بليز ردوا علي وايد احاتي

[حلم منتظر]

السلام عليكم ورحمة الله وبركاته

اشكر اختي حلم ع استخدام معرفها
وياليت من الادارة تفعل المعرفات وايد
طولوا !!!

المهم خواتي انا ولله الحمد وربي يرزق
كل محرومة حامل بنهاية الشهر الثالث من امس
واحس بالم قوي مب وايد قوي قوي اسفل بطني
وبظهري هل هالشي طبيعي ؟
لاني مااروم اسير للدكتورة باقرب وقت ياليت
تتطمنوني والله وايد احاتي
والالم يروح ويرد واحس بعد بالم بالرحم

المزيد من آخر المواضيع من نفس القسم:

• أسباب آلام الركبة بعد الولادة وكيفية علاجه
• ماهو الطلق البارد والطلق الحقيقي والفرق...
• اهم أسباب التهاب الجيوب الأنفية أثناء الحمل...
• افضل طرق الاستعداد لفترة النفاس
• اهم فوائد الحليب للمرأة الحامل
• افضل عشرة طرق طبيبعه لتسريع الولاده خاص...
• اهم نصائح للحامل البكر في الشهور الأولى
• اهم أسباب الجوع المستمر عند الحامل وطرق...
• افضل مسكنات طبيعية تخلصك من الألم أثناء الحمل
• طرق للتخفيف من آلام الظهر بعد الحمل حصري

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[حلم منتظر]

انا مااخذ مثبتات بس الفوليك
وشوي افرازات صفراء ع الخفيف وايد

[بنت الشامسى]

الله يثبته أن. شاء الله

[السنقباســـية]

والله حبيبتي ماندري كل وحده يختلف عندها ممكن يكون عادي وممكن لا ........ ممممممممم بس لازم تروحين لأي دكتورة بأسرع وقت ...
ولازم تسوين فحوصات الدم ... ويمكن بسم الله عليج تبين مثبتات ولا شيء .. ماتعرفين الجسم يختلف من شخص لشخص !!!!
فلو تقدرين تاخذين موعد وتروحين احسن .... وياليت تقرين ادعية حفظ الجنين وربي يثبته وتكونين بخير وعافيه ..

[حبيبي محمد]

أنا مريت بنفس الحالة والعوار والسبب كانت المشيمة وايد نازلة عندي ..والحمدلله الحين صارت اوكي ..بس انتي اتأكدي من الدكتورة احسن

[aishoo]

إذا كان اول بيبي أتوقع عادي بس بعد روحي اقرب عيادة أو المستشفى وجيكي افضل

[بسمه سحاب]

مثل ما قالوا الخوات الافضل انج تروحين العيادة عشان تطمنين اكثر الله يثبت حملج وكثر ما تقدرين ارتاحي ولا تتحركين وايد

[روؤح الغالي]

حاولي ترتاحين وتحطين تحت ريولج مخده
يمكن التهابات او شي لاسمح الله
الافضل تروحين العياده
ربي يثبته لج يارب

[أحلام مؤجله]

انا اللي أعرفه ان لازم في ألم أسفل البطن (نغزات) أو الم في الظهر أو الصدر لآن شي طبيعي اذا أول حمل .. لآن الرحم يبدأ يكبر الجنين يكبر ونحن أول مرة نحمل في أجسامنا مب متعودة على التمدد فلازم يكون عوار جي كانت تقول دكتورتي ^^ بس بصراحة انا اسير كل موعد تحدده لي الدكتورة عسب اتشوفني لآن لازم نتطمن على البيبي ...
وبخصوص المثبتات انا اخذ لآن أول حمل ولازم أخذه أول 3 شهور من الحمل ... وعطتني فيتامينات وحديد وكالسيوم
فيا عزيزتي لازم تراجعين دكتورتج بس عسب انتي تتطمنين وماتحاتين ... ويمكن تحتاجين أدوية بس لا تاخذين شي من روحج
راجعي الدكتورة وخليها اتشوف الأنسب لج ... الله يثبته ويسهل عليج وعلينا يارب

[حلم منتظر]

يزاكن الله خير
خبرتني الدكتورة عندي تقلصات
بالرحم وهالشي من بعد مجهود
وكتبت لي مثبتات
اللي تقوم بمجهود لازم تاخذها بعد
استشارة الطبيبة