الزواج بالسر

[قوس وقزح]

ههههههههههههههههههههههههههههههههه والله حلوه تزوجها بلحظة طيش وللحين معاها وياب بنت سبحان الله

يضحكوني هالرياييل والله موول ماروم اوثق فيهم اففف

الله يعينها ويهدي بالها انا افضل انها ماتخبر حد وتسكت يمكن كلامي مايعجب الخوات بس هذا رايي

لان لو كبر الموضوع والكل عرف باجر مابيخاف بيسير لها كل يوم ويمكن يسكنها وياها

فـ الاحسن تسكت وبرايه جان بيسير لها لساعات

مع ان البنت الصغيره كاسره خاطري باجر لاسمح الله وصار شي منا ولا مناك لريلج عيالج مابيحبونها

ويمكن تستوي مشكله بسبب عدم اضافتها لخلاصة القيد

الله يهديج للطريق الصحيح ويصبرج

نفس الشيء انا قلت لها ﻻ تخبرين احد احس لمصلحتج انتي اذا خبرتي حد وخاصه اهله يمكن بيتعاطفون معاها وايخلونعا تسكن عندهم او شيء

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المغتربة]

الحقي الجذاب لين باب بيته
و تأكدي متزوج قبلها او عقبها .. و عنده عيال ولا لأ
و بعدين هي الحرمة تيلس مع نفسها هل تبغي تودره و تأدبه ولا يستاهل انها تكمل عمرها معاه
بس لازم تبين له ف النهاية انها زعلانه وما ترضى الا بعد طلعة الروح ولا بياخذها حجة

اهم شي اختي نصيحة مني ما تخبر ولا حد الموضوع بينها و بين ربها
مع ان الحريم ما في شي يود لسانهم

[khaleejiya]

والله اشوف انه تكتشف الموضوع الحين اهون عن انها تكتشفه بعدين
تخيلوا عمي الله يرحمه بعدما توفى اكتشفوا انه بأيام مراهقته تزوج وحده مصريه يوم كان يدرس بمصر وياب منها ولدين ما درينا بهالشي الا عقب ماتوفى يانا محامي وكلم ابوي وباجي عمامي
وعياله من المصريه ماشاءالله كبار اعمارهم بأخر ال30 وراوونا صورهم ويا عمي وهم يهال واصلا ملامحهم كوووبي عن عمي

نصيحتي لها خلاص لا تكبر الموضوع عالاقل الريال ما ارتكب الحرام ما زنى وعلى قولته ايام طيش وخلاص انتهت المهم الحين بنته حرام ما لها ذنب بالموضوع انا اشوف ان الكل لازم يدري بموضوعها من يدري شو ممكن يستوي باجر

[khaleejiya]

سؤال هو ما طلق حرمته الاوليه؟؟ للحين على ذمته؟؟

[khaleejiya]

لاحول ولا قوه الا بالله اخاف زواجه من بنت عمه استوى غصب عنه وهو يحب وحده ثانيه (كالعاده زواجات مخططينها الاهل وتعالوا كلوها يا عيال)

[مراسيل الوفاآ]

ليش تزيدون النار حطب؟

انا من رايي اتركوا الموضوع للريال وحرمته
هو ما سار للحرام يوم انه تزوج وولا مسألة
تعرف انه تزوج قبلها ولا عقبها بتفيدها ف شي
من الآخر الريال معرس وعنده بنت والحينه الموضوع
بإيد بنت عمج ودامها تقول انه مب مقصر وياها ف
ليش تفتح باب المشاكل واتدمر حياتها عقب 3 سنوات؟

هي عاقلة وتعرف وين مصلحتها، اذا لها نية انها تكمل
وياه عقب ما عرفت بالموضوع تراها بتم وزعلها ريلها
المسؤول عنه وهو اللي المفروض يراضيها ويتفاهمون
بينهم وبين بعضهم، اما التدخلات ف هالمواضيع تراها
اتدمر بيوت الناس وماعرف هل هي طلبت منج انج تنزلين
موضوعها هني ف المنتدى او انتي نزلتيه لانج تبين اتدورين
لها ع حل لكن في الحالتين قوليلها انه محد بيقدر يحل اللي بينهم
غيرها هي وريلها مش الناس لانه في هالحاله ما تعتبر خيانه
يمكن احتراما لمشاعرها هو ما بغى يخبرها حتى لو اللي سواه حلال
وبالتالي عليها انها تفهم اسبابه وعقبها هي اللي تقرر شو تسوي

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[مالتيزرس]

والله انقهرت عشانها مسكينة ..المفروض يخبرها من البداية قبل لايعرسها .

[Feminine Me]

شكل ماخذ بنت عمج غصب
ماينلام يوم متزوج وحده غيرها وبعدين هو خذاها بالحلال شو مشكله ؟ بس نصيحة لاتخبر اهلها عشان ماتكبر السالفة وعقب تتطور الامور لصالح ضرتها

وتبين الصدق بعد الريايل هالايام مايتامن فيهم فانا اقول خل بنت عمج تعيش حياتها لريلها لعب بذيله
يعني باختصار تقلع ريلها من وتستغله وما تتعلق فيه خل يعطها فلوس اكثر يوصلها مشاوير دريول عندها هههههههههه

[Cobon]

اجوف الموضوع بسيط
الريال طلع متزوج قبلها يعني هي الثانية ! مب الاولى عسب تزعل
اتم ع ذمة الريال و ما تخبر حد بالموضوع ابدا ابدا

و ع فكرة الحرام مكود كود برى و ببلاش
بس هو ولد حلال و اختار الحلال
تفكر عدل و توزن الموضوع بينها و بين نفسها

[قوس وقزح]

الحقي الجذاب لين باب بيته
و تأكدي متزوج قبلها او عقبها .. و عنده عيال ولا لأ
و بعدين هي الحرمة تيلس مع نفسها هل تبغي تودره و تأدبه ولا يستاهل انها تكمل عمرها معاه
بس لازم تبين له ف النهاية انها زعلانه وما ترضى الا بعد طلعة الروح ولا بياخذها حجة

اهم شي اختي نصيحة مني ما تخبر ولا حد الموضوع بينها و بين ربها
مع ان الحريم ما في شي يود لسانهم

للحين ما خبرت حد ومب ناويه اتخبر بس مادري احس مدام هي عرفت ريلها بيخبر اهله يمكن انه متزوج قبل والله اعلم

[قوس وقزح]

خليجيه للخين على ذمته بس طلقها طلقه وحده ... وهو مب مجبور ان ياخذها بس صح اﻻعل اختاروا بس هو ما يعاملها نعامله مب زينه بالعكس يحبها ةيتمنى رضاها في كل شيء

[قوس وقزح]

والله انقهرت عشانها مسكينة ..المفروض يخبرها من البداية قبل لايعرسها .

علشان جي هي متضايجه ليش ما خبرها من البدايه ما تبا تكون زوجه ثانيه تبا ريلها حقها بس .. الله يهدي الريال ويصلح حالهم

[mouzan7mod]

عالافل لو البنت بنته يعترف فيها و يخبر اهله بغلطته و يكون مل شي واضح

[احلى بعفويتي]

هو خذى قبلها يعني مو عليها
ليش تضايق
ها الشي من الماضي
و الريايل مستودع اللهم يا كافي اذا نبشتيهم شعرج بيشيب

انا اقول تعرف شو مصير هالزواج السري و اذا مطلق و كل حد بحاله خلاص تيك ات ايزي