التجمع الأول لأمهات شهر ( أبريل-مايو-يونيو) 2014

[ايفوريا]

الفزعه يالربع
ههههههههه
مسلسل بدوي
لا لا صدق ابغي فزعتكن ، البارحه كانت فيه حمى تسير وترد والحمد لله خفت اليوم ماشي
بس وان أسبح شفت في صدري ورمه وهو نفس المكان اللي يعورني حتى ولدي يو اجديه ما احطه على نفس المكان لانه وايد يعورني
الحين شفت الورمه ولونها احمر بي ما فيها راس بس ورمه حمرا وتعور


حد جد استوالها مثلي ، خايفه يوقفون الرضاعه عن ولدي

انا توني راده من العياده بسبة نفس الموضوع حمي وصدري اليسار يعورني والدكتوره قالتلي انه بسبة احتقان حليب و ضرووري ترضعين من الصوب اللي يعورج عسب يقل الاحتقان وسيري العياده عسب يحطونج مضاد حيوي وقالتلي بعد اخذ شور دافي واحاول انزل الحليب المتجمع
وسلامتج ماتشوفين شرر
والله يعينا ويشفينا

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[BENT LEMRAR]

كل عام وانتو بخير ومبروك عليكم الشهر
عاد رمضان السنه غير علينا انا وغلا وأمل وقلب عيسى
لأن بنفطر الشهر كله بس انا قررت أكون ايجابية
ناويه اصوم في الشتا ان شاء الله
بس كيف بتقضون متواصل على شهرين ولا متفرقات؟
و كيف أعرف اني خلصت الاربعين؟ يعني شي علامات ولا بسس من يوقف الدم؟
وبالعادة تاخذون 40 يوم ولا اقل؟

انا بعد وياكم بفطر معظم رمضان للاسف الحمدلله على كل حال

[ام ناني]

كل عام وتنوا بألف خير
والله يعوده علينا بالصحه والعافية

غلا مبروك ما ياج
والحمد لله على سلامتكم

الف باء
ماسرت ، أمس الجمعه واليوم تعبانه راقده الفجر يوم سرت ابا موعد قالو فل
الحين باجر بسير عند أمل كحيل
وبالمرة بخليها تفحصني لاني ما سويت الفحص اللي عقب الولاده وانا كملت شهر

الله يستر واصوم رمضان
اخر مره ربيت ٢٠ يوم وطهرت هالمره وايد تأخرت

[اماراتي الحبيبة]

صباح الخير مامييز
مبرووك عليكم الشهر الله يتقبل اعمالكم

[اماراتي الحبيبة]

بسألكم اللي ترضع طبيعي ممكن تحمل؟؟
وشو تاخذون موانع للحمل .. ؟؟

[ام ناني]

اماراتي
اذا الرضاعه منتظمه ممكن تكون مانع
لكن
مب عند الكل
في اللي ترضع سنتين وبطريقة منتظمه ويكون عندها مانع طبيعي ولا تحمل
وحد لا ممكن تحمل
يعني الأفضل انج تاخذين مانع بعد استشارة الطبيبه عشان ما تأثر على حليبج

[Miss.Dior-]

الله يحفظ كل اليهال فديتهم

[راقية بطبعها]

انا عيالي الاولاد قرعتهم اما الحين البنوته مابقرعها

انا محتارة الحين ماينزلي دم وايد واذا خلصت عادي اصوم او لا

والقضاء بقضيه يوم بيقصر الوقت الله يعين

انا بعد ما ينزل لي لين الحين غير دم وردي خفيف
عادي هالشي يعني؟ يمكن لأن نحن قيصرية
اخاف اتأخر وايد لين ما اطهر واخلص الاربعين
ساعدونا يا ماميز اللي عندهم خبره

[راقية بطبعها]

وبعد ابا اعرف شو الأشياء الزينه للنفاس حق القيصرية؟
يعني شو الأشياء اللي مفروض آكلها؟
شوق قلبي و روح المناصير و رعبوبه خبروني عن تجربتكم
انا احس اني مب يالسه آكل أشياء مفيده واتنظف
أكلي كله عادي وخرابيط والحين في رمضان ما بفتكر لين قبل الفطور كأني صايمه وياهم واخاف يقل عنها الحليب

[شوق قلبـي]

عادي راقية الدم بيكون خفيف و بينزل اسبوعين او ثلاث بالكثير

لانه في العملية يسون تنظيف واكثر الدم يشلونه

واهم شي تشربين اشياء حارة وتوخرين عن الاشياء الباردة

[راقية بطبعها]

شوق قلبي انتي كم يوم لين ما اطهرتي هالمره؟
يعني في أمل اصوم رمضان
الله يسمع منج ياارب
لأن الدم اللي ينزل علي خفييف شرات آخر الدورة
وخفت أن الرحم مب يالس ينظف عدل
من سوالف هالحريم لازم تنسدحين ع ظهرج طول الوقت ولا تيلسين وايد عشان الكرشة واللي تقول الرحم ينزل وما يرجع مكانه

[شوق قلبـي]

ماعليج منهم ترا الطبيعي غير عن العملية

انا هالمرة اسبوعين واطهرت

بالعكس فالمستشفى يقولون لج لا تنسدحين وايد الحركة وايد زينة للمربي قيصري

الرحم شي طبيعي بعد الولادة يكون نازل
بتلاحظين وانتي ترضعين صوب العملية يعورج واتحسين بالم مع الرضاعة يقولون في هالوقت يرتفع الرحم مع الرضاعة

[BENT LEMRAR]

مبروك عليكم الشهر يا امهات ❤❤

ولدي دايما الشفه لي تحت ترتجف ماعرف من شو جان برد والا حر نفس الشي،، حد عنده خبرة فالموضوع؟ قريت عنه حد يقول طبيعي وحد لا

[روح المناصير]

راقيه اهم شي تكثرين سوائل عشان حليبج .. انا الحين كملت ٢١ بس لين الحين ماطهرت

[قلب عيسى]

ماميز فيني حمى عادي ارضع البيبي ولا اوقف ؟؟
اخاف اعاديها