موضوع لبعض الحريم ... صمغ مب آدميــــة

[Cobon]

السلام عليكم


اعتذر لو كان العنوان يزعل البعض
بس عسب اجذبكم للموضوع
ليش بعض الحريم صمممممممممممممممممممممغ !!





انا لاحظت على بعض النساء
إنهم عايشات في تعاسة
بالرغم من وجود صفات ايجابية في شريك حياتها
و ممكن حياتها تكون مثالية للبعض

و ترى ما في انسان كامل الكمال لله وحده



ليش البعض من الحريم:
ادقق وايد على ريلها
و تلصق فيها
و شغلها الشاغل رضاه
و تعتبره ركن اساسي في حياتها
لو طلع تاخر بتموت قهر
لو سافر رجع بتنبط
لو 24 ساعه يجوف مباريات بتموت غصة
خاصة الحين المونديال
لو عنده ربيع و كلوز معاه بتنتحر و تغار منه
لو وصل اهله ولا عنده مشوار معاهم بتبدأ الغيرة و المقارنات


ترى جد ها الاشياء لاحظتها من سوالف بعض الحريم و شكاويهم
معقولة وصلنا لها الدرجة من الفضاوة
هل هاي الانسانة كاملة مكملة !
لا طبعا


فليش ندقق وايد على الطرف الثاني
دام فيه ايجابيات حلوة لو كانت بسيطة
نلهي نفسنا بشي ممتع و جميل
سواء وظيفة او بزنس او طلعات و روحات ...الخ

لان يوم الشخص يكون عنده هوايات و و حياة اجتماعية
فيخفف عليه من الضغوطات اليومية و المشاكل


-يمكن لان ما عندها استقلالية و فاضية
-يمكن لأن جوها الاسري ما فيه عواطف و حب و تبغي تحس فيه مع زوجها
- يمكن لان طبيعة أسرتها " تبجل" الرجل و " تلصق" فيه
- و في حالات خاصة تكون بعيدة عن اهلها ومن دولة أخرى



انا ما اتكلم عن تطنيش الزوج لا حشى علي
انا اتكلم عن الحرمة اللصقة بشكل سلبي


يعني هل تلاحظون ها الشي !
هل انتوا فيكم ها الشي او مريتوا فيه و غيرتوه فيكم !
و شو السبب!
و شو الحلول برايكم !




في النهاية
الرجل هو نص المجتمع
هو الأب و الأخ و الزوج
و له كــل الحب و التقدير

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المغتربة]

انا بصراحة ملاحظة ها الموضوع و يمكن نص مشاكل القسم بسبة ها الموضوع


السبب برأيى الشخصي :

1- يعتمد على أسرة الزوجة لو كانوا استقلاليين او لاصقين في ازواجهم
انا لاحظت في بعض الأسر خلاص من الصغر يعلمون بناتهم ع اشياء معينة و الأم تكون شبيك لبيك للزوج و يمنعونهم مثلا من الدراسة / من الشغل / حتى ما يشجعون البنت تسوي لها بزنس او يشجعونها ع هواية معينة ، ف يوم تكبر البنت خلاص تطلع ع أمها و تلصق ف ريلها و تسوي كل شي و تنسى نفسها و تنسى كيف تعيش حياتها اصلا و ادلع عمرها


2- يعتمد على الزوج نفسها
اتوقع لو الزوج استقلالي و يعطي فرصة لزوجته تطلع و تروح و تمارس هوايتها بحرية و تسجل في جم او تطلع مع اهلها او مع ربيعاتها او حتى تشتغل او تسوي لها بزنس بسيط مب مقعدنها 24 ساعه في البيت و ممنوع عليها الطلعة فما اظن بتتلصق فيه و بتلوع جبده


الحمد الله ما جد صار لي ها الشي
لان عندي جدول امشي عليه ،، جم + زيارات اجتماعية + اجابل بيتي و عيالي
و يوم ريلي موجود ما اقصر وياه
و من يطلع خلاص
اخذ لي بريك و استانس و اطلع
و حتى لو ما طلعت تلقيني حاطة هاكي الماسك ع ويهي


طبعا نحن كحريم لازم لازم تكون علينا مسؤوليات معينة
بس بيني و بينكم ها المسؤوليات ما تخلص
بنموت وما بنخلص من ها المسؤوليات
فلا ننسى نفسنا و ننسى جسمنا و صحتنا و عقلنا

[سار90]

الله يهديهم..

[احلى بعفويتي]

صح معاج .. يوم الوحده تربط نفسها بالريال وايد غلط

لازم تكون عادي .. خله يتاخر ترا مرد بيرجع
اممممم استغرب من الي تموت من الحزن يوم ريلها يسافر
ترا عادي عندي العيد يوم يسافر .. اهيت هياته سنه ههههههههه
واغير ديكورات و اشتري شغلات حلوه و ع ذوقي بدون ما يكون في حد يحن ع راسي ههههههه
جميله العزوبيه ترا

[khaleejiya]

بقولكم الصدق انا مريت بهالشي وكان الموضوع مضااايقنييي ودوووم مسبب مشاحنات وهواش بيني وبين ريلي
السبب اني يوم تزوجته تركت بلادي واهلي و صديقاتي و وظيفتي وكنت توي معرسه وماعندي عيال
ف طبيعي ما كان عندي شي اشغل نفسي فيه غيره هو
الحمدلله تغير كل هذا
يبت عيال حصلت وظيفه رابعت بنات صارت لي حياتي الاجتماعيه الخاصه بي
ونصيحتي للمتزوجات كوني لج حياتج الخاصه حتى نظرته لج بتكون نظرة اعجاب لانج حرمه قويه مستقله مش كائن ضعيف معتمد عليه بكل كبيره وصغيره

[Ward-uae]

الحرمه بدون هدف تكون ضايعه لو اشتغلت او ملت وقتها بعد تكون متشتته ما عارفه وين دق براسها تحاول تهرب وهي لزقه يمكن تراقبه في الواتساب او الانستقرام او تويتر
الحرمه شرات الياهل

اول سنينهم تكون هالشكل لكن بالتدريج تبتعد لما ييونها عيال ويصير عندها هدف تبدي تصحصح لكن مب لدرجه الإهمال الريال يحب الحرمه اللي تسأل عنه وتطمن عليه
مب غلط تلزق فيه لكن الغلط انه تكتم عليه وتبي تمشيه على كيفها
وعلى طاري الاب والاخوان آش حلاته تطرشون مسج وتقولون لهم الله يحفظكم ويطول بعماركم

[Miss PiXy]

بعضهم مب صمغ بس الا لصقه عنزروت

خاصه الي مافي شي شاغلها غير هالريل

خلج مستقله لج هدف لج جدول وسوالف تسوينها ف حياتج غيره , لان اساسا الريال مايحب الي تتلصق وايد ينفر منها هذا طبعهم , من يشوفج لاهيه عنه روحه بييج ركض لانهم يحبون الي لها شخصيه قويه وواثقه من نفسها

وماله داعي تقولين له كل صغيره وكبيره ربيعتي سوت جيه اختي قالت جيه والخ

[Cobon]

صح معاج .. يوم الوحده تربط نفسها بالريال وايد غلط

لازم تكون عادي .. خله يتاخر ترا مرد بيرجع
اممممم استغرب من الي تموت من الحزن يوم ريلها يسافر
ترا عادي عندي العيد يوم يسافر .. اهيت هياته سنه ههههههههه
واغير ديكورات و اشتري شغلات حلوه و ع ذوقي بدون ما يكون في حد يحن ع راسي ههههههه
جميله العزوبيه ترا

سبحان الله
لازم الوحدة تزعل ع سفر زوجها و هذا دليل محبة
بس حلو جي الوحدة ترجع عزابية ل جمن يوم ^..^
تسلمين ع المشاركة الجميلة

[احلى بعفويتي]

انزين سافر بيرد كلها كمن اسبوع مو مهاجر الريال ..

[رورو الصغيرة]

كلام سليم

[افناان]

بعضهم مب صمغ بس الا لصقه عنزروت

خاصه الي مافي شي شاغلها غير هالريل

خلج مستقله لج هدف لج جدول وسوالف تسوينها ف حياتج غيره , لان اساسا الريال مايحب الي تتلصق وايد ينفر منها هذا طبعهم , من يشوفج لاهيه عنه روحه بييج ركض لانهم يحبون الي لها شخصيه قويه وواثقه من نفسها

وماله داعي تقولين له كل صغيره وكبيره ربيعتي سوت جيه اختي قالت جيه والخ

صح كلامج ، مالي داعي تنقلين له كل الاخبار و السوالف العائلية
في حريم اعوذ بالله منهم بس تطلع من بيت اهل ريلها الا بدت ترى فلانه سوت وفلانه قالت و مرت اخوك حامل و البيبي الصغير ولد فلانه ما يسمع الكلام و بنت فلان ما مشطت شعرها
تفاااصيل تااافهة تنم عن شخصية تافهة سطحية مالها اي اتزان و عقل
استغلي وقتج مع ريلج في سوالف طيبة و رومانسية او قعدي ساكتة >>> هذا اللي بيجذبه لج اكثر
مش النقل الحي للاحداث اليومية !!

[غرووب 22]

لا اله الا انت سبحانك اني كنت من الظالمين

[mao]

انا احيانا احس انه شي حريم يسوون جي عشان تكون تبا ت
عارفه تحركات ريلها 24 ساعه .. عشان ما يخونها او تفكيرها يكونﻻمن كثر بلاوي الرياييل وانه الخونه زادو هاليومين بتحط ف بالها خلاص لازم اراقب ريلي واعرف وين ساير وين ياي وشو يسوي وشو ياكل .. اهيا جي تتحرا انه ما يروم يسوي شي وخلاص يعني تعرف كل تحركاته .. وبجذي تستوي ع قولتكم صمغ ههه ..

[*الذوق*]

لا تجعلي الرجل محور حياتك
كوني انت محور حياته

[سامية22]

للرفع