يومياتي* اطفال الانابيب (افتح لكم قلبي)

[دانا م]

السلام عليكم ورحمة الله وبركاته

الله يرزقنا واياكم بالذرية الصالحه ولايحرمنا من شعور الامومة

قبل كل الشي الحمل بايد الله سبحانه وتعالى الدكتور فقط سبب ولاكن لازم الانسان يسعى
عليكم بالاذكار والاستغفار دئما

هالكلام ينطبق على علاجي انا يمكن من شخص لين شخص يختلف محد يحط نفسه في مكاني بس حبيت نشارك بعض وندعم بعض بالكلمة الحسنة

انا مب شاطرة في كتابة المواضيع بس ماشوف وايد ناس تكتب عن هالموضوع وغير انه في ناس محتاجه حد تسأله ومب لاقيه فقلت نساند بعض وموضوعي يكون كالكتاب المفتوح لكل انسانه حابة تسألني طبعا انا ماعرف اكتب عربية فصحى وايد لذلك ياحبيباتي كلامي بيكون بالعاميه والي عندها استفسار تقدر تسأل بكل حب
والي حابه تشاركنا باي تجربه شخصيه تتفضل نبا كلام من واقع وتجارب مانبا كلمة سمعت من فلانه ...

اهلا وسهلا بكم في صفحتي

انا يا بنات اول يوم دورة كان يوم الجمعه الماضي في تاريخ 13-6-2014 وللمره الاولى قلت اتوكل على الله واجرب اطفال الانابيب من بعد تجارب فاشله لمحاولة الحمل والتلقيح الصناعي الحمدلله

وانا من زمان شفت مقابله للدكتور مايكل فقيه في قناة ام بي سي وسبحان الله ارتحتله وتم اسمه في بالي مع انه كل حد ينصحني بمكان لاكن في النهايه ابا اجرب المكان الي انا ارتاحله..

يوم السبت تاريخ 14-6-2014 توجهت لعياة الدكتور مايكل فقيه (موقعهم مقابل الطب الوقائي ) تقدرون تتصلون بتلفون وتاخذون موعد وانا لانه الدوره يتني الجمعه مالحقت اتصل بس السبت الصبح اتصلت عالاستقبال قلتلها اقدر ايي واشوف د.مونيكا قالت هيه

ورحنا انا وزوجي ونصيحه يابنات اذا زوجج من النوع الي مايتحمل انتظار المواعيد لاتشلينه معاج لانه بتمين على اعصابج

انتظرنا هاليوم وايد لانه الزحمه كانت على دكتور فقيه بما انه له ايام معينه في فرعه في أبوظبي وماتلقونه كل يوم والناس تروحله وايد

في فرع في دبي واعتقد العين بعد ،، تقدرون تاخذون ارقامهم من البداله وتشوفون

نرجع ليوم السبت طبعا انا كنت على اعصابي ودخلت على الدكتوره وقالتلي كل شي زين بنبدأ ناخذ ابر منشطه من اليوم وعطتني ورقة لفحص الدم لي انا وزوجي وخلت المترجمة تشرحلي كل شي عن اطفال الانابيب والصراحه راسي عورني وحسيت اقرا من النت احسن ..
وعلى فكره عطتني بطاقتها وقالت اي شي تبينه طرشي مسج << وبخبركم في شو نفعني بعدين

عقب ماخلصت من الفحص قعدت انتظر النيرس لين ماتكتبلي الوصفه وورقة فحص الدم ويوم خلصت بدت تشرح وعلى فكره من كثر الابر حسيت اختبصت انا اقول يا خواتي خذو راحتكم واسألو واكتبو فتلفونكم لين ماتقتنعون بالشي

عطتني بطاقة الابر لمدة 3 ايام يعني السبت ابدأ نفي اليوم بعدين الاحد ابره بعدين الاثنين ويوم الثلاثاء اخذ موعد واشوف الدكتوره

وبالفعل رحت وعطيت الكاشير الورقه مالت الدفع (عن طريق بطاقة ثقه تغطي التكلفة) وعطتني ورقة الابر ونزلت المختبر سويت فحص دم وبعدين زوجي سوا وعطيتهم ورقة الابر

ظربتني اول ابرة في بطني تحت السرة بشوي اللي هي اسمها جونال وبعدين قلتلها انا ابا اكمل بروحي فالبيت مابا ايي كل يوم عشان اظرب وقالتلي لازم تقريبا يكون نفس الوقت ومايضر لو اختلاف ساعه

وعطتني الابرة وراوتني كيف استخدمها طبعا لو شرحتلكم مابتفهمون بس يعني يابنات اسألو كثر ماتقدرون لاتستحون

وبعدين عطتني وصفة ابرة المضاد الحيوي + حبوب مضاد ابدأ اخذ حبتين من اليوم الثاني اللي هو كان الاحد .. للاسف ماعندهم صيدليه عشان اشتري هالابره وقالت هاي تنضرب فالخلفيه وحسيت ماقدر اضربها بروحي ولا اقدر اشتريها وارجعلهم لانه بيتي بعيد فقررت اني اخذها من الصيدليه واضربها فأي عيادة وسألتها عادي قالت هيه عادي راويهم البطاقه وانا اعتمدت على هالكلام >>>> انتبهو زين لهالنقطه

وطلعت ومريت الاستقبال عشان اخذ موعد يوم الثلاثاء نفس ماخبرتني الدكتوره وخذت موعد واتجهت الى الصيدليه القريبه من بيتي وحصلت ابرة المضاد +
حبوب المضاد الي ببدأ اخذهم من ثاني يوم .. وعلى كلام النيرس رحت عياده قريب من بيتي وقلتلهم انا جي جي سالفتي قالو لا مايصير نضربج الابره قلتلهم كيف بس شوفو هاي بطاقة الابر وانا اشترتها والخ

قالو مانعين هيئة الصحة اي ابره او دوا يدخل من برع ولو كان من فرعهم الثاني لانه ممكن يأثر على المريض المهم قالت الدكتورة اول بشوف اذا في فالصيدلية اقدر اعطيج اياها بس وطبعا هالكلام عقب سالفة يعني مستحيل مره ثانيه يرضون وياخسارة المضاد الي اشترته من الصيدلية هههههههههههههه المهم اول شي قالتلي جرعة المضاد كبيرة كانت 1000 ليش يعطونج هالكثر قلتلها هي دكتورتي وهي ادرى يعني بعدين قالت لا بنسويلج تجربة اذا عندج حساسيه منه ةعقب بنعطيج وقلتلها اوكي
ويت النيرس وحطت شوي منه فايدي تشوف اذا بحسس وعقب 10 دقايق اتنظار الحمدلله ماتحسست منه وعطوني اياه ورديت البيت

ثاني يوم الاحد تاريخ 15-6-2014
خذت حبة مضاد مع الريوق حبة حديد عالغدا والعصر ضربة ابرة جونال وعالعشا مره ثانية حبة مضاد

ثالث يوم الاثنين تاريخ 16-6-2014
خذت حبة مضاد مع الريوق حبة حديد عالغدا والعصر ضربة ابرة جونال وعالعشا مره ثانية حبة مضاد
وبجذي خلصت ابر

يوم الثلاثاء 17-6-2014
كان في حبتين مضاد بعد + حديد
ورحت موعدي والحمدلله فحصتني الدكتوره وشافت كل شي زين ولله الحمد والشكر وقالت راح نكتبلج على ابر مره ثانيه بس هالمره في 3 ابر بتكون مع ابرة جونال
نزلت المختبر لعمل فحص دم مره ثانيه
وضربتني ابره في نفس المكان فالبطن ونسيت اخبركم انه مثلا اليوم ضربت جهة اليمين من بطني ثاني يوم اضرب جهة اليسار يعني بالتناوب
فهي ضربتني جهة اليسار لانه يوم السبت كان جهة اليمين الاحد يسار الاثنين يمين
وبعدين راوتني الابر الثانيه الي لازم اخذها لمدة 3 ايام طبعا من شفت ابرة سيتروتايد خفت لانه يعني قصه سالفتها وفالعياده يضربونج اياها اسهل
توكلت على الله وقلت ماعليه علميني كيف وعلمتني وقلتلها خلاص كل شي اوكي وخذت الابر معاي
بجذي بيكون عندي ابرة جونال فيها 3 ابر للتبديل ومحلول يكفيني 3 ايام الاربعاء والخميس والجمعه
3 ابر سيتروتايد تكفيني الاربعاء والخميس والجمعه
ويوم السبت ارجع اشوف الدكتورة+دكتور البنج لاني اول مره اسوي عملية ببنج فلازم يشوفني

يوم الاربعاء 18-6-2014حبتين مضاد طبعا صبح ومسا + حبة حديد
ابرة جونال فالبطن وفي نفس المكان ضربة ابرة سيتروتايد
هني بقوللكم في شو استفدت من رقم الدكتوره اول ماضربت ابرة سيتروتايد تفاجأت بطني صار فيه بقع حمره وكأنه شي لادغني منتفخ وخفت وايد قمت طرشت مسج حق الدكتوره قالت عادي وسويت سيرج وقريت انه ممكن يسبب احمرار وحكه بس بعد تميت خايفه طرشت صورة البقعه للدكتورة وقالتلي عادي يصير وتقدرين تاخذين زيرتك
يوم الخميس 19-6-2014بما اني فالدوام للحين بكون ماخذه بس حبة مضاد
وللحديث بقية
اذا ماشفت ردود حلوه ومشاركات بزعل ومابخبركم شي

المزيد من آخر المواضيع من نفس القسم:

• فيتامينات ومعادن هامة تساعد على الحمل وزيادة...
• أسباب وطرق علاج مشكلة تأخر الحمل
• تحديد نوع الجنين
• اعرفي سبب تأخرك في حدوث الحمل
• اهم الأسباب التي تأخر الإنجاب لدى الإناث...
• افضل طرق علاج تاخر الحمل بالاعشاب
• فحوصات تأخر الإنجاب للزوجين بالتفصيل
• افضل طرق التعامل مع تأخر الحمل
• تنبيهات بعد اجراء عملية الحقن المجهرى
• نسبة هرمون الحمل في توأم بعد عملية الحقن...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Bismilah]

الله ايسر لج يارب والله يثثبت اجنتج ويرزقج الذرية الصالحة يارب
توكلي على رب العالمين عليج بالاستغفاااااااار و قيام الليل وصدقة
الله يفرحج ويفرحنا يارب

[سيدة في حضوري]

هلا اختي ..حلو موضوعج فديتج .. انا بعد امر بنفس التجربة وبنفس المركز بعد فقيه بس الفرق ان انا بفقيه اللي بمستشفى برجيل بس عند دكتورة لمياء وهي نفسهاىاللي كانت مع الدكتور فتطيمي قبل لا يصير المركز لفقيه لان الدكتور فاطيمي طلع بيسوي بيزنز خاص فيه ..بس هي وااايد شاطرة وتدربت ع ايد الدكتور فاطيمي تبع البعثة البلجيكية وماشاء الله تعاملها وااايد ارتاحلها..وتقريبا انا مريت لنفس خطواتج بس مع فارق اني ماخذيت المضاد الحيوي يعني ماوصفوه لي .. وكمان ماصار لي اي اثر من السيتروتايد بس حرقان اثناء ضربها .. وكمان مارجعت الاجنة بعد خمسة ايام من السحب لان الدكتورة خافت ان يصير عندي فرط اباضة لان عدد البويضات اللي انسحبن كثير ماشاء الله من شان جي جمدوهن لي وقالت بعد الدورة الثانية بتسويلي الترجيع وعطتني من ثاني يوم الدورة الثتنية من بعد السحب وعطتني بروجليتون وبريدينزيلون وفوليك اسيد وبيبي اسبرين ومستمرة عليه تقريبا 11 يوم وقالت الاثنين اليتي بتسويلي ان شاء الله الترجيع .. وان شاء الله يارب يتمم لي ولج على خير ومايي رمضان الان والله كاتبلنا الحمل بإذنه تعالى

[أم أية 2]

الله يرزقكم الذرية الصالحة يارب بس اختي انا باسالج عن بطاقة ثقة مالج اي رقم 1ولا2ولا3 وأي إمارة ومشكورة اختي

[senyrita]

بالتوفيق عزيزتي والله يرزقك الذرية الصالحه

[غرام عسكري]

حلو موضوعج ذكرتيني بتجربتي مع الدكتور وليد السيد بس ان شاء الله ناويه أعيد التجربة يا مع برجيل أو فقيه للحين محتاره

[مذهــله]

موفقه..

[دانا م]

الله ايسر لج يارب والله يثثبت اجنتج ويرزقج الذرية الصالحة يارب
توكلي على رب العالمين عليج بالاستغفاااااااار و قيام الليل وصدقة
الله يفرحج ويفرحنا يارب

آمييييين يارب ،، تسلمين حبيبتي

[دانا م]

هلا اختي ..حلو موضوعج فديتج .. انا بعد امر بنفس التجربة وبنفس المركز بعد فقيه بس الفرق ان انا بفقيه اللي بمستشفى برجيل بس عند دكتورة لمياء وهي نفسهاىاللي كانت مع الدكتور فتطيمي قبل لا يصير المركز لفقيه لان الدكتور فاطيمي طلع بيسوي بيزنز خاص فيه ..بس هي وااايد شاطرة وتدربت ع ايد الدكتور فاطيمي تبع البعثة البلجيكية وماشاء الله تعاملها وااايد ارتاحلها..وتقريبا انا مريت لنفس خطواتج بس مع فارق اني ماخذيت المضاد الحيوي يعني ماوصفوه لي .. وكمان ماصار لي اي اثر من السيتروتايد بس حرقان اثناء ضربها .. وكمان مارجعت الاجنة بعد خمسة ايام من السحب لان الدكتورة خافت ان يصير عندي فرط اباضة لان عدد البويضات اللي انسحبن كثير ماشاء الله من شان جي جمدوهن لي وقالت بعد الدورة الثانية بتسويلي الترجيع وعطتني من ثاني يوم الدورة الثتنية من بعد السحب وعطتني بروجليتون وبريدينزيلون وفوليك اسيد وبيبي اسبرين ومستمرة عليه تقريبا 11 يوم وقالت الاثنين اليتي بتسويلي ان شاء الله الترجيع .. وان شاء الله يارب يتمم لي ولج على خير ومايي رمضان الان والله كاتبلنا الحمل بإذنه تعالى

هلا حبيبتي ،،، طبعا اهم شي الراحه النفسيه عند الدكتور الي تبينه
الله يكتبلي ويكتبلج ويكتب لكل حرمه تنتظر انها تصير ام بالذرية الصالحه

كيف كان يوم السحب خبرينه عنه اذا ممكن فديتج

[دانا م]

الله يرزقكم الذرية الصالحة يارب بس اختي انا باسالج عن بطاقة ثقة مالج اي رقم 1ولا2ولا3 وأي إمارة ومشكورة اختي

آمييين يارب .. انا من امارة ابوظبي ياقلبي بس ماعرف هل في ارقام للبطاقه او لا يعني بطاقتنا الصحيه وحده

شرفتي الصفحه

[دانا م]

بالتوفيق عزيزتي والله يرزقك الذرية الصالحه

آمييين يارب تسلميلي ياقلبي

[دانا م]

حلو موضوعج ذكرتيني بتجربتي مع الدكتور وليد السيد بس ان شاء الله ناويه أعيد التجربة يا مع برجيل أو فقيه للحين محتاره

وايد ناس تنصح فيه تقدرين تطريحن تجربتج اذا حابه للاستفاده
توكلي على الله ومن تييج الدوره شوفي الدكتور الي ترتاحيله
والله يرزقنه جميع بالذريه الصالحه

[دانا م]

موفقه..

تسلمين حبيبتي

[سيدة في حضوري]

السلام عليكم اختي اعذريني مادخلت المنتدى غير الحين .. وبالنسبة ليوم السحب والله الحمدلله ماتوقعت ربي يسهل الامور جي لان كنت واايد خايفة لكن سبحان الله يوم دخلت اسوي التخدير طبعا كامل مب موضعي يوم بداا الدكتور يسوي الابرة وهو قاعد يكلمني مادريت بعدها الا وانا في غرفة الاستفاقه وماتذكرت جي جنه حلم والحمدلله ماحسيت بالالم شي بسيييييط لا يكاد يذكر وحتى ماطلع دم ماشاء الله رغم اني قريت ببعض التجارب ان ممكن يصير نزيف بسييط لكن انا الحمدلله موول ماشي والدكتورة ايدها خفيفة ماشاء الله.. بس بعدين اليوم الثاني صار فيني الم فضيييع بالبطن حسيت كأني بنفجر وغازاات وايد بس كنت اشرب ماي بكثرة وكل ماشربت كل ماارتحت ويوم سألت الدكتورة قالت هيه هذا متوقع لان سحبنا منج 27 بويضه ماشاء الله فصار عندج تحفز في المبايض ..وقعد الالم يومين وكان يخ تدريجيا والحمدلله ماحسيت في اليوم الثالث من السحب وربي سهل الامور ..
الحين يوم الاثنين الياي ان شاء الله يمكن اسوي الترجيع اذا شافت الرحم مستعد وبطانته اوكي ..
الله يسهلها يارب ويثبت الاجنة ويكتبلي ولج الحمل والذرية الصالحة وكل محرومة يارب العالمين..

[دانا م]

السلام عليكم اختي اعذريني مادخلت المنتدى غير الحين .. وبالنسبة ليوم السحب والله الحمدلله ماتوقعت ربي يسهل الامور جي لان كنت واايد خايفة لكن سبحان الله يوم دخلت اسوي التخدير طبعا كامل مب موضعي يوم بداا الدكتور يسوي الابرة وهو قاعد يكلمني مادريت بعدها الا وانا في غرفة الاستفاقه وماتذكرت جي جنه حلم والحمدلله ماحسيت بالالم شي بسيييييط لا يكاد يذكر وحتى ماطلع دم ماشاء الله رغم اني قريت ببعض التجارب ان ممكن يصير نزيف بسييط لكن انا الحمدلله موول ماشي والدكتورة ايدها خفيفة ماشاء الله.. بس بعدين اليوم الثاني صار فيني الم فضيييع بالبطن حسيت كأني بنفجر وغازاات وايد بس كنت اشرب ماي بكثرة وكل ماشربت كل ماارتحت ويوم سألت الدكتورة قالت هيه هذا متوقع لان سحبنا منج 27 بويضه ماشاء الله فصار عندج تحفز في المبايض ..وقعد الالم يومين وكان يخ تدريجيا والحمدلله ماحسيت في اليوم الثالث من السحب وربي سهل الامور ..
الحين يوم الاثنين الياي ان شاء الله يمكن اسوي الترجيع اذا شافت الرحم مستعد وبطانته اوكي ..
الله يسهلها يارب ويثبت الاجنة ويكتبلي ولج الحمل والذرية الصالحة وكل محرومة يارب العالمين..

مشاءالله تبارك الله ،، الله يسهل لج وقت الترجيع بعد ويثبت الاجنه يارب ,, وشكرا عالرد فديتج