زوجي استقال

[اماراتيه ع]

السلام عليكم..انا صار لي فترة ما دخلت بس اقرأ المواضيع. ..بس اليوم أحس اني مضايقه مرة يوم زوجي قدم استقالته ...أحس اني بتجنن حاولت معاه كم مرة انه ما يستقيل بس ما سمع كلامي...الحمد لله اني اشتغل بس المشكله كيف بتكون حياتنا هو بالبيت وانا بالدوام ..أحس اني بنفجر ...ادعولي بس

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[زم_قمر_ان]

الله يكون في عونج

الصبر زين

وﻻزم تخلي مسئولية البيت عليه

عشان ما يعتمد عليج

[مراسيل الوفاآ]

وايد اشيا ما وضحتيها ف موضوعج وما نعرف
سبب الضيقه بس بختصر ردي ف نقاط

١- اذا عنده مصدر ثاني للدخل ويصرف ع البيت
ف خليه اختي ف البيت وين المشكله؟

٢- اذا معتمد عليج ف الصرف وانتي عايبتنج وظيفتج
ف قدمي ع اجازه وقوليله انج استقلتي عشان يتلاحق
ويدورله ع شغله ثانيه

٣- اذا عنده مصدر دخل ثاني وانتي ما تبين تشتغلين
ف قدمي ع استقالتج ويلسي وياه ف البيت

٤- اذا ما عنده مصدر دخل ثاني ومعتمد عليج وما تقدرين
تتفاهمين وياه ف خلي حد من اهلج يتدخل

[mouzan7mod]

وايد اشيا ما وضحتيها ف موضوعج وما نعرف
سبب الضيقه بس بختصر ردي ف نقاط

1- اذا عنده مصدر ثاني للدخل ويصرف ع البيت
ف خليه اختي ف البيت وين المشكله؟

2- اذا معتمد عليج ف الصرف وانتي عايبتنج وظيفتج
ف قدمي ع اجازه وقوليله انج استقلتي عشان يتلاحق
ويدورله ع شغله ثانيه

3- اذا عنده مصدر دخل ثاني وانتي ما تبين تشتغلين
ف قدمي ع استقالتج ويلسي وياه ف البيت

4- اذا ما عنده مصدر دخل ثاني ومعتمد عليج وما تقدرين
تتفاهمين وياه ف خلي حد من اهلج يتدخل

انا اوافقها الراي ،، بس بعد خليه يدور له على شغل ثابت و الله يفرجها عليكم

[أحلام علي]

حبيبتي يمكن بيئة الشغل جداً متعبة

نص حريم عايلتنا مروا بهالشي والحرمة ماتشتغل

ومرت عليهم ظروف صعبة جداً بس اخر شي فرجت

يمكن خيرة حبيبتي

[غرووب 22]

استغفر الله العظيم وأتوب إليه عدد خلقه ورضى نفسة وزنة عرشة ومدادا كلماته

[ماسه حساسه]

مستحيل يعقد اكيد بيسوي شي خصوصا اذا كان عنده ربع وكل حد عنده مشروع او مكتب مستحيل يرضى بالقعدة حمسيه عطيه افكار

[صـــمت ,,]

وعليكم السلام و رحمة الله و بركاته


ليش هو يبا يستقيل أصلا ؟!
يمكن إلي ف دوامه متعبينه و مب مرتاح فيه !

مافي ريال يحب قعدة البيت ><"
ف أكيد بيدورله شغل ثاني وهيك

[قلبي بزي]

غريبة!!!!!
إذا مب مرتاح مثلا بدوامه يدور له وظيفة ثانية وإذا حصل يستقيل من وظيفته المفروض جذه يسوي
الصراحة ريلج ذكرني بريل أختي استقال من دوامه عشان أختي تصرف عليه بس أهلي ما سكتوا عن الموضوع واستوت مشاكل في النهاية زين داوم ولا بتنفصل عنه أختي
عسى ريلج ما يكون نفس ريل أختي

[غلآ نفسي]

شو سبب استقالته ؟؟؟؟؟؟؟؟؟؟ جواب لازم تعرفينه ونعرفه نحن بعد

اذا سبب يسوى .. عيل وقفي معاه في ازمته

اما اذا سبب ما يسوى عطيه كاش ان لازم يدور ع شغل لانج تبين تحسين وراج ريال سندج

وانتي تعرفين معدن ريلج اذا انسان ما شاء الله عليه لا تقصرين معاه في شي .. واذا انسان ما يعرف ربه وما يستاهل كلمي اهلج عسبت يكلمونه

بالتوفيق

[شعاع امل]

مادمتي مضايقه يمكن قصدك انه معتمد عليكي!

ولكن هو لما استقال اكيد عنده نهاية خدمه واشياء ثانيه يمكن هو يدور على وظيفه ثانيه او يريد يفتح مشروع اغلب الناس يوم يستقيلون معناه يافي مشروع خاص يامب مرتاح في الدوام وهذا اكيد والا مابيترك

واكيد معتمد عليكي عشان هذا السبب مرتاح في الاستقاله انتي تعرفين تتصرفين

بعد فتره اختي اذا مادور شغل او حسيتي انك كل شي انتي وهذي الفتره تكون اكثر من ثلاثة شهور سته خلاص

كلميه او كلمي هلك او اشتكي عليه

عيب الرجل يعتمد على الحرمه

[ورقة ناعمة]

يمكن وصل لعمر تعب فيه وخلاص اكتفى او عنده ضروف خاصة ساعدته عالاستقاله ,,,

لاتسبقين الاحداث يمكن خير لج انه يستقيل صدقيني فترة بيلس بالبيت وبيمل وبيرد للوظيفة

[احلى بعفويتي]

انا مريت بنفس الظرف
ريلي مفكر بلاستقاله قبل سنه وشوي و قتله حصل دوام ثاني عقب استقيل
الحبيب خلص شغله ويا عندي قالي انا استقلت وياه الورقه

المهم واااايد استوت مشاكل لان الصرف كان من معاشي كله و واااايد تغير علي الوضع
وليله نهار و نهاره ليل
و لا كان يساعدني بشي واااايد كنت مخنوقه ودوووم مشاكل
بس حصل نهايه الخدمه مبلغ وااااااايد اوكيه و سافرنا و عقب تم يصرف من هالمبلغ و حصل دوام ثاني وارتحت نفسيا وااااااايد


بتمر عليج ايام بس لازم من الحينا تشغلينه بشي يعني اذا في بيبي بالبيت خله يجوفه .. يوصل الصغاريه المدرسه يرد ياخذهم من المدرسه

يراجع لهم ..

جي يعني استفيدي من يلسه بشي

انا كنت اخليه يغسل الصحون و الثياب و اخلي النونو عنده هههههههه احلى شي كان

[الوزيره7]

السلام عليكم اختي .....
مختصر كلامي كله .... ان هاذي خيره من رب العالمين .... كأختبار لصبرج على محنتج ....
فاصبري فمثل ما جالولج الاخوات ... ما فيه ريال يحب البيت اكيد بيدور شغل ..... اصبري ....

[روح.الامارات]

الله يعينج