سؤال محير

**جورية2011** · 2014-06-14, 16:21

سلام عليكم
انا صراحة مستغربة جدا من هذا الموضوع و أحسه حرام في الاسلام
الموضوع هو أن زوجة أخوي خلعته يمكن من شهر و حكمة المحكمة أن البيت اللي يسكنوه ينقسم بالنص بينهم و النفقه تكون 4500 شهرا و تم تقسيم البيت و الحين هم ساكنين كل واحد في قسمة من البيت بس لاحظت من فترة أنها تتواصل معاه و تكلمه بالفون و مسجات و بالواتساب و بلاك بيري و أنا قلت له حرام في الاسلام تكلمها انتوا الحين انفصلتوا قال أخاف ما ارد عليها تاخذ اليهال و تسير بعيد خبرت أمي و أختي الكبيرة بالموضوع قالن نحن ما يخصنا هذي حياتهم و هم حرين و أنا ما احب أدخل بس أحسه حرام أنتوا شو رايكن

المزيد من آخر المواضيع من نفس القسم:

**أحلام علي** · 2014-06-14, 16:36

أختي أمج قالتها هذي حياتهم وسامحيني بس مايخصج

انتي نبهتيه انه ما يجوز وهو يعرف

والباقي بينهم هم الاثنين

**مالتيزرس** · 2014-06-14, 16:54

اختي اكيد بتتواصل وياه ترا بينهم عيال عيل اذا احتايو العيال شي منو بيقضي حاياتهم . حتى لو اتزوج اكيد بتطرش له اليوم جيه صار ويمكن تصير مشكلة ويا العيال فأكيد بتعلم اخوج .. ظني فيها ظن حسن اختي مانقدر نظلمهم الله يستر عليهم .

**مالتيزرس** · 2014-06-14, 16:56

ع فكؤة هو ريال وهيه ماتقدر تحرمه من جوفتهم بالمحكمة يقدر يلزمها ..

**جورية2011** · 2014-06-14, 17:00

صح يمكن عشان اليهال
بس استغربت منهم الله يوفقهم
بس لا تتحروني احقد عليها بالعكس انا كنت معارضة انهم ينفصلوا بس الله كريم و لا اشل في خاطري عليها
لان البعض يحب ينفش بالسالفة

**رورو الصغيرة** · 2014-06-14, 18:14

أختي ما في حرمة تطلب الخلع الا لسبب خاص جداااا وكون المحكمة حكمت لها فأكيد السبب مقنع

ثاني شيء تواصلهم كون لا يخرج عن حدود الآدب فلابد أفضل لمصلحة العيال هم بلآول والآخير أم واب لعيال مشتركين

ثالثا لعله خير يمكن تواصلهم الراقي المحترم يزلل الخلافات وترجع المياة لمجاريها

أدعي لهم بالخير

**جورية2011** · 2014-06-14, 18:18

ان شاء الله ترجع مياه لمجاريها

**Fa.R** · 2014-06-14, 19:18

المشاركة الأصلية كتبت بواسطة جورية2011

ان شاء الله ترجع مياه لمجاريها

بعد ما خلعته ؟

**مالتيزرس** · 2014-06-14, 19:52

كيف ترجع المياه لمجتريها وهو مطلقنها بثلاث؟؟؟

**رورو الصغيرة** · 2014-06-14, 22:45

مين قال مطلقنها بثلاث

**ناروتا** · 2014-06-15, 00:12

الغالية احسني الظن فيها
ومثل ما قالو هي ام اولاده , واكيد لازم يتم بينهم تواصل

**جورية2011** · 2014-06-15, 00:24

أنا ما أسالت الظن في احد و الله الشاهد ما اعرف من وين تيبن الرمسة و أنا شو بيني و بينها أنا سالت سؤال هل يجوز يكلمها قتلوا عشان اليهال قل هيه يمكن عشان عيالهم و أنا ما ادخل في حد حمد لله و لا أتواصل وياها و لا ًويا اخوي بس أشوفه مرات أرجو ان تحذفوا الموضوع لأنكم فاهمات غلط و تحسسني بالذنب و سوء الظن و طلعتن برع السؤال أرجو من الادارة حذف الموضوع ما ابى حد يغثني و يجرحني بكلامه أنا في حالي و أحب أكون في حال هو كان مجرد سؤال لا تدخل و لا سويت و لا أذيت حد خلوني بحالي

**جورية2011** · 2014-06-15, 00:33

اذا أنتن تكرهن حريم إخوانكم و حاقدات عليهم و تتحرني نفوسكم اسمحولي ما أحقد لا اي إنسان حمد لله أنا في حالي و أحب أكون في حالي

**Ward-uae** · 2014-06-15, 00:42

اتصلي لدار الإفتاء واستفسري رقمهم 8002422

**جورية2011** · 2014-06-15, 00:48

خلاص لا يسال و لا يستفسر اذا حرام ربي بحاسبهم و حلال هذي حياتهم عشان محد يقول حاقدة و أسالت الظن ما اعرف شو خلاص احذفوا الموضوع

الموضوع: سؤال محير

أدوات الموضوع

عرض