الحامل اللي ما تهتم بحملها

[المغتربة]

السلام عليكم خواتي

انا لاحظت بعض الحوامل عندهم مشكلة و هي الاهتمام بالجنين
دايما الأم تهتم بجنينها في اول حمل لها و باجي الحمل تهمله
ع حسب ما تسمع من امها و الناس و يقولون لها لا تحاتين
اول حمل بتوسوسين و عقب خلاص بتتعودين ما يحتاي كل شهر تراجعين
و ما يحتاي لو شي عورج تروحين العيادة ع طول هاي اشياء عادية !!


خواتي انا سمعت ها الكلام و اول حمل اهتميت بنفسي و كل شهر لازم اراجع اخذ مثبتات
و كنت ادفع شي و شويات ع مراجعاتي و الادوية و اهتمامي و اروح العيادات الخاصة

*و اللي صار الحمل الثاني ما اهتميت وايد للادوية و المثبتات و الفيتامينات
كنت اخذ يوم و 5 ايام اوقف و بها الموال

*غير حركتي الزايدة و شغل البيت و اشيل نونوتي
عاد تعرفون طفل صغير و يبغي اهتمام و تبديل و مجابل

*و اهم شي كنت احس باعراض و نغزات اسفل البطن
بس حاولت اقول لنفسي عادي هذا طبيعي
و كان عندي امساك و مغص قلت شكله نفس الحمل السابق





اتمنى من كل وحدة تاخذ الفيتامينات و الحديد و الكالسيوم و فولك اسد بانتظام
وكل شهر تنتظم ع زيارات العيادة و اللي تحس بشعور مب طبيعي تراجع فورا
و الحركة تكون طبيعية و مب لازم تحاتين شغل البيت و تحاتين و لازم ترتاحين
اهم شي راحتج عقب راحة بيتج

قد يكون الاجهاض خيرة لبعض النساء و ابتلاء للبعض
وانا اعتبرها خيرة لي مع اني أم و لازم ازعل بس لان عندي اور ردي طفل صغير
وما حسبت حسابي بصراحة

المباعدة في الحمل مطلوبة حتى الحامل ترتاح
و حتى ما تتعب في حملها
و هي تشيل و تحط و عندها بيبي تبدله و تسبحه و تشيله و هي حامل !!

و اسمعوا رمستي يا بنات
اهتموا بنفسكم و رتبوا الحمل بطريقة صحية و صحيحة
و اهتموا بالجنين و هو في رحمج لانه له حق عليج .

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ام لسانين!!!]

كلامج صح الله يسهل على كل حامل

[المنيرة]

صح لسانج حبيبتي
نفس ألشي صار عندي المرة اللي طافت حملت وبنتي عمرها أربع شهور بس سبحان الله سرت العياده أول مرة وانأ بنهاية الثاني قالت لي الدكتورة على طول أوقف رضاعه وأخذ مثبت بس أنا ما اقتنعت ونفس اليوم فليل صار عندي نزيف ونزل الحمل بدون ما أحس بشئ تصايقت بالبداية وعقب قلت سبحان الله خيرة عشان بنوتي بعدها صغيرة ويبا لها مجابل ؤاهلي بعيد عني

[بسمه سحاب]

صح كلامج اختي لازم الوحده تهتم بحملها اذا كان حملها الاول ولا الثاني وتحافظ على صحتها وجنينها لين اخر حملها والله يسهل ع الجميع

[game over77]

كلآمج صح والمباعده وايد تريح مع اني يبت عيالي ورا بعض والحين حآمل الحمدلله على كل حال بالاخير اللي يكتبه الله يصير