مكياج الزهبه

[أمورة دبي]

السلام عليكم ورحمة الله وبركاته

كل عام وانتوا بخير خواتي الغاليات وان شاء الله ينعاد عليكم بالصحه والعافيه وطول العمر

انا حابه انكم تساعدوني ابغي اشتري مكياج واللي بيكون ضمن تجهيزات للعرس وما اعرف شو بالضبط من انواع المكياج واللي لازم اشتريه ووظيفته يعني للعين ولا للبشره ولا لليل ولا للنهار

فممكن تساعدوني جزاكم الله الف خير


اختكم امورة دبي

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

[بنوته راك]

روحي بدي شوب وقوليلها انا عروس ابا اشتري حق الزهبه وهي بتقولج

[el3roos]

الله يوفقج
عن نفسي خذت بن ناي و ميك آب استوديو

[أمورة دبي]

اختي بنوته راك مشكورة حبي على مرورج الكريم

اختي العروس الله يوفقج ان شاء الله بس انا ما اعرف شو من الاشياء اللي لازم اشتريها واللي تحتاجه العروس

[~..أم الدويس..~]

حبوبه... اشتري اللي تستخدمينه... يعني البوده اللي متعوده عليها .. اذا تعرفين تستعملين الايلينر اشتريه اذا ماتعرفين لاتشترين.. لاتشترين مكياج شكثره وانتي مب خبيره مكياج... اشتري اللي يسدج..


مثلا بودره من ماك للاستعمال اليومي او من بودي شوب..

كريم اساس .. كانيبو يمدحوونه في باريس غاليري.. وكريم اساس لانكوم بعد..

خذيلج (2 كحل اسود ) واحد للبيت وواحد للشنطه وعندج وايد ماركات ..( لانكوم_ ماك_برستيج في لايف ستايل_مكياجي) اللي يعيبج.. وخذي من مكياجي علبه البلاك

خذيلج كحل ازرق من (ماركه برستيج في لايف ستايل ) وبعد كم لون غير الازرق حق البيت..

2 مسكرا .. وحده سودا ووحده بنيه ... ومسكره شفافه لليت..

جلوسات وارواج اللي تبيه...سيري لايف ستايل ارواج نيفيا حلوه... اخذي 4 الوان وردي ..وبرتقالي واحمر لحمي ..

خذي جلوسات من ماركس سبنسر بطعم للبيت..

ييتم الايشدو... شي ماكره معروف تحصلينه بالسوق.. حلوه اتيج 40 لون..

وخذيلج بن ناي او كاريولان من المنتدى الالوان الاساسيه.. مثل الازرق والاسود والاخضر والبنفسجي الغامج... جيه يعني..


مافي شي اسمه مكياج عروس ومكياج بنت..خذيلج اللي تحتاجينه وتعرفين تستعملينه ... ..

[اماراتيةوالنعم]

صح كلام اختي ام الدويس لا اتسيرين وتشترين شي ما اتعرفين تستخدمينه ولا تعطين اذنج للبياعات في المحلات مثل باريس قاليري ولايف ستايل وها الاماكن ترى بيشرنج المحل كله

موفقة ان شاء الله

[missuae3003]

حبيبتي انصحج لا تكثرين وايد فالمكياج

والله انا مخسره 3000 ع المكياج من غير ايشدوهات

ويمكن ماستخدمت الا اشيا معينه .. بس

المهم لاتسيرين اي مكان وتقولين انا عروس

والله ما بتطلعين الا وهم منزلينج بفاتورة معتبره ..

خاصة باريس جاليري لاتقولين انا عروس وماعرف

روحي قسم المكياج وحطي موضوع عن احسن بودره كريم اساس مسكرا ارواج شدو ... الخ

وشوفي شو الي ناصحينج به اكثر واشتريه ..

.
.

نصيحتي من حيث خبرتي الي شفته اوكي

البودره .. ( على حسب بشرتج .. انتي شو الي يناسبج اشتريه ..
يمدحون بودرة كانيبو وايد .. و بودرة بادي شوب )

الكريم اساس .. ( انا استخدم طبي من الصيدليه .. واظني لانكوم بعد حلو بس يزيت شوي )

الكحل ( نيفيا أو كحل مكياجي )

الايلينر ( بدون منافس لانكوم .. وبعدها نيفيا )

الماسكرا ( HR أو لوريال الي ضد الماء )

الشدوهات ( ماك + بن ناي + كرولاين )
اذا تبين شي حلو وسعره بسيط ( كلاسيك + ايموديل )

الروج ( ماك + باليت ميك اب فورايفر )

الجلوسات ( اشتري من العادي .. اذا تبين ماركة اشتري من مارك اند سبنسر أو لانكوم )

مرطب للويه ( لانكوم )

مثبت مكياج ( ميك اب فورايفر يجي على شكل بخاخ )

الكونسيلر ( باليت ميك اب فورايفر أو كونسيلر مكياجي او ماك )

اقلام كحل ملونة يعني اخضر مثلا او ابيض من ( ماركة في لايف ستايل راااائعه Bourjois )

بلشر من ( كلينك ) خاصه اللون االبنك مالهم روعه

اللمعه من ( ماك و ميك فورايفر )

واذا تذكرت شي بعد بقولج *-^

[BntZayed]

مــــــــــوفقة أختــــــــــي

[hudeehed]

موفقة حبوبة ..

انصحج بشادوهات Anglotبتحصلينها في الوحدةمول في أبوظبي او في مركز الريف في دبي هالشادوهات الوانهاحلوة وفرفوشة وتبين بدون ماي حتى.. ^^ ومبرووووك علوووسة

[أخت القمـر]

خواتنا ماقصروا


كفوا ووفوا


الله يبارك لج

[طيف قلبي]

صراحــه استفدنا وياج

يزاكم الله خير يا الغاليات


وموفقين خير اجمعين ^_^

[noorae]

موضوع مفيد لكل العرايس المحتارات في المكياج ..

يزاكن الله خير بنات ما قصرتن

[فن القفطان]

صح كلام اختي ام الدويس لا اتسيرين وتشترين شي ما اتعرفين تستخدمينه ولا تعطين اذنج للبياعات في المحلات مثل باريس قاليري ولايف ستايل وها الاماكن ترى بيشرنج المحل كله

موفقة ان شاء الله

[RealBeauti]

صح كلام الخوات لاتزودين بالمكياج عندي ولا خمسين شادو من ماك وما استخدم الا ثلاث الوان نادرا وواحد دائما خخخخخخخخخخخ
بقولج اشياء بالنسبه لي اعجبتني وما استغني عنها يمكن اتفيدج
اول شي قبل هاي ماتحطين مكياج لازم اتجهزين بشرتج حطي كريم بناسب نوعيته في انواع كريم اسمها primer تنحط بس قبل المكياج اتنعم واترطب الوجه وتساعد بفرد كريم الاساس وتساعد على ثبات المكياج اهم شي ايناسب بشرتج (لاتنسين الواقي اذا بتطلعين عشان بشرتج ما تأثر او تبقع من الشمس) احسن شي neutrogena ultra dry touch
في منه بقوه 35 وبقوة 55 ...مايلمع وما اتم طبقه بيضه عالبشره ! بس رفيجتي استخدمت بقوة 55 وحست بحرقه ببشرتها بس انا وامي ماحسينا مع ان بشراتنا حساسه!
انا عني احط بودرة كانيبو ارش على الاسفنجه مالتها مثبت مكياج(ايكون سبراي من ماك او نفس ماذكروا البنات من ميك اب فو ايفر يمدحونه وايد اوزع على بشرتي شوووي بس وايكفي ويطلع طبيعييييييييي (لما اتحطين كانيبو بالماي او بروحه يطلع شوي ثقيل)وبعدين احط عليه بالفرشاه برونزر من ماك اسمه golden اذا ماتبين برونزر حطي بودره مضغطوه بالفرشاه ..
انا رموشي طويله بس مش كثيفه ولا ماسكارا خلتها مقوسه وحلوه الا من لانكوم lancome اسم الماسكارا
Courbe Virtuôse
هالماسكرا فرشاتها مقوسه استخدمي الجزء المقوس على برا في انج اتمشطين رموشج من فوق وداخل وبعدين استخدمي التقوس الي على داخل عادي وشوفي ارموشج اشلون بتستوي بس اهي اتيبس الرموش اتحسينها واقفه بس انا احبها!
عندج احلى قلوسات من revlon تطلع عالشفايف شي مب طبيعييييييي اسم القلوس super lustrous lipgloss غطاته سوده وهو شفاف في الوان عجيبه ويطلع حلو عالشفايف
عندج قلوسين من ماك امووووت عليهم الاول اسمه chai هاي لاتحطين منه وايد بيطلع بييييج بس حطي شوي يطلع لون شفايفج وردي رااااااقي وطبيعي ايهبل
والثاني وردي فاتح فيه لمعه ذهبيه اسمه
Nymphette
عندج بلاشات من بورجوا في لايف ستايل حلوه بس بعضها وااايد فاتحه فاحرصي انج تشترين الالوان الي تناسبج
وصح بلاشات clinique روعه خصوصا الوردي انا ماجربتها بس اشوف وايد بنات اعرفهم يستخدمونه
انا انصحج ان ماتشترين بس وتستخدمينه بعد العرس لاول مره!!جربي كل شي عشان اتشوفين انتي مرتاحه ولا لا..يمكن نوع كريم اساس ايحبب بسرتج وانتي ماتدرين! كحل ايسيل...قلوسات اتقشر..جربي الاشياء الي مش متعوده عليها وبعدين اشتري لج جديد اذا تقدرين(اكيد مش كل شي بس الاشياء المهمه قصدي البودره والكريمات)..هاي نصيحتي انا اعرف وايد بالمكياج لاني اخطأت وتعلمت الف مره خخخخخ اي سؤال طرشيلي عالخاص واحنا حاضرين

[dala dubai]

خبريناااااااا شوو خذتي الحين هههههههههههه

اكييد عرستي وعندج بيبي الحين هههههههه اسوووووووولف
الله يوووفقج ويسعدج ويرزقج بالذريه الصالحه