تفكيري كله ب ---------

**كافي تجافي** · 2007-09-16, 17:19

هلا بنات شخباركم

انا سجلت فلمنتدى عسب اعرض مشكلتي وياليت تساعدوني

اهي اهي اهي

والله مشكلتي ان كل تفكيري بالزواج والله ما أقص عليكم اربع وعشرين ساعة

والله مرات اقول خلاص عمري ثلاث وعشرين وبعدي ماعرست انا عانس شكلي بعنس كل بنات عمومتي الأصغر عني مخطوبات او مالجات ومعرسات الا أنا اهي اهي انا ما أحسدهم بلعكس والله الله يهنيهم
بس ما أدري مب قادرة اخوز هالتفكييييييير حتى رقاد ما أرقده مثل الناس بسبة هالتفكيييييير والله شعري قام يطيييييييييييييييح بلهبل

كيف أحل هلمشكلة ساعدوني بليييييييييييييز

أحس ان فيني حالة نفسية يعني انا مش مخطوبة ولا شي بس مرات تييني حالات وايلس اتخيل يوم عرسي شقا بتزهب وبتشرى اغراضي من وين وبتمكيج عند منو شفتوا كيف ؟ حالة نفسية صح

والله في كلام وايد فخاطري

ابا اعرف في بنات جيه شراتي ولا انا بس بليييييز بنات ابى اطمن اللي ماتبى تقولي علخاص

وساعدوني لني صج اذا تميت على هلحالة صج بتخبل

السموحة طولت عليكم

المزيد من آخر المواضيع من نفس القسم:

**عيناويه خجاجه** · 2007-09-16, 17:24

والله ما دري شقولج؟؟ بس الله يرزقج بالزوج الصالح ويهنيج ان شالله

**الغامضةنونا** · 2007-09-16, 17:24

حبيبتي....كلنا جيه....اذا انتي عمرج23 عيل اللي اكبرمنج...شو....(ويرزقكم من حيث لا تعلمون)نصيبج بييج انشالله...ويرزقج ويرزقنا بعيال الحلال....قولي امين

**...(مريّة)...** · 2007-09-16, 17:24

اشغلي عمرج اختي واضح من كلامج إن
عندج فراغ

اقري قرآن وايد وحاولي تداومين على نشاط
معين يملي عليج الفراغ اللي تحسين به ،
الله يرزقج الزوج الصالح

**مودة1** · 2007-09-16, 17:43

حبيبتي على شو مستعجله ..عمرج 23 بعدج صغيره كملي دراستج بعدين اذا أحد تقدملج خليه يترياج الين تخلصين اذا هو يباج بترياج ...سبحان الله كل وحده مو راضيه عن وضعها..عني انا متزوجه صغيره و جبيت ولدين و انا أدرس صدق عذاااااااااب سهر و صياح بس أقول الحمدلله ...
يوم أفكر في نفسي أقول كيف أنا وافقت بسرعه لو خليته يترياني ..بس الواحد مايعرف شو ماكتوبله..الله يرزقج بالرجل الصالح ..آمييييييييييييييييين

**فتاة جلفار** · 2007-09-16, 17:52

كلنا يا أختي نفكر بالزواج انتي صغيره الغلا انا أكبر عنج و قلت نفس الكلام و تفكيري و همي كله بالزواج قلت خلاص بنعنس بس صدقيني كل وحده بتاخذ رزقها متى ما كان وين وما كان إدعي ربج و خاصة هالشهر إن الله يرزقج و يرزقنا أجمعين الزوج الصالح و الذرية الصالحه إن شاء الله ... و لا تخلين أكبر هموم و تفكيرج الزواج لانج بتتعقدين فكري بشيء الأهم هو أهم من دار الدنيا و نعيمه... الله يوفقج ياربي ^___^

**كروانه** · 2007-09-16, 17:58

الفراغ يسوي العاجيب والفاضي يعمل قاضي على قولتهم لو كان عندك شئ يشغلك مثل الوظيفة او ممارسة هواية معينة ما بتحصلين وقت تفكرين فيه في الزواج والزواج تراه عزيزتي مب كل شئ ولا بيكون نهاية العالم اذا الوحده ما تزوجت البيوت متروسه بنات لكن ما بيذبحون اعمارهم عشان يعرسون كل شئ قسمه ونصيب وانت لا تستعحلين على رزقك الله يرزقك الزوج االصالح ان شاء الله ويهديك........

**اول حرف** · 2007-09-16, 19:17

وااااااااااااااعلييييييييييييييه بلاكن جذه تبن تعرسن -- انا مثلكم ما عرست ولا ملجت ولا انخطبت بس عادي صح احيانا افكر فهالموضوع -- بس مب بهالشكل -- بس صدقيني اكيد الله بيرزقنا في يوم من الايام -- كل واحد بياخذ نصيبه يامييه فهالدنيا --

حبيبتي لا تتحرين العرس وناسه -- العرس مسؤوليه - واعرف وايدات عرسهن في سن اصغير ولين يومج هذا مب قد المسؤوليه --

انا اقول لين ما اييج النصيب عيشي حياتج وانشغلي في اشياء تفيدج مستقبلا

ومفقين يا خوات المنتدى

**أم السعف والليف** · 2007-09-16, 19:30

االفراغ يسوي الهوايل أنصحج بالإستغفاااااااااااااااااار واشغلي عمرج بحفظ القرآن أو حتى بذكر الله صدقيني اشغلي لسانج وبينشغل عقلج وحاولي تبتعدين عن المواضيع اللي عن العرس ومقدماته لأنها اشياء تافهه وما تستاهل انها تخلي الواحد يفكر فيها بييج وقت تندمين انج عرستي اشغلي عمرج الحين تقدرين تاكلين وتشربين وترقدين وتصلين متى ما بغيتي لكن عقب ما بترومين اتسوين شي

**مياسه الامارات** · 2007-09-16, 19:54

اغالية ... اكثري من الاستغفار بنية الزواااااااااااااااج وان شاء الله ربنا بيرزقج بولد الحلال ... واقري القرآن ... وقومي صلاة الليل خاصة في العشر الأواخر ...
في واااايد بنات جيه ..
ربيعتي ذبحت عمرها عشان تعرس ... ويوم عرست تندمت تقول ياريتني شراتج ... تكملين دراستج وتسوين كل اللي فخاطرج ... حبيبتي اغلب الرياييل ألحين مايريدون الا الجامعية لا وازيدج من الشعر بيت ... في منهم يريدها مشتغلة وعندها سيااااااارة ... خلصي دراستج واسعي في وظيفة محترمة لج ... وصدقيني من خلال الشغل ربنا ان شاااء الله بيرزق بولد الحلال ...
اممممممممممممم يامعرساااااااااااات شوي شوي على البنت صج الزواج مسؤولية بس لا تنكرن ان فيه فايدة واستقلال وامان لكن ... على قولة اخوانا المصريين ظل رااااجل ولا ظل حيطه ... ههههههههههه

وبعدين عندج انا اكبر مثال بنت اخويه عرست وانا العمه بعدني ... أكبر عنج بسنة ... والله ولا في بالي ... ياما انخطبت
بس ارفض فخاطري اكمل دراستي ... باجر ان عرست بتلعوز ويا الريل والعيال ... أضمن مستقبلي أول وعقب افكر بالعرس ...

**همس قلبي** · 2007-09-16, 20:03

الله يرزقج ان شاء الله

**ريم الكعبي** · 2007-09-16, 20:06

( وعسى أن تكرهوا شيئا وهو خير لكم )
انت بس ادعي واخلصي النية لله وادعي لغيرج .

**قنيصة شوا&ـين** · 2007-09-16, 20:16

كل شي قشمة ونصيب ..
المكتوب بيستوي ..

والله يرزقج بولد الحلال

**pumpkin** · 2007-09-16, 20:31

المشاركة الأصلية كتبت بواسطة ...(مريّة)...

اشغلي عمرج اختي واضح من كلامج إن
عندج فراغ

اقري قرآن وايد وحاولي تداومين على نشاط
معين يملي عليج الفراغ اللي تحسين به ،
الله يرزقج الزوج الصالح

انا اقول نفس الرمسة... بعدج صغيرة و احس ان ردة فعلج مبالغ فيها يمكن لو حاولتي تعبين الفراغ إللي في حياتج بأشياء مفيده بيخف عنج هذا التفكير السلبي ..
و ربي يرزقج الزوج الصالح

**العذوب** · 2007-09-16, 20:33

شو سالفتكم كلكم تبون الزواج ؟؟ انا عكس العالم مخطوبة وأبا الفكة .. يا حلاة حياة الحرية ما اتعوض موووول

اكيد أختي انتي موب موظفة ولا تدرسين .. اعدة فاضية وتحسين ان الزواج هو آخر الدنيا .. موب جن الزواج باب للمسؤوليات وأمانة كبيرة بتتحاسبين عليها يوم الدين بقوة ..

اشغلي نفسج بأمور أهم ,, والزواج يوم الله كاتبنه بيستوي

الموضوع: تفكيري كله ب ---------

أدوات الموضوع

عرض

تفكيري كله ب ---------

المزيد من آخر المواضيع من نفس القسم:

المواضيع المتشابهه

خايفة من تفكيري

كيف اشل تفكيري عنه

قاموس تفكيري

هل تفكيري غلط؟