ريلي وطريقة زعله ..

[كاتمة غيضي]

أعاني من مشكلة مع ريلي وهي إذا عصب وزعل سواء كنت أنا الغلطانة أو هو يكبر السالفة واااااايد ويتم بالأسابيع توصل للشهر وأكثر مايرمسني خير شر أتم ايلس أراكض وراه واترجاه وأتوسل له وهو يزيد بعناده أكثر وأكثر جربت كل الطرق وكل الليالي سويتها ماشيء فائدة والحين متعلم طبع إذا انتفخ لأي سبب هدني وسار يرقد في الغرفة الثانية كذا مرة سواها كنت أسير له واتم أصيح وأرجاه يرد في غرفتنا مب حلوه جدام العيال والخدامة وهو يكابر ومايطيع تتورم عَـيــؤونيـ? من الصياح وماشيء فائدة أتم على هاالحاله أيام طويلة لين يفج رأسه أحسه واااايد يستانس يوم يذلني يعيبه أترجاه وأطرش له مسجات ترجي وأسف والله حتى لو ماكنت أنا الغلطانة لأنه يتفاخر جدام أخوه باني أراكض وراه مره زل بلسانه وقالي انه خبر أخوه أني أترجاه ورأواه مسجاتي وقالي تباني أضيفها في البلاك بتموت وأضيفها تراه حاذفني وأنا كل يوم أترجاه يضيفني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[شعاع امل]

هذا اسلوبه يمكن كان دلوع في بيت اهله يعني امه كانت تلبي له رغباته بصوره كبيره

فالحين يسوي هذا الشي يريد الحنان يعني انتي تروحين له انتي تركضين وراه

او انه على العكس كان ماحد يلتفت له والحين يحط الحره والزعل فيكي

انتي ادرى به وبحياته اكيد تعرفين هو كيف

فاحسن شي ماادري شو اقول

يمكن لو تمارضتي فتره او رحتي لبيت هلك فتره بحجه ما

خليه يحس بقيمتك او مثلا

ولكن انتي لازم تسايرين اسلوبه عشان هو يريد يحس باهميته! !!!!!!!!! الله يهدي

انا كنت اعرف وحده هي لازقه بزوجها بهاي الطريقه يعني هي تلبي له رغباته وهو يصارخ ويدلع على كيفه

عادي هم جي يمكن!

[حلم منتظر]

انت غلطانة اختي واسمحيلي جيه اقولج
ترى شي رياييل مايحبون الحريم اللي جيه
المفروض انت اللي تزعلين وتتدلعين مب هو
نصيحة سوي لج قدر بعيونه اذا كنت غلطانة
هيه اعتذري ماقلنا شي بس بكل صغيرة وكبيرة
مايستوي هو اصلا كبر راسه لانه شافج
ذاله عمرج
خليج واثقة من عمرج انج ماغلطتي وخليه هو براحته
اذا شفتيه رايق اقعدي وياه
تفاهمي قولي له طريقتك غلط انا اراضيك لاني احبك
ومايهون علي زعلك وانت ابو عيالي واحنا كبار
مب صغار ع كل صغيرة وكبيرة نزعل ونتحسس
والله يسهل امورج ويهديه

[little lulu]

اختي انتي كيف راضيه يلعب بكرامتج جيه عيب سوي لج قدر و هيبه و اقولج شي الي يسوي عمره سبوس يلعبون به الدياي المفروض انتي تزعلين و ما تكلمينه فتره عشان يحس ترا هالمشكله احنا الحربم نجوف الي نسويه حب بس هم يجوفونه ضعف و حاجه لو انا منج بذوقه من نفس الكاس و بتجوفين كيف بيتغير انتي احذفيه من البيبي و خليه معلق

[Cobon]

لأنه يدري و متأكد ان حرمته بتلحق وراه و بتراضيه
يدري ان عنده وحدة لزقة ما تفج عنه
و يدري ان اللي عنده بتصيح و بتحن و بطرش مسجات

ها النوع لازم تحقرينه عدل بطريق مبتكرة
ليش تحذفينه من البيبي
بالعكس حطي ع الستاتس ثانكس حبيبتي مريوم ع الهدية و ثانكس غاليتي فطومة ع الباقة
و خليه يحترق و بتقولين كوبون قالت خخخخخخخخخخخخخخخخخخخخ

[كاتمة غيضي]

خواتي للتوضيح بس
ترى هو اللي حاذفني مب أنا بالعكس أنا اللي أترجاه انه يرد يضيفني ومب طايع يقولي أسف لو تطيرين السماء وتردين الأرض مابضيفج مدام هذا اللي تبينه مابسويه
والحين هو يرقد في الغرفة الثانية بسبب موضوع تافهه وهو الغلطان فيه سرت له رمسته لكنه حقرني وزاد بعناده أكثر وتخيلوا كل أساليب الحره والقهر يسويها جدامي

[كاتمة غيضي]

متضايجة ومب عارفه كيف اتصرف وياه وأنا أعرفه زين بيتم على هاالحاله لين العيد عادي عنده مع أني شكثر قلت له نحن في شهر الخير خلي قلوبنا تتصافى يحقرني ومايرد علي ويطنشني ويطلع ويوم يرد البيت يرد مستانس وفرحان ويضحك

[قلبي بزي]

الله يعينج على هالريال

[حلوه وقموره]

اختي انتي غلطانه كبرتي راسه عليج وايد رخصتي بنفسج وكرامتج
قلنا زوجج وتحبينه بس اهم مافي العلاقه الاحتراموهو مايحترمج بتصرفاته

لانج انتي عودتيه ع اسلوبج الي كله ذل وترجي وهو عيبه وتعود ومستحيل الحين يتيغر بسهوله
الا لو تغيرتي وطنشيته ولا تراضينه ولا شي دامه هو غلطانه وحقريه وطنشيه واشغلي عمرج وتمي ع هالاسلوب فرته لين يموت من القهر ويرد طبيعي

ويتعلم انه مب كل مره بتراضينه وع سبب تافه بيهجرج ترى هالشيء اكبر غلط ومفروض تادبينه وماتعودينه ع اسلوب الضعف والالريال مايحب الحرمه الضعيفه

ويستحقرها ويمارس عليها كل انواع الذل والحقاره اذا تميتي ع هالحال بيدوسج زياده ومحد خسران غيرج وباجر بيدور الي تعز عمرها

وبعدين شويعني حذفج برايه حق شو الزعل والترجي طنشيه ومب لازم يكون عندج بالسته

ولازم تغيرين اسلوبج وتخلين لج كيان وكرامه عسب يتادب ومايتعود ع اسلوب النذاله والحقران

والله يهديج قلنا زوجج بس ماتمسحين بكرامتج بالارض

[ملاك92]

تبين رايي انتي غيري من نفسج
أولا اهتمي في روحج و حاولي تلفتين نظره بدون ما اتبينين له
ثانيا لا اتحسسينه انه ما اترومين اتعيشين بدونه
ثالثا يوم زين معاج دلعيه بكلام حلو وحسسيه انه ملك في بيته
صدقيني يوم بيزعل و بيشوف حرمته جميلة و انيقة و مو مهمة بزعله بيخف عنادة و بينجبر يكون عادي
لكن يوم انتي روحج تترجينه اكيد بيتغلى

[مهرووووووه]

اخ عليه اسلوب يهال

اذا غلطانه تاسفي وخلاص بس لو هو غلطان طنشيه

[كاتمة غيضي]

نفسيتي تعبانه

[الكتبيةالحلوة]

الله يهديه ..مثل ماقالن الخوات ريلج ينفعله اسلوب التطنيش شوي
والله يجمع بينكم في خير

[أم مغاوي]

شو هالريال الصراحه اوكي بنقول انه عنيد مافيها شي

بس انه يتفاخر ويخبر اخوه هالشي محيرني كيف يظهر اسراره واخبار وتصرفات زوجته لاخوه !

هو واحد من الاثنين

يا انه عنده شي عشان جي يستحمل يرقد بروحه بالشهر بعيد عن زوجته!

او انه خلل في شخصيته !


خلاص حبوبه استوب لين متى بتمين تراضينه خليه ع راحته هو عايبنه جي
الواحد بيزعل اسبوع اسبوعين بس ونااااادر يطول شهر طبعا اذا كان شي جايد وخطير يسمح للزوج هني يأدب زوجته

حتى الرسول عليه السلام وصانا مانقاطع الناس اكثر من ثلاث ايام فـ مابالنا بالزوجه شريكة حياته

عيشي حياتج وطنشيه لاتسوين له سالفه ولا تتأسفين جربي هالاسلوب

كل اللي عليج سوي واجباتج جهزي ثيابه اكله الخ وطااف الحين رمضان اكثري من العبادات واشغلي نفسج بها

ومثلا اذا انتي عارفه موعد رجعته للبيت كل يوم شغلي التلفزيون بهالوقت خلييه يوم يدخل يشوفج مشغوله اطالعين مسلسل مثلا
المهم يدخل البيت ويشوفج مستمتعه وعايشه جوج

وحتى لو تراضيتوا باجر لاتطلبين اضافه ع البلاكبيري لاتحسسينه باهمية هالشي

ربي يهديه ويصلح بالكم

[اسيرت شوق]

ذكري الله وطنشيه والله لو نحاول نرضي ربنا مثل ما نسوي مع البشر كان رب العالمين رضى عنا وجعل عباده يدورون رضانا
خلي رضى الله فوق كل شي
والله يوفقج ويريح بالج