وظائف مستحدثه في مجلس ابوظبي للتعليم

[العيون المشتاقة]

السلام عليكم

كيف الحال

خواتي فديتكن الي قابلن ممكن تعطني الرقم الي كان في المسج للتواصل ؟؟؟

احاول فيهم من اول الاسبوع اتصل على هالرقم (026150962) بس محد يرد نهائيا

يزاكن الله الف خير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم مغاوي]

العيون المشتاقه ماطرشولي رقم الا وقت امتحان المحاسبه
هو اللي كاتبتنه


وفي رقم كان متصلبي المصري
بشهر تسعه يتخبر عن تخصصي

026150000

[بدور_الزين]

انا كملت اسبوع من توقيع العقد ولين الحين محد كلمني
مع انهم قالوا خلال اقل من اسبوع بنكلمج عسب الفحوصات والاوراق المطلوبه

حد تعرف حد في المجلس ؟؟ يروم يسأل لي
وشكرا

[ورق عنب ~]

ما صار شي يديد بعدني اتريا اتصال منهم تواصلت مع المنطقة محد يعطيج جواب كله اللي يقولونه اتنظري اتصال منا


وبعدين اختي تقولي اليوم موظفين في مدرستهم وحدة مسؤؤل التسجيل والقبول عندها باجلر

رحت اليوم مكتب العين وتلاقيت ويا موزه المعمري كان ردها أن تخصص نظم المعلومات الادارية استبعدوهم من مسؤول القبول والتسجيل وبعد من وظيفة منسق شؤون اداريه عشان جي ما تواصلوا ويايه عشان الامتحان والمقابلة

والله يعوضنا بالوظائف اللي احسن منهن يارب

[ورق عنب ~]

اختيه ورق عنب
ماعليج امر، دامج باجر بتروحين المجلس، اذا ممكن تسالين موزة المعمري، راح يقابلون كل الي امتحنن محاسبة، او فقط الي ناجحات


على الاقل نعرف الوضع ولا نتم نتريا ونفكر

حبيبتي سألت لج وكان الجواب انه اللي ما قابلوه معناته ما نجح ف الامتحان ، بس ها مب اكيد لانها ردت عقب وقالت فيه دفعه ثانيه بيقابلون وعسى يارب تكونين من ضمن الدفعه الثانيه

[uaealain]

رحت اليوم مكتب العين وتلاقيت ويا موزه المعمري كان ردها أن تخصص نظم المعلومات الادارية استبعدوهم من مسؤول القبول والتسجيل وبعد من وظيفة منسق شؤون اداريه عشان جي ما تواصلوا ويايه عشان الامتحان والمقابلة

والله يعوضنا بالوظائف اللي احسن منهن يارب

اها استبعدوهم.... ليش عشان عدنا باجلر... وفي مدرسة اختي موظفين وحدة لوظيفة مسؤؤل التسجيل والقبول عندها باجلر

والا الواسطات اشتغلن!؟

[يالله أحبك]

الف شكر اختى ام مغاوى يعطيج العافية ....!

[العيون المشتاقة]

مساء النور
و الله من اصبحت و انا في ضيقة من المجلس
طرشت اخوية يروح المجلس يتاكد من اسمي اذا موجود ؟؟ ومتى مقابلتي راح تكون
فانصدم من اجابتهم ( انه مقابلتي كانت امس مع كنه الناصري في العين ، وانا ماحضرت فسجلوني تغيب في الكشف )!!!!!!!
فخبرهم انه ماوصلني اي مسج او اتصال منهم ..... فخبروه انه اراجع العين

طبعاااا على طول اتوجهت الى مكتب العين ، وكلمت كنه ، وقالت لي انه تطريش المسجات من ابوظبي مب من عندها ، وخلاص انتهن موعد المقابلات لمنسق الشؤون الادارية

قلت الها بس الغلط مب منى ... منكم انتوا انها ماوصلني مسج منكم
قالت و الله انتظري ، امكن يكون هناك مقابلات للمتغيبين !!!!!!

حرام و الله اذا انتظر دوووري من متى للمقابلات واخرتها تكون هاللخبطة من عندهم
شو ذنبي أنا !!! وكيف كنت بعرف هالشي لو ماراجعتهم بموضوعي في بوظبي
وماعتقد انه تكون في مقابلات للمتغيبين !!!!! الي نعرفه انه الي ماتحضر المقابلة معناته ماتبا ، وماعتقد انه يدقولها مرة ثانية
ماشالله المتقدمات وايد هالشاغر فابدى الي حضرن

ماقول غير حسبي الله ونعم الوكيل
واذذا لي نصيب فعند ربي محفوظ

[العيون المشتاقة]

الواسطات شغالة مايبالها كلام

وحده من معارفنا تخبرني انه عينوا عندهم مسجل بيانات القبول و التسجيل وتخصصها بكالريوس هندسة شبكات

ف يعني واااااااااضحة

[ورق عنب ~]

العيون المشتاقه

اليوم موزه المعمري قايله انه فيه دفعه ثانيه بيقابلون عشان منسق شؤون اداريه والدليل أنها كانت مأخذه اسمي عشان تحطه ف المجموعه الثانيه اللي بتقابل بس يوم عرفت انه تخصصي نظم معلومات إدارية كنسلت .

معناته فيه دفعه ثانيه وخليج من كنه وتواصلي ويا موزه مباشره وما ضاع حق وراه مطالب وان شاء الله حقج بتاخذينه ، بس راجعيهم اول باول الغلط منهم ومفروض يصححون الوضع

والله يوفقج ويوفق الأخوات جميع لما يحب ويرضى

[العيون المشتاقة]

مشكورة اختي ورق عنب وربي يرزقج الاحسن و الافضل


بتابعهم وبتواصل وياهم بعدني باجر

[أم مغاوي]

مساء النور
و الله من اصبحت و انا في ضيقة من المجلس
طرشت اخوية يروح المجلس يتاكد من اسمي اذا موجود ؟؟ ومتى مقابلتي راح تكون
فانصدم من اجابتهم ( انه مقابلتي كانت امس مع كنه الناصري في العين ، وانا ماحضرت فسجلوني تغيب في الكشف )!!!!!!!
فخبرهم انه ماوصلني اي مسج او اتصال منهم ..... فخبروه انه اراجع العين

طبعاااا على طول اتوجهت الى مكتب العين ، وكلمت كنه ، وقالت لي انه تطريش المسجات من ابوظبي مب من عندها ، وخلاص انتهن موعد المقابلات لمنسق الشؤون الادارية

قلت الها بس الغلط مب منى ... منكم انتوا انها ماوصلني مسج منكم
قالت و الله انتظري ، امكن يكون هناك مقابلات للمتغيبين !!!!!!

حرام و الله اذا انتظر دوووري من متى للمقابلات واخرتها تكون هاللخبطة من عندهم
شو ذنبي أنا !!! وكيف كنت بعرف هالشي لو ماراجعتهم بموضوعي في بوظبي
وماعتقد انه تكون في مقابلات للمتغيبين !!!!! الي نعرفه انه الي ماتحضر المقابلة معناته ماتبا ، وماعتقد انه يدقولها مرة ثانية
ماشالله المتقدمات وايد هالشاغر فابدى الي حضرن

ماقول غير حسبي الله ونعم الوكيل
واذذا لي نصيب فعند ربي محفوظ

حسبي الله ونعم الوكيل كيف مقابلتج كانت امس يعني يوم الثلاثاء

بنات العين سارن قابلن في بوظبي حتى بنات الغربيه كانن موجودات في بوظبي للمقابله وكنت ارمسهن ناخذ ونعطي
بموضوع الامتحانات وغير بنات كليتي حصلتهن يايات للمقابله هن بعد من العين
كيف يقولون لج مقابلتج كانت في العين مع كنه اشمعنى انتي يقابلونج في العين

وبعدين شي بنات كانت مقابلتهن يوم الاثنين شرات ام سالم بس ماحضرن وين يوم الثلاثاء بسبب ظروف ماحصلن مواصلات
وحد يوديهن بوظبي وعادي قابلوهن بروحهن قايلات بلسانهن والله كنا خايفات انهم مايقابلونا
ولا يعطونا فرصه بس الحمدلله عطوهن فرصه وقابلوهن

ومخبرينا ان الامتحان كان صعب بنقابل الكل شو ها الرمسه كل حد كلام
هذيله يبالهم عصا انتي اسعي وخلي واسطتج على الله يمكن يختبرج وعليج بالاستغفار
وان شاءالله بيكتب لج وللخوات ورق عنب والباقيات كل خير ولا تزعلين وتقولين فلانه توظفت بالواسطه وانا لا
لان هاي ارزاق والله كاتب لها تتوظف ويسر لها بسهوله نحن واسطتنا رب العالمين اذا هو كاتب
صدقيني محد بيوقف بطريقنا لا المجلس ولا غيره بالتوفيق

[العيون المشتاقة]

والله ياخيته اروحه هالسؤال يدور في بالي ليش انا مقابلتي كانت في العين!!! معنه الكل بوظبي

ببعدينة بروح لموزة المعمري اليوم وان شالله احصل اجابه لهالشي

واخوية بعد بيروح بوظبي اليوم وبيقولهم رد العين علينا وبنشوف شو تحت راسهم

والارزاق بيد الله

[العيون المشتاقة]

رحت لموزة المعمري ، ويزاها الله خير ماقصرت شيكت على السستم وشافت انه اسمي موجود وقالت المسجات مطرشة للكل ، كيف ماوصلني !!!! ومافيه حد ياهم وقالهم شراتي انه ماوصله المسج
قالت فيه مقابلات الاسبوع الياي ، وان شالله يكون اسمي وياهن

و بالنسبة انه كيف مقابلتي في العين ؟؟؟؟ قالت ماشي من هالشي كيف بوظبي قالولكم جذيه ؟؟؟؟
يعني الله يهديهم كل حد بكلمة ولا نعرف من نصدق

و الحمد لله على كل حال

[أم مغاوي]

حشى عليهم هههههه ماتعرفين تضحكين عليهم ولا تزعلين
يزاها الله خير
الحمدلله ان شاءالله المقابله تكون قريب
وتبشرينا باذن الله