ريلي وطريقة زعله ..

[Fa.R]

أنا أشوف أنج ادلعين عمرج وتهتمين في نفس أفضل من أنج تربعين وراه
الله أعلم بحالج يا اختيه دامج تأسفتي لا تزودينها .. خليج حاسمة أهم شيء
أنتي وعيالج ويصرف عليكم !! وخلي كل عملج لله رب العالمين ،،
الصراحة هالنوعية من الرياييل الواحد يعطيهم ع قد حجمهم
.. فكري في نفسج روحي بيت أهلج ردي مستانسة سوي عزايم خليه يحس أنج
مش مهتمة لأن صدق عيب عليه يقول حق أخوه اسراركم !! ولو كانت مواضيع
عادية !! دلع زيادة عن اللزوم الصراحة

ربي يعينج يا اختيه وادعيله بالهداية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سار90]

نفس ريلي.. الله يعيننا انا وانتي

[اهاات ليل]

ريلج أتوقع إنه صغير بالعمر وما عنده خبرة في الحياة لأن تصرفاته شرات اليهال

إنتي طنشيه لما يزعل و لا تحاولين تراضينه من اليوم و رايح لو شو ما يسوي طنشيه

وأفضل حل إنج تخلين حد كبير و فاهم بالعايلة يرمسه ويفهمه شو هي حقوقج عليه

و إذا ما نفع خبري التوجيه الأسري وهم بيكلمونه

لازم يفهم إن الحياة الزوجية إمساك بمعروف أو تسريح بإحسان مب لعب يهال

وبعد خليه يعرف إن شرعا ما يجوز له يهجرج أكثر من ثلاث أيام

طرشي له هالفتوى مسج خل يعرف حكم إللي يالس يسويه فيج يمكن يصطلب


سئل الشيخ محمد بن عثيمين رحمه الله
يقلن فضيلة الشيخ هل يجوز للزوج أن يهجر زوجته طوال السنة ينام في غرفة والزوجة تنام في غرفة أخرى مع أنها لم تعمل له شيء؟


الجواب الشيخ: أما إذا كانت المرأة قد قامت بالواجب فإن هجر الزوج لها محرم

لقول الله تعالى (فَإِنْ أَطَعْنَكُمْ فَلا تَبْغُوا عَلَيْهِنَّ سَبِيلاً إِنَّ اللَّهَ كَانَ عَلِيّاً كَبِيراً) فتأمل قوله تعالى (إِنَّ اللَّهَ كَانَ عَلَياً كبيراً) كيف يدل على أن هذا الزوج الذي هجر زوجته أو نشز عنها مع قيامها بحقه إذا كان الحامل له على ذلك العلو العلو والاستكبار فإن الله تعالى أعلى منه وأكبر منه فعليه أن يتوب إلى الله وأن يخشى العلي الكبير جل وعلا أما إذا كانت ناشزا لا تقوم بحقه فله أن يهجرها في المضجع حتى تستقيم وأما في الكلام فلا يهجرها فوق ثلاثة أيام لأن النبي صلى الله عليه وعلى آله وسلم قال (لا يحل للمسلم أن يهجر أخاه فوق ثلاث يلتقيان فيعرض هذا ويعرض هذا وخيرهما الذي يبدأ السلام).

[khaleejiya]

اشفيج ذاله عمرج ومخليتنه يدوس عليج؟! لا ومستانس ويتفاخر جدام الكل بهالشي
والله انتي اللي تسببتي على عمرج ياخي خلي عندج قيمه وقدر شو يعني لو زعل خل يدق راسه بالطوفه اشغلي نفسج بأي شي ثاني
كم نعيد ونزيد يا حريم الريال مب هو محور حياتج

[khaleejiya]

متضايجة ومب عارفه كيف اتصرف وياه وأنا أعرفه زين بيتم على هاالحاله لين العيد عادي عنده مع أني شكثر قلت له نحن في شهر الخير خلي قلوبنا تتصافى يحقرني ومايرد علي ويطنشني ويطلع ويوم يرد البيت يرد مستانس وفرحان ويضحك

وانتي سوي شراته حبيبتي شو يعني لو ما رمسج خلاص توقف الدنيا؟؟ مثل ما يسوي فيج سويه فيه واكثرررر بعد
ادري صعبه عليج بس قوي قلبج ولااا تيئسين حتى لو ماشفتي اي تفاعل من صوبه قوي قلبج واستمررري عالحقران وسوي عمرج مستاااااانسه امسكي البي بي وسولفي واضحكي ويا ربيعاتج غايضيييه حرقيييه
اااخخخ لو انا منج شو كنت سويت به ههههههههه

[أم الخليفي]

شكلج عطيتيه ويه زياده

[Cobon]

محد مخرب الريايييل غير ها الحريم !! ها الكثر نقول و نعيد ما شي فايدة
الريال شرات الياهل يحتاج دلع و يحتاج شدة
و الحين هو محتاج شدة !!

ها النوع ما اييب راسه
غير حرمة اطنشه وما تعطيه ويه
و اخاف من كثر من تتلصقين فيه
يدور ع شي بديل بالحلال

[السيدة الحلوه]

انت غلطانة اختي واسمحيلي جيه اقولج
ترى شي رياييل مايحبون الحريم اللي جيه
المفروض انت اللي تزعلين وتتدلعين مب هو
نصيحة سوي لج قدر بعيونه اذا كنت غلطانة
هيه اعتذري ماقلنا شي بس بكل صغيرة وكبيرة
مايستوي هو اصلا كبر راسه لانه شافج
ذاله عمرج
خليج واثقة من عمرج انج ماغلطتي وخليه هو براحته
اذا شفتيه رايق اقعدي وياه
تفاهمي قولي له طريقتك غلط انا اراضيك لاني احبك
ومايهون علي زعلك وانت ابو عيالي واحنا كبار
مب صغار ع كل صغيرة وكبيرة نزعل ونتحسس
والله يسهل امورج ويهديه

.
رايي من راي اختى اللي كتبت الرد

[وحيدة الحال1]

اختي مآعليه الي صار صار ..

وانتي الحين سوي مثل ماقالو لج الخوات ..

طنشيه واهتمي بنفسج .. اشغلي نفسج ب أي شي .. لاتقولين ماقدر حاولي بتقدرين وانا متأكدة ..

وصدقيني لو شافج مب معبرتنه بيستغرب .. وبتشوفين النتيجة بعينج .. بس يبالج صبر وطولة بال ..

اعتبريه كأنه اثاث فالبيت دامج ماغلطتي بحقه لاترخصين بعمرج اكثر ..

واعذريني ع هالكلمه بس هو مب ريال لمن قال لاخوه عن الي صار امبينكم ..

ربي يفرج همج وربي دعيت لج من قلبي ..

[غرووب 22]

سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .

[ميميه88]

مع احترامي لج انتي رخوه
شوفي من اليوم ورايح وتربعين وراه ياويلج يعني هو غلطان وانت تذلين عمرج؟ ليش ان شاء الله؟ ليش عودتيه على هالشي وتصايحين وحالتج لله\؟
والله يضرب براسه عاليدار ويرد هو وغصبن عنه يراضيج
ترا والله هالشي بيخليه يتمادى اكثر واكثر ودام لين الحين مارضى طنشيه ولاتعطينه ويه وشوف شو بيسوي

[سار90]

طمنينا شو صار؟

[ام زايدالغالي]

غيري من نفسج طريقتج اسلوبج تعاملج معاه وبتشوفينه مثل ماتبينه
لكن طول ماانتي بهالاسلوب اسمحيلي اللي ينرفز اللي مايتنرفز
بيتم على هالحال وبيزيد بعد

[banota.a7]

الغاليه ...

طنشيه ...وطنشيه...وطنشيه...

[احلى بعفويتي]

امبيييه ..

وانتي بعد طنشيه يوم بينام بالحجره الثانيه خلج كووول و قولي واااااااي احينا بحس اني رجعت ايام العزابيه الجميلا .. خله يسمع خخخخخخخ بيموت قهر


يقهرج اقريه يشرد عنج انبذيه ..

لا تمين تراكضين وراه بروحه بيرد يسولف