ابي حل

[Al3'wya]

مرحبا الغاليات

عندي مشكله وهي اخو ريلي واايد يدخل فاشيا تخصني بدون معنى

ريلي مسافر تدريب مع دوامه لمده 3 شهور ، ومن اللحظه اللي سافر فيها اخوه قام يدخل فكل صغيره وكبيره تخصني والمشكله هو عنده بزنس يعني مايداوم وقاعدلي عالدقه

انا ساكنه ففله فبيت عمي وهو متزوج وعايش معاهم فنفس البيت ، فيوم الصبح يدق الجرس من الساعه 6 ونص اونه يقومني للدوام ؟ محد طلب منك هالشي اول مره طوفتها المشكله تم 4 ايام ع نفس الموال ، دقيت لريلي وخبرته بعدين ريلي دق قال هو يقول انتي قايله لحرمته توعيج بس هي تلتهي الصبح وهو ايي بدالها

مع اني والله ما قلتلها شي ولا حتى طلبت من حد يقومني الصبح .. الشي الثاني سيارتي بعد اسبوعين من سافر ريلي سيارتي فضت بطاريتها لاني نسيت الليتات مفتوحه .. فدقيت لخوي عساس يوديني الدوام ويعبي البطاريه عقب .. بعد ما خلص اخوي شافه اخو ريلي وقاله عطيني السويج يوم بتي بعطيها اياه تخيلو شل السياره تقريبا من الساعه 9 ونص الصبح للساعه 1 وربع فليل والسياره وسخه ومافيها بترول اونه كان يمرن السياره وطلع يودي حرمته بيت اهلها .. عالاقل استاذن ماطلبت منك شي.. والمشكله بكل قوات عين يقولي ترا بشل عنج سويج السياره ماعندنا حريم يسوقن

خدامتي ماسلمت منه .. كل يوم يدش بيتي ويقولها لاتنظفين كل يوم مره وحده تكفي ويقولها تعالي نظفي عند حرمتي .. واذا طلعت من البيت يتم يدق واذا قلتله رايحه مكان يقعد يسال لين طفرت وماقمت ارد عليه بس للاسف قام يلحقني كل مكان اروحله .. لو بروح المول القاه وراي .. حتى بيت اهلي لحقني له وتم واقف حوالي ال3 ساعات يترياني اطلع .. وايام يسال الموظفين فدوامي عني .. حتى لما اروح المستشفى يكون وراي

خبرت ريلي والمشكله صارت مشاكل فقلت ببدا احل الموضوع بنفسي .. خبرت عمي وعمتي قالولي خبري ريلج ونحن بنخبر ولدنا يخوز عنج

بنات كل شي يهون بس انه يشل ولدي من غرفته ويطلع ومايخبرني هذا اللي مابسكت عليه .. تخيلو اليوم عندي اجازه لان ولدي عنده موعد نشيت الساعه 10 عشان البس ولدي عشان نروح المستشفى مالقيته .. صرت مثل المينونه ادوره واسال الخدم .. حتى حرمته سالتها قالت ماشفته وما اهتمت وصلت لدرجه اني ببلغ الشرطه ورحت اشوف تسجيل الكميرا اللي فغرفه ولدي لقيته داخل وشله وهو راقد

تخيلو يا حوالي الساعه 2 ونص ويايب ولدي محلق عالزيرو وفيه طر فيبهته وملزق وبكل بساطه يقولي ولدج ماقعد عند الحلاق دواه يوم انطر راسه .. بصراحه انا ماعرف شو بالضبط قلتله بس شليت عمري ورحت بيت اهلي وقلت لريلي يوم بترجع تعال خذني من بيت اهلي


الحين شو لازم اسوي فيدوني حبيباتي

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[cute uae]

الله يعينج عليه. الصراحة مب من حقه يتدخل كلمي زوجته تفهمه ان ما يخصه فيج

شي ينرفز الصراحة

[ۈردة ﭐلجۈريـے]

لحظه فديتج ! هو كيف يدخل بيتج أساسا

وشو يخصه فيج ؟! .. تعرفين أن الرسول حذر من الحميان وقال ( الحمو الموت ) !!

غريبه كيف ريلج عايبنه وضع أن أخوه يتدخل بحياتج ويكلمج ويدخل بيتج و و و !!

شو من الرياييل هذا ؟! أنا لو منج والله العظيم أقول له يا تتأدب ولا تكلمني وتلاحقني

يا أخلي اخواني يمردغونك تمرديغ والله ! واللي فيه الخير يعق اللوم عليج ..

شو قلة الأدب هاذي لهالدرجة وصل الحال برياييلنا هالزمن ..

أصلا هذا ريااال غريييب لو انه اخو ريلج ..

دام ريلج ما حل الموضوع قوليله والله لأبلغ اخواني عليه ،

صدق ناس ما عندها ادب ولا حيا ولا احترام ..

ربي لك الحمد حمدا كثيرا طيبا مباركا فيه

سبحان الله ! هالزمن صار الحمي عادي نسولف معاه ونكلمه كأنه اخ لنا ..

ونسينا كلام الرسول الحبيب ( الحمو الموت )

ربي رحمتك شي يعور القلب

[cute uae]

لحظه فديتج ! هو كيف يدخل بيتج أساسا

وشو يخصه فيج ؟! .. تعرفين أن الرسول حذر من الحميان وقال ( الحمو الموت ) !!

غريبه كيف ريلج عايبنه وضع أن أخوه يتدخل بحياتج ويكلمج ويدخل بيتج و و و !!

شو من الرياييل هذا ؟! أنا لو منج والله العظيم أقول له يا تتأدب ولا تكلمني وتلاحقني

يا أخلي اخواني يمردغونك تمرديغ والله ! واللي فيه الخير يعق اللوم عليج ..

شو قلة الأدب هاذي لهالدرجة وصل الحال برياييلنا هالزمن ..

أصلا هذا ريااال غريييب لو انه اخو ريلج ..

دام ريلج ما حل الموضوع قوليله والله لأبلغ اخواني عليه ،

صدق ناس ما عندها ادب ولا حيا ولا احترام ..

ربي لك الحمد حمدا كثيرا طيبا مباركا فيه

سبحان الله ! هالزمن صار الحمي عادي نسولف معاه ونكلمه كأنه اخ لنا ..

ونسينا كلام الرسول الحبيب ( الحمو الموت )

ربي رحمتك شي يعور القلب

صح كلامج قلتي اللي ابغي اقوله

[حلوة واموره]

الحل تعيشين في بيت منفصل
وكلمي ريلج يوم يرد من دورته بطريقة جدية.
اما الحين هو في دورة لاتشغلينه عليكم مابيده شي
اما اخوه حطيله حد وكلمي حرمته تكلمه.كيف يدخل بيتج بدون اذن.او كلمي عمج.

[MiSs MiMi]

أحسن الحل أن تبقين ف بيت أهلج لين ما يرجع ريلج
مفروض كنتي تسيرين بيت أهلج أول ما سافر
تفاديا لهالأمور ومواقف تصدر منه أونة مخلي عمرة ريال عليج

خير إن شاء الله وجيه يبي خدامتج تنظف عندهم مب مسؤولة عنهم أنتي

ولا ما أدري شو سخافة

حتى ولدج ماسلم منه

[حلوه وقموره]

صراحه تنرفزت وصج حقاره وقوي عين شو خصه فيج يدخل

عنبو اخوانا الي من لحمنا ودمنا ما يسوون سواته حسبي الله عليه

انسان مريض وشكاك ويبا يدور عليج الزله ماعارف هو شو خصه فيج

ويلاحقج قسم بالله لارويه نجوم الظهر لو انا مكانج اول شيء اهلي

ما اصطلب ابلغ عليه لانه حركاته وايد تقهر وكانه يشك باخلاقج

وشو خصه يدش بيتج لازم تطلعين بيت روحج وتوقفينه عند حده

لانه هالاشكال ان سكتي عنها تركب راسج ولا بيخليج تتنفسين

دام ريلج راضي شو خصه ولا له كلمه عليج والله يعينج

[مراسيل الوفاآ]

شلي خدامتج وتمي ف بيت اهلج لين ما يرد ريلج
وخبري اكبر اخوانج بالموضوع بس عشان يكون
عندهم علم، ويوم بيرد ريلج يلسي وياه وخبريه عن
اللي صار وخليه يكلم اخوه انه ما يتدخل فيج ولا
يدخل قسمج سواء ريلج موجود او مب موجود

[المغتربة]

ليش تخبرين ريلج
ليش تخبرين اهلج
انتي تبغين المشاكل لعمرج
ابدا لا تخبرينهم

انتي ما عندج لسان اطولينه عليه
انتي مب معصبة
انا عصبت و اتنرفزت
من ايى عندج قولي له:
لو سمحت ما تتدخل في حياتي ولا تنششني الصبح ولا تسوي لي شي ولا تشيل موتري ولا ولدي
و لا بيني و بينك الشرطة !
وما احب اي ريال غريب يدخل بيتي
الحرمة لما تكون قوية محد يتجرأ عليها

طولي لسانج و بيخاف منج

لا تقولين بسير بيت اهلي
سيري عادي بس بعدبتجرأ عليج
يوم ريلج يرجع و يكون في دوامه ولا مكان

[banota.a7]

لحظه فديتج ! هو كيف يدخل بيتج أساسا

وشو يخصه فيج ؟! .. تعرفين أن الرسول حذر من الحميان وقال ( الحمو الموت ) !!

غريبه كيف ريلج عايبنه وضع أن أخوه يتدخل بحياتج ويكلمج ويدخل بيتج و و و !!

شو من الرياييل هذا ؟! أنا لو منج والله العظيم أقول له يا تتأدب ولا تكلمني وتلاحقني

يا أخلي اخواني يمردغونك تمرديغ والله ! واللي فيه الخير يعق اللوم عليج ..

شو قلة الأدب هاذي لهالدرجة وصل الحال برياييلنا هالزمن ..

أصلا هذا ريااال غريييب لو انه اخو ريلج ..

دام ريلج ما حل الموضوع قوليله والله لأبلغ اخواني عليه ،

صدق ناس ما عندها ادب ولا حيا ولا احترام ..

ربي لك الحمد حمدا كثيرا طيبا مباركا فيه

سبحان الله ! هالزمن صار الحمي عادي نسولف معاه ونكلمه كأنه اخ لنا ..

ونسينا كلام الرسول الحبيب ( الحمو الموت )

ربي رحمتك شي يعور القلب

والمفروض بعد تهزبينه وتتكلمين ... ولا تخلين عمرج ضعيفه جدامه ...

[حرم الحميري]

وايد منهم غناتي جذا الحمدالله انج ففلتج روحج ردي بيتج معززه منوه هوه عشان يطفشج ن بيتج لا تسويله كاني ماني قفلي بيبانج وان دق عليج عطيه بعالي الصوت ان ييت وقربت ولا شفت ويهك ببلغ عليك الشرطه وريلج قوليله باجر يوم بتلقاه فوقي لا ترمس حسسيه بلغلط وكل ما جوفينه هذا العله روغيه ولاا تحشمين دامه ما حشم قفلي بيبانج وانتي داخله وانتي طالعه وخدامتج لا تطلع وان رمسها اطنشه وان صرخ عليها ولا ظربها مركز الشرطه جدامه عجب متعني ومتصرف جي شو يتحرا عمره سيكي يروح الريل ياخذ الاخو مكانه وين هلج محد رمس محد عاتبه عنبوه ردي البيت وخلج قويه مب كفو هذا يطلعج من بيتج

[مالتيزرس]

هو أصلا شٌٌٌـٌٌٌٌـٌٌٌـــSHOـــٌٌٌــٌٌٌٌوٌٌٌ له من الحق يدش قسمج الخاص ويشل ولد ج ؟ ؟ى
و ﺂللّـْْ♡ـْْہٌّ أحس اتنرفزت من الموضوع

[ماحد شراتي]

ننننننننننننننعم ؟!

ريلج شو موقعه من الاعراب ؟ كيف ساكت اصلا ؟ وحتى لو حرمته لاهيه كيف يسمح لاخوه يتجرا يدق حجرتج ويوعيج ؟! وليش يترياج 3 ساعات برع بيت اهلج ويلحقج فالمول والمستشفى ؟! هذا مب صاحي ..

صدج اللي استحوا ماتوا !!!

تنرفزت صراحه .. اهزبيه وخبري حد من خوانج اذا ريلج مب قادر يحل المشكلة

[زم_قمر_ان]

الله يعينج الصراحه الموضوع يعرفو

ﻻم توقفينه عند حده هذا مريض

[شعاع امل]

هذا اختي شكله كله عقد ويريد يحط عقده فيكِ

يعني اكيد مسيطر على حرمته والحرمه مالته ماكفته ويريد يسيطر عليكِ بعد

شكله شخص يختلف عن اخوه يعني حمدي ربك على زوجك والحمدلله انه مش ماثر على زوجك بشي

ثاني شي هو يقول ان ماعندى حريم يسوقن زين مب عيب عليه يدخل بيوت حرمت اخوه من غير استاذان افرضي انتي كنت بلبس قليل او شي يشوفك عادي يعني الاخلاق على كيفه يفصلها

انتي اختي ماتردين لو شافك تهزينه والله مايقرب منك طول عمره! متعود على حرمته ساكته ويتصور كل الحريم مثلها

الناس دواها بس العين الحمره