عاجل ؟؟

[أم مغاوي]

واضح ان الريال قاصد مايباها ابدا تصرف ع اهلها بــ ولا دررررررهم ولا جان ماسكر كل البيبان في ويههها

حتى سالفة المشروع مب موافق عليه

ترمسه تقوله يصبر عليها كم سنه

اتجمع لها مبلغ ولين ماتخلص اختها الثانيه من الدراسه

يمكن تتعدل الامور ويمكن الثانيه تتحسن حالتها ذيج الحزه و تصرف ع اهلها مع انها مب حلوه تخليها هي بروحها تصرف

بس ع الاقل تكون مخلصه امورها من تعديل البيت وغيره

الله يهديه

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Fa.R]

حبيباتي مش معناته إذا اختلفت الأراء يعني في حساسية بين العضوتين
بالعكس مثل هالقسم لازم يكون فيه إختلافات وجدل بس مش معناته ضرابه
وايد عضوات من خلال نظرتهن وتجاربهن للحياة استفدت منهن بس فالنهاية
محد يفرض رايه عالثاني

[cute uae]

استغرب من الي بتقول رضا الزوج و لا تهدم حياتها عشان دوام

يعني و شرطها بدايه الزواج و العقد الي مكتوب فيه هالشرط و موافقته جدام الريايل ع هالشرط كله يروح فالزباله عشان رضا الزوج

حبيبتي الشرط عقيده المتعاقدين و ها بعد نص شرعي

يعني اذا طلقها تراه هو الي نقض الشرط الزواج مو هي

استغرب تبون الحرمه تابعه للزوج حتى بحياتها الشخصيه و اختياراتها
منو هالوقت يرضا بثنويه
الجامعه مهمه للبنت اهم من الزواج و غثاثه الريل
الدوام سند لها بالحياه
مادام هو دشالبحر يستحمل اهواله

عجيبه يرجع عن موافقته عن الشرط عادي ويخرب كل شي وهي لازم توافق ..

و الله يهديه

[cute uae]

بعض العضوات شرات اسرائيل اعوذبالله


اللي بتزعل عندها اليدار ادق راسها


شو فيها لو صرفت على اهلي زياده ووفرت لهم حياه كريمه تساعدهم في كبرهم

وعطيتهم فلوس اكثر من الشؤون اللي مايتم منه شي اخر الشهر


ولين متى بنتم نراكض للشؤؤن عشان يدفعون عنا ويخلصون لنا المعاملات اللي مادري كم يبالها قدنا متنا

واصلا ابوها الله يعطيه الصحه والعافيه مقعد وامها حرمه عوده تبونها بعد تراكض حتى لو عمرها اربعين
ترضين امج تسير تراكض من مكان لمكان متى بيي دورج تساعدينها وتريحينها المسأله مب مسألة فلوس وبس
بعد في تخليص معاملات وغيره ولو ودرت شغلها باجر لازم تسير تخلص اشغال امها وابوها
مايصير كل شي ع راس اختها لازم يتشاركن وبعد ريلها بيتشكى ومابيعجبه بتشوفيين
ولو الشؤؤن كافتنهم جان بروحهم قالوا مانبا يابنتي خلي الفلوس لج بس العين بصيره والايد قصيره
وانا متاكده انهم قالولها بس هي من طيب خاطرها يزاها الله
اكيد هم محتاجين بالفعل واظاهر هن بس بنات ماعندهم اولاد يشتغلون قايمات بدور البنات والاولاد الله يحفظهم


الواضح اصلا ريلها وافق على شرطها لان ع باله بتشاركه في مصاريف البيت وغيره

بس عقب الزواج اكتشف انها تصرف ع اهلها هني قلبه عوره واحتمال حد من اهله قاله شي ووسوس له شرات الوسواس الخناس

يمكن خواته من الغيره لانهن مايشتغلن ولا امه الله اعلم كل الاحتمالات جايزه
وبعد رافض تشتغل بمكان نسائي

بالله وين يروم ع مصاريف زوجته اذا ودرت الشغل دامه هو يصرف ع اهله

زوجته بشغلها ساده عمرها بالعكس لازم يستانس

انصحها تتفاهم معاه وتقوله هذا كان شرطي من البدايه واهلي انا حابه اقدم لهم حياه كريمه
ومب ناويه اتنازل عنه انا ما اعترضت يوم انت تصرف ع اهلك بالعكس استانست وكبرت بعيني
وانا شاريتنك واتمنى انك ماتبيعني
والافضل بعد تسمع راي مفتي يمكن يخبرها شي نحن جاهلين عنه او شي يساعدها في اتخاذ القرار الصائب

وبعدها اتركي الكره بملعبه

الله يهدي زوجج ان شاءالله

و الله يهديه و يصلح بينهم يا رب

[زوجي حبيبي 1]

لا والله ما اعرفها ولا شي
يعني ريلها مب خاين ولا يضربها ولا يسكر ببساطة خل يطلق مع انه له 100 حل
شو معنى كلمة خبب ؟
استغرب من الحريم لما يسمعون بمشكلة تافهة بدون حتى ما تعرف شو التفاصيل ببساطه لو منج بطلق
وهي ريلها يخون ويسكر ويمكن يوصل للضرب بصبر وبستغفر وبدعي له انه الله يهديه
اذا العمل سلاح الحرمه انا اقولج الحكمه خير وبركة
كل عام وانتو بخير وعيدكم مبارك

ما شاء الله عليك اختي نفس رايك جزاكي الله كل خير حبيبتي

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[احتاجك..]

اللي اعرفه ان دام ها شرط يعني ما يستوي يجبرها واا بيبطل الزواج لانه اخل بشرط من شروط العقد

[دبلوماسية M]

عيب عليه يهددها بالطلاق وأمها و ابوها شو مصيرهم ؟؟؟؟؟ باجر بعيد الشر لو ماتو منو بينفعها ريلها اللي يهددها بالطلاق ؟؟؟؟ استغفر الله مادري ليش الريايل جيه الله يهديهم انصحها تروح التنمية الاسريه وتحل مشكلتها

[شعاع امل]

انا اقول تتمسك بعملها وتطور نفسها فيه وتساعد اهلها وهو يوم يشوفها صاحبة موقف ان شاء الله بيحترمها اكثر

اما اذا شافها بس تتبعه بيزيد عليها لان حتى لو كان زوج لازم المرأه تطيعه مب معناها ياخواتي مايكون لها موقف

خاصه لو يمس اهلها وعيشتها خاصه انها تصرف على نفسها وعليهم يعني هو مب كل شي بالاصل

لو كان رجل جدا مقتدر خواتي ومحترم بيكون كلام ثاني!

[Cobon]

ما ادري شو التفاصيل و لكن

اللي اوله شرط اخره نور
هذا شرط من شروط الزواج
و هي تيلس تتفق وياه شو السبب بالضبط لرفضه
تنقاشه و تسمع له
و تخصص مبلغ معقول لأهلها مثلا راتبها 20 الف تعطي اهلها 2000 درهم

او ابغي اعرف ليش تقولون ل رياييكم نحن نساعد اهلنا
مثلا انا اعطي بس ما اقول هذا شي خاص فيني ومب لازم حد يعرفه


يمكن هو حاط ف باله شي انه تساعده و عقب اكتشف ان كل راتبها لاهلها
ولا يبغيها تيلس ف البيت و تربي عيالها بدل ها التعب
يمكن جاف ما شي فايدة انج اداومين


في بعض البنات يبالغون بالصرف ع اهاليهم
يعني اعرف زميلة لي شرت سيارة ع البنك و عليها سلفية 100 الف بسبب اهلها و سلفية ل سفر !
و عقب يوم عرست ريلها اجبرها تيلس ف البيت و اهلها سحبوا سيارتها
ها الاهل استغلاليين اللي يسحبون راتب بنت فوق ال 30 سنة و يسحبون راتبها
فمن حق الزوج ايلسها بين 4 طوف تربي عيالها
بدل ما العيال عند البشكارة و هي كل راتبها ع ديون اهلها


و هاي اللي تطرح المشكلة تسوي لها جمعية من كل اخوانها و خواتها
و كل شهر حطوا مبلغ بسيط من 500 و فوق ع حسب رواتبكم و عطوا اهاليكم مب تتكلون ع شخص واحد

الموضوع اكبر من انج تطرحينه ف المنتدى
اكيد انتي تعرفين السبب و كل حرمة تعرف معدن ريلها و تفكيره و سبب رفضه

[ملاآك قلبكـ،،]

عزيزتي ترى بر الوالدين ليس فقط بالانفاق , البر له صور عديدةةةة منها حسن المعاملة والتقدير وطاعتمها والعمل على ارضائهما فيما لا يغضب الله, والمعاونة في امور الحياة وهنا لا اقصد ماديا ,والدعاء لهما الخ
للاسف الكثير من الأبناء ينفق على والديه لكن تلاقينه ما يحترمهم مثلا او ما يمشي على شورهم او حتى يقول كلمة " أف " الخ , فالبر يكون بكل شي وليس الانفاق فقط

اما مسألة الانفاق فهي صورة من صور بر الوالدين لمن تحقق له المال اصلا سواء الولد او البنت , وليست لزاما على البنت يعتبر الاخلال فيه عقوق وانما هو من باب الاحسن والمساعدة والاعتراف بفضلهما الخ
وعموما الانفاق يجب على من له القوامه وشرعا الرجال قوامون على النساء , يعني من واجب الاب و الزوج ان ينفق على زوجته وابناؤه
وفي حال تحقق للمرأة راتب فلها الانفاق على الوالدين من باب البر والاحسان

وانا مع Ward-uae , لو الاهل عرفوا انها بتطلق بسبب الوظيفه اكيد ما بيرضون

ماشاء الله صايره مفتيه الاخت !!!!

ترا مايبيع اهله برخيص الا ولد *****
تدورين حجج عشان تتجاهلين اهلج
شو فايدة المعامله الحسنه بروحها
اذا الاهل ينامون ودموعهم ع مخدتهم
فلوسهم ماتكفيهم لين نص الشهر

مافي حد يتمنى ياخذ من عياله
الا اذا كان صدق محتاج

ومافيه خير الريال اذا مايعرف قيمة الوالدين
ولا والدينه لهم حقوق ووالدينها يشحتون عالشارع !!!

والريال دام من بداية الزواج يهدد بالطلاق
بيي يوم وبيطلق ولو بعد 10 سنين
لانه مو عارف ان الزواج مسؤوليه


http://www.ferkous.com/site/rep/Bk26.php
http://feqh-islam.com/play.php?catsmktba=41

[khaleejiya]

سؤال للي طرحت الموضوع
ربيعتج عندها اخوان والا هي البنت الوحيده؟
لانه فكرة انها تسوي جمعيه هي واخوانها حق امهم وابوهم فكره حلوه
لازم تتفاهم بالهداوه ويا ريلها
بس بصراحه هذا ظلم لانه شرطها الوحيد كان انها ما تترك شغلها كيف ايي الحين ويقول لها اتركي هذي نذاله وبعدين فيها عدم احترام لاهل حرمته وبالتالي لها هي
الله يصلح حالها

[LADUREE]

تقوول له باي باي

هاللي ناااقصص بعد ؟؟؟
تترك شغلها عشان حضرته ؟

سلااااماااااااااااات

اذا هو مب قد الشرط ليش واقف عليها وخذهاا ..!!
الريال بداله ريال
بس الوالدين مالهم بديل

[المغتربة]

خواتي فعلا ها الامور ما تنكتب في المنتديات لان اشياء مب واضحة و فيها تفاصيل !
و الوحدة ما تعرف التفاصيل عسب تنصح عدل

و صدق صدق اسألوا اي مفتي ان من الناحية الشرعية العيال مب مجبورين بالنفقة على الوالدين في حالة كانوا مب محتاجين و عندهم راتب او راتب تقاعدي او شؤون ..الخ

بس الواحد من باب الحب يعطي اهله ومن باب الاستطاعة
و في ناس ما يعطون بس جوفي كيف اهاليهم يموتون ع التراب اللي يمشون عليه
لان اسلوبهم حلو و يسألون عنهم و يتواصلون وياهم

الوحدة تراجع نفسها هل هي ماخذة سلفيات لاهلها و تسوي اشياء كبيرة عن ميزانيتها
و ع حسابها الشخصي لو فعلا صحيح انا ما الوم الزوج ولو إني اجوف في تفاصيل غير واضحة في الموضوع من ناحية كيف راتبها و هل عندها اطفال صغار و هل تاخذ لهم سلفيات.......الخ

[سماريه دلـع]

الله يعينها