قصر عنق الرحم

[دلوعة ربعها]

خواتي انا حامل بتوام والحمدالله بشهر الخامس والاسبوع 19 وامس رحت عند الدكترره عفاف بهيلث بلس وقالتلي ان عنق الرحم عندي قصير والمفروض كنت اعمل ربط عنق الرحم من اول والحين راح الوقت وانا قبل شهر فحصت بس مو عند الدكتوره عفاف عند وحده ثانيه قالتلي اني ما احتاج ربط والحين ما ادري شو الحل الدكتوره عفاف اعطتني ابره تثبيت اخذها كل اسبوع وتحاميل وقالتلي ان اول ما ادخل الاسبوع 24 بتعطيني ابره رئه بس انا خايفه وايد خايفه اضيعهم انا حملت انابيب وعانيت وااايد حتى وصلت لين هنيه مين مره بتجربتي وين لازم اروح محتاره ساعدوني الله يخليكم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الصدر الحنون2]

هلا أختي
أنا نفسج أراجع عندها ونفس الشي قالت عندي قصر وسوت لي الربط. بس أنا واحد ياليت يطلع تؤم عالمعاناة اللي أعانيها إلحمدلله على كل حال
لا تحاتين عليج بالدعاء والاستغفار وربي هو القادر على كل شيء

اسأل الله رب العرش إن يثبت حمل كل حامل ويقر عينها بشوفة البيبي متعافى وسليم يارب

[حلم منتظر]

الله يثبت حملج ويسهل امورج والله يااختي
مانقول الاحسبي الله ونعم الوكيل من بعض
الدكاتره
عليج بالراحة ولاتهملي الموضوع
بس بغيت اسالج الدكتورة كيف عرفت ؟
بالسونار او بالكشف بالمهبل ؟
بليز ردي علي انا كل دكتورة تقول لي شي
وكيف الوحدة ممكن تعرف ان عندها قصر بالرحم
هل من الافرازات او نغزات او شو بالضبظ ؟
السموحة اسالج وانت اللي فيج مكفيج بس لاني
طفرت كل دكتورة كلام

[دلوعة ربعها]

الله يثبت حملج ويسهل امورج والله يااختي
مانقول الاحسبي الله ونعم الوكيل من بعض
الدكاتره
عليج بالراحة ولاتهملي الموضوع
بس بغيت اسالج الدكتورة كيف عرفت ؟
بالسونار او بالكشف بالمهبل ؟
بليز ردي علي انا كل دكتورة تقول لي شي
وكيف الوحدة ممكن تعرف ان عندها قصر بالرحم
هل من الافرازات او نغزات او شو بالضبظ ؟
السموحة اسالج وانت اللي فيج مكفيج بس لاني
طفرت كل دكتورة كلام

عرفت من الفحص المهبلي وماكان عندي نغزات ولا افرازات والله يشفيج ويعافيج ودعواتج والله انا بحيره ربي يعرف فيها بس وياارب يجيب الي فيه خير

[دلوعة ربعها]

هلا أختي
أنا نفسج أراجع عندها ونفس الشي قالت عندي قصر وسوت لي الربط. بس أنا واحد ياليت يطلع تؤم عالمعاناة اللي أعانيها إلحمدلله على كل حال
لا تحاتين عليج بالدعاء والاستغفار وربي هو القادر على كل شيء

اسأل الله رب العرش إن يثبت حمل كل حامل ويقر عينها بشوفة البيبي متعافى وسليم يارب

اللهم آمين وتسلمين ع الدعوات الحمدالله انج اعملتي ربط وارتحتي والله يتمملج ع خير

[كتكوتة حبيبي]

شوفي دكتورة ثالثة شو بتقول لان صدق انهم يضيعونج
قبل مريت بمعاناه وحده تقولي البببي مادري شو فيه وفوق وعملية وبلاوي
اسير دكتورة ثانية اتقولي انتي سليمة .. الله الحافظ ياختي ادعي واستغفري وتصدقي

[هوى بالي]

راجعي دكتوراه زينب الشنار ف دبي

[هوى بالي]

و الزمي الراحه التاااااااااااااااااامه و ممنوع الجماع و حاسبي عند المطبات و لا تمشين و انسدحي و ارفعي ريولج

[دلوعة ربعها]

راجعي دكتوراه زينب الشنار ف دبي

ما اقدر اروح دبي لانه مسافه ولازم ما اتحرك وايد

[دلوعة ربعها]

و الزمي الراحه التاااااااااااااااااامه و ممنوع الجماع و حاسبي عند المطبات و لا تمشين و انسدحي و ارفعي ريولج

مشكوره وجزاج الف خير ع النصايح بس بسأل لما ارفع ريولي انام ع ظهري ولا مب زين نومه الظهر ؟

[دلوعة ربعها]

خواتي عارفه انا كثرت بالسؤال بس انا خايفه موت وخايفه اندم لاني ماسويت شي يعني ماحد مر بنفس تجربتي ابى حد ينصحني معقوله مافي حل غير اني انتظر شو بيصير والربط مايصير باخر الخامس ليش قسم بالله نفسيتي مدمره لاني خايفه اخسرهم وانا تعبت وااايد وااايد حتى حملت والدكاتره الله يسامحهم مايعطون حل صح كله بأمر الله وانا مؤمنه بهالشيء بس لازم اخذ بالاسباب وادور علاج ادعوولي

[ام لسانين!!!]

أختي توكلي على الله اللي خلقهم وحطهم في رحمج قادر يحفظهم أنتي اللحين ما بيدج سوى الراحه والتوكل على الله

[الورقا]

بسالج اختي كم طول عنق الرحم عندج حاليا ؟

[:: DUBAI ::]

الله يثبتهم وما يضيع تعبج يارب.. سيري عند كذا دكتوره تطمني

[لونا777]

اختي فديتج انا كنت نفس حالتج وقالولي لازم ربط وانا عديت الشهر الخامس يلا خبروني لازم ربط بعدين عطوني ابر تثبيت وتحاميل تمت عليهم بالاضافة للصدقة وكنت كله راقدة ماتحرك وكنت كل يوم احصنهم لين الحمدلله ربيت سوي هالشي والباقي على الله صدقيني الله يحفظهم الج ان شاء الله وتفرحين بشوفتهم يارب بحق هالشهر العظيم سوي ابر تثبت مع تحاميل مع راحة تامة مع صدقة واستغفار ودعاء وتحصين كل يوم الله يوفقج يارب