عاجل ؟؟

[Al3'wya]

بنات السالفه مش بس سالفه استقاله

هو مايباها تصرف ع اهلها باي طريقه

واللي تقول بياخذون من الشؤون انا معاها

بس الخدامه منو بيدفع معاشها ؟ والدريول والسياره لو اختربت واكل البيت والملبس وفواتير الكهربا والماي؟

هي واختها يتساعدن بهالشي

بس ريلها ابد مب راضي .. وهو بعد مايباها تكمل دراسه

والمشكله هي من عرست تتناقش معاه عشان مصروف اهلها بس هو مب موافق

وفهالفتره قام يهدد ان بيطلقها للعلم ان جزء من معاشه يروح لامه وابوه واخوانه ؟


يعني هي بطيعه وبتخلي امها وابوها بدون مصروف ؟

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[احلى بعفويتي]

حرام عليه يعني هو يصرف على اهله وهي يتناحس عليها عشان مصروف ابوها وامها
لازم تراويه انها مو خايفه من الطلاق لان الريال اذا مرته مبينه خوفها من الطلاق يستقوي عليها
احسن مايابت بيبيز منه نصيحه خليها تمنع الفتره اليايه عشان تبين مايته و هو شو ناوي مو تحمل وتبتلش

انا مع انها اتم في دوامها اذا في وراها صرف و اهل
انا عن نفسي اعطي امي وابوي وهم مو محتاجين ليش لان عيالي الصبح عندهم وغداي بعد من عندهم فعيب اكل وامش ايدي بالطوفه ملزومه حتى خواتي يستانسون من المبلغ الشهري الي اعطيهم ،،الريال لو ماعنده بياخذ سلفيه عشان يبا يسافر هذا اقل مثال و الحرمه يجبرونها تتخلى عن دوامها و دراستها و حياتها عشان خاطر يرد البيت ويجوفها تترياه كلها دقايق يا يرقد يا يمسك فونه يا يطلع وهي تم فالبيت عشان خاطر رضاه ...رضاه واجبه بس مادام اشترطت الحق معاها وهو ملزوم يتحمل و يتاقلم


نصيحتي عن تجربه حياه حقيقيه الريال اذا حس بحرمته تخاف من كلمه الطلاق يتم مثل السجين ع رقبتها بهالكلمه

تكلمه بكل لطف و تحاول تقنعه بالي هي شارطنه بس اذا عيا وكبر مخه المفحم خلها تقول و الفراق عيل الحل و تكون عادي ،،،

حبيبتي كم يسوى انها تصرف على ابو وام كبار بالسن هاي بركه وهم محتاجين و الشؤون كم تعطي٤٠٠٠

شو تسوي السواق يباله ٢٠٠٠و الخدامه ١٠٠٠ طاروا ال ٤٠٠٠
حرام عليه ماعنده قلب و لااحساس يهون عليه يجوف ناس كبار بالسن ويحتايون بنتهم ويردهم

وين الشيمه حبيبتي ها لو انا بدالها بقوله اتم تحت جناح ابوي طول العمر و اخدمه و لا اتم عندك دقيقه ...

[احلى بعفويتي]

استغرب من الي بتقول رضا الزوج و لا تهدم حياتها عشان دوام

يعني و شرطها بدايه الزواج و العقد الي مكتوب فيه هالشرط و موافقته جدام الريايل ع هالشرط كله يروح فالزباله عشان رضا الزوج

حبيبتي الشرط عقيده المتعاقدين و ها بعد نص شرعي

يعني اذا طلقها تراه هو الي نقض الشرط الزواج مو هي

استغرب تبون الحرمه تابعه للزوج حتى بحياتها الشخصيه و اختياراتها
منو هالوقت يرضا بثنويه
الجامعه مهمه للبنت اهم من الزواج و غثاثه الريل
الدوام سند لها بالحياه
مادام هو دشالبحر يستحمل اهواله

عجيبه يرجع عن موافقته عن الشرط عادي ويخرب كل شي وهي لازم توافق ..

[شعاع امل]

انا احسها مب مرتاحه معاه ومافي ذريه

واخس وابشع شي الرجل المنان ماعنده دين بصراحه

احسن شي تودره وعوضها على الله

يوم تخلص جامعه بتلاقي شغل احسن من هذا الشغل اذا لها حظ ونصيب

تعيش معاه شو الفايده؟؟ اهلها هم جنه ونارها وهي حرمه تحتاج الشغل وهو مامنه فايده

تطلب الطلاق هي احسن لها حتى لو كان ابغظ الحلال بس عيشتها معاه ابغظ من الطلاق

[حلم منتظر]

تتصل ع مفتي وتساله
هو الوحيد اللي بيقول لها وين الصح
من ناحية الدين وليس العواطف
الزوج مهم ولازم الحرمة تطيع زوجها
وبنفس الوقت الوالدين مهمين ولازم البنت تطيعهم
عشان جيه تسال مفتى السالفة فيها خيارين
ياطلاق او يا تتخلى عن ريلها عشان امها وابوها
والحكم بهالشي كلام الله وكلام الرسول عليه الصلاة والسلام
وين ماكانت طاعة الله نطبقها سوا مع الزوج او الوالدين
ربي يسهل امورها ويقويها ويكتب لها الاجر

[مهرووووووه]

لا حول ولا قوة الا بالله

[شعاع امل]

انا اعرف ان ممكن يكون فيها افتاء ودين ولكن بالعقل انسان مايحترمني ليش اعيش معاه

كيف يكون زوج وهو مايحترم

هو بالاصل مايحترم عشان هي تصرف على هلها يعني لو هلها كانوا من نوع الكباريه او لهم قيمه

ماتكلم عليها يعني هلها مب سند لها الواضح بس هي سند

انا قصدي هذا الكلام!

هل هو ربنا بيهديه مااعرف ؟

اقرف شي باي علاقه هي قلة الاحترام سواء كانت صديق او قريب او بعيد

ماظن ان الدين يرضى بهذا الشي وهي ماعندها عيال عشان بنقول

بيصير تشتيت اسره

[احلى بعفويتي]

اممم ليش تسأل مفتي ؟؟

الموضوع مو حلال وحرام

الموضوع اختيارها هي لأن الطلاق حلال


المفتي ويعطيها افتاء لشيء محتاج رأي شرعي من حيث الحلال و الحرام و الأثم و الثواب


اكيد المفتي يقولها طاعه الزوج أولا و اهلج لهم رب العالمين ما بينسأهم

بس. الموضوع برمته حلال مو محتاج رأي شرعي

محتاج رأيها لأنها حياتها.

[Ward-uae]

بنات السالفه مش بس سالفه استقاله

هو مايباها تصرف ع اهلها باي طريقه

واللي تقول بياخذون من الشؤون انا معاها

بس الخدامه منو بيدفع معاشها ؟ والدريول والسياره لو اختربت واكل البيت والملبس وفواتير الكهربا والماي؟

هي واختها يتساعدن بهالشي

بس ريلها ابد مب راضي .. وهو بعد مايباها تكمل دراسه

والمشكله هي من عرست تتناقش معاه عشان مصروف اهلها بس هو مب موافق

وفهالفتره قام يهدد ان بيطلقها للعلم ان جزء من معاشه يروح لامه وابوه واخوانه ؟


يعني هي بطيعه وبتخلي امها وابوها بدون مصروف ؟

اختيه معاش الشؤون بيكفي اذا ما عندهم ديون والمعاش مب 4000 اذا شخص واحد 4 وشي وانا متأكده من هالكلام
الكهربا والماي اللي عنده الشؤون ما يدفع
اذا هو معارض على سالفة الشغل المختلط دوريلج شغلة ثانية واذا الشغل سبب مشاكل اجهاض من حقه
الشرط اذا انكتب في عقد الزواج انج ما تتركين الشغل هنيه اسألي احسن
الحياة مب عناد وهو مادام فيه خير لأهله اكيد فيه خير لج وبيساعد اهلج كل شي بطيب بينحل

[seemaa2022]

اليوم بيطلعها من الشغل و بكرى بيتجوز عليها او بيطلقها
لا تترك الشغل .
الأفضل انها تستخير تصلي ركعتين و تستخير رب العالمين على نية تترك الشغل ام لا .

[ناروتا]

تتصل ع مفتي وتساله
هو الوحيد اللي بيقول لها وين الصح
من ناحية الدين وليس العواطف
الزوج مهم ولازم الحرمة تطيع زوجها
وبنفس الوقت الوالدين مهمين ولازم البنت تطيعهم
عشان جيه تسال مفتى السالفة فيها خيارين
ياطلاق او يا تتخلى عن ريلها عشان امها وابوها
والحكم بهالشي كلام الله وكلام الرسول عليه الصلاة والسلام
وين ماكانت طاعة الله نطبقها سوا مع الزوج او الوالدين
ربي يسهل امورها ويقويها ويكتب لها الاجر

نفس رأيي سابقا اختي FatimaAhmed
وترى شرعا المرأة غير ملزومة بالانفاق لا على نفسها ولا على احد , وعليه لا يعتبر عدم انفاقها على الوالدين عقوق
وهي تقدر تتفاهم على حل مع زوجها
كله عندكم طلاق طلاق طلاق
اغلب المشاكل الزوجية حلها عندكم الطلاق
تشوف مفتى وتقرر بعدها

[Ms anime]

انا اعرف ان ممكن يكون فيها افتاء ودين ولكن بالعقل انسان مايحترمني ليش اعيش معاه

كيف يكون زوج وهو مايحترم

هو بالاصل مايحترم عشان هي تصرف على هلها يعني لو هلها كانوا من نوع الكباريه او لهم قيمه

ماتكلم عليها يعني هلها مب سند لها الواضح بس هي سند

انا قصدي هذا الكلام!

هل هو ربنا بيهديه مااعرف ؟

اقرف شي باي علاقه هي قلة الاحترام سواء كانت صديق او قريب او بعيد

ماظن ان الدين يرضى بهذا الشي وهي ماعندها عيال عشان بنقول

بيصير تشتيت اسره

انا مع كلام الاخت وبعدين شو هالحسد يعني نص معاشه عند امه واخوانه وهي يقولها ما تصرف شكله هو يبغيها تصرف على البيت او حاط عينه على معاشها وهي رافضه تعطيه فقال مادام انا مب مستفيد اقعدها بالبيت لان لو كان مستفيد من معاشها خسي يقولها تركي الشغل خصوصا هو رافض شغلها تمام سواء بمكان مختلط او غير مختلط

[مراسيل الوفاآ]

دام شرطج كان انج اتمين تشتغلين ف لابد انج اتدخلين حد من اهلج
يرمسه ويقوله انه ها شرط زواجكم، واذا تم معاند ف الجئي للمحكمه
اذا انتي بعدج مصره ع شرطج واذا ما نفع شي وياه ويبا يطلق ف خلي
الطلاق يي منه هو اذا هو ما يقدرج ولا يحترمج، اتحملي انج تطلبين منه
الطلاق توكلي ع ربج ولا تخافين من شي أدي واجباتج تجاه زوجج ووالدينج
والباقي ع الله

لو ما كنتي حاطه هالشرط قبل الزواج كنت بقولج طيعي زوجج واستقيلي لكن
الزواج اذا كان مبني ع شروط ف لابد انه الريال يلتزم فيها شرعا وقانونا الا
اذا الحرمه غيرت رايها وتنازلت عن شرطها

[munamoor]

اختيه معاش الشؤون بيكفي اذا ما عندهم ديون والمعاش مب 4000 اذا شخص واحد 4 وشي وانا متأكده من هالكلام
الكهربا والماي اللي عنده الشؤون ما يدفع
اذا هو معارض على سالفة الشغل المختلط دوريلج شغلة ثانية واذا الشغل سبب مشاكل اجهاض من حقه
الشرط اذا انكتب في عقد الزواج انج ما تتركين الشغل هنيه اسألي احسن
الحياة مب عناد وهو مادام فيه خير لأهله اكيد فيه خير لج وبيساعد اهلج كل شي بطيب بينحل

الشوونه للشخصين مع بعض جريب ال 8000 بس ترى
الشؤون ما يدفعون الا 500درهم بس للماء و الكهربا مب أكثر ،،،،
يعني ماء. كهربا و دريول والخدامة و راشن البيت و بترول السيارة

اذا حنا فوق العشرين وما تكفي ،،،، و الي تقول أن الحرمة مب ملزومة
بالصرف على الوالدين ،،،، منو قال أنها مب ملزومةبالصرف ،،،،

عيل ليش الأب و الأم صرفوا علينا ،،،،تراهم بعد مب ملزومين و الا شو الرأي
شو هالجحود ،،،، و قضى ربك الا تعبدوا الا إياه و بالوالدين أحسانا
قال صل الله عليه وسلم انت و مالك لأبيك ،،،

[أنسه زيتونه]

عزيزتي .. احسن لها تتريا الين عقب رمضان وتفتح النقاش ... لا تتعامل معاه كانها ضعيفه وخايفه من الطلاق

هي كلمتين .. تقوله ما احترم الريال اللي مب قد وعوده ... وعدتني قبل الزواج اني اكمل دوامي والحينه تباني افنش

والحينه توعدني بتسدد ديوني شو يضمن لي .... لازم تكون قويه .. ترا هي مسؤوله عن اهلها الله يحفظهم .. الزوج يتعوض

بس الام والاب ما يتعوضون .. تقوله ما بفنش واسمحلي ما اصدق وعودك .. لازم تكون قويه وصارمه