حياتهم طالعات شغل مناسبات وناسه صح الموضوع ببالهم بس مب محزنهم لانه بامر الله وبنات اعرفهم متان ورياييلهم ميتين عليهم ماشاء الله مايبونهم يضعفون لو بتضعفين لنفسج حبيبتي والزواج مب مقياس لو ضعيفه او متينه جميله او قبيحه هذا نصيب من الله سبحانه

انتي مب غير عن الناس الحمدلله انتي احسن من غيرج الحمدلله


ونحن الحين بايام فضيله استغليهم بالدعاء بالثلث الاخير من الليل وقبل الفطور بان الله يرزقج بالزوج الصالح اللي يحبه ويرضاه لج وربج ماراح يخيب ظنج

[شعاع امل]

موضوع التأخر بالزواج اختي ماله خص بشكل صح الشكل يلعب دور ولكن مش عند كل الناس في ناس ملكات جمال مالهم نصيب او تزوجن وطلقن شوفي الطلاقات بين الفنانات وهن متعدلات كيف وعندهن فلوس تغير خلقتهن حتى! استغفر الله

بس هو نصيب عندي ربيعه في نفس عمرك ماعندها الا نفس السيره وهي بعد عندها زياده في الوزن وانا بعد يعني مب احسن منها بشي

بس هي تحاول تقول ان الوزن هو سبب عشان تحط لائمه على شي

رغم انه ببساطه شي من فوق يعني بس نصيب

في اسباب يعني اعرف بنات كانن يروحن كل الاعراس والمناسبات عشان يتزوجن وامهاتهن مايقصرن كل زياره يعدلن في بناتهن وسيرتهن على كل لسان عند كل الحريم

عشان يحركن السوق ههههههههههههه يعني ترتيب

بس هو نصيب اتذكر معلمه يوم كنت صغيره كان اخو طالبه ياخذها من المدرسه وكانت المعلمه مب بيضه كثير بس في ناس ممكن يقولون عنها زينه بس هي عاديه ومب بيضه

خطبها وهو احسن عنها وهي معلمه عاديه فيزياء راتبها يمكن اقل من 2000 واتصور مازالت في نفس المدرسه! وكانت تقول معاناتها مع اهلها وكيف كانت هي وخواتها ينامون في غرفه وحده! رغم اني ماكنت احب شرحها هههههههههههههههه

يعني نصيب اختي نصيب من الله

انا عمري 30 سنه الحين ماشتغلت ولا تزوجت ومريضه يعني انتي احسن عني بكثير على الاقل تشتغلين وصحه تمام بس تخفيض وزن تحتاجين وان شاء الامور تمشي

واعرف بعد قصة اخصائية اجتماعيه في المدرسه تزوجت ويمكن عمرها اربعين وعندها الحين ولد وبنت حتى الناس كانوا يفكرون انها ماتقدر تخلف خلاص!!! تخيلي

واعرف قصة بنت ثانيه تزوجت اول ماخلصنا من دراسه ظلت يمكن ثلاث سنين ماعندها عيال اخر شي خلفت وهي ثلاثين يعني هذا نصيب ماله خص بالجسم والعمر عادي


مثلا في ناس دارسين وشهادات من برع البلاد يمكن من المانيا ولكن مايحصلون شغل في ناس ماعندهم الا اعدادي تلاقينهم مطلعين اموال واشغال!!!!!! نصيب

ومافي حد احسن من حد! لا تفكري بهذا الاسلوب بس يفرق النصيب يعني فلان مشت امورها اكثر من فلانه بس

يمكن فلانه تكون مكانك بس سبحان الله نصيب كله بقدر وحكمه

[ناروتا]

اختي الغالية
لا يغير الله ما بقوم حتى يغيروا ما بأنفسهم
انتي تعرفين مشاكلك وهذا بداية الحل ,لازم تبدين تهتمين بنفسك مش لأجل الزواج لاااا وانما لنفسك
ابدي غيري شعرك ولبسك تتبدل نفسيتك
بالنسبة للأكل الزايد فهو يأثر سلبا على شكلك وايضااااا على صحتك وهذا موضوع اهم , وترى الله يحاسبنا يوم القيامه على اشياء منها : وعن جسمه فيما ابلاه!!!
وهالنوعية من الاكل الي تاكلينها تبلى الجسد مع الوقت وتربي فيه الامراض وهالشي اكيد يبعدك عن القدرة على اداء العبادات المختلفه
ما اقولك لا تاكلين شوكليت وفاست فود كلنااااا ناكل , ل كن اطلب منك الاعتدال ,مثلا حبة شوكليت واحده مب خمسه

اما مسألة الزواج فاحابه ارد عليك : ما اصابك لم يكن ليخطئك وما اخطأك لم يكن ليصيبك رفعت الاقلام وجفت الصحف , هذا قدر ونصيب ومن أركان الايمان ان تؤمن بالقضاء والقدر خيره وشره
وترى وااااايد متزوجات وتعيسات او تطلقوا او صاروا أرامل , او لم يكتب لهم الله الانجاب وعايشين في دوامة من العلاجات والهم أسأل الله يفرج عنهم همهم

الحياة حلوه وتراها يومين عيشيهم لنفسسسسسسك
اتمنى لك حياة جديدة سعيدة ملؤها الأمل بفرج الله

[mouzan7mod]

حبيبتي ،، الي فيج هو حالة نفسية تحطين غيضج في الاكل و الشرب ،، نصيحتي لج كلما فكرتي تاكلين امنعي نفسج من الاكل و اعتمدي على الثلاث وجبات و بخصوص الزواج ترى الزواج مب كل شي و الريال في حياة الحرمة مب كل شب ، اذا انتي تحبين اليهال ترومين تروحين جمعية خيرية و اكفلي يتيم في الامارات و بين كل فترة و فترة زوريه و الله بيرزقج بولد الحلال ان شاء الله

[ماحد شراتي]

انتي مب ناقصنج شي وخواتج مب احسن عنج
اكيد تعرفين كيف تكشخين وتلبسين
سيري الصالون غيري لوك شعرج قصيه وصبغيه
سوي مناكير وبداكير

ومن ناحيه اللبس سيري ماركس اند سبنسر فيه محل اسمه اورجيم كله عالموضه ويناسب وزنج

ولازم الحين تتشجعين وتسوين ريجيم اعرف هالشي مب سهل لكن بالعزيمه تقدرين

[قلب الذيب]

و انتي بخير وصحه وعافيه

غاليتي ...

انتي مربط الفرس ...
قوة التغير= قوة الاراده اللي داخلج
هاتي ورقة وقلم واكتبي مشاكلج وكيف تبغين تكونين او التغير اللي بتسوينه
اكتبي و واجهي نفسج انتي تستخدمي الاكل كاسلوب للهروب من ذاتج
اول حل للمشكله انج تواجهين نفسج وعقب اصبررري على نفسج
والعمر مش عائق للتغير لان كثير ناس نجحوا باعمار كبيره
واذا على العرس يا الغلا ..شوفي من حولج حد من النسوان اللي عرسن سعيدات ..؟
وحالات الطلاق المتزايدة ...لا تربطين سعادتج بالزواج ولا غيره
اي نعم ان الحرمة لازم يكون عندها ذرية بس كل شي ارزاق

[future dreams]

مب غير في ناس نفس حالتج ويمكن اسوا ..
لكن نصيحتي .." حبي نفسج " والي يحب نفسه يدلعها ...
لا تسوين رجيم ..بس إلعبي رياضه اشتركي في جيم وقللي من الحلويات والنشويات ...
وكل يوم تعدلي واكشخي ..لنفسج ..هذا بيخليج تحبين نفسج اكثر وتدلعينها ...

[العنود20]

لاحول الله ولاقوة إلا بالله العلي العظيم

[ماسه حساسه]

مشكلتج في :

1 اكل غير صحي وغير متوازن

تسمين بالله قبل لا تاكلين ًتقولين الحمدلله؟ ولا علطول تبلعين؟
النعمة اذا ما تسمين بالله بتمين تأكلين وماتشبعين ...
اي آكلات غير صحية استبدليها فورا بالعصير والفواكه والأكل الزين
اذا تضايقتي من شي تنفسي بهدوء وقولي الحمدلله غيرج مب لاقي سكن ولا اكل
لا تفرغين ضيقج في الاكل

المشكلة الثانية
2 الوزن
سويتي شي علشان ينزل وزنج؟ مارسي رياضة بس لاتخبرين احد
ً بروحج راقبي وزنج والتغييرات الي تصيرلج

وان شاء الله نفسيتج بتتعدل بتكونين توووب

[احلى بعفويتي]

حبيبتي سوي تكميم واايد اوكيه كل حد يسويه
و سهل تغيرين ستايلج
بس حاليا ركزي ع الوزن منتصولين جريب 70 غيري استايلج وااايد سهل

وراتب اوكي المدرسات يستلمون زين ليش تقولين ع قدي ..

[مجروحة وأكابر]

احس الردود كفت ووفت بس مع هذا بعطيج ردي انا من عمرج والحمد لله ما بقولج تجربه سمعتها لا هاي قصتي وتجربتي الحمد لله حياتي حلوه اطلع استمتع اسافر استانس خواتي اوكي معاي اخواني اوكي علاقتنا حلوه مرتاحه في حياتي ولله الحمد احب اتخالط مع الناس اضحك ما علي من حد ولو يقولولي بالمزح عانس اكبر طااااااااااااااف الكلمه تضايق صح بس بعد اقول عندهم بنات حرام يعني جي يقولون باجر ربي يبليهم ان بناتهم يعنسون مب حلوه بس اقول الله يهديهم ولا علي من حد عايشه يومي الصحه حلوه انا بخير بيزاتي فجيبي حريتي عندي فوقه اسافر \طبعا مع هلي خواني خواتي اتمشى معاهم استمتع معاهم دخلو صديقات كثار في حياتي ما غيرو شي او تركوني ما همني اهم شي علاقتي مع اهلي ما تتغير هم عزوتي فالدنيا و اتمنى من رب العالمين يكتب لي ولج ولجميع بنات المسلمين الزواج و نفرح في ذريتنا انا نحاسه فيج بس لو تبين ركزي اهتمي لنفسج حبي نفسج لا تضعفين للزواج او لحد لنفسج لو ضعفتي للعرس حتى لو عرستي عقب العرس مراح تتغيرين لزوجج لانج سويتي عشانه سوي كلشي لنفسج بتتغيرين للاحسن تعرفي على بنات من عمرج استمتعي بحياتج طلعي روحي تعالي اهتمي بلبسج وشعرج وشكلج

[Cobon]

اختي الغالية
تدرين يبغي لج تخففين وزنج و عقب بتتغيرين تلقائيا


ليش الكشخة ما يبغي لها وايد فلوس و ماشاء الله عندج راتب ليش تبخلين ع نفسج
هاتي الحين ورقة و قلم و سوي لج جدول بطريقة الصرف و قسميه : بترول - اقساط سيارة - مصروف شخصي - صالون و سبا و عيادة
افتحي كبتج الحين و جوفي الملابس اللي تكبرج و تشوه صورتج فريها او عطيها لجمعية خيرية افضل
غيري ستايلج طريقة لبسج طريقة شعرج مكياجج روحي صوالين سبا عيادات / سوي فيشل تقشير تصغير تكبير اي شي يكون حلال مب مشكلة

جيكي المواقع و الانستغرام جوفي كشخة البنات كيف
مب لازم تلبسين رولكس اليديدة ولا كارتير عسب تكشخين
الكشخة يبغي لها ذوق و اهتمام شخصي
ليش تكبرين عمرج !

سيري اشتركي في جم مب تقولين لا بمشي ف الممشى او حديقة
لازم تشتركين ف جم ولا بتمين طول عمرج جي
لو ما تغيرتي اليوم ما بتتغيرين ف اي يوم ثاني